茶王冰室 (洗衣街) (已結業)

Speaking of local Hong Kong style afternoon tea, deep fried chicken leg and fries would come to my mind. It would be best with a cup of silky milk tea. Tea Master has a tea master for real, who has been making milk tea for more than 20 years, winning international award too!The whole dining experience at Tea Master was very delightful. The tea house has a modernized design which captures the essence of typical local cha chaan teng, yet in a clean, tidy and chic way especially with these two neon

環境幾不錯 乾淨同坐得幾舒服 嘆杯奶茶一流熱奶茶 口感好滑 茶味豐富 樽仔奶茶就比起熱奶茶甜少少 都係好好飲野食呢就一般般 驚多個喜 蛋無蛋味 浪費左個叉燒蛋飯諗住最安全嘅撈丁都咸爆

今天來到了位於旺角洗衣街的茶王冰室，主要是慕名而來品嚐這裏的奶茶。他們平日早餐到11:00今天週末服務到11:30，剛好可以吃一個Brunch , 我點了最普通的A餐早餐，有火腿通粉, 滑蛋和一杯奶茶。我通常吃早餐的指定餐廳是澳洲牛奶公司，所以這個標準這裏的早餐還有一定的水準，值得一讚。說到這杯奶茶，反而有點名過於實，對不起真的不懂他特別的地方在哪裏，雖無過犯但實在好像沒有評論得那麼不是不可，本來還想花上$80去試試他們的金裝茶王，但品嚐完普通奶茶之後感覺上沒有這個必要。

有日同朋友經過旺角，見到呢間茶餐廳嘅裝修用咗湖水綠色，感覺好靚😍少女心大發嘅我地即係衝入去食！成間餐廳都係以湖水綠色作為主題，再加上一啲霓虹燈裝飾，成間茶餐廳都好光亮。我叫咗份常餐B，牛油多士+火腿奄列+沙嗲牛肉出前一叮🤪牛油多士啱啱好，軟硬程度適中，又有咬感，而出前一丁亦都不錯，份量都算多⋯朋友就叫咗麻辣雞中翼煎蛋撈出前一丁😃偷食咗一啖，麻辣味好重，但係越食越上癮🥳鍾意食麻辣嘅朋友必點👍🏻最後飲品一杯叫咗凍奶茶，一杯叫咗凍檸茶，幾欣賞佢嘅飲管轉咗做紙，夠哂環保👍🏻

尋日下午經過呢間冰室已經覺得好似幾等別咁, 但係個一刻實在太飽啦, 所以個晚即刻捉住老公食呢間,入到去好似返左以前70/80年代咁, 座位,地磚,水吧都充滿左懐舊FEEL,但係就比舊式冰室乾淨好多 刀义匙筷子都係金色.好型,而且佢地都支持用紙飲筒~义燒滑蛋飯~$52我見到佢既MENU話呢個係王牌, 咁當然要試下啦,金黃色既蛋包圍住成個飯, 而且仲要有蛋汁, 义燒比平時出面食既厚身, 飯同蛋及义燒既比例剛剛好.~鮮茄焗豬排飯~$52老公一向鐘意食焗飯, 所以佢一見到已經心心眼, 個飯焗得好香, 連我坐對面都聞到, 豬排肉質嫩滑~朱古力紅豆冰~$28既然係懷舊, 咁一定要飲紅豆冰啦, 仲要配朱古力, 正呀, 朱古力味道濃郁~樽仔奶茶~$30包裝得好靚, 呢個係奶味比較重, 而且茶味唔苦澀

香港地茶餐廳很多，旺角這家「茶王冰室」更是走新派路線，將地道食品改良又或者重新包裝，單是店內新潮裝修，經已非常吸引。這天下午兩時才進午膳，冰室仍是滿滿人潮。食物選擇也不少，肚子餓得發荒的我隨便叫了一道叉燒滑蛋飯($52)。叉燒滑蛋飯很快便上桌，份量足夠兩位女生分享。蜜汁叉燒很多，而且每件亦大大舊，非常足料。滑蛋滿佈著像一遍小山丘的白飯，白飯亦淋上不少豉油，更見茶餐廳風味。把自己稱作「茶王冰室」，當然提供港式奶茶，更有由六款茶葉拼配而成的茶王之王($88)。非常好奇能賣八十八元一杯的奶茶到底有什麼過人之處，豪氣的點了一杯慰勞自己。店員仔細的介紹，還會附送一小杯普通的港式奶茶、清水及餅乾配襯，跟在咖啡店喝精品咖啡一樣。先呷一口正常版本的奶茶，再用清水清清口腔，再真正嚐一口茶王之王，自然感受到茶王有多濃郁香醇。

見到旺角最近有間潮冰室仲有霓虹燈打卡位！環境開陽，而且餐具亦都別有用心選用金屬餐具，去走冰室的古老感，煥然一新原來系由2016金茶王冠軍陳子平師傅主理，精選斯里蘭卡當地6種粗幼的茶葉組成的茶骨沖製對於奶茶愛好者來講，梗係一定要試吓啦！絲襪奶茶茶味夠晒濃郁！入口味道甘醇而不澀質地亦算滑超有港式味道！另一杯特別作品就系茶王西柚茶用咗濃郁茶底再用西柚取代檸檬口感特別而且解渴清新必試有呢款沙嗲牛肉蛋包包外面係炒蛋而入面係牛油麵包加沙嗲牛肉牛肉入味鬆軟炒蛋夠蛋香而且亦滑溜麵包夠晒軟熟，加上牛油，非常香口，另外食到最入邊就係沙嗲牛肉，惹味可口，口感豐富餐牌上仲推薦叉燒滑蛋炒飯可以配豉油汁，鮮茄汁，黑椒汁，咖喱汁！叉燒偏瘦配滑蛋食亦好吸引，而且份量適中，佬飯之選

每次經過茶王冰室都差不多滿座、今日早左放工就順便去吃個晚飯。綠白懷舊的裝潢帶點玩味。好想試它的茶王之王、之前聽說是金茶王到斯里蘭卡親自挑選茶葉沖泡而成、茶味香醇回甘、以金杯盛載、突顯矜貴、可惜只是下午四時前供應晚上去到唯有叫其他的— 叉燒滑蛋飯 $52、幸好也沒令我失望。叉燒好軟熟、滑蛋嫩滑剛好、完全蓋在飯上面、仲有甜甜的豉油撈飯、美味滿足。沒有茶王之王、還有樽仔奶茶$30。冰凍的奶茶茶味濃郁香醇、雖然比較細樽但還是值得👍🏻

之前睇電視，介紹佢叉燒好食，奶茶又出名就黎試試見都幾多人，心諗應該唔錯叫左個常餐，一個特餐滿心歡喜，點知黎到，勁失望，係，係估佢唔到咁難食，以前北海道牧場好食好多野食唔夠熱，又無味連出名既奶茶都唔得⋯有少少過份個餐亦唔係好平最攪笑係對面位既情侶都話唔好多，即係唔係得我地覺得有問題啦一個普通茶餐都做唔好，好難繼續去食

知道男朋友每日都要飲一杯奶茶先安樂，見到網上介紹呢間茶王冰室ge奶茶好似好利害，今日放假一於去食個早餐同試下佢杯奶茶。餐廳最吸睛就係門面同裡面ge霓虹燈裝飾，無論日夜都係一個打卡點。我叫左叉燒通粉個餐，叉燒份量偏少，所以就會期待個質素，可惜肉質入口都係好鞋身。炒蛋炒得較實，而且冇乜蛋味，不過不失啦。而男朋友就叫左沙嗲牛肉出前一丁餐，會跟一包出前一丁麻油，d牛肉仲差過頭先個叉燒，一定唔係新鮮牛肉，肉質超鞋身！餐配普通奶茶，還好奶茶沒有令人失望！飲得出個茶底唔係是是旦旦，的確係名不虛傳。

今日經過旺角見到呢間茶王冰室，先記起呢間就係大名鼎鼎，啲奶茶攞哂獎既冰室。既然係咁，我就同朋友即刻入咗去食lunch。到嘅時候大概係一點幾，嗰陣時都係佢哋嘅rush hour，要等一陣先可以入到去。要食好野，梗係要等一等。不過其實都係等左幾分鐘，就入得啦。泥到一定就梗係叫佢地最出名既茶王之王，最重要係好彩我地唔係下午四點先泥，如果唔係就冇得飲嫁啦😢首先茶王奶茶到左既時候，真係俾佢成個presentation吸引住。佢地金色既杯set完完全全表現到佢既「王道」，好有class。飲之前工作人員同我地講師傅係去左斯里蘭卡既茶莊特登揀左六隻紅茶去調教呢隻奶茶。飲之前，要飲左佢細細杯既絲襪奶茶，再飲佢既茶王奶茶去試下個分別。首先，飲第一啖絲䌩奶茶嘅時候，真係覺得佢超級滑，仲好香添❤️但一飲佢既茶王奶茶就覺得茶王既回甘味超級強，好有口感，奶味強得泥，茶葉味仍然好香，果然係名不虛傳。食物方面，老闆睇泥真係好有心改進，食物好有驚喜。就連一個簡單嘅炒蛋，都可以做到好多唔同既菜式。我哋就叫咗佢最出名嘅蛋蛋包同埋叉燒滑蛋飯仲有佢嘅瑞士雞翼煎蛋撈出前一丁。個撈丁隻蛋煎得岩岩好 個蛋黃汁撈落啲麵度一齊食，又有瑞士

茶王的港式奶茶 是預期中的細滑茶和奶比例恰到好處茶味濃但濃得來欠了一份茶香沒有錫蘭紅茶的濃香未必係我最喜歡的奶茶食物方面就非常一般試了叉燒滑蛋飯 賣相就唔錯蛋夠滑配瘦叉(份量都ok)但甜豉油唔夠😕食到一半已經冇乜豉油沙爹牛肉蛋包包係幾得意但食落就唔掂滿滿滑蛋下面藏了沙爹牛肉三文治但麵包完全沒有烘過 浸冧哂好難食其實都係正正常常蛋牛治烘底好過沙爹牛肉味道淡 令成件事都冇味份量比想像中大 食完都幾膩試過一次就算

我個人雖然很喜歡喝港式奶茶，甚至極度喜愛港式「茶走」飲品，但是不一定每一間茶餐廳，都能真正造到以煉奶代替淡奶，沖出擁有煉奶濃縮甜味的「茶走」飲品。所以我在某些港式茶餐廳裡面，有時會選擇退而求其次，改為選擇飲「熱奶茶」，或者「凍奶茶」，「茶走」要等待真正懂得製造「茶走」的港式茶餐廳才叫。位於旺角的港式茶餐廳「茶王冰室」，正正就是我指的那些港式茶餐廳。第一次光顧「茶王冰室」，向侍應點了一杯「茶走」，結果那次「茶王冰室」製作出來的「茶走」，無論我如何試飲也無法飲到「茶走」裡面的煉奶甜味。幸好，那次我在「茶王冰室」試食的體驗，最後因為手提電話裡面的「開飯喇」戶口，因為手提電話故障而報銷，導致手機裡面的圖片也作廢，我最後放棄了那份稿件，那次的「茶王冰室」當作一次體驗，不要當作食評好了。之後，我在換上新手電和新「開飯喇」戶口之後，再一次重臨旺角，再一次光顧「茶王冰室」，由於汲取了上次光顧的經驗，今次我改試正規版本的「熱奶茶」。不過，我後來再看「茶王冰室」的餐牌，才發現原來「茶王冰室」還有價錢更昂貴，名氣更大的「茶王之王」跟「樽仔奶茶」，價錢貴得我也負擔不起。因為以我個人的作風，我倒也不會只為了喝一

星期日早上十一點半坐低，首先叫左個常餐同檸茶走甜，等左十五分鐘，見到對面遲少少黎既客都食緊，問番原來漏左單，唔緊要，改食佢哋嘅招牌，滑蛋炒叉燒飯，點知嚟咗個水汪汪，生蛋漿飯，同佢反映番，點知黎左個蛋又老得滯！咁嘅水準當然唔合格凍檸茶走甜寫左少甜根本冇心機做

早幾日去開旺角入貨，行過見到大大隻字寫住奶茶王之王！講到咁正，一於去食下！黃昏時間入到嚟，一入到嚟就聞到陣陣茶香！呢度坐位都算多， 大致坐滿人，環境乾淨，地方闊落！ 懷舊既裝修都幾醒神！ 人多d都無問題！主打奶茶既冰室好多，呢度都唔例外，其中以$88 既茶王之王作為招牌！ 講到咁勁，但作為一個奶茶愛好者點都要試下係咪真係咁值呢個價錢！其他食物都選擇多，一般茶記既茶餐，飯麵都一應俱全！茶香味十足既茶王之王等左一陣都好快送到，賣相吸引，由金杯盛載，分左兩杯上檯，待應一輪講解之後，原來 茶王之王 奶茶只限下午4點前供應，每日限量發售，我呢杯係最後一杯，隔離想再叫都無lu! 講返個茶，細嗰杯係原味奶茶，香滑甜都一應俱全，是一杯唔錯既奶茶！至於用金杯載既茶王之王就幾特別，入口除左香滑甜外，仲有多一重回甘味，茶香十足，喺口中久久不散，又真係幾特別！再返轉頭飲返杯原味，就會比較到豐富既口感！飲左咁耐奶茶，都仲係第一次飲到有咁多重味道集於一身既奶茶！連餐具都好有心思，用上金色既餐具！我叫左個招牌既叉燒滑蛋飯，賣相不俗！ 香滑既炒蛋帶點香甜既鼓油香味，令我食指大動！大大片既叉燒都幾軟稔，如果再煎得香口