茶記研究所

營業中

休息中

喺網上見到人哋介紹【茶記研究所】，話佢係新式茶餐廳，裝潢非常現代化，好時尚，用餐比較舒服解壓，但菜單仲係傳統嘅港式西式茶餐廳。睇完評價真係覺得好唔錯，所以就揾咗一個晚上同好姐妹一齊去試吓佢哋嘅晚餐。啱啱嚟到呢度就見到排隊嘅人潮，好多人嚟呢度食晚餐，我哋同姐妹等咗差唔多20分鐘先排到我哋，睇嚟真係好多人嚟呢度用餐，令我哋開始越嚟越期待入面嘅餐點。成個餐廳睇落非常現代化，唔會油老式茶餐廳嗰種復古風。睇咗餐單，晚餐嘅選擇非常多，晚餐扒餐都有配蔬菜、炸薯條同煎蛋，睇落好值得食。而且價錢方面都唔算貴，好抵食好公道。好姐妹點咗一個【美國安格斯肉眼鐵板餐】價錢係＄118，牛肉睇落好新鮮，好有嚼勁，配埋薯條蔬菜同煎蛋食非常豐盛，各式各樣嘅配菜配埋食一啲都唔會膩。而且牛肉煮得恰到好處，唔會生，又唔會太熟，肉唔會柴。搭配佢點嘅【凍檸檬蜜糖咖啡】，牛排味更加鮮，檸檬配咖啡本來會覺得奇怪，但係好姐妹話口味好新鮮獨特。我自己就點咗一個【大滿足雜扒鐵板餐】，咁大塊肉，仲可以食到兩種肉扒，只要$98真係好抵食！！！而且兩種肉嘅肉質都非常鮮嫩多汁，唔會柴，又唔會膩，最重要係份量足，唔會食唔飽！！晚餐仲有配【餐湯餐包】

嗰日老婆同舊同學聚會🎈 剩低我同我女二人世界👫 我就將晚餐嘅決定權交畀阿女。佢話佢想試吓同學介紹佢新開張嘅茶餐廳🤩，茶記研究所 🏠 喺油塘大本型。我就同我女一齊嚟到呢間餐廳🍴.一到嗰度見到好多客人喺度用餐🍴我哋仲要等多陣🕰️ 就喺嗰度睇吓餐單🗒️ 等陣就可以直接落單📩冇幾耐，服務員就好友善☺️咁招呼我哋去我哋嘅座位🪑我哋揀好想食嘅嘢就即刻落單啦😋冇幾耐，食物就上菜啦🥩.我食嘅係大滿足雜扒鐵板餐，配埋餐湯羅宋湯同餐包🔥足足有兩三塊大大嘅扒🥩，加埋煎蛋、薯條同蔬菜喺一個鐵板上🥘，真係好震撼🫨唔同嘅扒有唔同嘅口感同味道，仲有洋蔥汁🧅可以一齊攪拌，味道更上一層樓。⬆️⬆️⬆️.而我女就食雞扒鐵板餐，配埋羅宋湯同餐包😋雞扒鮮嫩多汁，亦都有煎蛋🍳同薯條，而我女係配咗黑椒汁，佢食得好滿足🩷。食完主食之後，我哋再慢慢享用濃郁嘅羅宋湯同餐包，真係好飽滿❤️‍🔥.我哋仲叫咗凍檸檬蜜糖咖啡同凍檸茶。兩杯飲品都令我哋好提神😎，味道香甜好飲☺️整體嚟講，呢度嘅食物質素都好高，環境又舒適，裝飾有住新型茶餐廳嘅感覺，係一間值得推薦畀大家嘅餐廳🍴

嗰日啱啱好同大佬一齊放假，就約咗一齊去油塘大本型食lunch。好彩嗰日係weekdays，所以仲未算多人。諗諗自從搬咗屋之後，好耐都冇見過大佬，所以今次見面一定要暢談一下。我哋約咗喺LG2樓見面，見到大佬依然瀟灑嘅打扮，好似返咗去細個嗰陣。我哋一邊行一邊傾緊要去邊度食，就見到咗一間新開張嘅新式茶餐廳。睇咗睇menu，我哋彼此都有想食嘅嘢，就決定索性喺呢度食lunch啦。一入到餐廳，服務員就好親切咁招呼我哋，帶我哋去我哋嘅座位。環境整體嚟講非常之新穎，枱同椅都係新嘅。不止咁，餐廳入面仲帶有舊式茶餐廳嘅味道，幾有創意嘅。大佬話呢餐佢請，叫我唔好客氣，咁我就唔客氣啦。我叫咗蔥油麒麟髀煎蛋飯，餐飲升級凍朱古力咖啡。嗰個雞髀都要大過我嘅拳頭，搓破太陽蛋，畀蛋黃汁流入飯度攪拌，已經顆粒分明嘅白飯充分吸收咗蛋黃汁。雞髀香脆唔油，切一小塊食落去之後肉汁流出嚟，十分juicy，配飯食好好味，整體嚟講都好美味。朱古力咖啡，甜甜嘅朱古力混合咗濃郁嘅咖啡味，令我好回味。大佬叫咗白咖哩豬扒飯，餐飲升級凍檸檬蜜糖咖啡。香噴噴嘅豬扒香味撲鼻，外皮好酥脆，肉質好多汁亦好彈，混合咗白咖哩汁，增加咗豬扒嘅層次感。米飯粒粒

今日我同男朋友一齊嚟呢間茶餐廳食早餐❤️佢實在好貼心 ，早早就揀咗呢度，新開嘅餐廳，對於我呢啲鍾意試新嘢嘅人嚟講，梗係一定要去試吓啦！！而且呢一間茶餐廳非常之近屋企，所以如果好食嘅話，應該會喺未來嘅飯堂之一I呢度嘅早餐都算好豐富!！本身我自己就係一個好鍾意食早餐嘅人，總會覺得食完早餐先至會有一個Good morning!!一去到嘅時候，乜嘢都唔諗，一定要首先叫返一杯熱Latte，基本上係必須呀！！，係一個朝頭早可以嘆返一杯咖啡，簡直係一個享受，而且呢一度嘅咖啡亦都係算係好唔錯，牛奶嘅香味好充足，而且咖啡亦都好濃郁，可以話係一杯好好飲嘅茶餐廳咖啡！!我今次就試咗呢一個香煎豬扒配餐肉食肉獸餐！我個人認為，呢一度嘅豬扒煎得恰到好處，唔會好乾身！而且呢度嘅豬扒真係一咬落去嘅時候，就feel到有啲肉汁標咗出嚟，完全估唔到係食緊茶餐廳嘅豬扒，同埋呢一個豬扒肥瘦適中，有少少油脂嘅香味，整體嚟講我自己係好滿意嘅!！至於餐肉就正常發揮，比較厚切，所以入口嘅時候口感非常充足，值得一讚！另外仲有其他配料配茄汁豆、多士、煎蛋，好耐冇食過茄汁豆啦，係童年嘅回憶!！多士亦都係幾唔錯，好香口，而且牛油味道十足!!整體

『茶記研究所』所供應嘅午餐美食定食十分驚艷。今日就同老公再嚟油塘體驗我哋嘅港式午餐set。平日好少有機會可以同老公一齊食到lunch，因為各有各工作忙，但今日大家都放假休息，所以就可以一齊食lunch囉。呢度嘅白咖喱豬扒飯處理得恰到好處，肉質彈牙又多汁，配合上一層濃厚嘅白咖喱汁，吸收咗豬扒嘅風味，每一口都帶出滿滿嘅滿足感，豬扒與咖喱完美配合。白咖哩比起其他咖哩冇咁辣，但係個口感會比較厚身，同埋多咗一份奶香味，豬扒係炸到好香口，呢個可以話係比100分，同埋個咖哩汁係真心送飯一流嘅神器！再加上剛剛好嘅冷凍檸檬蜜糖咖啡，咖啡香與檸檬酸的完美搭配，更能喚醒人的精神，香醇可口，咖啡味道濃郁而不膩口，口感滑潤，令人回味無窮！呢到嘅食物種類同埋飲品都好新穎，如果下次同班friend過嚟一齊試，佢哋都一定會好鍾意。其實食茶餐廳都唔一定係麻甩嘅，都可以好有class：）

上個月公司派咗我去馬來西亞出差3個禮拜，今朝啱啱返到香港。一下機就即刻想衝咗去茶餐廳。個個都話馬來西亞美食天堂但我係食唔慣。佢哋嘅茶餐廳味道同我哋差好遠；口味比較重，比較甜，比較辣，真係食唔慣。成3個禮拜都好掛住鐵板燒，炒飯，沙嗲麵，車仔麵，等等...返屋企路上直接搵咗沿路有咩好食嘅茶餐廳，見到好多人推呢間。一入到舖頭發現佢哋嘅舖面裝修好有特色，用咗薄荷綠嘅色調，畀人好清新放鬆嘅感覺，唔同晒一般嘅茶餐廳。如果唔係網上推介呢間茶餐廳，我仲以為賣緊好高級嘅嘢食，但啲嘢食都好平。馬來西亞嘅朱古力咖啡同我哋嘅朱古力咖啡有啲唔同。佢哋嘅朱古力咖啡好甜，同事話我知因為落咗好多煉奶；都係我哋嘅朱古力咖啡比較慣飲，唔會咁甜。不過值得一提係呢間嘅咖啡好香，我本身係朱古力咖啡愛好者，去邊都會叫朱古力咖啡；有啲會飲到朱古力係朱古力，咖啡係咖啡嘅味，完全分開。呢間完全唔會 佢哋嘅朱古力同咖啡完美咁融合埋一齊，都唔會有粒粒感

作為一個油塘人, 住在一個真正的美食地獄之中, 渴望的只是一家人有特色一點, 味道正常一點的餐廳就好. 茶記研究所雖說是茶餐廳, 但用上硏究所為名, 再加上負責的LITM團隊的餐廳也算是有一定好評, 所以有所期待, 但吃罷只能說是繼續努力, 特別是開張時的食物安排甚為混亂, 等一個沙嗲牛肉牛肉炒公仔麵差不多四十分鐘, 作為茶記真的不太OK, 而且沒太多鑊氣, 也有點油膩, 沙嗲醬太鹹, 牛肉肉質正常, 但總體來說不合格.之後第二次的蒽油雞扒蛋飯, 問題也是差不多, 蒽油太鹹, 吃起來有點吃力, 再加上外皮不夠脆的雞扒, 唯一見到誠意的是日本蛋的甜美蛋黃, 但不夠拉回合格的分數啊! 以為可以將這地區由地獄拉回來, 但真的不太行.

原本幾次經過呢間茶餐廳，一直都冇諗過入去試，因為見到佢門口長期堆積住貨物，好唔整潔。冇咩信心想嘗試。直到近日見到佢終於執整咗佢嘅門前，唔會再有雜物堆積喺門口，感覺乾淨企理咗好多，而且見到佢成日都好多人幫襯，可能啲食物質素都唔錯。早餐都唔少選擇，應該有嘅面餐扒餐都飲，而且仲有三文治，不過就唔係套餐，飲品要另外加錢。同埋如果想飲咖啡，佢係特別貴嘅，所以我都只係揀咗奶茶。試咗佢豬扒餐肉煎蛋，豬扒夠厚，夠大件，味道都唔錯，只係比較油膩。另外喜歡佢嘅落單程式，基本上每一樣嘢都可以有自選功能，例如多士多烘，飲品走甜，走茄汁豆，都可以直接自選唔需要再搵職員。煎蛋同埋奶茶就一般，奶茶夠香唔夠濃，比較薄。煎蛋唔係燶邊香口果隻。如果可以提供麥包同埋滑身果隻米粉，應該會常常去光顧。可惜佢係粗身果種米粉，同埋白麵包，都唔係幾合我口味。如果喜歡我的食評，請追蹤讚好，謝謝。

點左一個煎蛋豬扒飯連凍飲$61，飯少豬扒似漢堡扒又乾又硬，唔係同小朋友一齊真係想出聲，垃圾到咁，完全冇heart,有圖有真相唔係屈佢。何必賺到咁盡好快咪又換人，比d良心好唔好。

今日去藍田老爺屋企前，落地鐵睇吓附近有咩食，經過呢間新開茶記門口好開揚，又光猛既餐廳叫研究所，橫掂一個人就入去試吓啦，一入到去第一件事係，好多服務員姐姐，佢哋安排左我去個單邊位，仲好、唔駛同人迫。…睇下個menu 正常價錢。試吓茶記無既野先馬來喇沙摻摻。配茶記必備凍奶茶 。喇沙黎到，配料都合格、咩都有。 個湯底帶小小椰香味，都有啲辣道～ 魚蛋魚片唔係膠味，正常發揮。杯凍奶茶係滑既口感。茶味適中。 整體而言，合格以上啊。最緊要呢個位真係好方便。樓上又無咩新意既選擇。希望佢哋可以繼續加啲新產品。我每次黎探老爺都可以試吓。 而家既冰室都係無咩要求，我覺得如果做得唔錯都值得我花時間寫一篇當支持下⋯⋯

樓下的新茶餐廳，呢間店鋪令人失望。首先，因為價錢都偏貴⋯⋯但我覺得食物質素未能達到預期水平。我點嘅沙嗲牛一丁份量唔多，而且味道雖然唔算差但明顯偏淡。餐牌嘅介紹同實際食物唔係太一樣。 。 。此外，服務態度亦有待改善。位置太逼，好似想做多幾轉生意，要你快啲食完快啲走咁⋯⋯

生活，工作，家庭，日日都好似打仗咁，手頭上永遠都有做唔完嘅嘢，永遠都有要做嘅事，冇一刻可以抖下氣。我知自己快頂唔順喇 壓力真係好大，所以畀咗自己放假嚟油塘行吓山睇吓海。有時人係咁㗎啦，想放鬆吓、想改變吓啲一成不變嘅日程，就一定要做啲平時唔會做嘅嘢，嚟個唔同啲嘅Me-time，所以一大早就安排咗去魔鬼山。一路行上山嗰陣係有啲後悔嘅，點解仲要搞到自己咁攰😆但係當我行到山頂嗰一刻就覺得，為咗嗰片海景！抵喇！落山嗰陣遇到咗一對老夫婦，就問咗佢哋附近有咩好食可以推介？你知道呢樣嘢對一個I人嚟講，同陌生人搭訕係一個好大嘅突破喇。阿婆人好好，推介咗佢哋啱啱去食過嘅早餐俾我—茶記研究所，仲話佢覺得我會鍾意？！都唔知阿婆邊度嚟嘅信心覺得我會鍾意？嚟到呢度，睇咗環境....嗯...真係幾鍾意😆餐廳嘅裝修唔係舊式茶餐廳，裝修好新潮，俾人感覺好乾淨舒服。侍應安排咗個位畀我一個人，服務都好好，上菜都好快。我叫咗沙嗲牛肉麵+熱奶茶同滑蛋多士，沙嗲牛肉麵-呢個係我細個同婆婆一齊去茶餐廳時成日叫嘅嘢食。食完之後，我都想喊咗🥲諗起細個嘅味道，突然好掛住細個婆婆餐餐帶我嚟食茶餐廳，我仲扭計話以後大個咗我唔要再食沙嗲牛肉喇

茶記研究所，諗住佢啲奶茶應該好有質素，好可惜不是，冇茶香又冇茶味，失望😞。早餐所有咖啡都要加最少$18，若要每朝要杯咖啡醒醒，就要諗諗。早餐叫了個勁蔥咸牛肉蛋治，點知哩咗個我以為係蛋治加少少蔥花，極度失望😩。朋友叫了個豬扒套餐，塊豬扒size ok,但係啲肉係壞咗，staff 好快同佢換咗，但都已感覺不良。初初開業食物質素已經差，另外有位疑似老闆娘（收銀）的態度對不同人的態度都有所不同，希望佢向劉華或者古生個禮貌宣傳電視，多多學習。應該不會有下次除非有明顯改善🫣

身為外國人，我對異國食物充滿興趣，也不喜歡浪費食物。然而，這間餐廳的食物讓我在肚子很餓的情況下，吃了幾口後仍然感到無法入口。我深知廚師和農夫的辛勞，所以對於無法享用完這些餐點感到十分抱歉。我真的是盡力了，謝謝你們的辛勤付出。

這次的用餐體驗讓我非常失望，從點餐平台上的圖片來看，奶油多士應該是色澤金黃、邊緣微焦、奶香四溢的美食。然而，當實物上桌時，我卻看到兩片乾燥、毫無色澤的白麵包。麵包中間部分甚至看起來生硬無味，奶油的量少得可憐，完全達不到圖片中那種豐富、誘人的效果。圖文嚴重不符是我對這次用餐體驗最深的印象。平台上的奶油多士圖片顯示出一片色澤金黃、奶香撲鼻的美食，而實際上提供的奶油多士卻顯得無比敷衍，這樣一塊普通的白麵包切開一半，然後收你$28，就這種誤導消費者的行為實在令人不齒，讓我對這家餐廳的信任度大幅降低。我認為，餐廳應該更加注重食品品質，確保實物與圖片的一致性，以免給消費者帶來這樣的不愉快體驗。這次的奶油多士實在是一次令人失望的選擇，未來我將不會再光顧這家餐廳，也不會推薦給他人。還有那個鰻魚烏冬，烏冬是酸的，又吃過烏冬的人也知道，用便宜的貨色$3一包的那種才會有這種味道出現，但是卻收你$78唯一的優點只有服務態度良好和裝潢漂亮，食物的味道真的很不堪。