荳子冰室 (將軍澳廣場)

營業中

休息中

之前見到Beans開茶餐廳已經好想試 所以近排去咗將軍澳試荳子冰室 唔知好唔好食呢😚 👅焗鮮茄雞扒意粉 $61 佢嘅雞扒好大塊🤩仲要幾juicy 同幾滑 意粉就係普通茶餐廳意粉 茄汁底都唔錯 唔太酸 佢仲要落左勁大塊芝士 有邪惡拉絲 唔錯😋👅鐵板什扒 $107 （配薯菜、多士）佢好足料 有豬扒、雞扒、腸仔、煙肉同埋牛柳 全部都好大份😍牛柳幾淋 腸仔煙肉正常 雞扒都幾多肉汁 不過就略嫌豬扒偏乾 食完所有嘢真係飽晒🙈總括嚟講 呢間茶餐廳嘅食物都唔錯😛大家嚟到將軍澳不妨一試🥰😋 好味：7.86/10🤑 價錢：7.97/10🤗 服務：7.57/10😝 環境：7.99/10😚 衞生：7.26/10🤩 整體：7.45/10

約左朋友食飯, 因為佢住將軍澳, 所以聽佢介紹黎左呢間呢間荳子冰室同另一間荳子CAFE係同一集團初初都攪亂左 呢間係中式D晚餐時間7點幾 去到等左大概15分鐘就入得朋友叫左2 個煲魚香茄子 同 JJ雞煲 + 椎山紀子煲雞湯我見左個肉醬意粉 + 菜 + 芋香西米露JJ雞煲有少少凍左 但味道唔錯 而且都比較正宗魚香茄子比我想像中好味 但比較多油 湯都好足料 冇味精 好飲而我既肉醬意粉就好大盤 我一望已經決定要分開拎走一半食落重芝士味, 肉碎好多好足料最令我意外既係芋香西米露同出面糖水鋪係兩件事好濃芋頭味, 好香, 又唔會好死甜, 一D都唔"水汪汪"朋友食完都話下次要叫整體食物不錯除左個JJ雞煲凍左D之外, 環境同食物質素都十分唔錯絕對會再去

黎過幾次食飯，都係播住經典既懷舊金曲，頗有港式風味。落單只要自己掃qr code就得，可以避免唔少錯誤，不過可能對老人家黎講就冇咁方便。今次同男朋友排咗一陣隊就入到去食晚餐，我地2個都叫咗鐵板餐。鐵板餐係跟免費熱飲同一塊丹麥多士，我叫咗杯熱檸蜜，水溫岩岩好，檸檬唔會太酸，係茶餐廳飲野最怕就係飲到好酸澀既檸檬味。隔離塊丹麥多士都唔錯，好鬆軟，同埋有足夠既牛油，令佢再香d。我叫咗個鐵板西冷牛扒，係冇得揀熟度既，但男朋友叫既牛柳就有得揀。好彩地，我塊西冷牛扒既熟度岩岩好，可能係因為下面有西蘭花同薯條墊住，唔會過熟，但就真係完全一d牛味都冇，要靠個黑椒汁吊味，不過個粟米就好甜，好好食。我地最後加咗$15飲呢個酥皮蘑菇雞蓉湯，酥皮都算合格既，入面就有蘑菇、雞蓉同少量蜆肉，個味就冇乜特別，罐頭湯咁樣既味，同埋個湯比較稀，質地似水，而且比較油，所以我地都冇飲曬。

來到將軍澳，當然朝聖，來到經常排長龍的人氣荳子冰室。感恩，排隊半小時左右，就入座😄有別於傳統冰室或茶餐廳掃QR code落單好像好先進。餐廳播着香港歌手80 90年代嘅流行金曲 例如半斤八両嘅主題曲。冰室常餐，常餐的供應時間是11:30-18:00，有八個餐。而我叫了其中兩個餐。♥️首先，點了沙爹牛肉公仔麵$48（左下），湯底沙嗲味濃，公仔麵也吸收了沙嗲汁的精華。牛肉份量也多，每件牛肉有沙爹味，正。這餐還配了煙肉蘑菇奄列，蛋味重，裏面的煙肉蘑菇份量好多，好豐富。至於旁邊的麵包是一片丹麥多士，烘焙得剛剛好，外脆內軟，味道甜甜的。下次我會試下加$5轉食蜜糖叉燒餐包😋接着，再點了碗薑絲牛肉通粉$48 （左上），薑絲切得條條分明，牛肉一片片厚薄適中，易入口。相比下，湯底清淡，好健康。這餐同上面叫的沙嗲牛肉的餐的奄列和多士也一樣。跟餐配了杯朱古力甜甜的，正常可可味道。芝士醬脆煙肉曲薯$ 18（圖中間）大大碟的薯條被炸得黃金脆口，在上面淋脆脆的煙肉和芝士上，感覺滋味。這是食得好飽的午餐♥️荳子冰室地址：將軍澳唐德街1號將軍澳廣場1樓1-005號舖

朋友一黎就介紹荳子冰室，平日嘅下午茶時間當然要排隊，但好快就已經有位，我地係5個人，員工非常好，都安排左2張枱好近俾我同小朋友，雖然係掃code手機下單，但係我地直接叫，員工都非常有禮貌地幫我地落單，呢樣極讚食物賣相當然好正啦，小朋友見到噴煙嘅奶油多，十分興奮🥰仲有雪糕西多士，好大份，好抵食 小朋友都大讚，下次會再黎

Beans踩過界😳上年新開嘅懷舊冰室❗️長期人氣高企❗️✨環境裝修都幾特別 行懷舊風路線 仲有好靚靚嘅花窗 不過座位都好闊落 坐得幾舒服✨要用手機scan qr code落單 快捷方便〰️懷舊鐵板餐 什扒（豬扒 雞扒 腸仔 煙肉 鑊仔牛柳）$88+$10 配意粉+$15 酥皮龍蝦湯細細個成日都想叫鐵板餐 好中意聽佢滋滋聲 貪心嘅我地叫左什扒餐 都幾抵食 份量幾大 仲有配埋薯條 真係食返以前細個嘅味道 肉質都不過不失 以後想食鐵板餐可以嚟頂下癮丹麥多士 好香口好鬆軟〰️焗鮮茄雞扒 $54覺得荳子冰室嘅焗飯可以再翻兜 茶記嘅焗飯嚟講好高質 落左好多芝士同蕃茄 好juicy 啲芝士仲好似識拉絲咁 呢個價錢真係無得輸！✨每樣嘢食嚟到都仲係超級熱辣辣 好抵讚 真係即叫即整咁樣 感覺好新鮮💰$170 (2人)食物質數 💛💛💛💛環境舒適 💛💛💛抵食指數 💛💛💛推介指數 💛💛💛💛不過大家就要預返一定時間排隊 開張左有一段時間 每次嚟到都見到排曬長龍 仲有好多街坊客支持 外賣都要等30-45分鐘 如果時間容許 都可以一試 支持支持☺️📍將軍澳唐德街1號將軍澳廣場1樓1-005號舖#香港好去處 #拍拖好去處 #拍拖

荳子冰室今日假期梗係要幫襯下良心店鋪，雖然去到睇到條隊好似好長咁，不過實際排落都好快入坐。排到咁上下，留意下有一幅大牆係卡通版嘅將軍澳地圖，將軍澳人表示好正，有機會各位留意下，唔好比呢幅作品淨係做一幅牆。餐廳係用QR code，手機自助落單，lunch hour都有幾款精選左出黎。咖哩薄西冷牛扒飯 $54當日嘅Lunch set，西冷牛扒薄薄一塊，不過都大塊但係唔會有雪味，而且咖喱都好好味，成碟飯好大碟。芝士醬乾煙曲薯 +$15芝士好正，叫野食+$15就可以加配一份，好大份嫁，不過一個飯加一個薯條真係好飽。銀芽肉絲炒麵 $49任何一個茶餐廳都有得叫，但係真係好好食嘅嘢，味道都係一向食開嘅，不過個汁唔會好鹹，麵底上枱仲係好脆身唔會等到淋曬先上枱。炸雞髀 $30新鮮即炸嘅雞髀，等嘅時間可能耐少少，不過都值得等嘅。因為真係好食。Overall黎講，係茶餐廳，不過成間餐廳裝修唔係好覺係茶餐廳，好好食，價錢可能比屋村茶餐廳貴小小，不過食物質素同埋裝修補教返！同場加映菠蘿包同埋新鮮出爐麵包，可以堂食又可以外賣。

雖然住响將軍澳區，但今次都係第一次食呢間荳子冰室，皆因每次經過都係大排長龍，排咁耐啲人都心甘情願等，唔通真係咁好食😏今日早起身同埋好奇心嘅驅使下，就決定去試下個早餐，09:23 到門口，已經有十幾人响度排隊，既然一心來試梗係等啦～最後等咗差唔多25 分鐘就可以入座。叫咗沙爹牛米、配丹麥多士加煙肉蘑菇炒蛋 $39 沙爹整得唔錯，夠杰身，牛肉夠淋；但丹麥多士同炒蛋就一般般，另外叫咗杯凍奶茶（唔記得影相😅）size 比坊間細少少同埋茶味唔多夠，所以整體來講只係普通。唯一嘅優點就係就算一個人食都唔使搭枱，4人卡位都會照比你坐，所以係值得讚👍🏻👍🏻同都幾舒服😌

之前想試下佢個早餐，點知見到條龍鬼咁長就放棄左，今晚收工去到見條龍冇咁長就終於可以試下佢既小菜。。。。。。但真係十分之失望⋯⋯椒鹽鮮魷食落去，一啲椒鹽味都冇，好似食緊一舊膠咁樣，失望到極，之後試下個魚香茄子煲，一打開見到好多茄子以為好好食，點知都比啲油浸住，但因為個椒鹽鮮魷太唔掂，唯有頂硬上食物落去，點知。。。。。食完返到屋企個肚頂唔順。。。😅可能呢間都係食西餐會好d⋯⋯(同場我仲見到一對夫婦叫左碟小菜，都好似有問題要換，另外隔離枱就有對後生情侶個酥皮湯個皮唔熟。。。🤦🏻‍♂️

終於食到大排長龍嘅黃店荳子冰室！一開頭我都喺度諗點解咁多人排隊只不過係一間茶餐廳 大後尾都發覺佢係幾高質嘅我係下午茶時間入啦但係食咗個午餐 果斷時間冇咩人都要排20分鐘 但係係值得嘅叫咗個日式蔥燒豬扒飯 佢個賣相係幾吸引嘅 完全唔同茶餐廳嘅水準 外型來講係靚好多真係有落心機擺碟 雞扒好嫩滑 同埋佢啲菜係有水份嘅新鮮嘅唔會好乾 整體上呢個飯係幾好食語音方面叫咗杯雪糕紅豆冰 好友香港特色加上味道唔會好甜 跟餐只係加$6好抵 都推介各位嚟食 地點仲要好方便 只不過如果係平日嘅話會小啲人食 加入嘅話就要多啲時間去排隊了

每次黎大排長龍，好彩排大約5-10分鐘就入到。食過咁多間茶餐冰室，呢間暫時係我食過覺得好味又抵食既常餐，價錢同出面連鎖茶室差唔多甚至平少少，但份量好足，一大碗鮮牛肉通粉，再加充滿牛油香味既丹麥多士同黑松露炒蛋，配一杯茶走，精神飽滿，必定翻兜😆

用電話自己落單  "不用加配"要項項剔, 有D 傻瓜排哂長龍所以張時90分鐘不過上餐好快  一定夠時間常餐 個麵底好食  彈牙  落D 辣椒油更好食炒蛋正常個多士有點失望  牛油係香不過係來自一大PAT 係面  而唔係個多士本身冷氣吹多陣變返固體添蛋撻非常可以  蛋味夠不過可以再濃些少出面麵包部就咁外賣都得  唔使等午餐炒貴刁係粗粿條  味道適中我唔覺得辣  個咖哩味好香份量比想像中細  似其他餐廳的下午茶SIZE加錢食焗薯條  呢個反而等得耐小小我地差不多食完個餐先到  熱辣辣所以好食  芝士醬香另外餐飲係凍啡同凍奶茶  無影到相個人認為凍啡正D  甜度適中奶茶就已經嗌甜少奶不過都係嫌茶底就唔夠濃算係有質素價錢又OK的茶餐廳真係放假又未餓先好去排隊好在排隊位置係有冷氣又闊落等成個鐘  值唔值真係見仁見智但唔好抱太高期望

終於試到呢間人龍小店喇～！次次經過都見到好多人排隊，今次特登朝早11:30去排，等半個鐘就有得食喇～如果想試嘅朋友建議12點前去排隊，因為我見到12點後條龍開始好長～今次一行三人，我哋嗌左兩個常餐同埋一個午餐～第一個常餐就有以下三款食物～黑松露炒蛋冇乜黑松露味，但係個蛋都吵得幾滑，不過略嫌就冇乜味道。叉燒餐包就略嫌太油同埋太甜，我哋特登加$5由丹麥多士轉做叉燒餐包，有少少後悔下次唔會加😢沙嗲牛肉麵做得十分出色，沙嗲味好濃厚，花生味都好重，佢個面底仲可以根據個人喜好揀林啲硬啲或者正常，值得一讚👍到第二個常餐～佢個奄列好好食入邊有啲煙肉同大大塊嘅蘑菇，個丹麥牛油多士都非常之好食😋呢個秘製醬汁魷魚鬚撈公仔麵真係食到停唔到口，佢啲魷魚鬚煮得非常入味，口感都好好！第三個我哋嗌左午餐～等大概10分鐘到就送上嚟，龍蝦汁好香，但係我覺得佢個焗飯有啲太濕，可能係啲汁比得太多～不過50幾蚊一個午餐我覺得已經好好！最後仲散嗌咗一個蛋撻，係我最鍾意嘅曲奇皮，不過我覺得佢哋嘅蛋撻可以更加好，佢個蛋味唔夠濃郁，佢嘅皮都非常之黐住個殼，亦都冇乜香味😟總括而言我覺得呢間餐廳係好食嘅，大部份嘅主菜都令我好驚喜，反而啲配

📍荳子冰室，將軍澳 Tseung Kwan O依間茶餐廳非一般茶餐廳，係一間每次去都大排長龍嘅茶餐廳😂☕️🍞下午茶set 雪糕粒粒西多士 連熱飲 $38店員放低碟多士時， 初初我不解碟多士做乜會出煙😂原來個雪糕底有乾冰坐凍住😂😂 雪糕好滑身👍🏻 配埋脆口西多士一齊食好夾👍🏻👍🏻西多士絕對係下午茶首選.原本想試埋荳子包，見其他食評話幾大幾好食, 但可惜當日賣晒又未出爐，唯有下一次再試啦.

唔係第一次經過呢間冰室，不過次次都見佢咁多人所以冇機會試。成日好奇究竟係因為佢💛店所以多人定係真喺咁好食呢？今次等咗20分鐘左右就有位，終於可以試到！好感動☺️！提提大家，要食就早啲去排隊啦！.一坐低就感受到果種舊式冰室嘅氛圍，用咗淡綠色為主調，加上木枱同卡位，充滿兒時回憶。.📍咖喱吉列豬扒飯（$54）草根妹妹男朋友介紹必試吉列豬扒🤩，豬扒好大件🐷，比塊面仲要大😱！吉列外皮炸得香脆唔油膩🤤，經過高溫油炸後豬扒依然充滿肉汁💧，調味啱啱好，再配上椰香馬來咖喱🍛，帶辣嘅咖喱令人更開胃😋，不錯👍🏻！推介大家一試！.📍咖喱雞扒飯（$56）另外，男朋友點咗雞扒🐥，毫不意外雞扒大小都喺非常大件。雞皮炸到脆卜卜😍，雞肉可以用超級嫩滑去形容💯，顏色帶粉嫩色，令人回味無窮👅。椰香馬來咖喱果然名不虛傳，帶有少許椰香味🥥，再有2粒炸過嘅薯仔🥔，正！.📍芝士醬脆煙曲薯（$18）小食點咗芝士薯條🍟，芝士醬味道濃郁🧀，上面放上煙肉碎🥓，新鮮出爐嘅薯條沒有不喜歡嘅理由吧！.📍蜜糖叉燒包（$15/2個）叉燒包上面塗上一層蜜糖🍯，食落每啖都充滿甜甜嘅味道🍬，麵包質感鬆軟，中間有不少叉燒碎😋，夠香夠美味👍🏻，其實中式叉燒餐包