荳子冰室 (將軍澳廣場)

營業中

休息中

今日放工就去咗荳子冰室食晚餐。我由晚上7:30開始排隊，等左差不多一個鐘先到我。我選擇小菜的款式，豉汁斑片蒸豆腐和菠蘿咕嚕豬頸肉，兩個燉湯。可能時間較晚，很多燉湯已售清。最後選了蟲草花燉雞腳、花菇燉唐排。兩個燉湯於下單後5分鐘送到，但兩個小菜差不多等半個鐘頭才到。兩個小菜味道都不錯，豆腐和斑片都很滑，菠蘿咕嚕豬頸肉好脆口；燉湯亦很清甜。而之前食過粟米魚塊都好食，魚塊多、粟米粒份量亦夠。兩次體驗都令我覺得其小菜質素有水準。不過等候入座和上菜時間較耐。我建議最好晚上還是早少少來會好些。

“日式燒豬頸肉撈公仔麵 配 丹麥多士+黑松露醬炒滑蛋+熱香滑奶茶”($58)“荳子包”($11)荳子beans係一間我想試好耐嘅餐廳!但每次經過啲分店都排長龍搞到無耐性嘅我到今時今日都仲未食到🤣知道荳子喺將軍澳開咗間冰室身為常餐fans真係忍唔住去排咗次😂好在等候時間唔算太長咋😆坐底自己用qrcode落單,夠哂清楚方便😇叫咗份特別推介嘅常餐豬頸肉撈公🐷可以選擇配煙肉磨菇奄列🥓🍄/黑松露醬炒滑蛋仲會跟埋丹麥多士/+$5轉蜜糖叉燒餐包因為我單點咗個荳子包所以冇加錢轉😛豬頸肉一碟有成6,7塊🐷食落質地夠腍滑☺不過公仔麵稍為唔夠爽口,有少少痴埋一堆咁🙈好彩味道唔會太鹹岩岩好,加埋大蔥同芝麻好香口😋丹麥多士十分鬆軟🍞如果有牛油搽就好😝炒蛋算滑,個黑松露醬味道好香濃🥰嚟呢道另一個目的就係為個荳子包😍荳子包個餡有齊紅豆同吉士🤤撞正岩岩出爐新鮮熱辣超軟熟😍見呢道其他麵包,好似菠蘿包,墨西哥包,蛋撻個樣都幾靚如果我係住附近應該會成日嚟買麵包食😛

🌎荳子冰室 (將軍澳)荳子冰室開業都有一段時間啦 但一直人氣旺盛 早餐都要排隊入去 等左一陣終於入去叫餐啦 餐牌顯示有出爐麵包、丹麥多士、黑松露醬滑蛋等 呢個就係同普通茶餐廳分別之處▫️沙嗲牛肉公仔麵$39▫️薑絲鮮牛肉通粉$39呢個係經典早餐包括有一碗麵、滑蛋同丹麥多士、飲品。丹麥多士估唔到咁好味 咬落去鬆軟 好香牛油味，多士邊邊唔會硬 好好食。另外我簡左黑松露醬滑蛋，雖然分量唔多 但已足夠令滑蛋香味更有層次，真係好正！濃濃既黑松露味。麵類同飲品就一般般，係咩特別。💵人均消費：$39✨環境衛生：8/10🙋🏻‍♀️推介指數：7.5/10📍將軍澳唐德街1號將軍澳廣場1樓1-005號舖

呢間日日lunch time 都排晒長龍所以叫外賣自取算午餐叫左椰香馬來咖喱雞扒飯 （辣）$61 唔包嘢飲 都唔平佢塊雞扒煎得好正皮係煎到小小脆 雞肉都好嫩滑口感算厚同juicy 至於咖喱就一般 得兩粒薯仔之外 就無其他配料 如果可以食到洋蔥就好啦呢個對我來講 唔辣我朋友就唔食得辣嘅佢試咗一啖 都覺得唔辣 所以好啱佢食朋友就叫左蕃茄芝士焗雞扒 我覺得佢呢個吸引過咖喱🤣 芝士好香可惜無影相總括嚟講 我地兩個都同意雞扒好正😋😋😋

鑊仔牛柳正，配菜新鮮，份量足，價錢合理，但等候且久，用餐時間有限制，環境衛生，光猛但冇乜氣氛，點餐用手機，方便但欠人與人的溝通，職員態度尚可，如價格可向下調整ㄧ下，會更好。

同佢同一個brand嘅beans我就食唔少啦！一直好想知呢間開張以嚟都大排長龍嘅冰室究竟有咩野吸引力，今日襯住平日又咁啱經過，終於可以試一試啦！大概11:40到達，雖然係平日，但都預左要等，好彩前面都係4-5人到，而且冰室嘅客人多數食完好快走，所以等左10分都唔洗就有位啦！落單係用自己手機掃QR code嘅方法落，當然為左照顧老人家，都會人手幫佢地落單，見到menu好多野都想試，可惜我得一個胃，淨係可以試一款。我最尾揀左個冰室常餐，有豬頸肉撈公仔麵，蘑菇奄列，加錢由丹麥多士轉左叉燒餐包，餐飲熱檸茶。個公仔麵賣相唔錯，喺落單個陣可以揀軟硬程度，而個豬頸肉一碟都有6-7塊，公仔麵一路食會有啲膩，夾住啲葱食就綜和返啦！味道唔錯㗎!而個叉燒包入口超鬆軟，口感佳，同埋拎到我面前都係熱辣辣嘅，所以特別好味。奄列就正常，無咩特別。下次要再嚟試佢嘅其他菜，同埋一定要係平日嚟，因為人一多水準硬係會差啲!

Beans 就去得多, 今次就去試吓佢嘅荳子冰室試下先 😎今次我哋星期日大約12:00佢嘅時間都見到長長嘅隊排緊, 大約等咗半個鐘就有位啦☺️呢度係用QR code去落單嘅, 我哋今次食咗以下嘅食物：👧🏻餐肉粒茄湯通配丹麥多士煙肉蘑菇奄列 $48平日好小食午餐肉既Little K 就唔多欣賞佢嘅餐肉粒, 嘩太淋好似啫喱, 不過佢就話個番茄湯底好好食, 丹麥多士佢話覺得太多牛油🤭煙肉蘑菇奄列佢話ok🤓👩🏻我就當然食我鐘意既沙嗲牛肉公仔麵配丹麥多士黑松露炒滑蛋/飲凍咖啡 $48 （凍飲另加$3）個沙嗲牛肉公仔麵真係好。好。食👍🏻👍🏻👍🏻夠沙嗲嘅濃味但係唔會太鹹, 個面底亦都煮得好好食, 夠硬身👍🏻牛肉份量唔會太少, 值得再食😋 丹麥多士確實真係好似Little K 咁講比較多牛油, 牛油分量少啲嘅話會較好, 松露炒蛋夠滑👍🏻👍🏻另外凍咖啡都係值得一讚嘅🙂👨🏻叫左鐵板雜扒配薯菜/叉燒餐包/飲凍檸茶$88（叉燒餐包加$5/凍飲另加$3）雜扒份量夠, 件牛扒好好食, 熟嘅程度係剛剛好, 夠淋, 雞扒亦都夠滑, 整體來講依個價錢算係唔錯👍🏻另外我哋為左把遮仔就再加咗$15要左個椰絲啫喱糖, 不過就冇

將軍澳廣場呢間荳子冰室由開張到而家每日都人頭湧湧😅但昨天晚飯時間經過竟然見到有位😜更係即刻幫襯啦👌焗鮮茄豬扒意粉🍝幾好，份量又夠咖哩牛脷飯～呢個唔得，得3片牛脷，個咖哩汁又浠到呢😟

用open rice 11:48 分鐘 落單 , apps 顯示12:21可取， 但最終再12:26 分鐘才可取， 期間問過店員只懂答唔知， 經理唔理， 到我大聲問幾時可取才跟進。 等候時眼見walk in 買外賣仲快過用open rice apps， 廢系統！ 用apps 以為會快啲， 點知仲衰過walk in 買

用Openrice點了外賣自取，order咗銀牙肉絲炒麵和楊州炒飯，食物味道ok。店舖門口好多人等外賣和排晒隊等堂食。可能太好生意，人手不足，等了一個鐘才拿到外賣，應該係廚房煮好咗都冇人攞出嚟,食物到手已凍晒。☹️

在OpenRice落單叫外賣要等80分鐘，仲要催促過幾次，先攞到外賣，如果到鋪面落單，大約20分鐘內左右就可以攞到，食物飲品係好味要食的話一定要去店裏下單，不可以在OpenRice落單訂餐

唔明點解噤多人排隊，當然唔執輸一齊排吓！冰室中間放兩排卡位，卡位坐嘅椅子都幾寬闊，坐落舒服。旁邊嘅枱同卡位隔得遠。卡位間板連「窗花」算高，有自成一角的感覺，不錯！走懷舊港式冰室路線，但又有新派原數....可以手機📱落單，等我試吓先。原來係唔work嘅🙄，最後由態度積極嘅侍應用人手落單。門口掛的餐牌以午餐同常餐為主。我同Hubby 第一次光顧「唔知訂」，揀咗午餐兩份。睇落去就知點解我哋「唔知訂」！未上菜前已貼心地送上兩杯水、餐巾及牙籤餐前先上飲品。侍應有交代邊杯係鴛鴦☕️，但無問係邊位叫就放低俾客自己攪掂。深色啲係奶茶，茶味不夠濃，有改善空間。淺色啲係鴛鴦，濃味咖啡嘅香味幫咗杯鴛鴦好多，同奶茶比相對好飲。咖喱薄牛扒意粉咖喱汁唔算惹味，亦唔夠熱，小辣。個汁要放多啲落意粉度先至激發到味蕾。牛扒質感一般般。焗蕃茄牛脷意粉蕃茄汁唔夠濃欠蕃茄味，芝士唔係用可以拉絲的mozzarella, 同意粉一齊食有啲「立」口。牛脷冇雪味，但略嫌牛脷冇咬口。可能出水過久，犧牲咗牛味同口感。牛脷一向賣得唔平，$54連飲品價錢唔貴。「唔知訂」係食完先見到多人枱上都有一碟多士🥪。原來有部份人龍係嚟食「雪糕粒粒西多士」打

荳子冰室價錢💲: $48/ $54/ $+15好味程度😋: 3.4/5服務🍴: 3.6/5環境🗾: 3.6/5性價比🥢: 3.8/5 (茶記來講貴小小)回頭率😚: 3.5/5-荳子就好多人食過，但荳子冰室應該就小人啲試過啦😌 佢地都開左幾個月，人氣一路不減，好多時都要排隊。如果想食時間真係要預鬆啲。再唔係就去門口的麵包櫃買麵包頂住先😂-今次就試左經典的常餐同一份午餐。常餐有黑松露炒蛋，但呢個滑蛋完全唔收貨🥺因為唔話，舊蛋超薄😩完全唔係咩用奶炒個啲。佢個樣都勁似煎蛋🍳塊丹麥吐司有烘過但如果再脆d會好d，牛油係個好隨意咁pat一大pat係中間。-沙嗲牛肉麵水準正常，麵夠硬身，唔過軟。沙嗲醬都濃既，但冇咩花生味，純粹係一個好深色好杰的沙嗲醬。牛肉唔會好似平時好多地方咁落太多鬆肉粉，佢地仲保持到肉的口感，不過當然牛味就唔太濃。湯底都甜既，但稍為有小小麵水味-另外叫左一份午餐，紅酒洋蔥豬扒意粉。豬扒好大塊，啱啱煎到小小金黃色，近骨位肉味就香濃啲。成塊豬扒口感都腍既，一切就切得開😌個汁就唔好expect咩酒味，係似番茄醬咁，都ok😝意粉炒過下，有硬度，面頭加一大pat茄膏咁所以都算好食。-我地仲加

外賣自取，入座QR code點餐，送到埋位，要自己pack。只接受現金付款，但門口收銀都無提示，唔夠現金好尷尬。紙袋，行到中途湯無左一半，流到個身都係，幾艱難先返到屋企，好可怕。

屋企附近開咗間荳子冰室，日日都排長龍，終於因為二人限聚令唔需要排咁耐🥺牛柳鐵板($108) 原來冰室既鐵板都可以咁高質，牛柳係juicy好淋好多汁，好重牛味啊😚配菜都好用心機整，粟米都有一層蜜糖搽左喺面，絕對要加分😋酥皮龍蝦湯(+$15)酥皮焗得好靚，湯有大量既西芹同蝦，味道偏咸咗少少，我覺得普普通通配多士（+$0）多士好好食好香牛油味，口感酥脆咖哩雞扒飯($56)呢個要打十粒星星推介⭐️⭐️⭐️⭐️⭐️⭐️⭐️⭐️⭐️ 咖喱重椰香味，入口香滑，仲兩舊煮得好入味既薯仔，加埋黑椒豬扒真係絕配啊，豬扒好淋好juicy，煎得好香😍 令我諗起灣仔果間豬扒飯😋凍奶茶(+$3) 茶走（$0）其他野食比預期中好好多，對比下呢個有少少失望，唔夠香又唔夠滑總括黎講，Beans出品果然係正既，茶餐廳價錢cafe質素，必試啊😍😍😍😍🔍 荳子冰室 (將軍澳)將軍澳唐德街1號將軍澳廣場1樓1-005號舖