影片
更多
2024-08-25
116 瀏覽
今日係mummy嘅生日，每一年其實我都係買蛋糕返屋企，喺屋企唱吓生日歌，簡簡單單咁樣過mummy嘅生日。今年我想黎啲特別嘅，帶mummy出去食，食好啲黎慶生。一黎佢唔使煮，二黎仲可以帶佢試吓❤️嘢，何樂而不為。之後我就同mummy講今晚唔使煮，我哋一齊出去食。一開始mummy仲唔係好想出去食，最後都俾我說服咗。我帶佢黎油塘大本型呢度，食新式嘅茶餐廳。因為mummy幾鍾意食茶餐廳，所以就帶佢黎試吓呢間新開張嘅茶記研究所。呢度嘅裝潢有傳統茶餐廳嘅感覺，而且比較整潔，比較時尚，坐得都幾舒服。好快我地就揀好我地嘅套餐。食物過左唔耐就上菜啦。我叫左美國安格斯肉眼鐵板餐，配左洋蔥汁，仲有羅宋湯同餐包，外加凍檸檬蜜糖咖啡。呢個牛扒仲有配煎蛋、薯條同蔬菜，洋蔥汁可以依自己嘅兩，放幾多自己決定，整體睇落好豐盛。首先牛扒嘅牛香味非常撲鼻，食落口感嫩，好有嚼勁，再琳啲洋蔥汁點綴一下，令成個牛扒更加好食。而mummy叫嘅係豬扒鐵板餐，配咗黑胡椒汁，每款扒餐其實都有煎蛋、炸薯條同蔬菜，另外仲有羅宋湯同餐包，黑胡椒汁當然亦都係分開嘅，想放幾多就幾多。mummy仲點咗凍檸茶，佢話好耐無飲過。mummy嘅呢份豬扒，非常
我帶佢黎油塘大本型呢度，食新式嘅茶餐廳。因為mummy幾鍾意食茶餐廳，所以就帶佢黎試吓呢間新開張嘅茶記研究所。呢度嘅裝潢有傳統茶餐廳嘅感覺，而且比較整潔，比較時尚，坐得都幾舒服。
好快我地就揀好我地嘅套餐。食物過左唔耐就上菜啦。我叫左美國安格斯肉眼鐵板餐，配左洋蔥汁，仲有羅宋湯同餐包，外加凍檸檬蜜糖咖啡。呢個牛扒仲有配煎蛋、薯條同蔬菜，洋蔥汁可以依自己嘅兩，放幾多自己決定，整體睇落好豐盛。首先牛扒嘅牛香味非常撲鼻，食落口感嫩，好有嚼勁，再琳啲洋蔥汁點綴一下，令成個牛扒更加好食。
而mummy叫嘅係豬扒鐵板餐，配咗黑胡椒汁，每款扒餐其實都有煎蛋、炸薯條同蔬菜，另外仲有羅宋湯同餐包，黑胡椒汁當然亦都係分開嘅，想放幾多就幾多。mummy仲點咗凍檸茶，佢話好耐無飲過。mummy嘅呢份豬扒，非常嫩滑亦都好多汁，味道好香，黑胡椒汁混埋一齊更加好食。
除咗主食，羅宋湯味道亦都好足，濃濃嘅湯配埋餐包，食到我地都好滿足。飲品亦都係茶餐廳應該有嘅味道，好唔錯。最後我仲細細聲唱生日歌俾mummy聽。mummy覺得好欣慰。
張貼
