荳子冰室 (將軍澳廣場)

營業中

休息中

黑松露炒蛋走黑松露點知一打開個盒都係有黑松露唯有打電話去職員問佢點樣先可以走到黑松露佢哋好有禮貌回覆唔好意思可能廚房睇漏咗希望真係可以走到黑松露唔該晒下次再幫襯

經過這冰室好多次都見到經常排長龍,要等位....今晚經過見唔係好多人決定等位試下…..環境裝修行懷舊風格座位寬敞整潔座位與座位之間用懷舊的花花窗框間隔著冰室內全程播放著懷舊流行金曲真係好港式feel🥰🇭🇰好有特色嘅裝飾牆身經典港式鐵板牛柳餐熱辣辣,滋滋聲咁上枱,賣相吸引肉質不過不失,略嫌黑椒汁有點鹹, 配埋幾大份量嘅薯條超值抵吃👍丹麥多士,香脆鬆軟凍檸茶,茶味夠濃咖哩牛脷飯厚切的牛脷,非常有嚼感😋咖哩汁甜甜地但略嫌不夠咖哩香味港式茶記, 梗係要飲熱鴛鴦啦茶香滑口還有3款奶量多少可供選擇👍

今日放學後打算同屋企人去食飯，排咗差唔多成半個鐘，終於排到我地。超多人超受歡迎嘅荳子冰室位於將軍澳廣場扶手電梯隔離。呢度啲嘢食又平又好，唔怪之得咁多人。餐廳食到嘅都係普通嘅冰室食物，選擇都算多，價錢比較廉惠。今日叫左咖喱吉列豬扒飯，上海菜心苗同埋銀牙肉絲炒麵。銀牙肉絲炒麵炒麵上係我鐘意食既蔥絲。個麵鍋氣十足。上海菜苗心菜苗心的確比起普通既菜心好食，比較鮮甜。咖哩吉列豬扒個豬扒唔夠厚切，雖然個咖喱汁好多，但係唔係我鍾意嘅味道。同埋個飯太多，餸又太少。

嚟過好多次，次次都因為好多人，想等位都等唔到，同樣地，今日叫少啲人，都要等咗超過30分鐘，原因座位數量少，高質素食物需要慢工出細活，真係樣樣都好好食。首先我哋叫咗個淮山杞子黨參嫩赤肉，完全非常入味同濃郁，我深信八款湯，大家都會好想着試晒全部。餐牌近期出咗西檸雞，酥炸雞扒恰到好處，配合埋檸檬汁，可以話係絕配，絕對推介大家試一試。然後我哋仲叫咗一個海皇豆腐煲，主要都係豆腐包配海鮮，不過用上蠔油汁，完全將家庭味道帶咗出嚟。最重要係，價錢相當實惠，一定會再嚟。

幾次經過都想入去堂食，可惜每一次想去或者經過都見到大排長龍今次唔想等又好肚餓，唯有去麵包部買一個菠蘿油試下雖然都要排，但係阿姐好快手，8分鐘左右就買到菠蘿包個皮好脆，塊油係阿姐即刻喺盒到夾入去，算厚切，好食😋

本身排隊等都算，應該都例牌今日早少少黎試下比起第一次食，味道已經退步中⋯⋯叫左黃金蟹肉炒飯➕沙爹粉絲鮮牛肉煲..炒飯10分鐘就到特登留少少飯配嗰煲咁嗰牛肉煲可能耐D咪等下，一等就等左30分鐘問下個店員，佢話「你呢個咪算等得少，我之前第一日返工有人等一個鐘！」我都呆左，咁代表係妳哋啱左D咩？ 結果佢哋支支侵侵 唔知係咪甩單仲要我哋再問多次先話跟下最尾仲態度嫌棄⋯⋯嗰牛肉煲 45分鐘先痾到出黎..D飯都凍曬味道係ok 但已經退步緊衛生冇要求，因為D羹有食物殘跡..最重要嗰員工真係好冇禮貌冇出單就坦白交代冇咁嬲

突然諗起將廣「荳子冰室」，呢間食肆嘅食物質素唔錯、地方整潔、服務員態度好兼價錢相宜，但由於常常排長龍，所以已有一段時間冇嚟幫襯喇！既然諗起，今早就行動…👀佢啲早餐有冇keep住水準 😉一去到果然又係排長龍，等了數十分鐘後，終於有位坐底，早餐款式與之前完全冇變動，價錢大致一樣，只有部份早餐加價大約10%。我點了我的至愛“餐肉蕃茄菠蘿包”～水準冇變，餐肉煎得香脆，配搭甜蕃茄及自家焗既菠蘿包 👍🏻😋另外還點了“雪菜肉絲公仔麵、丹麥多士黑松露醬炒滑蛋”～味道依然👌🏻，丹麥多士仍然好香，炒蛋夠滑，麵就一般啦！😊・餐飲熱🍋蜜水準一樣，但熱奶茶味道就比之前差咗🤏🏻，有dd苦澀味！🤔大致上水準都冇咩分別，由其是地方餐具清潔，服務👌🏻🙂

💛話呢間係將軍澳三個商場最多人排隊既舖頭都無乜錯，的確中西式既傳統食物都有，係幾吸引既😆嗌左個上湯菜苗，咕嚕豬頸肉同沙嗲牛肉粉絲煲（想加龍蝦湯不過因為嗌中餐所以無得加…）最正係咕嚕豬頸肉！夠脆夠熱，而且口感幾爽，個汁亦唔會太酸，大推！沙嗲牛肉粉絲個汁都好香，牛亦唔會太老，只係唔知點解粉絲唔太索汁，有少少失望菜苗個湯都有味，但菜就比較淋，可能都浸左一段時間？不過要讚既係侍應都快手，如果上菜再快d就完美😛

用OpenRice 落單叫外賣，顯示時間30分鐘後取餐。但未夠15分鐘已經通知可以拎得外賣。拎左外賣行返公司坐低打算個袋一睇，無比餐具因為公司離餐廳有一段距離！攪左一大餐先搵到餐具用上次試左吉列豬扒咖哩飯，好得！今次揀左個焗豬扒意粉，好唔得！無乜味，又凍左，大失所望

之前見到Beans開茶餐廳已經好想試 所以近排去咗將軍澳試荳子冰室 唔知好唔好食呢😚 👅焗鮮茄雞扒意粉 $61 佢嘅雞扒好大塊🤩仲要幾juicy 同幾滑 意粉就係普通茶餐廳意粉 茄汁底都唔錯 唔太酸 佢仲要落左勁大塊芝士 有邪惡拉絲 唔錯😋👅鐵板什扒 $107 （配薯菜、多士）佢好足料 有豬扒、雞扒、腸仔、煙肉同埋牛柳 全部都好大份😍牛柳幾淋 腸仔煙肉正常 雞扒都幾多肉汁 不過就略嫌豬扒偏乾 食完所有嘢真係飽晒🙈總括嚟講 呢間茶餐廳嘅食物都唔錯😛大家嚟到將軍澳不妨一試🥰😋 好味：7.86/10🤑 價錢：7.97/10🤗 服務：7.57/10😝 環境：7.99/10😚 衞生：7.26/10🤩 整體：7.45/10

約左朋友食飯, 因為佢住將軍澳, 所以聽佢介紹黎左呢間呢間荳子冰室同另一間荳子CAFE係同一集團初初都攪亂左 呢間係中式D晚餐時間7點幾 去到等左大概15分鐘就入得朋友叫左2 個煲魚香茄子 同 JJ雞煲 + 椎山紀子煲雞湯我見左個肉醬意粉 + 菜 + 芋香西米露JJ雞煲有少少凍左 但味道唔錯 而且都比較正宗魚香茄子比我想像中好味 但比較多油 湯都好足料 冇味精 好飲而我既肉醬意粉就好大盤 我一望已經決定要分開拎走一半食落重芝士味, 肉碎好多好足料最令我意外既係芋香西米露同出面糖水鋪係兩件事好濃芋頭味, 好香, 又唔會好死甜, 一D都唔"水汪汪"朋友食完都話下次要叫整體食物不錯除左個JJ雞煲凍左D之外, 環境同食物質素都十分唔錯絕對會再去

黎過幾次食飯，都係播住經典既懷舊金曲，頗有港式風味。落單只要自己掃qr code就得，可以避免唔少錯誤，不過可能對老人家黎講就冇咁方便。今次同男朋友排咗一陣隊就入到去食晚餐，我地2個都叫咗鐵板餐。鐵板餐係跟免費熱飲同一塊丹麥多士，我叫咗杯熱檸蜜，水溫岩岩好，檸檬唔會太酸，係茶餐廳飲野最怕就係飲到好酸澀既檸檬味。隔離塊丹麥多士都唔錯，好鬆軟，同埋有足夠既牛油，令佢再香d。我叫咗個鐵板西冷牛扒，係冇得揀熟度既，但男朋友叫既牛柳就有得揀。好彩地，我塊西冷牛扒既熟度岩岩好，可能係因為下面有西蘭花同薯條墊住，唔會過熟，但就真係完全一d牛味都冇，要靠個黑椒汁吊味，不過個粟米就好甜，好好食。我地最後加咗$15飲呢個酥皮蘑菇雞蓉湯，酥皮都算合格既，入面就有蘑菇、雞蓉同少量蜆肉，個味就冇乜特別，罐頭湯咁樣既味，同埋個湯比較稀，質地似水，而且比較油，所以我地都冇飲曬。

來到將軍澳，當然朝聖，來到經常排長龍的人氣荳子冰室。感恩，排隊半小時左右，就入座😄有別於傳統冰室或茶餐廳掃QR code落單好像好先進。餐廳播着香港歌手80 90年代嘅流行金曲 例如半斤八両嘅主題曲。冰室常餐，常餐的供應時間是11:30-18:00，有八個餐。而我叫了其中兩個餐。♥️首先，點了沙爹牛肉公仔麵$48（左下），湯底沙嗲味濃，公仔麵也吸收了沙嗲汁的精華。牛肉份量也多，每件牛肉有沙爹味，正。這餐還配了煙肉蘑菇奄列，蛋味重，裏面的煙肉蘑菇份量好多，好豐富。至於旁邊的麵包是一片丹麥多士，烘焙得剛剛好，外脆內軟，味道甜甜的。下次我會試下加$5轉食蜜糖叉燒餐包😋接着，再點了碗薑絲牛肉通粉$48 （左上），薑絲切得條條分明，牛肉一片片厚薄適中，易入口。相比下，湯底清淡，好健康。這餐同上面叫的沙嗲牛肉的餐的奄列和多士也一樣。跟餐配了杯朱古力甜甜的，正常可可味道。芝士醬脆煙肉曲薯$ 18（圖中間）大大碟的薯條被炸得黃金脆口，在上面淋脆脆的煙肉和芝士上，感覺滋味。這是食得好飽的午餐♥️荳子冰室地址：將軍澳唐德街1號將軍澳廣場1樓1-005號舖

朋友一黎就介紹荳子冰室，平日嘅下午茶時間當然要排隊，但好快就已經有位，我地係5個人，員工非常好，都安排左2張枱好近俾我同小朋友，雖然係掃code手機下單，但係我地直接叫，員工都非常有禮貌地幫我地落單，呢樣極讚食物賣相當然好正啦，小朋友見到噴煙嘅奶油多，十分興奮🥰仲有雪糕西多士，好大份，好抵食 小朋友都大讚，下次會再黎

Beans踩過界😳上年新開嘅懷舊冰室❗️長期人氣高企❗️✨環境裝修都幾特別 行懷舊風路線 仲有好靚靚嘅花窗 不過座位都好闊落 坐得幾舒服✨要用手機scan qr code落單 快捷方便〰️懷舊鐵板餐 什扒（豬扒 雞扒 腸仔 煙肉 鑊仔牛柳）$88+$10 配意粉+$15 酥皮龍蝦湯細細個成日都想叫鐵板餐 好中意聽佢滋滋聲 貪心嘅我地叫左什扒餐 都幾抵食 份量幾大 仲有配埋薯條 真係食返以前細個嘅味道 肉質都不過不失 以後想食鐵板餐可以嚟頂下癮丹麥多士 好香口好鬆軟〰️焗鮮茄雞扒 $54覺得荳子冰室嘅焗飯可以再翻兜 茶記嘅焗飯嚟講好高質 落左好多芝士同蕃茄 好juicy 啲芝士仲好似識拉絲咁 呢個價錢真係無得輸！✨每樣嘢食嚟到都仲係超級熱辣辣 好抵讚 真係即叫即整咁樣 感覺好新鮮💰$170 (2人)食物質數 💛💛💛💛環境舒適 💛💛💛抵食指數 💛💛💛推介指數 💛💛💛💛不過大家就要預返一定時間排隊 開張左有一段時間 每次嚟到都見到排曬長龍 仲有好多街坊客支持 外賣都要等30-45分鐘 如果時間容許 都可以一試 支持支持☺️📍將軍澳唐德街1號將軍澳廣場1樓1-005號舖#香港好去處 #拍拖好去處 #拍拖