茶聊

營業中

休息中

☕️Happy Friday 去咗一間位於旺角嘅打卡cafe🍽 @tearapy_tearapy 雖然出名打卡，但係佢嘅食物同埋飲品質素都唔錯🫣今次同埋屋企人兩個人去食，所以叫嘅嘢食唔多，諗住食完晚餐再出發去第二度食甜品。點知呢度嘅嘢食睇落唔多，但係食到最後變到好飽，最後都冇再食甜品🫠以下有🌟喺推薦菜式，大家可以bookmark定，下次去嘅時候可以叫嚟食😆▫️勁爆芝士牛肉漢堡(鳥籠漢堡)🌟▫️太平洋煎海蝦配藍青口白酒忌廉汁手工墨魚麵▫️髒髒黑糖珍珠鮮奶🌟▫️四季春芝士奶蓋🌟呢個鳥籠漢堡真係打卡一流(見到隔籬枱影得好開心哈哈🤣)，見到嘅時候好有驚喜😆當你影完靚相就可以叫店員幫你收走佢，另外仲可以係落order嘅時候揀將個漢堡切開一半，都幾貼心🤫呢碟菜式除咗有漢堡包，仲有薯條同埋沙律🥗個人覺得沙律同埋薯條好好食🫣漢堡嘅質素算係中上，不過啲芝士食到最後有少少膩，所以同埋朋友share啱啱好👍🏼👉🏼呢碟意粉嘅質素其實都OK，但係可能我見到手工意粉期望太高，所以就覺得呢碟菜式冇我想像中咁好食🫥佢嘅汁調配得唔錯，青口略嫌唔夠新鮮，但係呢個價錢配上呢個質素都收貨嘅🤫至於嗰手工墨魚麵就只係普通嘅意粉，食落都唔係

之前一直都bookmark 咗哩間人氣餐廳好耐，今日特登一早嚟到食個brunch， 甫一出lift已經俾佢酒店式嘅招牌吸引到，好期待店內裝潢同食物嘅質素，果真並沒有令人失望👍🏻長走廊盡頭放了紅通通配以花藝💐裝飾嘅電話亭，旁邊嘅紅色郵筒📮亦非常igable 由於餐廳內已經滿座，店長安排我地坐係面向大街嘅長bar 台，美中不足係對面大街正進行大維修工程，否則就很完美。茶聊提供嘅食物種類都唔少，手工意炒、鳥籠漢堡、連手抓薄餅都有，當然叫得「茶聊-Tearapy」又點會少得Drink menu，水果茶、沙冰、珍奶應有盡有🤗鹹蛋黃烤鳳尾蝦漢堡 $158食得又睇得，仲要唔係淨係得個樣，擺盤相當有心思，鳥籠漢堡相當吸晴，店員亦好貼心咁等大家打完於先再收走鳥籠方便繼續享用美食。漢堡包🍔用牛油加蜜糖輕烤，食得甜甜地好好味😋黃金大蝦🍤完全係加分之作，鹹蛋黃醬掛滿蝦身，鹹香十足又辣辣地好開胃，安格斯patty 更係手工之作，唔會一切就散👍🏻黃金流沙軟殼蟹龍蝦海皇汁意大利燴飯 $158手掌🖐️咁大隻嘅酥炸軟殼蟹放係risotto 上好吸晴，軟殼蟹好脆身少乾身，但調味就會鹹少少，如果連偏淡嘅risotto 一齊食

旺角嘅茶聊係香港打卡Cafe嘅鼻祖之一，茶聊 Keep 住都有Update Menu同埋佈置，為食客帶來驚喜！安格斯沙爹牛肉片漢堡配凱撒沙律薯條 $168用鳥籠嚟做擺盤，夠晒吸引！沙嗲牛肉片配漢堡扒嘅雙重牛肉衝擊，真係幾特別！薯條十分香脆！輕煎北海道刺身帶子水牛芝士汁手工墨魚麵 $138刺身級嘅北海道帶子勁大粒，仲好甜美！手工墨魚麵帶天然嘅甜味，配搭水牛芝士汁，香郁得嚟又唔會漏，好味道！髒髒黑糖珍珠鮮奶 $44滿到瀉嘅朱古力粉，仲有甜美嘅黑糖珍珠鮮奶，視覺效果夠晒震撼，仲幾好飲！芝芝巨峰葡萄 $48季節限定嘅飲品，咸香嘅忌廉芝士奶蓋夠濃滑！巨峰提子自帶漂亮嘅紫色，內含軟熟香甜嘅巨峰提子果肉，值得一試！

ChitChat-able Cafe👯‍♀️呢間cafe bookmark咗好耐，係網上一直見到好多人係到打卡，於是決定係openrice訂位先！-｜環境｜一入餐廳，有條短走廊，有一個電話亭可以打卡📸之後先係bar台同座位。想影相靚d可以坐bar 台望城景，大玻璃，採光度唔錯👍🏻但出面係正在裝修嘅大廈🥲整體感覺都寬敞，位與位之間嘅空間都足夠｜食物｜🍔和牛漢堡配薯條 $158值得一讚係薯條🍟 幼薯條，有少少椒鹽味，點沙律醬就有d重味，蓋左薯條本身d味。但和牛漢堡就普普通通，醬汁唔夠，和牛有d乾但食嘅時候都有少少脂肪香味。🥑牛油果炸雞墨西哥卷餅 $78個醬味道唔錯，但有啲鹹😶牛油果都幾creamy；炸雞食嘅時候唔脆；份量都偏少🧋髒髒黑糖鮮奶 $44冇得少甜，但飲落都唔會好甜👍🏻可能用左脫脂奶🤔啲奶偏淡，加埋甜甜地嘅黑糖珍珠就啱啱好🍠髒髒紫薯鮮奶（沙冰）$44叫左少甜，味道就真係淡左啲😂但紫薯味都幾香｜服務｜偏向自助形式，自己出去落單，之後會送到你張台；亦都要自己出去拎水｜整體｜環境舒服，啱晒三四知己傾下計，但係咪IGable真係見人見智；嘢食味道整體唔錯，但份量偏少，價位亦都較進取-餐廳：茶

位於旺角既茶聊試過幾次walk in • 都全院滿座💃🏻🕺🏻今次醒喇😎訂定位當見到長長既人龍就會覺得訂左位既人係自帶光環😇·餐廳入口位既電話亭好岩打卡📷可以比人邊等位邊影下靚相餐廳用QR code落單🤳🏻附圖既menu · 岩哂我呢啲睇圖點餐既顏值控🤪✿ 安格斯沙嗲牛肉片漢堡配凱撒沙律及薯條（$168）邊個話鳥籠剩係tea set用🤭呢度既漢堡都可以 · 賣相幾得幾震撼🍔岩哂用黎打卡📸漢堡包有烘烤過 · 唔會一黎就淋哂💨超厚身既漢堡 · 除左有漢堡扒仲有牛肉片真係要分幾啖先食得到👻漢堡扒仲好juicy • 而牛肉片軟腍沙嗲味唔算好突出 · 整體平衡得幾好🫶🏻✿ 太平洋煎海蝦配藍青口白酒忌廉汁手工墨魚麵（$148）終於食墨魚麵唔會整污糟個咀🤪因為佢係用墨魚汁整既意大利麵🍝麵條帶彈牙感 · 幾掛醬汁海蝦青口完全被意粉搶哂風頭🙈✿ 芝芝莓莓（$48）奶蓋幾香芝士味🧀草莓味幾香濃 ·酸酸甜甜可以平衡番個奶蓋既膩感🤝✿ 蜜瓜青提茉莉沙冰（$46）好岩炎炎夏天來一杯 · 超級fresh既沙冰🍧青提味最突出 · 繼而係淡淡既蜜瓜味飲落夠哂清甜 · 食飽飽用黎解解膩一流🧏🏻‍♀️

同朋友行街行到好攰，要搵個地方抖抖。我地嘅目標係要搵一個又靚又可以影相嘅餐廳。搵左好耐，終於搵到茶聊，岩哂鍾意打卡嘅我地❤️坐低之後即刻叫杯我最鍾意嘅台式飲品布蕾黑塘珍珠鮮奶$44（凍，少甜）德州辣肉醬脆味薯角$78盛夏香芒熱情果疏乎厘$98

呢間餐廳之前都食過一次，今次friend揀地方食生日飯都揀中佢，不過夜晚比較難book所以我哋揀咗食晏晝，嗌左：龍蝦蟹肉包配凱撒沙律薯條 (用甜排包好似怪怪地？一口食落去好似甜味已經蓋過晒啲餡）黃金流沙軟殼蟹龍蝦汁意大利燴飯 (有啲失望，軟殼蟹林哂,但係個飯就好好味喎，又唔會太硬）炸水牛芝士條 紅棗桂圓薑母茶、超級水果茶,香荔西西茉莉沙冰京都丹波紫薯疏乎厘 (我哋+$20 rq寫生日牌, 擺盤超級靚，拎上枱震騰騰好正呀，我哋影完一輪相都仲熱辣辣，入口溶化、紫薯醬又香又唔漏都唔錯喎）埋單$66x.*佢有限時90分鐘交枱，邊吃邊傾比較趕😅，不過都明白而家餐廳都想做多幾轉生意的。——————————————————-補返第一次嚟食嘅下午茶先，嗌咗：炸薯條配黑松露芝士汁(個黑松露醬先係主角，👍正，好香濃嘅菌味）忌廉芝士磨菇釀雞翼(勁濃嘅芝士味，加埋蘑菇餡好有咬口，連埋雞翼一齊食好香口）超級水果茶(茶甜甜地，水果都好豐富，有西瓜、橙、菠蘿⋯）紅柚菲芷（酸酸甜甜）茶聊 (旺角)旺角砵蘭街189號1樓

Cafe版的澳牛！👎🏻👎🏻👎🏻用心裝修，無心做生意！2022年5月28日星期六中午Lunch Hour入到舖面見到第一位服務員，她沒有打招呼，命令式地問：「幾位？有冇訂枱？」我答：「2位，無訂枱啊～」女服務員：「掃左安心出行先啦！」然後就走開。隔了一會第二位服務員前來，又問：「幾位？有冇訂枱呀？」我：「2位，無訂枱。」女服務員：「無訂枱要坐Bar 枱喎！」當時成行Bar枱都係吉的！講到自己好似爆曬人龍咁！話說可以客氣一點嗎？兩位命令式的對話方式，非常無禮貌，令人未坐低已經感到十分不舒服，以為自己去左Cafe版的澳牛！整體感覺她們內心都不想客人坐低食飯咁！現時又靚又好食的Cafe開到成行成市，選擇那麼多，顧客為何要揀你！？請老闆用心做好店舖服務管理！

旺角呢間茶聊一向好多人食，食物賣相十分之吸引，而且餐廳環境唔錯，好適合同朋友傾計👍🏻🔺鹹蛋黃烤鳳尾蝦漢堡🍔🍟 $158打卡必須要點！！鳥籠造型相當吸睛～漢堡包好巨大，塊漢堡鬆軟多汁，夾住好多芝士，好邪惡！伴碟仲有沙律同薯條，份量好多，好豐富🔺輕煎北海道刺身帶子水牛芝士汁手工墨魚麵🍝 $138粒帶子超巨大，帶點焦香味！醬汁好creamy，手工墨魚麵口感帶點煙韌有咬口，而且好掛汁，每啖意粉掛滿忌廉汁，好邪惡～🔺髒髒紫薯鮮奶沙冰 $44賣相好靚好ig-able! 紫薯味好出而且仲飲到有紫薯粒，真材實料！🔺髒髒黑糖珍珠鮮奶 $44珍珠煙韌彈牙，黑糖味濃郁，面頭仲有大量可可粉，混埋鮮奶真係一流，推薦！

晚市堂食開返，就梗係要約返好友出黎CHILL，朋友介紹朗豪附近有間樓上茶飲食物唔錯，跟佢去搵食。餐廳望落裝修唔錯，地方幾大，我地坐向街玻璃吧枱，望住街上行人食嘢感覺更CHILL~ 而家新興餐廳QR CODE落單不能少，掃一掃自助點餐夠晒方便!朋友話特色鳥籠漢堡好適合打卡，必點~ 咸蛋黃烤鳳尾蝦漢堡睇到個名都流口水，用鳥籠裝著上枱果然夠吸睛!漢堡咬落JUICY鬆軟唔會散，仲有大隻蝦肉同邪惡咸蛋黃，食落香口惹味;沙律菜爽脆又新鲜，配上咸脆煙肉真係食唔停~呢度嘅食物質數真心唔錯，輕煎北海道帶子水牛芝士汁手工墨雨麵可見一班~ 北海道帶子本身就十分鮮甜，用牛油將厚厚嘅帶子煎封到表面焦香而中間仲係非常軟熟，時間掌握非常重要，呢度嘅廚房就拿捏得非常好。水牛芝士汁望落較稀但不乏掛汁力，而且食落味道比一般忌廉汁更見香濃，配埋彈牙嘅手工墨魚麵真係一流~黎茶飲店當然要叫番杯，菲芷芝士奶蓋清香，飲到底有濃香芝士味，唔會太漏，朋友就要大吉嶺芝士奶蓋珍珠，為大吉嶺茶加點煙韌同甜味，邊飲邊傾好舒暢~

今日同謙來到旺角人氣食店茶聊， 好彩我係平日早放工就來，果時未有太多人， 我地開始食後好快就爆場了。今次我點選左以下幾款人氣食物🔽🔽🔽🍔 德州紅腰豆辣肉醬漢堡配凱撒沙律及薯條 ～ 有安格斯牛肉，辣肉醬和紅腰豆夾在一起令成個漢堡豐富起來，味道有點微辣屬於惹味果隻， 個包明顯烘過入口特別好味。🍝 輕煎北海道刺身帶子水牛芝士汁手工墨魚麵 ～ 個刺身帶子輕輕煎兩面， 外邊香內裡超滑鮮甜， 墨魚麵煙韌有口感掛汁力強， 所以謙謙好快ko 成碟😣🧋 髒髒黑糖珍珠鮮奶 ～ 唔洗多講啦😝謙謙見到個名已被吸引， 來到佢話點解d 粉整到周圍都係架，我話呢杯特色係咁，佢一飲就話好味黑糖珍珠煙韌。🍹 凍超級水果茶 ～ 我自己就比較喜歡呢杯，因好多水果係入面，仲要有兩件大西瓜😍，茶又唔會太甜， 飲兩口又食d 水果正喎。

今日去咗旺角同朋友一齊人氣cafe 坐下茶聊一番enjoy my metime❣️環境不錯 飲品打咭之選💖💜髒髒紫薯鮮奶沙冰紫色已經好靚 紫色粉圍住杯邊髒髒 真係唔打咭都唔得。仲有粒粒既紫薯，真材實料感覺，真係好好味💜😋髒髒黑糖珍珠鮮奶呢杯髒髒俾佢外表吸引左上面同埋杯邊有好多可可粉夠晒髒髒黑糖珍珠好正 夠晒味 珍珠軟硬度咬口適中完全係我杯茶🥰卡邦尼手工闊條麵手工闊條麵好creamy，配上芝士 有珍珠帶子同煙肉 基本野 好食最後一個甜品🍮梳乎厘震震震 剩係錄影📹 忘記拍照🤣🤣🤣震不停口感未到入口即溶，但都理想😋完滿今日既茶聊聚會🥳

深信呢家cafe大家都好熟，我見咁多人都幫襯今日又去開旺角就試下，我係佢一開就衝左上去都已經有幾枱客環境好闊落 坐得好舒服門口都有啲打卡位今日係澱粉質party因我太餓我地叫左一個pasta 同一個burger食到好飽野飲都揀左杯特別少少嘅 就係髒髒紫薯鮮奶其他都好似好正！Lunch set有包餐湯嘅 好熱辣辣小小涼嘅天氣飲一啖暖湯好舒服🤭佢個忌廉湯好creamy,無偷工減料，飲得出係好自己煲出嚟主角1號:咸蛋黃鳳尾蝦安格斯牛burger !勁打卡able 有個鳥籠裝住好鬼fancy 😂😂除左漢堡仲有大量薯條同salad 好豐富百幾蚊咁多野食抵！個牛肉好juicy配上溶緊嘅芝士好惹味蝦又夠爽彈！意大利粉就係泡椒香蒜鮑汁黑豚肉辣得好過癮！食完個口麻麻地 但同個意粉🍝係出奇地夾！令我食過不停！黑豚肉分量都不少有成7 8 舊架！另一主角2號就係呢杯沙冰打卡真係岩哂 勁靚🥳紫色好靚 個面仲有一粒粒紫薯好好咬重點唔會好甜另一杯就係熱嘅蜂密玫瑰花茶～又係唔算好甜正！

茶聊 (旺角)一直都好想去呢間餐廳飲髒髒沙冰，今日放假book 左位同男朋友去試下🥰 餐廳未夠12點已經好多人排隊，好受歡迎👏🏻💟勁爆芝士牛肉漢堡配凱蕯沙律薯條 （鳥籠漢堡）$148漢堡包🍔放係鳥籠入面，好iconic 好岩打卡😝 漢堡包滿滿芝士仲好厚身，用安格斯製作而成既漢堡扒牛味濃郁😋💟輕煎北海道刺身帶子水牛芝士汁手工墨魚麵$148帶子焦香，熟度恰到好處，手工意粉掛滿忌廉汁，既邪惡又滋味～💟芝芝芒芒(沙冰）$44揀左微甜，芒果🥭味濃郁，唔會太甜，再加了芝士奶蓋❤️顏色鮮明～💟髒髒紫薯鮮奶(沙冰）$44終於飲到呢杯紫薯沙冰😍😆，都係揀左微甜，真係睇得又食得🥰 顏色粉紫色💜好夢幻，而且採用明治鮮奶，好香滑，推薦😋😋*需加一服務費地址；旺角砵蘭街189號1樓

今日同媽咪去完shopping，之後搵間樓上Cafe傾吓計食下嘢🥰安格斯沙嗲牛肉漢堡配凱撒沙律薯條$168太平洋海蝦配藍青口白酒手工闊條麵$148布蕾黑糖珍珠鮮奶$44大吉嶺芝士奶蓋$39漢堡包幾有驚喜，牛肉有沙嗲嘅香辣食落幾惹味闊條麵彈牙掛汁，海鮮有蝦及青口大吉嶺芝士奶蓋幾好飲，可以揀甜度及冰量，想encore👍🏻黑糖鮮奶入面珍珠份量都唔少，面頭有焦糖，質地較為濃稠及甜，鍾意飲甜嘅話不要錯過～