66
23
5
港鐵太子站 B2 出口, 港鐵旺角站 B3 出口, 港鐵旺角東站 D 出口 繼續閱讀
所有分店 (2)
電話號碼
25566077
開飯介紹
提供港式冰室美食,包括茶王之王、 茶王奶茶、蛋包包、厚蛋治、小食、粉麵、早餐、常餐等,為您呈獻地道的香港味! 繼續閱讀
營業時間
今日營業
07:30 - 19:30
星期一至日
07:30 - 19:30
公眾假期
07:30 - 19:30
公眾假期前夕
07:30 - 19:30
付款方式
AlipayHK 支付寶 現金
其他資料
當面支付
招牌菜
茶王之王 招牌沙嗲牛肉蛋包包 秘製蜜汁叉燒蛋包包 沙嗲牛肉煎蛋撈丁 豬潤出前一丁 叉燒滑蛋飯
食評 (122)
#叉燒蛋飯 🥩🍳🍚哇哇哇~呢個叉燒蛋飯上到枱先係有好香嘅蛋香味!然後望落去啲半生熟嘅炒蛋配上叉燒,真係令到小編流晒口水!🤤 佢用成個叉燒蛋包裹着啲飯,入面仲要係粒粒分明好有口感!蛋夠滑,叉燒又唔乾,夾埋真係好唔錯👍🏻 絕對係色香味俱全嘅一碟叉燒蛋飯😍💯.小編雖然知道呢間茶記係茶王🤴🏻親手炮製嘅奶茶出名,可惜小編唔飲奶茶🙊 所以今次就試咗佢一個出面茶餐廳比較少見嘅 #西柚茶 !🍹 味道好唔錯呀!唔係話超級酸,但係飲到西柚既味道!飲開檸檬茶想轉下口味,都可以試吓呀~😉.🏆 「豬」味指數:8/10📌 溫馨提示:個叉燒蛋飯嘅份量都幾多!如果係女仔食嘅話,可以叫多個小食然後share就應該啱啱好啦!😝 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-27
176 瀏覽
今日就出旺角飲奶茶王哩到梗係要飲番杯茶王之王啦茶王之王係有兩杯奶茶一杯大一杯細飲之前職員會介紹下茶王特點及品嘗次序仲有配曲奇更加帶出茶味 講解下細杯奶茶係用咗4種茶葉 做大個杯奶茶就用咗六種茶葉做奶茶師傅仲喺斯里蘭卡簡咗唔同種類嘅奶茶去整呢兩杯嘢同普通奶茶最唔同嘅係 奶茶係金黃色 d奶茶仲會掛邊 完全唔會有苦味 比普通奶茶更香更濃更滑 非常鍾意飲奶茶嘅我 比$88試一次 絕對不後悔 飲完之後真係 滴滴香醇 意猶未盡 齒頰留香午餐叉燒奄列蛋飯叉燒同滑蛋 蓋喺飯面配上豉油汁 滑蛋半熟 軟淋淋 拌飯一齊食 好味跟餐飲品點咗熱奶茶 當然冇茶王之王咁好飲 但比出面普通茶餐廳 都係好d嘅 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-27
169 瀏覽
港式奶茶被列為香港非物質文化遺產,甚至隆重其事每年舉辦沖泡奶茶比賽☕️《國際金茶王大賽2016》中冠軍陳子平師傅開設呢間冰室,等上班一族係朝早歎番杯熱奶茶,食番個茶餐,以精神舒暢嘅心情迎接新一天☀️💗茶王之王($88)由「金茶王」主理,精選斯里蘭卡6種粗幼茶葉,再經師傅逾二十年技藝一冲、二焗、三撞、四回溫方法沖製🏵相比一般港式奶茶,望落茶色更金黃,濃滑掛杯,聞落去茶香層次豐富,入口回甘時間長,口感較厚實,雖然茶香味較重,但依然同奶香平衡,從未飲過咁香濃幼滑嘅奶茶。仲有一塊牛油曲奇餅,食落好鬆脆🍪💗瑞士雞中翼煎蛋撈出前一丁($54)瑞士雞翼都算肥美多肉,而且乾淨冇毛,夠哂入味,不過滷汁偏鹹可以較番甜d。雞肉啱啱好熟,嫩滑唔鞋口,勝在即刻整熱辣辣🐥出前一丁唔會煮到好淋有彈性🍜太陽蛋如果再煎燶邊d會更香,將生蛋黃刺穿撈入麵食更配合。💗蔥花叉燒滑蛋飯($52)滑蛋份量足夠,能夠蓋上成個飯,口感嫩滑且味道香濃,仲散發淡淡蔥花香。叉燒片大大件唔吝嗇,肉質偏瘦啱哂悲傷小姐,如果再焦香d會更好,而且蜜味唔夠🥓特意選用泰國米飯,飯量唔少而且夠熱,口感唔會過硬過軟,配上特製甜豉油,更加好餸飯🍚💗脆脆雞扒包($28)豬仔包搽上牛油烘到脆卜卜,唔會介口之餘非常香口🥯雞扒非常厚身,雞皮炸得皮脆香口,色澤金黃, 內裏嫩滑多汁好入味,值得讚係冇雪藏味,配上蕃茄同生菜以解油膩🍅🥬千島醬落得非常好,酸酸甜甜咁開胃好夾。💗黑芝麻西多士($28)麵包都算厚身,夾住黑芝麻醬,味道都算濃郁🍞每件都即叫即炸,所以入口食到鬆泡泡嘅感覺。西多吸收咗蛋漿,炸得唔算油膩冇燶邊,而且裡面唔會乾身。淋上大量楓糖漿,搽上半溶嘅牛油,幸福咁滿瀉🧈 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-16
139 瀏覽
今天午膳跟工友們一起午餐,因一些緣故,所以來了這間茶王冰室,看了餐單是覺得價錢有點偏貴,我一如以往都會先試試它的茶餐,所以點了我最愛的雪菜肉絲米粉,跟餐配多士,火腿及炒蛋。先來多士,火腿及炒蛋,份量很足,很大份。多士烘得剛好,很脆也很大塊,加上適量的牛油,少少鹹,很不錯。火腿沒加油再煎,非常好,我真的很怕見到油光滿滿的火腿。炒蛋炒得很好,保持著半熟濕潤的狀態,很滑也夠蛋味。作為雪菜肉絲米粉的fan,一看到是有點扣分的。一來個湯很奶白,雪菜肉絲應該沒再特別處理或加工,所以沒有那種雪菜肉絲汁混入湯裡,就好像是雪菜肉絲跟米粉分開了吃一樣,那個味也吸不到米粉裡。結果吃下去都是比較偏淡,也不夠香。米粉很可惜都不是那種粗身,實心全白的米粉。這個有種似半透的新竹米粉,但粗一點,所以我都是比較喜歡一茶餐廳的那種米粉。跟餐點了它的絲襪奶茶,雖然沒有加錢要王牌那款,但它的奶茶有名,所以應該普通奶茶都不會太差。的確奶茶的比例很好,茶味也很夠,而且很香。入口的質地很滑,也夠濃味。最後有工友另外點了王牌的茶王奶茶,分了一點來試,一試發現分別都很大,不知凍熱會不會有影響,王牌那個是凍飲的,但很明顯是兩個味的確不同,味道上這是比之前的更濃,茶味也很夠,不過奶味會更出,而且有點偏甜的。入口是更細滑,更多了種稠度,果然是加強版。我猜不知是不是用了煉奶…兩杯奶茶都是很有質素,雖然王牌是有點貴,是可以一試的,但要試就先試了普通版呀。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-02-14
106 瀏覽
鐘意食茶記嘅朋友會唔會同我一樣,鐘意尋覓好味嘅炒蛋同飲翻杯正奶茶呢?今次就去咗旺角嘅茶王冰室食午餐,食咗叉燒蛋包包同飲咗支樽仔奶茶!唔知係咪少人食蛋包包做午餐呢?侍應問我係咪知道蛋包包係包唔係飯😂我個人覺得蛋包包個炒蛋唔錯,唔會太乾身,而叉燒就不過不失。份量大,女仔食唒當lunch完全無問題!蛋包包係將炒蛋放係包住餡料嘅白麵包上面,所以麵包食落會比較淋😅如果平時食三文治鐘意烘底嘅人可能就無咁鐘意。我比較期待奶茶,但預算有限,今次就試咗平啲$30嘅樽仔奶茶。有預算嘅朋友,可以試下$88嘅茶王之王😂奶茶的確香滑,好順口,唔知唔覺已經飲唒,而飲完口裏面仲留有茶香味😆整體環境同服務態度都ok,去開旺角想食一茶記可以一試。 繼續閱讀
(以上食評乃用戶個人意見 , 並不代表OpenRice之觀點。)