茶記研究所

營業中

休息中

今日去油塘嗰邊行下，因為晏晝食得好飽所以晚餐就打算睇下有咩小食檔買啲小食食當晚餐，之後我哋就經過呢間舖，睇咗個餐牌，覺得大滿足雜扒鐵板餐嘅份量好似好大可以同朋友一人一塊扒，所以就排隊等位。唔講唔知原來呢度真係好多人，我地排咗一陣先至到我哋入去坐。我哋坐低之後就叫咗一份大滿足雜扒鐵板餐同埋一杯凍檸檬蜜糖咖啡，叫之前仲同店員確認咗塊扒嘅大細。店員話如果淨係要一人一塊扒係真係夠飽，因為呢度啲扒都好大塊。好快我哋嘅凍檸檬蜜糖咖啡就到咗，我即刻飲咗啖，味道酸酸甜甜，好解渴。檸檬嘅酸味同埋蜜糖嘅甜味配合得好好，唔會太酸或者太甜，又唔會太苦，啱啱好。而且凍檸蜜仲好大杯。跟住我哋嗰個98蚊嘅大滿足雜扒鐵板餐就上嚟喇，我哋配咗洋蔥汁同跟餐有配搭咗一隻煎太陽蛋，腸仔一條，蔬菜同埋一堆炸薯條。除咗咁之外鐵板餐仲有配餐湯同餐包。我哋都先飲咗啖羅宋湯，味道酸酸嘅，成個好開胃。之後我哋就開始食我哋嘅炸薯條，成條炸到金黃色又好脆。大滿足雜扒鐵板餐入面係有兩塊扒嘅，男朋友負責食豬扒而我就負責食雞扒，配埋洋蔥汁成個好開胃，扒嘅邊邊仲煎到好脆，咬落去仲可以聽到聲，肉都好嫩滑，又咬又短，份量係真係大，我哋咁樣一人一塊食完就

🍵🍚 本身對於茶餐廳有一種特別嘅喜好身為香港人，一直都覺得茶餐廳係香港文化之一所以平時自己都會好想去搵其他唔同好食嘅茶餐廳嘗試一下今日就卑我遇到新嘅茶餐廳啦朋友介紹我去咗呢一間喺油塘嘅茶記研究所整體感官都非常之好，有茶餐廳嘅風格但係依然可以保持到乾淨企理嘅環境，值得一讚!!!今次我就叫咗佢哋嘅雞扒鐵板餐!!!有意想不到嘅驚喜，非常之高質素，整體上都好喜歡!!❤️‍🔥 喺呢個鐵板餐嚟之前，首先嚟咗一杯凍檸檬蜜糖咖啡檸檬的清新配上蜜糖甜滑，再加啲咖啡的香醇， 非常之開胃！我自己咁大個都係第一次飲檸檬蜜糖嘅咖啡，估唔到個味道咁夾真係必有一番風味，香港嘅茶餐廳永遠有質素嘅保證💓 之後就去到呢一個雞扒鐵板嘅煮食出場啦今次我自己就叫咗呢一份洋蔥汁個汁香甜唔膩口，同雞扒一齊食，好滿足呢！🌹雞扒都好大塊，好厚肉，而且非常之嫩滑💘 至於套餐都另外配咗一碗羅宋湯，係真材實料嘅味道酸酸辣辣，勁開胃，湯底醇厚，令人一試鍾情💝 無得頂的餐包，外脆內軟，我自己係好鍾意用餐包去點湯一齊食係由細到大嘅習慣，好好味的總括而言，茶記研究所嘅食物味道好醇厚食材新鮮，環境舒適。💙係一間好抵食，好有質素嘅茶餐廳推介大家都可以過嚟

一個人嚟到香港留學嘅我，週末大學同學約咗一齊去油塘港行街行山睇日落。今日嘅行程先由午餐開始，帶咗我嚟呢間最近先開張嘅茶餐廳。邊個話茶餐廳全部都係又污糟又態度差仲要啲茶未必好飲㗎？呢度完全唔會！！🔥🔥成間餐廳裝潢係我鍾意嘅淺綠色～環境好新穎，唔似一般嘅茶餐廳。入到嚟見到全部都係本地人嚟食，我哋坐低咗之後出面都開始排起隊。我哋揀咗白咖喱豬扒飯同店員推介嘅炒飯，套餐包埋一杯飲品。招牌炒飯一定要嗌！佢可以成為招牌係有佢嘅原因，簡直係餐廳嘅靈魂所在！唔呃你真係好好食🥲飯粒粒分明每一粒飯都炒得好入味🔥廚師睇得出功夫好到家💯白咖喱豬扒飯都好食😋白咖喱汁甜甜地又帶有濃郁嘅咖喱味🍛 豬扒肉真係好厚身好滑，配埋白咖喱汁，恰到好處嘅一端上嚟就冒住熱氣，邊烚邊食，一個字正！👍一大嚿嘅豬扒食到我哋好滿足啊～我哋兩個女仔食完差啲撐死！！！凍檸檬蜜糖咖啡我真係第一次飲呢種味，本來仲擔心朋友係咪整我，點知飲完真係驚艷咗！點樣講呢，檸檬嘅酸加上咖啡嘅苦仲有蜜糖嘅甜組合組合埋一齊係另類嘅風味，好和諧嘅口感！另外奶茶呢飲咗一啖就知呢個係好正宗嘅港式奶茶，茶香味好濃超好飲❤️一開始其實都擔心環境咁好，食物質素會一般般，點知完全

今日本來同朋友約好要去附近嘅商場睇戲🎬同埋順便食個午餐🍽️，但係朋友臨時有事放我飛機✈️。回歸一個人逛街，無奈之下用電話找到了這一家新開的茶餐廳，就想著來當一天的美食博主🍴探探店看看這家的食物好吃嗎。門口睇起嚟仲幾大，到嘅時候仲見到一班人喺度排隊，可能係午餐時間嘅關係，等咗大約10分鐘⏳，侍應就幫我安排咗一個人嘅座位。效率仲算幾快，員工都面帶笑容。我坐咗喺一個邊邊位，咁樣先唔會尷尬一個人食飯。我心裡好奇即刻打開菜單睇下有咩好嘢食可以令咁多人排隊。菜單📖都仲算幾豐富，有麵又有飯，我揀咗一份白咖喱豬扒飯59蚊，加3蚊可以揀凍飲品，所以揀咗一杯凍朱古力咖啡。呢間嘅白咖喱豬扒飯對我嚟講幾好食，咖喱醬汁濃郁香滑，充滿咗香料嘅複雜層次。豬扒外脆內嫩，肉唔會好乾而且好有汁水。白飯吸收咗咖喱汁嘅味道，變得更加美味。呢個菜真係值得推薦俾所有鍾意咖喱同豬扒嘅人。凍朱古力咖啡☕️嘅話呢，入口先係濃郁嘅朱古力味，再嚟一陣香醇嘅咖啡香，甜甜苦苦嘅味道。冰涼嘅口感係最令我享受嘅，畢竟啱啱跑嚟跑去，成個人都出咗唔少汗，熱到死。❄️

近期坊間熱門話題無非就是油塘既「茶記研究所」啦！而家新一代既茶餐廳已經唔再只是傳統既茶餐廳，已經進化到新既層次！今日終於揾齊咗班朋友一齊，總共試左兩款食物：午餐既$62嘅招牌炒飯同埋$58嘅蔥油麒麟髀。係埋一睇個價錢已經覺得好吸引呢茶記招牌炒飯⑤推介指數☘️☘️☘️☘️☘️飯粒飽滿，蝦仁、櫻花蝦、豬肉、蝦醬嘅組合口感豐富！佢呢個炒飯係真心做得好好嫁，因為炒得夠乾身，同埋每一粒都包住蝦醬，所以個味道係好濃郁嫁，蝦仁既份量都係好多既，差唔多3啖飯就食到1粒蝦仁，可想言知，d蝦仁係多到幾不得了，hahaha蔥油麒麟髀煎蛋飯推介指數☘️☘️☘️☘️☘️再黎就系呢個蔥油麒麟髀煎蛋飯！配上煎至剛剛好既蛋白，蛋黃滑得剛剛好，真係好惹味！大家一定好好奇咩係麒麟髀，其實麒麟髀就係雞脾，好嫩滑嫁，同埋大大隻，加埋個香到冇人有既蔥油，點會唔好食阿，100分午餐凍朱古力咖啡推介指數☘️☘️☘️☘️☘️上來一杯凍朱古力咖啡，朱古力味就晒香，咖啡味又唔會搶晒鏡，推薦推薦！熱奶茶推介指數☘️☘️☘️☘️☘️再來一杯招牌熱奶茶，香滑！總括黎講，呢間茶餐廳真係夠落足本，食物味道又好好，價錢又夠公道，下次都會再同其他朋友黎試埋其他食物！！！

今天有啲小感冒，所以請咗病假喺屋企休息，下午食咗藥就直接瞓到夜晚，起身後肚子就咕咕叫，真係餓到唔掂，所以就出咗去附近睇下有咩好嘢食補償一下體力。喺油塘區搵到咗呢間冰室，成個樣睇落就好似新式嘅茶餐廳，裝修比較高級同埋比較光猛。呢間冰室嘅環境真係幾舒服，燈光柔和，座位又夠闊落。晚上的時間人流係幾多嘅，所以我都大概等咗一陣先有位坐。我叫咗一份美國安格斯肉眼鐵板餐同一杯凍檸茶，所有鐵板餐都有配一碗羅宋湯，真係啱晒我呢種食欲唔係咁好又鍾意飲湯水嘅人。呢份鐵板餐嘅肉眼🥩煎到啱啱好，有啲焦香嘅味道，肉嘅質感亦唔會太乾，內嫩鮮甜，再加上黑椒汁，味道濃郁又有啲微辣。煎蛋煎到個蛋黃仲係流心，配埋炸到金黃香脆嘅薯條。仲有啲蔬菜，食完唔會覺得太膩。至於羅宋湯，酸酸甜甜，仲有好多蔬菜，飲完暖胃又精神咗好多。凍檸茶🍋就唔使多講啦，應有嘅味道都有，算係好飲嘅，檸檬同茶嘅分量啱啱好，希望可以補充到Vitamin C，俾我早啲康復。呢份餐我係食到滿滿意嘅，又唔會覺得太飽，肚子就覺得啱啱好！！哈哈鍾意食扒嘅朋友，絕對值得推薦過嚟試一試！呢度嘅扒配埋嗰啲黑椒汁真係好味。服務員嘅態度亦都好好，好有禮貌。

環境：今年才新開的，清潔衛生，面積不大，大多是2人小枱，全場只有4張4人卡座，適合1-4位顧客光顧服务：8點前，早餐时段，樓面只有一位待應返工，这情況不是偶然的，我眼看已經2次（我只光顧2次），有的顧客不肯自助落單，有的要求杯熱水，有要顧收錢，又要顧外攞，看她有點吃力，待應都能保持笑容和有禮，但亦會影響顧客的心情食物份量足，食品質素佳，廚房水準穩定和速度快，奶茶香滑，茶味有層次，特別一提，熱咖啡（美式），需要額外多付＄18的。

喺社交平台上見到有人討論呢間新嘅餐廳，有人話好食有人話唔好食，像我呢啲敢死隊，反正今 晚有空又冇嘢做，決定嚟試一試睇下到底味道如何。我嚟評價一下成個環境，燈光好足好亮，成間茶室用透明玻璃嚟設計，從外面可以一眼睇晒入面 嘅內觀，我覺得真係可以稱得上係Cafe級別嘅裝修。和舊式茶餐廳好唔同，令人感覺好舒服。最重要係唔會畀人鬧 。😂😂服務態度方面都唔似其他人講嘅員工好新唔知做緊咩，手忙腳亂嘅，可能已經過咗一陣啦，佢哋 都已經上手。感覺全部都做到好熟練!所以有時候都要俾人哋改變嘅機會。我叫咗一份雞扒鐵板餐，88蚊，有配一碗羅宋湯同一粒包配牛油。雞扒煎到啱啱好，皮脆肉嫩，單 睇樣已經覺得好多汁，主要係搭配洋蔥汁，洋蔥汁淋喺雞扒上面真係好搭，唔會覺得奇怪。羅宋 湯有少少酸酸地，都好開胃。仲有一粒太陽蛋，我睇到佢真係好想整破佢再淋喺雞扒上面，哈哈! 炸薯條都好脆，唔會冷冰冰同軟綿綿嘅感覺，整體我覺得可以俾到90分!值得推薦 !!😋凍檸檬蜜糖咖啡嘅味道真係幾特別，檸檬嘅清香同蜜糖嘅甜味中和咗咖啡嘅苦澀，飲落去有種清 新嘅感覺，隨之而嚟嘅係咖啡嘅濃郁苦澀，味道層次分明。真係一個幾有創意嘅飲品。老實講，我

今晚嚟到位於油塘的「茶記研究所」，一間出名嘅茶餐廳，👾👾人氣極高。一入到店就見到各式各樣嘅茶餐廳美食，令人食指大動。📷真係好期待今晚嘅晚餐！🤖 同男朋友一齊去，我哋都係啲好地道好貼地嘅情侶，平時食飯唔一定下下都要食好貴，最緊要係好食，所以茶餐廳都係我哋經常知佢嘅飯堂之一，呢一間新開嘅茶餐廳都係第一次去，但係我哋食完之後都覺得係值得再次返頭的！！今次最想推介嘅就係茶記研究所嘅大滿足雜扒鐵板餐!!!超值得！$98一個嘅套餐就可以盡享多款經典茶餐廳菜品！跟住就係大滿足雜扒鐵板，豐富嘅雜扒滿足你所有對美食嘅想像，每一口都是咁滿足感，正！🤡 我自己勁鍾意食呢一度嘅豬扒，豬扒非常之吸引，而且呢度嘅豬扒做得好厚身，同埋肥瘦適中，完全係有豬腩嘅香味，亦都保持到豬肉本身嘅口感，真係非常之高質，估唔到一個雜扒餐入邊嘅豬扒係咁好食，推介大家都可以試吓另外都好想 介紹一下嘅就係呢一度嘅餐飲，我自己係第一次叫呢一杯凍檸檬蜜糖咖啡，真係呢餐飯其中一大亮點，醣分剛剛好，清新檸檬與蜜糖交織出來的甜味，真係一試難忘，估唔到檸檬蜜糖再加咖啡係咁夾，下次可以返屋企自己都試吓整！ 鍾意飲咖啡嘅都不妨一試，係有驚喜嘅! 唔伏嘅

外地嚟嘅朋友話要試下我哋local嘅食物喎，我就諗起有朋友推介呢間喺油塘新開張嘅新式茶餐廳，入面賣嘅都係香港經典美食。我哋就抱住試試嘅心態去試啦～一到，我朋友就問我係咪點佢，佢話同佢喺港劇睇到嘅茶餐廳唔一樣😹😹 店鋪裝潢非常溫馨亮白，位置都唔少，可以容納好多客人但係又唔會擠迫。仲有可愛嘅插畫都畫住港式料理，好得意😍 Menu都好豐富，多種選擇，仲有英文翻譯添～👌🏻🌟大滿足雜扒鐵板餐🌟鐵板熱辣辣，淋上黑椒汁落去滋滋聲都幾療癒😹 底層仲有薯條同蔬菜墊住，我朋友睇到都嚇咗一跳，配料十足仲好大份！配餐仲有例湯同麵包，麵包擦上牛油再淋少少黑椒汁真係正👍🏻🌟豬扒鐵板餐🌟豬扒都煎得好美味，淋上洋蔥汁成個味道都提升晒。仲有底下蓋住薯條同蔬菜，配埋一齊食就冇咁膩。仲有羅宋湯都好好飲，酸甜滋味熱辣辣飲落去成個胃都暖晒。真係懷舊嘅一餐😋🌟凍檸檬蜜糖咖啡🌟外地朋友話第一次試呢個特色飲品～佢以為係咩黑暗料理😹 檸檬加咖啡完美中和咗咖啡嘅苦味，配埋少少蜜糖甜滋滋，唔會太苦亦唔會太甜。我朋友飲咗一啖就搶住飲晒😹食物老實講就係普通港餐嘅水準，食嘅係回憶，都幾適合帶外地朋友嚟試，值得一試！

-茶記研究所係我最近成日去食嘅茶餐廳，餐廳嘅內外佈置都好氣派，睇起嚟好高尚。佢嘅大滿足雜扒鐵板餐真係超值，而且份量都唔細，只需要98蚊就可以每次食到飽。每次點餐後都不需要等很久就會上餐，效率很高👍。大滿足雜扒鐵板係配黑椒汁嘅，跟餐會有一碗羅宋湯同一粒餐包。我真係搵唔到咁平嘅雜扒鐵板餐喇。羅宋湯嘅味道有啲甜甜酸酸地，非常開胃，餐廳仲準備咗一個細盒嘅牛油， 所以餐包可以配埋牛油食。大滿足雜扒鐵板餐入面包括雞扒同豬扒，如果你係食肉獸，真係好啱呢份鐵板餐。入面仲有一條香腸同一堆炸薯條，仲有啲蔬菜墊喺下面，同埋一粒煎蛋喺上面。係咪覺得有好多嘢喺一個鐵板入面，所以我先至話超值！感覺廚師會先用洋蔥墊住啲扒再慢慢煎，因為可以嗅到少少嘅洋蔥味，同埋整個火候調得啱啱好，所以啲扒都唔會焦。雞扒同豬扒加埋黑椒汁，透過鐵板剩餘嘅熱力煎熟，所以好好味，啲肉質鮮嫩，一切開個橫面，直接將裡面嘅香氣都釋放出嚟😍。我仲點咗一杯凍檸茶嚟解渴，味道唔會太甜，啱啱好。正好中和咗啲扒嘅濃郁味道，亦幫助解膩。我真係好需要一杯凍飲，尤其係喺熱辣辣嘅鐵板餐之後。大家可以嚟試下，我覺得都好好食！！尤其係對大滿足雜扒鐵板情有獨鍾！！👍 👍

我同男朋友平時最多嘅問題就係：今日食咩？😹 今次我就在網上search吓最近有咩新開嘅餐廳可以試，結果見到呢間新開嘅餐廳標榜係新式茶餐廳喎~ 都幾吸引下，又喺我哋屋企附近啫，就決定去試吓~可能係午餐高峰時段，我哋一去到舖頭就見到好多食客排緊隊，我哋就問店員大概需要排幾耐，佢話大概10-15分鐘，我哋諗住又唔會太耐，就排隊等位囉。外面裝修得好新派，一啲都睇唔出係茶餐廳，好多人都係睇咗餐牌先知~-✨葱油麒麟髀煎蛋飯一見到呢個我男朋友就即刻決定要嗌，茶室經典招牌之一喺呢度都可以食到，正！雞髀煎得黃金香脆，入面嘅雞肉仲會噴汁，好惹味~ 蔥油嘅香味都好誘人，一口雞肉一口蔥，食得讚唔絕口！🤤-✨白咖喱豬扒飯呢個又幾特別下，濃郁嘅咖喱味配上煎得焦香嘅豬扒，豬扒嘅肉質非常鮮嫩，一口咬落去仲有汁水噴出嚟，最重要係冇我討厭嘅腥味。再加埋米飯煮得軟硬適中，吸收咗咖喱汁，好好味~ 👍🏻-✨凍朱古力咖啡我哋加錢升級咗我哋嘅飲品。濃濃嘅朱古力味同埋帶有苦味嘅咖啡融合喺一齊簡直就係絕配！飲落去我成個人都醒神晒！🤩-✨凍檸檬蜜糖咖啡男朋友嗌嘅呢杯超級爽口！店家放咗幾片檸檬喺飲品入面，酸酸地，再加埋蜂蜜甜甜嘅味道一齊中

見到呢個豬扒嘅鐵板餐好抵食，所以就叫咗你試吓， $100都唔使，非常之抵食，餐飲方面我就叫 咗一個平時好鍾意飲嘅凍檸茶，呢度嘅檸檬都幾有水準，酸酸甜甜，份外開胃，茶底亦都 正常發 揮，幾唔錯豬扒鐵板餐又點可以冇湯餐包配孖住一碗羅宋湯作為前菜呢， 我自己都幾鍾意呢一份羅宋湯喎 真心，因為呢個羅宋湯嘅感覺好真材實料，有好多唔同嘅蔬菜，唔會係得味精嘅味道最後當然要 介紹返呢一個豬扒鐵板啦，首先鐵板真心熱辣辣， 好鍾意嗰一種腍啲執上去有吱吱 聲嘅感覺，好好聽，而且呢一度嘅豬扒好高質素，好腍，唔會好硬，而且好入味，好好食我對呢一間茶餐廳幾滿意，一間茶餐廳可以做到乾淨企理衛生，價錢合理，都已經係一個好有交 代嘅餐廳啦，希望呢間餐廳會越做越好啦!!

今日心情好諗住食個靚下午茶，嚟到嘅時候見到個盒有半盒飯兩片午餐肉三粒蛋，外賣叫咗$62。望佢餐廳睇落幾乾淨，諗住都唔差啦，估唔到佢啲嘢咁精緻，係咪學緊啲西餐份量少

最近心情有些低落，每當遇到不開心的時候， 就好想食嘢，比自己沖下電，休息一下，喺香港真係太大壓力啦，所以都唔想每一次次消費太多，於是茶餐廳就變咗係我自己經常去嘅餐廳種類之一，今次我自己就揀咗去呢一間茶記研究所，一家實力派的茶餐廳。餐廳位於油塘，裝潢、擺設和餐具簡約舒適，距離交通站點也很方便👍🏻，整體感覺非常不錯😝。@凍檸檬蜜糖咖啡冰凍的檸檬蜜糖咖啡清新怡人，帶來一股清涼的滋味， 入口嘅時候檸檬同埋蜜糖嘅味道已經充斥着成個口腔，跟住就會有咖啡嘅濃郁獨特味道，整體嘅感覺好特別，好新奇，好飲嘅!!@凍檸茶凍檸茶清涼解渴，微微的檸檬香氣，恰到好處， 茶餐廳嘅一貫正常發揮!。@美國安格斯肉眼鐵板餐$118這份鐵板餐配上湯餐包和黑椒汁，美國安格斯肉眼肉質鮮嫩多汁，經 香煎後，散發出濃郁的肉香， 係一個好好食嘅肉眼扒，而且份量真係好充足，我本身都算係一個大食嘅人，但係都覺得食完係好足夠嘅，而且牛肉唔會好多筋， 係有口感得來，但係好腍!! 好好食!!@雞扒鐵板餐$88這份鐵板餐配上洋蔥汁，雞扒肉質鮮嫩，滋味濃厚，搭配上香氣四溢的洋蔥汁， 雞扒亦都係完全滲入晒洋蔥汁嘅味道，好吸!!品嚐完這頓晚餐後，心情