茶記研究所

營業中

休息中

今日係細佬生日，梗係要帶佢食餐勁嘅啦！我畀佢揀要食韓式烤肉定係日本餐，佢竟然話要食茶餐廳？🤨 佢話好懷念以前爸媽帶全家人一齊去茶餐廳慶祝生日嘅日子，我諗諗下都覺得好耐冇食茶餐廳啦。咁我就揀咗呢間新式茶餐廳啦~ 相比傳統茶餐廳，呢度比較整潔，裝修非常時尚，連店員都係後生仔，老闆應該係想吸引後生客嚟食。🤩美國安格斯肉眼鐵板餐 🍽️：熱騰騰嘅鐵板一端上嚟就有嗰種懷舊嘅味道啦！滿滿一大份牛扒澆上一層黑椒汁，煎至七分熟後切開，叉起一塊扒送入口中，肉質細嫩喺嘴裏融化嘅感覺真係幸福！完全係美國安格斯質素 、好大塊 先$118,牛扒上仲有一顆流心煎蛋，牛扒沾上蛋液嗰種絲滑嘅口感食得我贊不絕口！套餐裏面都好似傳統嘅茶室一樣，配有餐湯同餐包。我哋從細到大都只揀羅宋湯，呢間餐廳嘅羅宋湯口感好好，番茄味夠濃，酸、鮮、香，非常美味~大滿足雜扒鐵板餐 🍽️ ：雜扒好足料 $98咋裏面有豬扒、雞扒仲有香腸，底下仲蓋住薯條同蔬菜，好大份！細佬揀咗洋蔥汁嚟搭配，洋蔥汁鹹甜口味澆上去煎得焦黃嘅豬扒同雞扒，一大口咬落去仲會爆汁！正！凍檸檬蜜糖咖啡 ☕️ ：香甜嘅蜜糖同咖啡搭配，再加上幾片檸檬，酸甜苦三種味道好微妙咁融合喺一齊，非

香港地食野要快靚正好多人都會選擇去茶記因為價錢實惠又多選擇近年多左好多有靚靚裝修既茶記所以食茶記都唔一定再係求求其其👍🏻大本型商場開左Cha Kee Lab 🧪 by LITMFlat white Espresso Tonic茶餐廳食野都有得嘆精品咖啡☕️拉花有驚喜👍🏻而且仲大大杯好抵飲————————————粒粒西多士黑松露蝦仁🍤炒蛋飯因為去既時候喺午餐同茶餐時間之間所以去一次就可以試到兩款meun西多士新鮮熱辣辣而且唔會炸到油淋淋👍🏻蝦仁🍤雖然唔係超大但係都幾彈牙

“大滿足雜扒鐵板餐”($108)“黑松露蝦仁炒蛋飯”($68)“檸檬蜜糖梳打”(+$18)“大檸樂”(+$18)平時都好少去油塘今次難得去到發現有間小清新嘅茶記咁岩又有卡位所以就入去食咗個晚餐☺️首先點咗份大滿足雜扒鐵板餐一份有齊牛扒,豬扒,雞扒,香腸仲配上煎蛋🍳同薯條🍟真係夠哂大滿足🤣醬汁方面選擇咗蒜蓉汁🧄淋上鐵板上面滋滋聲真係好正😜而每份鐵板餐都會跟埋餐湯,餐包當晚嘅餐湯係羅宋湯飲落又幾香濃,酸酸地夠哂開胃😚另外點咗份黑松露蝦仁炒蛋飯🦐個蛋炒得好滑😋加上黑松露好香好惹味蝦仁都好爽口彈牙,整體好高質☺️飲品方面都有唔少特飲提供點咗檸檬蜜糖梳打,大檸樂🍋跟餐只係加$18,大大杯好抵飲😝

朝早起身同老婆一齊做運動，流咗一身汗，運動完覺得身體疲憊，但係好爽。因為大量消耗咗熱量，好快就覺得肚餓，想搵啲港式茶餐廳早餐嚟食，就隨手打開openrice搵吓睇。比我搵到呢間【茶記研究所】，裝潢突破傳統思維，擺設非常時髦現代化嘅茶餐廳。睇咗餐牌，菜 品非常多樣化，早餐午餐晚餐都有。 老婆話佢都想食呢間，所以我哋就決定去油塘食呢間【茶記研究所】。去到嗰邊人潮好多，需要排 位，我哋滿懷期待排隊等。點咗一個【香煎豬扒配餐肉食肉獸餐】(45蚊)，【沙嗲牛肉即食麵】(42蚊)，【熱Latte】同【熱奶茶】。 【香煎豬扒配餐肉食肉獸餐】有配料茄汁豆、多士同煎蛋，濃蛋香,香煎豬扒煎得非常脆，而且油香 四溢，肉質非常嫩，配埋呢啲配料食早餐好營養。 老婆嗰個【沙嗲牛肉即食麵】湯底非常香，仲有腸仔、炒蛋同多士，陣容非常豪華，非常豐盛。沙嗲 牛肉非常香濃，花生香好出,配埋湯底一齊食好正，即食麵嘅彈性令口感更加豐富。 【熱奶茶】嘅味道非常濃郁，好傳統嘅奶茶，甜度適中，唔會太膩，奶茶香味都夠，口感順滑,食咗煎 豬扒飲口奶茶，別有一番風味。 【熱Latte】咖啡味好香滑，仲有拉花，拉花咖啡好靚, 老

住油塘嘅朋友呢日帶咗我去食鐵板晚餐🤤～豬扒鐵板餐$88🐖份量十足嘅豬扒好juicy，而且外脆內軟，用鐵板上喳喳聲😍，仲要香氣撲鼻，搭配上少少辣、濃郁嘅黑椒汁，真係絕配～冰凍檸檬蜜糖咖啡🍋☕️🍯🐝淡淡檸檬香嘅蜜糖咖啡入口清爽解渴，估唔到檸檬同咖啡會咁夾，加咗蜜糖令到咖啡入口更有層次👍凍檸茶🍋🫖真材實料嘅檸檬，入口清新，酸中帶甜，茶底夠香😋大滿足雜扒鐵板餐$98(洋蔥汁)🧅雜扒同樣份量十足，肉質鮮嫩多汁，配上經典嘅洋蔥汁，令雜扒嘅味道更豐富🤤🐖🥩下次再嚟油塘會再試下其他菜式😊

油塘大本營見到一間最近新開嘅新式茶餐廳，叫茶記研究所，裝潢懷舊得來又有啲年輕文青風格，感覺舒適～Menu畫滿好多美食插圖，見到都覺得好吸引，於是到嗌咗好幾樣嘢～勁蔥雙丁五香肉丁炒出前一丁，煮成一碟香口惹味雙丁～！一碟算一人份量，下午茶嚟講係剛剛好～ 雙丁唔會太油，仲加有洋蔥、椰菜絲，惹味得嚟減少咗罪惡感😋 黑松露芫荽炒蛋三文治炒蛋三文治會係我嘅必食推介～ 款式好多，可以跟餐肉/沙爹牛/豆豉鯪魚等配搭～ 而我揀咗嘅黑松露芫荽炒蛋，炒蛋嫩滑之外，仲爆蛋汁，蛋味香濃到不得了，真係超級好食～ 而香味極濃郁嘅黑松露同芫荽，竟然都夾得埋，風味獨特，係港式美食嘅創新，好有驚喜～ 絕對適合喜歡重口味嘅芫荽控同黑松露控～ 炸麒麟脾配薯條食茶記點少得一隻炸雞髀～ 麒麟臂可能係誇咗，但size都唔細～ 醃得入味，皮脆肉滑軟嫩，好食😋 而薯條都認真制作，糝有少少少椒鹽，令味道更高層次～菠蘿梳打食下午茶點少得飲品～ 秋日炎炎，菠蘿梳打清甜解渴～ 仲加有兩大粒甜菠蘿可以𡁻下～童年回憶黑牛黑牛絕對係港式經典～ 朱古力雪糕加可樂😊 就係嗰種味道～

今次早餐就約咗班朋友喺油塘嘅茶餐廳「茶記研究所」一齊開食早餐🤗，一日之計在於晨阿ma，睇下同d朋友仔一齊食完早餐會唔會可以做野叻d有動力d。🌟用餐開始我哋先來杯熱Latte，香醇既咖啡香配滑嫩既牛奶，為充實的一天注入元氣💯。🌟然後嚟嘅首道主食是香煎豬扒配餐肉食肉獸餐，口味絕對值得一試。豬扒香煎得剛好，外皮焦香，肉質鮮嫩，配合多士的口感更顯得美味😋。🌟再搭配埋特色的茄汁豆同煎蛋，咬下去既爽口又可口，真係令人回味無窮💯。茄汁豆係食到好有回憶，記住以前細個，婆婆成日都會開茄汁豆比我食，估唔到一個簡單既早餐都會勾起我呢個回憶，好幸福阿！！！呢到既煎蛋都好有水準，焦焦地，蛋黃生生地，所以個口感同埋味道都好豐富阿！！！在這個價格可以係「茶記研究所」享受到咁美味既早餐，真係物超所值，以佢地既食物質素同埋服務態度，我們一定會再黎嫁！🏆

今日去了大本型買東西，油塘站出口上了電梯第一眼就見到「茶記研究所」，店舖以淺綠色為主，感覺清新，牆上掛着特色菜式的插畫，比較起一般茶記雅致多了。中午餐選有午餐或常餐，掃QR code落單，朋友點蔥油豬扒煎蛋飯$58配凍奶茶只加$3。豬扒有2塊，夠腍夠滑，煎得幾香，煎蛋仲可以揀全熟，但係半生熟蛋撈飯較適合，奶茶水準唔錯。值得一讚的是這間「茶記」除了有港式風味的粥粉麵飯之外，還有素食選擇，我點了羅漢齋炒米$62，份量都係好大，夠晒抵食，材料豐富，跟餐點了焦糖鮮奶咖啡+$25，估唔到茶記都有拉花嘅咖啡飲，驚喜！奶油多$28，味道和價格都屬正常。朱古力雪糕口，跟餐+$9，做飯後甜品一流。

茶記研究所美國安格斯肥牛配喇沙·摻摻 | 雪糕紅豆冰今次試咗美國安格斯肥牛配喇沙，真係唔錯！牛肉厚切，肉質滑嫩，咬落去好有咬感，配合香濃的喇沙湯底，味道即時提升咗！湯底唔會太辣，反而有一種微微的香料味，加上點綴嘅香菜，整體口感非常豐富。食完牛肉之後，仲可以搭配雪糕紅豆冰，甜品嘅冰涼感非常解膩，紅豆嘅香甜正好中和咗喇沙嘅辛辣，真係一個好完美嘅組合！鰻魚旋風蛋包飯 | 美祿沙漠鰻魚旋風蛋包飯真係好吸引！蛋包外層柔軟，裡面包住香噴噴嘅米飯，同埋鰻魚嘅鮮味，每一口都令人食指大動。鰻魚片厚實，味道鮮甜，搭配上蛋包嘅綿密感，口感非常之好。而且整個飯碗色澤都好靚，食睇都舒服。至於美祿沙漠，喝落去有一種濃郁嘅巧克力味，甜而唔膩，啱啱好做為餐後甜品，令人心情大好！榛子醬西多士伴朱古力雪糕榛子醬西多士真係一個好驚喜！外脆內軟，每一口都有榛子醬濃郁嘅香氣，配上朱古力雪糕，味道簡直係一個夢幻組合。雪糕入口即化，搭配西多士嘅香脆口感，真係好滿足。呢個甜品真係適合愛好巧克力嘅朋友，食完之後心情都會變得好好！ 茶記研究所嘅每一道菜都充滿驚喜，無論係味道定係擺盤，都顯示出廚師嘅用心。

今日喺油塘區逛街，肚子餓咗，經過一間裝潢明亮、人氣爆棚嘅餐廳，見到咁多人排隊，心諗食物應該唔差，於是就跟住排隊啦。等咗一陣，終於輪到我入內。睇到餐牌，全部都係香港經典美食，真係令人懷念！我選咗美國安格斯肉眼鐵板餐，套餐仲包埋例湯同餐包。我選咗洋蔥汁做醬，安格斯牛肉果然唔同，肉質嫩滑，配上嘅洋蔥汁更加提升咗味道。鐵板發出劈里啪啦嘅聲音，讓人食欲大增！牛扒底下仲有薯條同埋新鮮蔬菜，味道非常入味，好好食！另外一份係豬扒鐵板餐，配咗黑椒汁同埋羅宋湯。豬扒腌得好入味，咸甜交織，加上黑椒汁食落去，味道真係令人懷念。羅宋湯味道濃郁，番茄香味十足，酸甜的口感十分開胃。飲品方面，我選咗凍檸檬蜜糖咖啡，檸檬的酸、蜜糖的甜同埋咖啡嘅苦味，竟然可以咁搭配！而另一杯凍檸茶，茶味濃郁，檸檬的酸甜味又令茶味唔再咁苦，真係正！👍🏻店員服務態度很好，環境乾淨又明亮，仲有好多打卡位，完全唔似一般嘅茶餐廳。整體味道係港式茶餐廳嘅正常水平，性價比非常高！

家姐今日放假唔使返工，最近佢忙到連晚餐都食唔定時，難得同佢一齊係屋企，就約咗佢去附近食扒。我喺網上搵到呢間茶餐廳有雞扒、豬扒同牛扒食，家姐睇完覺得OK，我哋就過嚟啦。.我哋一人叫咗一個扒，家姐叫咗美國安格斯肉眼鐵板餐，我就叫咗豬扒鐵板餐。兩份扒都有配羅宋湯同一粒小麵包。飲品方面就揀咗凍檸茶同凍檸檬蜜糖咖啡！兩份嘅價錢分別係118蚊同88蚊，我覺得咁嘅價錢可以食到牛扒同豬扒算係抵食，仲有啲小配料好似炸薯條、煎蛋同埋蔬菜.上菜嘅時間算係好快，因為當時除咗我哋仲有好多食客。我哋啱啱坐低講咗幾句嘢就開始上菜啦。啱啱上嘅時候鐵板仲好熱，無法用手去調整個方向，只能摸住嗰個木墊嚟調整。如果唔鍾意食太陽蛋嘅，可以整爛佢，然後放喺鐵板上面燒一陣就熟㗎啦。😄.牛扒同豬扒嘅火候煎得啱啱好，保留住入面嘅汁水，令成塊肉都唔會太柴。牛扒係配黑椒汁，辣辣的，豬扒就係配洋蔥汁，甜甜的，呢種搭配真係好合理。肉質亦都係嫩嫩Q彈，唔會好似嗰啲咬唔斷嘅肉，真係好食到不得了！食一啖配一啖凍飲，真係好有罪惡感。🤓不過凍檸茶同凍檸檬蜜糖咖啡真係好解渴，都有濃厚的檸檬味，可能因為唔係太甜，所以飲嘅時候都好解膩。一試愛上，真心推介💖.

今日要送媽媽返夜更所以去咗油塘附近。本來諗住帶佢去求其一間食晚餐，點知阿妹話想食有啲氣氛，未去過嘅餐廳，佢話想打卡影相放上社交媒體。依家啲後生仔真係好興自己俾錢去唔同嘅餐廳打卡做「博主」咁，真係佩服👍我哋就搵到呢間餐廳，望落去外觀唔錯，阿妹都好滿意，都唔睇餐牌就入咗去喇侍應生啱啱拎餐牌嚟，阿妹就交代咗我哋一定要嗌啲賣相靚，影相睇落好正嘅😆不過對我嚟講全部賣相都唔錯喎。最後我哋揀咗比較上鏡嘅鐵板燒，分別係牛扒同雜扒。侍應生態度好好，好有禮貌，完全唔會好似其他人講到咁～大滿足雜扒鐵板餐🌟🌟🌟🌟🌟個名真係好似份量，真係大滿足！豬扒同雞扒都好厚身。餐廳仲好貼心，另外提供黑椒汁添！將啲汁淋落鐵板到仲有滋～滋～聲添！鐵板入面嘅配料仲有太陽蛋+薯條，腸仔配埋啲汁一齊食好好味！咁嘅肉量只需要$98真係抵到爛！美國安格斯肉眼鐵板燒 🌟🌟🌟🌟牛扒又大塊又厚，而且唔會煮得太熟，外脆內嫩，配埋佢哋自家製嘅洋蔥汁好入味好食😋下面墊住嘅薯條、蔬菜都俾好多，撈埋洋蔥汁食，好正呀～凍檸檬蜜糖咖啡 🌟🌟🌟🌟檸檬蜜糖咖啡係我媽咪每次去邊度都會嗌嘅嘢飲，介乎茶同咖啡之間。飲到佢個檸檬係醃咗好耐，蜜糖同檸檬已經完美融合埋一齊

位於油塘既Cha Kee Lab，集中一系列茶餐廳經典美食，仲不忘創新同昇華佢地既美食水平例如經典既三眼太陽蛋餐肉飯、鹹牛肉三文治、蕃茄湯通粉等等仲追隨潮流，帶黎新一代茶記美食芫荽厚切餐肉炒蛋三文治配美綠沙漠芫荽熱潮平一未有退卻，cha kee lab仲將芫荽加入炒蛋之中，配上塘厚午餐肉，蛋汁滿到流出黎既芫荽厚切餐肉炒蛋三文治真係超吸引呀配埋經典既美綠沙漠，大大既滿足感就係咁簡單黑松露蝦仁炒蛋飯配凍檸茶各大餐廳都推出黑松露炒蛋，all day breakfast 都幾乎係必有茶記就當然唔可以執輸，就係要革新炒蛋部，整返份黑松露蝦仁炒蛋飯先香濃既黑松露配炒蛋當然係無得輸啦再加埋大大隻又爽口彈牙既蝦仁，真係將經典昇華既最好例子呀

早前食過佢地嘅牛扒餐，個餐湯及牛扒已經好好味，今朝經過入去試埋佢地早餐，叫左個沙爹牛肉米粉拼太陽蛋腸仔牛油多士，太陽蛋煎得好靚好出色，蛋白係剛熟又嫩，蛋黃仍然會郁動嗰啲，牛油多士裡放的牛油不吝嗇，整塊多士都食到牛油味，沙爹牛肉米粉啲沙爹味濃郁，牛肉剛好淋有咬口，湯底好出色，加雜一些粒粒菜心係米粉內，連隨牛肉一齊食，既有肉又有菜，好平衡。

老婆OT，帶住仔仔等老婆放工，但係我哋兩個都有啲肚餓，就打算先帶住仔仔喺老婆工作單位附近搵晚餐食。之後就搵到呢間【茶記研究所】，啱啱仔仔話想食西餐扒，我睇餐單上面呢度有賣西餐，就決定喺呢度用餐啦。呢度嘅人潮幾多，仔仔話覺得呢度咁多人，一定會好好食！雖然要排咗一陣隊，但其實都冇耐就到我哋入座用餐啦。呢度嘅環境唔會畀人一種好雜嘅感覺，反而係好高檔嘅茶餐廳感覺，而且食物賣嘅價錢都唔會貴，算係中規中矩。可以講嘅係，菜品真係選擇好多，仔仔睇住乜都想食。最後我點咗【雞扒鐵板餐】畀仔仔，只需要88蚊，雞扒幾大塊，仲有配蔬菜、炸薯條同煎蛋，仲附帶餐湯餐包，一餐食落絕對可以食得好飽。仲點咗一杯【凍檸茶】畀仔仔，我睇佢一個人好乖好安靜咁慢慢食，覺得真係好食，唔係仔仔都會挑食唔食。份量真係好足，仔仔一個人係食唔晒，最後外帶返屋企畀媽咪食。我自己就點咗【大滿足雜扒鐵板餐】，兩種肉扒，只要98蚊，份量真係好大，我都食到肚子非常撐，最後都係外帶返屋企同老婆一齊食。仲有一杯【凍檸檬蜜糖咖啡】，飲咗真係提神醒腦，酸酸甜甜，仲帶啲咖啡嘅微苦，飲咗好爽。最後我哋兩仔爺食得非常開心，仔仔仲求我下次要帶佢同媽咪一齊嚟。睇住辛