茶記研究所

營業中

休息中

講到港式美食，有咩可能唔介紹吓香港嘅茶餐廳今日心血來潮，好想食一餐地道既港式午餐，就同老公一齊去左食油塘既「茶記研究所」。呢間茶餐廳真係好抵食，59蚊就有一份白咖喱豬扒飯同一杯熱奶茶，絕對係物超所值係香港地係超難得搵到一間餐廳包埋野飲係唔洗60蚊！同埋佢真係超大份，豬扒又大塊，汁又夠多，性價比超高白咖喱豬扒飯豬排炸得好酥脆，好香口！連埋啲白咖喱一齊食真係好香濃，而且唔會太辣！每啖都可以食到豬扒嘅鮮嫩同埋醬汁嘅香濃，成餐飯都好開胃！同埋佢個豬扒係好Juicy，可以肯定一定係無翻炸熱奶茶牛奶既香醇同茶既濃郁茶香完美融合。食完飯飲杯好飲嘅奶茶真係好滿足！今次去呢間茶餐廳唔單止服務親切，食物味道都一樣咁出色！我同老公都覺得好滿足

💡物超所值的早餐同朋友去行山前，去食個豐富的早餐，呢間近期新開，見咁多人排隊，即刻試下先。🍅香濃羅宋湯通粉 、酥脆牛角包 🥐碎蛋沙律 🍳羅宋湯用新鮮的番茄、洋蔥同其他蔬菜熬製而成，湯底濃郁鮮美，帶有一點酸甜的風味。通粉的口感滑順，和湯底非常搭配。而牛角包外皮酥脆，內部柔軟。碎蛋沙律，夠曬營養豐富。🐖香煎豬扒即食麵配炒蛋 豬扒外焦內嫩，帶有豐富的肉味，另外加錢叫左出前一丁，彈牙有口感，兩者都好夾。炒蛋的柔滑口感增添了風味，令人十分滿足。🥪勁蔥咸牛肉炒蛋三文治加芝士 用咸牛肉和炒蛋作為主要餡料，搭配麵包。勁蔥的香氣增添了整道菜的風味，咸牛肉同炒蛋份量有好多，加入芝士後，口感更加濃郁，融化的芝士與牛肉和蛋的搭配。

同事介紹話油塘嗰邊有間新開嘅新型茶餐廳，仲話週未要排隊等位，趁平日晚上冇咁多人嘅時候去試吓。嗰間鋪位於大本型LG2樓，遠遠就可以見到睇落好新嘅茶餐廳，仲有個大大嘅茶記研究所招牌。我而家喺外面睇睇佢嘅餐單先，之後服務員就用友善嘅態度帶我入去。其實呢度嘅餐單上有好多食物，分別有早餐、午餐、全日常餐等等。我就揀咗我自己比較鍾意嘅懷舊品味扒餐系列嘅豬扒鐵板餐同一杯凍檸蜜糖咖啡。上菜快，豬扒鐵板餐附送洋蔥汁一齊享用。豬扒口感好嫩滑，仲好juicy，煮得啱啱好，唔會太油膩，仲有顆煎蛋，炸薯條，同埋蔬菜可以一齊食，如果再放洋蔥汁落去，味道更加直接升華。洋蔥嘅鮮味同豬扒融合得好好食。羅宋湯酸酸甜甜嘅味道飲落去好濃郁，肯定係落足料煮嘅湯，餐包亦都好香同鬆軟。濃濃嘅羅宋湯再用餐包沾住食，好美味。再飲一啖凍檸檬蜜糖咖啡，慢慢咁享受住我嘅晚餐。

鹹鮮黃花魚蒸肉餅 $88住家菜系列即叫即製好新鮮，呢道菜好有媽媽嘅味道🐟🐷黃花魚嘅鮮甜再跟肉餅嘅豬肉香氣互相提鮮，兩者結合令口感豐富，魚肉嫩滑，肉餅都彈口，再配埋油菜同白飯，呢個晚餐好豐富馬來喇沙 $72喇湯湯底濃郁，香而不太辣，容易入口，麵條可以揀淨摻摻、淨油麵或淨米粉，啱晒唔同口味嘅朋友選擇🍜 喇沙有蝦仁、魚片、魚蛋、豆卜同雞蛋，好豐富👍🏻凍檸茶 嘆返杯檸茶係食茶記嘅重點，茶底濃郁，檸檬唔苦澀👍🏻📌茶記研究所 (油塘)地址：油塘高超道38號大本型LG2樓202-203號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #油塘 #大本型 #黃花魚 #蒸肉餅 #住家菜 #喇沙 #茶記研究所 #茶餐廳

難得假期，加上久未嗜過奶茶香，一於去屋企附近的“茶記研究所”吃個午飯，飲杯奶茶。所有午市套餐均附送餐飲，非常抵食。🐷🥚打抛豬肉煎太陽蛋飯～磨菇粒，豬肉碎及香葉，搭配晶瑩剔透的太陽蛋，賣相吸引。篤穿太陽蛋的一刻，蛋汁瀉滿白飯上，感覺治癒。蛋漿與所有食材和白飯拌勻來吃，美味可口，非常惹味。🥘馬來喇沙～喇沙的椰香湯底十分清香，配上豆卜、墨魚丸、蝦仁，魚片及雞蛋來吃，食材豐富。油麵，芽菜和米粉組成的摻摻，亦做到掛湯效果，口感複雜而香口。☕奶茶～去得茶記，奶茶當然不可少。奶香茶滑，茶底夠香，順滑不已。

細個嗰陣～父母每個週末都鍾意帶我去茶餐廳食早餐～所以我對茶餐廳嘅食物總係有一種特別嘅感情😀今日啱啱經過一間叫茶記研究所嘅高級茶餐廳～因為仲未食早餐～所以就抱住試吓嘅心態行咗入去睇睇🍽.入面嘅環境好明亮💡所有嘅裝飾都好新～俾人一種好舒服嘅感覺…設計方面🎨都好潮流～比起舊式嘅茶餐廳呢度高級咗好多！！我係朝早10點幾到嘅～所以座位🪑都所剩無幾～即刻搵咗個位坐低～然後就開始睇餐牌上介紹嘅食物🤗🤗.如果係想食早餐嘅話呢～淨係朝早7:30到11:30有供應～我睇到咗我最鍾意食嘅香煎豬扒配茄汁豆、多士、煎蛋同餐肉～仲揀咗杯熱奶茶☕先45蚊💰～覺得幾抵～所以就叫咗一份試吓～.以下是我嘅食後感想總結 :香煎豬扒🐷推介指數🌟🌟🌟🌟豬扒煎得外皮金黃酥脆～一咬下去便能聽到滿足的脆響聲～而內裡卻保持著鮮嫩多汁的完美狀態～煎蛋煎到啱啱好嘅火候～唔會太熟亦唔會太生～餐肉都脆脆哋～好有口感🙌🏻🙌🏻熱奶茶 ☕推介指數🌟🌟🌟🌟🌟呢杯奶茶好香甜～但唔會太甜膩～口感偏滑～濃郁嘅茶香同純正嘅奶香交織埋一齊～啱啱好～簡直係奶茶界數一數二嘅存在！！呢間餐廳係新開嘅～超近地鐵站～好方便！！成個早餐就係滿滿嘅童年回憶😊小時候嘅煎蛋同餐

一個人週末早上無所事事，只能靠跑步鍛鍊自己🏃🏻，讓自己過得更充實。跑步完後剛好經過油塘的大本型，諗住入去裡面食啲早餐補充一下卡路里😋。行住行住就被一間舖頭嘅裝潢所吸引🤩。呢間舖頭嘅名叫茶記研究所，係一間港式、西式嘅茶餐廳，環境復古得嚟又好時尚，顏色搭配都幾吸引人，好似我🙋🏻‍♂️，我就係嗰位被吸引嘅人，睇睇個菜單，就決定喺度食早餐。👊🏼早餐嘅時間係上午7:30至11:30。我食咗呢間舖頭嘅粉麵早餐系列嘅沙爹牛肉即食麵🍝，一碗$42。唔單止係一碗麵咁簡單，仲可以搭配火腿或者腸仔或者午餐肉，煎蛋或者炒蛋，仲有一份多士。先評一評主食沙爹牛肉即食麵，牛肉係毫不吝嗇嘅畀咗好多，而且牛肉仲完全吸收咗沙爹醬嘅精華，嚼勁嘅口感之餘仲充滿咗沙爹味，即食麵則有媽媽煮嘅味道，麵條都好Q彈，滿分💯我揀咗腸仔🌭，炒蛋🥚同多士🍞嘅搭配。腸仔嘅硬度啱啱好，食落去非常有嚼勁。炒蛋就好潤滑，充滿咗蛋黃嘅鮮味。仲有就係多士，麵包烤得啱啱好，味道都好香。果然早餐仲係需要多士同蛋先算係早餐。我仲叫咗一杯熱奶茶☕️，茶香同奶香混合得啱啱好，口感好順滑，非常暖胃。完美咁配合咗我嘅早餐。大家下次有機會經過可以再嚟呢度飲早茶。👍🏼

去開油塘想食茶記, 一於試吓呢間裝修好時髦嘅茶記研究所🙆🏻‍♀️咁啱仲可以叫午餐, 真係好抵食！上枱擺得好精緻, 喇沙唔算辣, 椰味香濃, 對於平時食開10小嘅我辣嘅程度做得幾好👍🏻 同埋材料份量都好足👍🏻另外仲叫咗個雞扒飯, 一樣係大大碟CP值好高👍🏻 如果一個男仔食都應該夠飽, 價錢真係實惠!!坐得舒服, 員工服務好好, 食物質素亦唔錯, 如果下次再嚟油塘又想坐低食下野都會再嚟”茶記研究所”！！！！！

之前朋友話呢間餐廳嘅食物同埋飲品唔錯，好多茶餐廳嘅招牌菜都可以喺度食到，都幾吸引，一於同老公喺度食晚試吓啦！一到就見到好多人排緊隊，可能係晚餐時間，店員好nice咁話畀我哋知要等二十至三十分鐘。我同男朋友眼神交流，都一場嚟到，當然要入去試吓啦！先講講鋪頭嘅裝修，都幾潮流同埋敞亮~同以前嘅老式茶餐廳唔同，呢間係走簡約風，非常符合年輕人嘅審美~明亮嘅燈光同座位排得唔係好密，畀我一種非常舒適嘅感覺~餐點方面我就點咗【豬扒鐵板餐】，套餐入面係配餐湯同埋餐包嘅。豬扒煎得好靚，外酥內嫩，仲好juicy！我嘅豬扒配咗黑椒汁，胡椒微微嘅辣味同埋微焦嘅豬扒一齊食，好正啊！下面仲有薯條同埋洋葱，吸收咗黑胡椒汁之後口感都非常豐富！羅宋湯亦都好好味，番茄嘅酸甜味同埋洋葱都燉得好軟爛，一啖落去暖心又暖胃。男朋友就點咗【雞扒鐵板餐】配洋葱汁，雞扒亦都煎得好嫩，散發出陣陣嘅濃郁雞肉香味。配合住調得味道咸甜適中嘅洋葱汁，都一樣咁好食！飲品方面我哋就叫咗【凍檸檬蜜糖咖啡】同埋【凍檸茶】，凍檸茶就唔需要多解釋啦，經典茶室飲品！但我要重點讚下佢哋嘅特色飲品【凍檸檬蜜糖咖啡】，酸酸嘅檸檬同埋苦苦嘅咖啡搭配埋一齊，清爽又解膩~

又話油塘係美食沙漠，我揀左間有人排隊既餐廳，已經覺得好😍下午茶炸麒麟脾拼薯條 份量好大，而且佢係巨脾黎！炸得金黃香脆，脆卜卜，薯條又香又脆，簡直係完美嘅小食搭配，邪惡既選擇。卡邦尼餐肉炒一丁聽到個名呆左下，諗緊係咪啲黑暗料理，諗住博一博，點知勁有驚喜！重點係個蛋，撈埋一齊食，味道幾倍上升，一丁吸收咗蛋嘅精華，超creamy，好好味！大推！！！勁蔥鹹牛肉炒蛋三文治呢個三文治真係勁厚身！麵包外脆內軟，鹹牛肉唔會太鹹，加上雞蛋，仲有香蔥嘅提味，配合得岩岩好。飲品凍檸茶同凍奶茶，無諗過，個茶底唔係hea , 對得住個名，茶記既味道。總結整體嚟講，呢間餐廳嘅食物質量高，味道出色，份量又足，真係相當推薦！下次再嚟試其他菜式！

之前一直想試試呢間茶記既牛角包同羅宋湯，可是一直無機會係呢邊食早餐。今晚同朋友食晚飯，就黎試吓啦 。我地叫左一個大滿足雜扒鐵板餐share, 仲有一般茶餐廳少見既雪糕紅豆冰同黑牛。落完單好快就上左餐包、羅宋湯。餐包有翻熱牛油搽上去有少少溶特別香。 羅宋湯係茶餐廳果種帶點辣味，但比一般既濃稠，強烈既酸甜辣，好開胃。大滿足雜扒鐵板餐最抵讚既係個黑椒汁，調味調得剛剛好，偏辣，係我鐘意既味道。肉排處理得唔錯，無雪味或者其他奇怪味道。紅豆冰用既係椰奶，唔係連鎖快餐既淡奶，呢個我有d意外，唔饮椰奶既朋友要注意啦。朋友就好中意杯黑牛，朱古力加可樂系記憶中既味道。

今年先開張嘅新式文青餐記，茶記以淺綠色為主嘅裝修🧩茶記使用越南斗笠燈罩🛖樓底高令茶記充滿空氣感牆上掛住自繪特色插畫🎑 有別於一般茶記🥢何生又係茶餐廳控放工就加多個朋友就黎試下嘞😉試左以下三款

工作勞累咗成日，因為公司啱啱搬遷所以特別忙，終於捱到放工，於是諗住搵間茶餐廳隨便食個晚餐嚟消除一日嘅疲憊。😞😞😞呢度雖然係茶餐廳，但係算係新式茶餐廳，裝潢擺設都非常時尚，唔會有老舊感，燈光啱啱好，唔會刺眼，用餐環境非常舒適。成間茶餐廳白色偏多，燈光偏暗，令人有種非常舒壓放鬆嘅感覺，而且吊燈好有格調。😊😊😊睇咗餐牌，餐點種類非常多，一時之間唔知食咩好，經過三番考慮，最後決定要咗【豬扒鐵板餐】，配有餐湯餐包，只需要$88咋。另外飲品我點咗個【凍檸檬蜜糖咖啡】，想補補精神。😇😇😇佢哋嘅【豬扒鐵板餐】除咗豬扒仲配有薯條同太陽蛋，薯條炸得非常香脆，蛋煎嘅熟度啱啱好，唔會太熟，蛋黃刺破仲會流黃，豬扒鮮嫩多汁，仲會流油，真係好好食。附帶嘅餐湯餐包都非常好食，湯非常鮮美，餐包滿滿吸收咗湯汁嘅精華，仲有牛油作點綴。😋😋😋【凍檸檬蜜糖咖啡】飲落一口非常爽，冰冰涼涼，酸度同甜度都非常適中，咖啡嘅香味都好濃郁，飲完成個人非常清爽，同埋好精神。😋😋😋勞累咗一日嚟呢度食一餐晚飯，真係好享受，食完成個人又充滿活力，可以繼續OT啦！💪🏻💪🏻💪🏻

與朋友經過油塘地鐵站茶記研究所，覺得很特別便進來點了下午茶。香濃羅宋湯通粉碎蛋沙律牛角包羅宋湯香濃，牛油滿滿的牛角包沾滿羅宋湯放進口裏吃，雙重口感，大大滿足。雪糕紅豆冰，雲尼拿雪糕，椰汁及紅豆，完全是兒時的回憶。炸麒麟髀拼薯條即叫即炸，薯條香脆可口沾上茄汁，無懈可擊。手掌般大的雞脾香脆雞皮加上嫩滑的雞肉，完美配搭。最後喝濃濃的好立克，完美之作。粒粒西士多厚切麵包搽了粒粒花生醬在中間，配上牛油與糖醬，完美的下午茶。阿華田作完結是令人滿足。#小數怕長計 #慳家 #優惠 #著數 #小師奶 #美食

今日去咗「茶記研究所」食午餐，😍 嚟到呢間茶餐廳，環境靚又舒服，裝潢有啲文青風格。全日常餐($46) 先上場，包含 香濃羅宋湯通粉。嘩，湯好香濃，裡面有一大舊牛腩，肉質超級軟滑，啖啖都係滿滿牛味！🐄🍜 完全唔會膩，真係好正！跟住就係 牛角包，咬落去牛油味好香，外脆內軟，真係好好味！🥐✨ 而且，仲有 炒滑蛋，蛋炒得非常滑，口感超級好，完美配搭！🥚👌而家重點來啦！如果你係炒蛋迷，呢度真係必試！💥 黑松露蝦仁炒蛋飯($65) 真係一流，蝦仁新鮮，黑松露味道濃郁，炒蛋嫩滑，每一口都係幸福！🍤🍚仲有招牌 黑松露芫荽炒蛋三文治($39)，黑松露同芫荽嘅香味混合得好好，口感獨特，食完之後真係超驚喜！🥪😋 呢啲炒蛋名物真係唔可以錯過！今日呢一餐真係好滿足，茶記研究所絕對係炒蛋迷嘅天堂，值得一試！下次一定要再嚟！👏💖