茶記研究所

營業中

休息中

裝修咁前衛近睇竟然係茶餐廳❕雜盤鐵板餐+豬扒鐵板燒 $88有選擇困難症嘅可以閉眼點呢個鐵板燒系列。雜盤有豬扒同雞扒，兩種味一次過食晒，仲有好多薯條同菜。豬扒好嫩，好有咬口，外脆內軟唔失鮮美多汁嘅香味，食得出係用超級新鮮嘅食材煮出嚟；雞扒肉質好厚都唔鞋口配埋濃濃嘅黑椒汁，淋落滋滋冒油嘅扒上面，根本擋唔住美味！將蛋黃撈勻，再撈埋香脆可口嘅薯條，啖啖滿足！咁大塊豬扒同雞扒，老闆真係賺到錢咩？！而且鐵板燒幾乎每枱都會點，味道都相當唔錯。套餐仲包牛油餐包，例湯送嘅係羅宋湯。番茄味相當濃郁，酸酸甜甜，係細個嘅味道 牛油餐包點住羅宋湯一齊食正呀，超級開胃！🥘大滿足雜扒鐵板燒 $98 ✨✨✨✨✨🍖豬扒鐵板燒 $88 ✨✨✨✨☕凍檸檬蜜糖咖啡 ✨✨✨✨🥤凍檸檬茶 ✨✨✨✨✨🧑‍💼環境服務 ✨✨✨✨✨ 果然冇令我哋失望：份量好大，料好足，會打卡好多次嘅嗰啲餐廳！餐點部分算係非常抵食，而且我點嘅都冇一樣係失望，仲特別驚喜！我覺得任揀一樣嚟食都應該唔會出錯嘅！

好耐都冇食港式嘢食啦，今日放假，突然間好想搵間經典嘅香港茶餐廳去食嘢，於是就揀咗好耐，見到網友推介既《茶記研究所》喺油塘，於是就走咗過嚟試吓!!到咗度先知原來有咁多選擇，超級滿足!首先，想大讚一下呢度嘅店員，服務態度非常好，落嘅單好快就送到，令人感到十分舒適！坐都係坐得好舒服既，有一種食飽左都仲想坐一陣既感覺，係香港既茶餐廳係難得少有既！！👍👍👍1️⃣ 首先嚟個凍檸檬蜜糖咖啡，真係爽口開胃，尤其係凍嘅，仲加返蜜糖，玩咗吓新口味，果然香滑得黎又解渴👍。平時最多都係飲凍檸蜜嫁咋麻，但估唔到蜜糖同咖啡可以咁夾嫁喎，個甜變得好細膩，唔係普通糖漿果隻死甜，同埋加左檸檬之後好清新，呢個係夏天必飲既👍👍👍👍2️⃣再有就係茶記招牌炒飯，價錢超抵，就有超級超級豐富嘅配料啦已經，包括新鮮蝦仁，櫻花蝦，豬肉，同埋蝦醬，好香味，同埋份量足，飽肚又開心😋。蝦醬用黎粉飯係好香嫁，同埋特別有香港情懷，呢個係5個good（滿分）既選擇！！👍👍👍👍然後佢哋嘅蝦仁真係鮮甜又釋出滿滿海鮮味，熱炒後嘅櫻花蝦仲有返點脆口感覺，真係好香，好惹味！呢度環境裝修都好OK,合理make sense,總括而言，《茶記研究所》係必食之選！！👍👍👍

好耐冇同媽咪一齊食嘢啦，仲記得以前細細個嘅時候，放學後佢成日帶我同細佬一齊去茶餐廳食嘢，雖然唔係咩大魚大肉但係我哋都食得好滿足。依家大咗，出去外地工作，就好少同佢哋見面食飯，諗諗都覺得慚愧。今日我就決定帶媽咪一齊去新鋪頭試下啦！呢間好似係新開張嘅，我搵openrice都冇咩食評，雖然有啲差評，但係食物始終要自己親自去試先知好唔好味架嘛。我喺openrice特登睇咗menu，全都係好經典嘅美食，就係唔知係咪我哋細個嘅味道啦。美國安格斯肉眼鐵板餐 💰118安格斯牛肉嘅肉質鮮嫩再經過鐵板高溫烹煮，可以好快鎖住肉汁再配埋洋葱汁簡單嘅調味就可以凸顯出高質牛肉本身嘅味道！套餐係包括餐湯同埋一個麵包，我同媽咪都揀咗紅湯。呢個真係勾起我細個嘅回憶，非常好味，濃郁嘅番茄味酸中帶甜、甜中帶香，我自己一碗都唔夠飲。大滿足雜扒鐵板餐 💰98大滿足入面有豬扒、雞扒，仲有腸仔。豬扒同雞扒都煎得好香，金黃色澤非常誘人！份量都好多，蔬菜同埋薯條都畀佢蓋住咗喺下面。食嘅時候再淋上黑椒汁，真係大滿足！凍檸檬蜜糖咖啡 幾片檸檬帶嚟嘅酸味同蜜糖甜蜜嘅味道，一齊融合喺苦澀嘅濃縮咖啡裏面，飲一啖真係冰涼爽口！凍朱古力咖啡適合唔鍾

【油塘。新派茶記舒服坐】 #高水平鐵板餐。黑松露蝦仁炒蛋飯 $68雞扒鐵板餐 $88粒粒西多士 $38凍奶茶 +$3 x2杯呢間新派茶餐廳位於油塘大本型，裝修時尚，座位舒適，令人感覺放鬆。試咗佢哋嘅黑松露蝦仁炒蛋飯，質素OK，香氣撲鼻，蝦仁鮮甜彈牙，蛋就炒得滑溜，黑松露嘅香氣提升咗整體味道另一道係雞扒鐵板餐，雞扒煎得外脆內嫩，配上鐵板熱辣辣嘅薯條，夠晒滿足。呢個餐仲會跟足料羅宋湯同餐包。小食類粒粒西多士都高質，外層炸得金黃酥脆，內裏夾住花生醬，油膩感唔強，係高水準嘅甜品選擇

好耐都冇去過油塘啦，自從搬咗出九龍之後，返工放工都係會九龍嘅一帶，今次難得去到油塘，就想搵吓好嘢食，於是就比我見得到【茶記研究所】試吓個晚餐， 即入到餐廳嘅時候，就已經見到其他人嘅枱面係滿滿嘅鐵板香味，啲煙飄晒喺空氣入邊，真係聞到都覺得好香，正正啊！首先上嚟嘅係凍檸檸蜜糖咖啡⬅️微苦又帶點甜，非常開胃，仲有微凍嘅感覺，好舒服啊🍋再來一杯凍檸茶⬅️清新爽口嘅檸檬茶，完美配搭晚餐，消化最快，令人回味無窮🍹大滿足雜扒鐵板餐$98(黑椒汁)⬅️即刻聞到迷人嘅黑椒香氣，鐵板燒熱氣撲鼻，咬一口，肉質豐富多汁，加埋大碟嘅雞扒，豬扒等等，實在令人 食得過癮，對於食肉獸嚟講，簡直係一個天堂，可以 全部都食肉食到飽，而且咁豐富嘅鐵板餐都只係$98 ，真係抵到爛，真係香港茶餐廳先可以做到呢個效果!!雞扒鐵板餐$88(洋蔥汁)⬅️吸引嘅洋蔥汁香氣，烹調得剛好，肉質鮮嫩，配上滑嫩洋葱，調配得宜， 係一個好高質嘅洋蔥汁!! 雞扒就亦都係好好食嘅，好厚身，好嫩滑，整體上嘅嘢都恰到好處，幾唔錯!!【茶記研究所】 食完呢間餐廳之後，我同朋友嘅感覺都係覺得呢間餐廳係好食好飲，抵食嘅選擇，基本上一間茶餐廳需要具備嘅條件，都已經齊晒

今日，我同bestie傾完偈之後，突然間心血來潮好想食返個茶記，但又唔想去d好普通既茶記，因此，我哋就上咗網搵吓邊間茶餐廳最受大家熱愛，同埋坐得舒舒服服，結果就喺网上發現咗呢間喺油塘嘅「茶記研究所」非常之受歡迎。所以，我哋就決定走過去試下啦！而佢地位於的地點好方便，喺地鐵站出口步行少於十分鐘就到喇，相當好搵。你知啦，夏天就唔想係戶外行超過10分鐘，身水身汗嫁，所以10分鐘內行到去餐廳係excellent既～～～一入到餐廳，點咗一個午餐套餐，個份量竟然夠兩份分，因為夏天個胃口唔係幾好，所以食量減少，但真心覺得以下介紹既呢個飯係好好食，就算冇胃口都係覺得好好食嫁：好想推薦大家黎試試呢份蔥油麒麟髀煎蛋飯。飯好香，雞蛋好滑，加埋蔥油麒麟髀配搭，每一口都充滿層次感，令人回味無窮！麒麟髀即刻炸雞脾，外脆入嫩呢個位係做到滿分既，同埋最重要係雞脾本身個quality都好高，所以炸黎係好juciy既，同埋係太陽蛋，將個半熟蛋黃撈埋落d豉油飯都係香到不得了嫁～～～！！！！飲品方面，我哋點咗個熱Latte。每一口都好滑，咖啡味同奶味恰到好處，真係好好飲！總括來講，呢間「茶記研究所」嘅質素真係非常之好，價錢又

有日中午要去轉油塘做嘢，打算提早去油塘食左lunch先，之後再去做嘢，搵左間茶記食飯。見到呢間茶記既裝潢都幾時尚，用餐環境感覺幾舒服，而且lunch time都坐滿哂人，感覺吾錯就入左去。呢度既午餐選擇幾多，睇住餐牌都吾知食咩好，因為每一個睇落去都覺得吾錯，最後我自己就點左【茶記招牌炒飯】同【熱奶茶】，同事就點左【白咖喱豬扒飯】同【凍檸檬蜜糖咖啡】，價錢就系茶記價錢，正常價。茶記招牌炒飯 $62炒飯表面有好多櫻花蝦，鋪滿成個飯，另外仲有蝦仁同豬肉，幾香蝦醬味，味道夠哂濃郁，果然係招牌炒飯。熱奶茶奶茶夠滑，幾有茶味，奶味都夠濃。白咖喱豬扒飯 $59豬扒大大塊又厚身，同手掌差唔多大，而且煎得非常香，聽講佢地既白咖喱一啲都唔辣，幾香咖喱味，帶有啲椰汁味，令成碟飯都好有食欲。凍檸檬蜜糖咖啡第一次見檸檬配咖啡，飲落去酸酸地，幾提神醒腦，檸檬將咖啡微微既酸味帶左出嚟，然後蜜糖既甜度又岩岩好，同咖啡既搭配幾match，吾會太重口味，咖啡亦夠香。

近來見到社交媒體上好多人推介這間茶餐廳 所以就和朋友來試試餐廳位於位於油塘大本型  到達時需要稍候餐廳的裝潢很有新鮮感 時尚但又帶有舊式茶餐廳的感覺 座位亦很舒適我們點了兩樣主食雞扒鐵板餐 $88（配餐湯餐包）上枱時還有滋滋聲雞扒外皮呈金黃色 賣相已令人充滿食慾雞扒鮮嫩多汁 彈性十足 加上煎蛋流出的蛋黃汁、蔬菜、薯條和黑椒汁令整體口感非常豐富豬扒鐵板餐 $88（配餐湯餐包）豬扒香味撲鼻而來 熟度剛好 口感不會太柴 咬下有嚼勁同樣地配合煎蛋、蔬菜、薯條和洋蔥汁食材豐富 多重層次兩個扒餐都有附送羅宋湯和餐包羅宋湯味道酸甜結合 濃郁的味道很開胃再配上餐包 未開始食主食已半飽另外當然不可錯過茶餐廳的飲品我們點了凍朱古力咖啡和凍檸檬蜜糖咖啡味道濃郁 非常好飲 為我們的晚餐劃上完美句號我們彼此都覺得這間餐廳性價比高 一個套餐包含多樣食物 值得一試👍🏻

晚餐我哋就同一班朋友黎到咗呢間「茶記研究所」一齊開懷大食。呢間餐廳就位於油塘，係正大本型上面，地鐵站位置都係好方便既，每款食材都是精心挑選，服務親切貼心，坐位都係算好寬敞下，坐耐左又唔會比人黑口黑面趕走，令我對間餐廳既第一印象幾好！💠 凍檸檬蜜糖咖啡 💠 呢杯飲品真係我既最愛，味道清新提神，果一股咖啡同檸檬同蜜糖交織出嘅甘香真係無法抗拒！其實成日都好想試飲咖啡，但係一直都覺得咖啡好苦，今次呢個加左蜜糖同埋檸檬，令到咖啡既苦味冇左，淨係留低左d甘香味，幾好幾好～～～～💠 美國安格斯肉眼鐵板餐$118(配餐湯餐包)黑椒汁 💠 話說呢款肉眼鐵板餐，品質幾好！呢到既黑椒汁係香到不得了，一食就知唔係零售貨，係自家制既黑椒汁黎嫁，因為係特別香既！！塊ribeye係好tender，軟軟既口感實在係好深得我心嫁，如果鍾意食牛既朋友仔可以要試，同埋佢＄118全包算係抵食，oh my goddd！！！成餐dinner，我同朋友食得都滿足，每道菜色都充滿驚喜，大家都好詫異呢家茶餐廳既食物同飲品點解可以美味咁到!不論是肉眼牛排定係咖啡，都係好食過average既；每一道菜都能讓人回味無窮，味道豐富細膩。🙏🙏

昨日同導演傾咗一下，想開發一個新題材關於新式茶餐廳。為咗更好咁了解新式茶餐廳係點運作同埋比較貼近現實，我哋喺附近搵到咗呢間茶記研究所。點解會揀呢間，係因為我哋覺得佢嘅名夠特別。從公司出發到油塘不到10分鐘的車程，當時已經是晚上7點多，我們到的時候是蠻多人在外面排隊等著座位。我們就發現現在的新式茶室還是得到很多人的喜愛畢竟時代在改變，現在的服務業也在改變。把自身的服務提高自然就會有很多的顧客。我哋各自叫咗大滿足雜扒鐵板餐、雞扒鐵板餐同埋凍檸茶。大滿足雜扒鐵板餐真係食到大滿足，因為份量好大，除咗有一塊雞扒仲有一塊豬扒，佢嘅醬係配黑椒汁，所以食起嚟會有啲微微嘅辣味，不過咁樣都唔會覺得膩，肉質都好柔軟，唔會好似啲切唔斷嘅肉。雞扒鐵板餐同大滿足雜扒鐵板餐嘅分別係佢配搭洋蔥汁，所以成個味道同感覺就係辛辣同甜味。兩份鐵板餐都有配餐湯羅宋湯同餐包，裡面嘅配菜就大同小異，有煎蛋、炸薯條同蔬菜，不過大滿足就多咗一條香腸。太陽蛋的蛋液融入了醬汁再搭配扒來吃，提升了整體的層次感和口感。滿足!!成個餐廳嘅感覺無論從美觀到味道同服務其實都唔會輸俾舊式嘅茶餐廳，除咗嚟體驗一下，我都推薦大家可以多多支持！！

朋友話帶我食好嘢，點知原來佢話帶我去食茶餐廳，本身都有少少失望，但係聽佢話係超級高質，於是都懷着一個期待嘅心情去，睇吓港式茶餐廳可以有咩驚喜呢一間位於油塘嘅茶記研究所，一嚟係平，二來係貪佢啲餸份量好，口味又正，真系要讚返🔥茶記研究所就喺油塘地鐵站附近，位置真係好方便👍🏻😝 睇到就已經好想食啦@晚餐凍檸茶♦️熱天尤其需要凍檸茶，大口飲落埋個檸檬味好爽口，飲完成個人都清爽返。 同埋呢度嘅檸檬茶都幾好飲，唔會太甜，檸檬又唔會有好澀嘅感覺@大滿足雜扒鐵板餐$98(配餐湯餐包)黑椒汁♥️一見到鐵板餐就知有得食，鐵板餐配上黑椒汁。雜扒真係好吸引，有選擇困難症嘅話，呢一個集扒絕對係滿足到你，乜嘢都有。我自己好鍾意呢一度嘅黑椒汁，因為黑椒汁嘅辣到啱啱好，黑椒嘅味道亦都好濃郁，加埋呢度嘅肉一齊食真係好夾，好食到停唔到口@羅宋湯♣️佢哋嘅羅宋湯唔似普通茶餐廳咁，料好足，濃郁嘅湯底埋紅色鮮艷，飲落去心都暖暖地。好滿意今次嚟到茶記研究所食飯，除咗價錢公道，環境舒適之外，最重要就係食物好吃！下次真系要再約埋其他朋友一齊嚟食，我地嘅胃已經很期待下一次嘅大快朵頤啦！

今日係mummy嘅生日，每一年其實我都係買蛋糕返屋企，喺屋企唱吓生日歌，簡簡單單咁樣過mummy嘅生日。今年我想黎啲特別嘅，帶mummy出去食，食好啲黎慶生。一黎佢唔使煮，二黎仲可以帶佢試吓❤️嘢，何樂而不為。之後我就同mummy講今晚唔使煮，我哋一齊出去食。一開始mummy仲唔係好想出去食，最後都俾我說服咗。我帶佢黎油塘大本型呢度，食新式嘅茶餐廳。因為mummy幾鍾意食茶餐廳，所以就帶佢黎試吓呢間新開張嘅茶記研究所。呢度嘅裝潢有傳統茶餐廳嘅感覺，而且比較整潔，比較時尚，坐得都幾舒服。好快我地就揀好我地嘅套餐。食物過左唔耐就上菜啦。我叫左美國安格斯肉眼鐵板餐，配左洋蔥汁，仲有羅宋湯同餐包，外加凍檸檬蜜糖咖啡。呢個牛扒仲有配煎蛋、薯條同蔬菜，洋蔥汁可以依自己嘅兩，放幾多自己決定，整體睇落好豐盛。首先牛扒嘅牛香味非常撲鼻，食落口感嫩，好有嚼勁，再琳啲洋蔥汁點綴一下，令成個牛扒更加好食。而mummy叫嘅係豬扒鐵板餐，配咗黑胡椒汁，每款扒餐其實都有煎蛋、炸薯條同蔬菜，另外仲有羅宋湯同餐包，黑胡椒汁當然亦都係分開嘅，想放幾多就幾多。mummy仲點咗凍檸茶，佢話好耐無飲過。mummy嘅呢份豬扒，非常

今日淨低我一個孤零零咁要出去搵嘢食。住咗喺度咁耐，附近嘅茶餐廳我都已經食到厭晒，好彩畀我發現咗呢間新開唔耐嘅茶室，所以就過嚟試吓味道如何。呢間鋪頭我都唔知應唔應該叫佢做茶餐廳/冰室，畢竟呢度嘅外觀同其他嘅好唔同，睇落去就比較乾淨同光猛，比起其他嘅高級咗好多，咁樣嘅裝修提升咗成間鋪嘅品味，坐住食都覺得比較舒服。環境🏮🏮🏮🏮🏮我叫咗一份蔥油麒麟髀煎蛋飯 58蚊，價錢好公道，份量又好足，呢道菜嘅主角梗係麒麟髀，即係雞髀部分。廚師用蔥油煎香，令到外皮香脆，肉質嫩滑，再加一隻煎到金黃嘅蛋，蛋白香脆，蛋黃流心，口感豐富。白飯仲吸收咗蔥油同雞髀嘅味道，每一粒飯都滲透住蔥油嘅香氣，帶有少少鹹香，而雞髀嘅肉汁亦滲入飯中，令到飯粒更加濕潤。真係好食!!推介指數 👍👍👍👍除此之外我仲叫咗一杯熱奶茶，奶茶帶有濃郁嘅茶香，茶同奶嘅比例調配得宜，煉奶加入後唔會覺得太甜反而令奶茶嘅口感變得香滑順口，第一啖飲落去可以感受到嘅係濃郁嘅茶香，溫度亦非常適宜。好好飲！！推介指數 🌿🌿🌿🌿🌿🌿呢間茶餐廳無論環境、服務同埋食物嘅味道都冇令我失望，值得下次再嚟！如果大家住在油塘區附近，值得推薦畀大家過嚟試吓!!

見間野開左一段時間一早7點幾就同家人去食個早餐點知個人都未訓醒，佢就用個肉碎米搞醒我食食下，有d硬野吐返出嚟，竟然係條小鐵線d職員一直想收走碗野仲係咁話換碗新嘅比我我都差唔多食完啦，想我食幾多次鐵線先滿意呀？！真係唔使指意我地會再去幫襯想幫襯嘅就自己諗清楚先啦

前一陣子同表姐傾到最近餐廳嘅裝潢越嚟越新穎，因為佢係做室內設計嘅，所以對每次用餐嘅餐館裝潢同設計都會稍微多留意。仲傾到最近擺設同裝潢都係餐廳好重要嘅一環，用餐環境舒適，擺設有主題又靚，其實都係一種賣點。跟住佢就推介咗我呢間位於油塘高超道嘅【茶記研究所】，提到佢哋嘅裝潢好時尚，環境好靚，諗唔到其實佢哋係港式西式茶餐廳。一次週末啱啱好同女朋友喺油塘附近辦事，我哋順便過去【茶記研究所】探店，試下佢哋嘅晚餐睇下到底好唔好食！！到咗呢度，人潮好多，好多客人都要等位，我哋都等咗一陣時間，諗必呢度嘅食物應該非常好食，要唔然唔會咁多人。呢度嘅晚餐扒餐都有配煎蛋、炸薯條同蔬菜，所以我同女朋友都點咗晚餐扒餐，我係點咗【美國安格斯肉眼鐵板餐】，女朋友點咗【雞扒鐵板餐】，價錢算公道，分別係［美國安格斯肉眼鐵板餐】$118，同【雞扒鐵板餐】$88。至於飲品我哋仲點咗【凍檸檬蜜糖咖啡】，同茶餐廳必點嘅【凍檸茶】。以下係我同女朋友總結出嚟嘅食物評價：-【美國安格斯肉眼鐵板餐】牛肉唔會太韌，香嫩可口，配埋附送嘅醬汁，香氣十足【雞扒鐵板餐】雞肉脆香無比，肉咬一口仲會流油，好滑嫩鮮香【凍檸茶】非常清爽，酸酸甜甜仲帶回甘，