茶王冰室 (洗衣街) (已結業)

之前新開既時間食過一次Lunch不過感覺麻麻😝😝😝今朝早一大班同事諗唔到食咩早餐，我就提議食哩間啦哩度裝修愈黎愈靚，好多霓虹燈，好潮呀，餐具都好文青，係金色既叉同匙「叉燒通粉」配「炒蛋多士」「炒蛋多士」「凍奶茶」賣相靚仔，而且炒蛋好味，杯奶茶嗰茶低真心出色🤗🤗🤗🤗叉燒係有質素添既，瘦叉好健康😚❤️😚

想試呢間好耐，但朋友開業食過話麻麻，見係附近就自己就左去試先，講真覺得唔錯，店員話可能開業太忙，質素未控制到，宜家好左好多，都幾多回頭客。我叫左杯凍西柚茶，唔會太甜，真係有幾大片西柚，好fresh既感覺，又可以解下膩。題外話：紙飲筒好環保！野食方面，叫左沙嗲牛肉煎蛋出前一丁，份量都幾多，好似有5，6塊牛肉，而且個蛋仲係好靚既太陽蛋，吉穿佢撈埋d沙嗲汁蛋汁入公仔麵，真係好正，食到後期先記得落包麻油，成件事又香左，其實簡單既野要做得出色真係唔容易！走既時候，覺得明明黎茶王冰室，唔飲奶茶好似好傻，就買左個外賣支裝走，$30吾算貴，好岩打卡，個樽又有得重用。飲落甜度同奶既比例都幾岩我心水，所以真心覺得呢餐唔差，傾落都覺得佢地係有心做飲食。

作為典型既港人，奶茶和咖啡，都係我既最愛。如果係食西餐，或者去咖啡室，我會揀咖啡。而食中式，或者茶餐廳的話，奶茶就係我既必然之選。呢一日去佐旺角搵食，竟然俾我發現佐呢間以「茶王」自居既冰室，咁厲害，當然要擇日不如撞日，坐低一試啦。餐廳名為「茶王」，原來也絕非無的放矢，從店內既單張可見餐廳原來有一位茶王在陣，嬴了多項奶茶界的寶座。裝修也很活潑，懷舊中帶點色彩，已經客人也不少，平日時間大約晚上8:00也座無虛席。餐牌也和一般冰室無異，飯麵餐，特餐，早餐，茶餐，應有盡有，而比較特別既，係佢地既奶茶有分多款不同既檔次，不同既選擇，最吸引的一定是那杯「茶王之王」，同上金色茶杯，特別烹調既，而因為製作過程比較複雜，所以係限量供應既，我到訪當日可能因為比較夜了，所以佢地已經售罄，下次要再一點再前來一嘗。熱奶茶 $20退而求其次，我就選了一杯普通版的奶茶，心想，既然茶王在此，普通版奶茶應該都會好飲？果然，茶王無令我失望，雖然呢杯奶茶平好多，但係真係可算我飲過最好味既幼茶。佢茶既濃味好高，飲落去既時候會覺得好滑，滑既程度會令我覺得佢好似有層油唙面頭一樣，入口後又會有一種「鞋舌頭」既感覺，茶香得黎又夠熱，

我一向都幾喜歡飲港式奶茶，聽聞旺角新開了這一間冰室，特意來試試，聽說可以飲到2016年的金茶王冠軍沖製的奶茶店員把美美的茶王送到面前，首先認真地來一個茶王導賞，他指當中由6種粗幼不一的茶葉組成，是陳師傅在斯里蘭卡揀選的，然後講步驟，務求客人品嚐到完美的奶茶( 畢竟不便宜)，我都很樂意配合：首先一口小杯奶茶、一口水，再來一口茶王之王（茶香茶濃且入口甘醇，如果喜歡加多糖多奶未必第一口接受，但多飲幾口一定會有驚喜），再配上傳統牛油曲奇，讓我完全投入了嘆奶茶的氛圍(*☻-☻*)想不到冰室都可以將叉蛋飯煮的咁好看，閃令令的炒滑蛋非常邪惡！略嫌太多油不過份量十足且滑溜，每一口都好滿足(⁎⁍̴̛ᴗ⁍̴̛⁎) 而蛋上面的瘦叉燒都有燒灼過，不過太薄了，只能當配角~冰室的裝修格局不錯，室內光亮，牆上面更有彩色霓虹燈，最適合呃like打卡♪(´ε｀ )以下豬扒包是店員的推介，豬扒夠林，包很脆的，整體不錯金光閃閃的餐具，提醒我好好享受美食及環境~其他美食亦相當吸引，下次會再來試下自創沙嗲牛肉蛋包包及樽仔奶茶. 門外都見到專業的陳師傳正認真沖靚茶、拉奶茶～^_^

有一坐車經過見到新開嘅茶餐廳咁就決定同老公返工之前去食早餐，平時去到旺角嘅茶餐廳通常都好污糟！唔知係咪因為呢間餐廳新開所以入到去都好乾淨（希望佢哋一路都可以保持咁乾淨！早餐都幾多選擇咁我哋都係叫咗我最鍾意嘅沙嗲牛肉公仔麵三餸所以我叫咗煎蛋同埋火腿。個面嚟到嘅時候我都好surprise因為個賣相都好好，沙嗲牛肉係我近幾年來試過最滿意的。因為我本人比較鍾意飲鴛鴦所以叫咗鴛鴦，味道亦都不錯👍🏻。老公飲凍檸茶所以冇乜特別🤣🤣

今日約左朋友出黎旺角行街，行之前順便食埋lunch。本身都諗緊食乜好，但最後我地比呢一間茶王冰室吸引左。因為見佢門口有大大個易拉架，介紹茶王之王既奶茶，出於好奇，所以決定試一試。佢既茶王之王奶茶係由陳子平師傅主理，陳師傅仲曾經在《國際金茶王大賽2016》中獲頒「金茶王」，所以點都要試下呢杯價值$88嘅 ｢茶王之王｣奶茶。一坐低先叫左一杯「茶王之王」，一黎到見到一杯大奶茶同杯細奶茶，我地未來得及問侍應，侍應已經好用心咁介紹呢杯奶茶。原來細杯係普通奶茶，大杯係茶王之王，茶王之王係絆六種茶葉去話配，茶葉味非常香濃。當我飲完普通奶茶之後，用水沖一沖口，再試埋茶王之王，就飲得出2者既分別了。茶王之王果然係名不虛傳，一d苦澀味都無，飲完仲有茶香同回甘，不過原來奶茶只限下晝4點前供應，所以要飲真係襯早。除左飲唔之外，我地叫左2樣野食，包括叉燒滑蛋飯同沙嗲牛肉撈麵。叉燒滑蛋飯需要成日都食，但要整得有水準都唔容易，佢既叉燒份量比想像中多，而且佢係半肥瘦叉燒來的，肥瘦適中，而炒蛋香而滑，2者配合得好夾，不過只係略厭飯底既豉油唔夠蛋，如果多返小小會更加好。沙嗲牛肉麵就食得多，但撈麵都係第一次見，不過竟然都出

復活節假期的台灣之旅，凌晨機到港，第二日中午就要到旺角工作。開工前，要先食飽飽！看到路邊的易拉架＜金茶王＞，自己就被吸引過來，就試試靚奶茶吧！這几天在台灣，大都是集中在ＸＸ堂，Ｘ茶之類的外賣系列凍飲。外賣飲品都經過密封包裝，才交給客人享用。可是密封包裝的凍飲，鼻子就感覺不到飲品香氣，而低溫也影響味蕾的敏感度。我的母語～廣東話：到喉唔到肺囉！回到香港，就想來一杯香港的熱奶茶！最後選了餐廳招牌＜茶王之王＞。茶王之王　大小各一杯，另配牛油曲奇和清水一杯。還有嘆茶秘笈：望茶，搖茶，聞茶，喝茶。靚靚的熱奶茶，當然要有茶香，有茶味，滑身，唔削脷，唔鞋口，没有凝固的粒粒。註：很怕遇到求求其其的水吧，晨早沖好的茶膽，由早上開店就放在爐上不斷加熱，有客落單才加奶的無茶香無茶味，削脷又有酸味的奶茶囉！  小玻璃杯：平時跟餐的奶茶　　　大金杯：茶王之王　　　職員提示：先嚐跟餐奶茶，然後以清水過口，再到＜茶王之王＞，就會感受到二者的對比。真係好似嘆靚靚生蠔：先食蠔味清淡的品種，再到蠔后Gillardeau。　望茶／視覺：玻璃杯內的跟餐奶茶偏啡紅，大金杯的茶王之王茶色偏啡黃。 大金杯的外圍很乾淨，杯邊位有抺過的

除左鍾意飲咖啡，香港人驕傲之一既奶茶亦係我既喜好之一，得知2016年國際金茶王大賽冠軍陳子平師傅開左間冰室，拉埋每日都要飲一杯奶茶既老媽子去！環境餐廳用左好多霓虹燈牌做裝修，配合返現代既設計，嚟到唔單止嘆奶茶，仲可以打卡。而窗口一望入去就見到陳子平師傅沖緊茶，皆因每杯茶王之王都係由師傅親自沖調，鬼馬既陳師傅望到鏡頭仲比V字我影相餐牌當然唔係靜係飲奶茶，仲有多款茶記食物，更加有新式啲既打卡食物，例如蛋包包、抹茶西多士、麻辣雞中翼等等，價錢適中。招牌蜜汁叉燒蛋包包 $48外面係炒蛋，入面係三文治，餡料可以揀沙嗲牛肉、蜜汁叉燒或者松露雜菌，揀左蜜汁叉燒。份量都幾多，炒蛋半生熟狀態，尚算滑身，但蛋香唔夠，又入面既蜜汁叉燒三文治比較乾身，蜜汁唔夠多，三文治可以塗上牛油再烘燶會更香口。常餐B $48包括牛油多士+火腿奄列+沙嗲牛肉岀前一丁。火腿奄列厚度岩岩好，加上火腿鹹鹹地放上牛油多士食，常餐既精髓所在！而沙嗲牛肉岀前一丁會配埋麻油，沙嗲牛肉幾入味，肉質唔會過腍，湯底都夠濃郁。茶王之王(限量供應) $88為左一試金茶王冠軍陳子平師傅既奶茶，特登前來嘆呢杯奶茶中既茶王！茶王之王擺盤十分精緻，好似西式

茶王冰室 (旺角)旺角洗衣街113號號地下-----最近飲得台式珍奶多 飲到有d厭倦 突然想返璞歸真😂飲下地道港式奶茶 剛好有住旺角ge朋友仔話我知 佢屋企附近開左一間冰室 奶茶由得獎茶王沖製😝B仔聽到緊係即刻話要試啦～-茶王之王（$88) 黎到冰室 發現呢度ge奶茶有分普通版同茶王版 普通版絲襪奶茶一杯$20 而一杯茶王奶茶就要$88 見到$88真係嚇一嚇 但佢講到係茶王之王咁勁 所以都係忍唔住叫一杯試下 奶茶一到 已經有好濃郁ge奶茶香湧出黎 叫一杯茶王之王 會送一杯仔普通奶茶 比客人作對比 果然 茶王奶茶味比普通奶茶濃郁同香醇多好多 絲滑ge質感 非常順喉 飲落有令人感動ge感覺 據說係得獎ge香港茶王去斯里蘭卡搵左6種唔同茶葉返黎 調製而成 難怪奶味香濃之餘 獨特ge茶味亦無被掩蓋 無論茶定奶 都無搶對方風頭 配搭得恰到好處 雖然貴 但都真係好飲 係貴得有道理-西柚茶（$20）調味太清淡左d 西柚味唔夠出 果然黎呢度都係應該飲佢地ge茶王奶茶🤤不過要加分ge係佢地個西柚茶用紙飲管啊！-抹茶西多士（$28)西多炸得外脆內軟 而且完全唔油膩 抹茶餡非常香濃 中意抹茶口味ge朋友 相

經過旺角洗衣街,行左全日都攰攰地又餓,眼前出現少量人龍行前一睇係茶王冰室,仲要係奶茶拎左獎項.就試下奶茶係咪真係咁好飲個menu蛋包包果堆其實都好有創意，包括沙爹牛肉蛋包包、肉鬆皮蛋蛋包包、蜜汁叉燒蛋包包同埋松露雜菌蛋包包。我地㨂左沙爹牛肉蛋包包，以前食過沙爹牛肉麵漢堡，今次呢個應該都唔會難食。蛋好滑同香，麵包厚厚地之餘係軟熟，麵包中間夾左一層沙爹牛肉在裡面。一完全不會太咸，其實個味係幾夾架，不過當午餐既話就少左D炒蛋炒得滑 好味都好合理叉燒切得夠薄,唔會大大舊無晒胃口,量都唔少 軟滑好味醬油份量亦剛好，2樣食物均有驚喜呢款茶價錢唔平,但聽到店員話只限下午4點前先供應 加上佢賣相又好好就嗌左我覺得幾好喎 茶底濃又唔會澀 完全代表到傳統奶茶既精粹！可能辛苦過後特別好飲,我好耐無飲過呢隻味啦!佢係一個金兜裝住一隻熱奶茶杯,一杯shot杯,好得意啊,仲送左舊曲奇餅入口醇滑久久唔散,果然名不虛傳,正啊相比起檸檬,我更愛西柚果種清新既酸,而唔係死酸!成杯野好Fresh,同奶茶完全唔同風格,唔叫呢樣都會後悔啊

今日陪朋友買完模型, 之後便往附近茶王冰室食晚餐, 我們點了茶王之王, 常餐(牛油多士, 火腿炒蛋、叉燒湯意粉和熱奶茶) 、叉燒滑蛋飯和抹茶西多士。茶王之王上桌時共有兩杯, 職員說先飲細杯的奶茶, 然後飲飲水再喝茶王, 茶王之王是用多種不同的茶葉沖泡而成, 茶色金黃, 飲落有啖啖茶香, 層次豐富, 飲落香醇有回甘, 高質茶王之王；常餐有牛油多士, 叉燒炒蛋和叉燒湯意粉, 牛油多士食落香脆, 牛油香滑；火腿炒蛋火腿味道適中, 蛋炒得香滑, 入口即熔；叉燒湯意粉叉燒是半肥瘦, 食落惹味, 意粉食落爽口、西蘭花食落爽口, 整份常餐材料豐富, 惹味十足；最後抹茶西多士賣相吸引夠特色, 抹茶茶味適中, 西多士熱辣辣, 配上牛油和蜜糖食落醒胃, 蜜糖樽賣相吸引, 很有特色, 餐廳座位舒適闊落, 食物美味有特色, 茶王之王茶味香醇有回甘, 滑蛋炒得香滑、叉燒肥瘦適中, 抹茶多士食落美味, 餐具大部分是金色很有氣派, 我和朋友食了一頓高質美味晚餐。

奶茶是香港本土美食，差不多每間餐廳都會供應此飲料。這間餐廳的師傅如何讓他的奶茶於茫茫茶海中突圍而出呢？我們來揭開它的神秘面紗吧！稱得上「茶王」，當然是有實力的，師傅於2016年奪得金茶王大賽冠軍，大大的獎盃擺放在櫥窗前，讓人更想會一會「茶王」，品嚐它的冠軍之味。餐廳色彩繽紛的霓虹燈很可愛，裝潢是「年輕」版的永室，很有活力~茶王之王 $88茶王之王索價$88，對於一杯奶茶來說絕對不便宜，但聽店員講解後便明白它的價值所在了。原來為了沖出最完美的奶茶，師傅專程飛到斯里蘭卡選購茶葉，於斯里蘭卡種植的紅茶更被譽為世界四大名茶之一。而這杯奶茶是混合了六款不同的茶葉來製作茶底，讓口感層次更多元、更豐富。點茶王會附上一小杯普通奶茶，讓顧客品嚐到兩者間的分別。喝的順序是：普通奶茶->清水->茶王之王喝第一口茶王，感受到茶俯伏在舌頭上的微微澀味，喝第二口，略微感受到它的回甘。茶味確實比一般奶茶濃，而且於舌頭上停留更久。奶茶呈掛杯的狀態表示奶與茶比例均勻。就連送茶的曲奇也很香牛油味而且鬆化，想不到原來喝奶茶也可這麼講究。叉燒滑蛋飯配豉油汁 $52不愧為這裡的推薦品！一上桌冒著煙的滑蛋與豉油汁

我喜歡愛新嘗試，開業只有兩個月多，因為賣點係港式奶茶☕所以過九龍試吓，Order（1） 佐一杯懷舊紅豆冰，因為落了椰汁，椰汁味感覺只是吊味，其實可有可無，紅豆未夠淋，（2）再來一坏奶茶，但係杯奶茶放上檯唔夠香，飲落去真係唔夠大牌檔滑，（3）叉燒滑蛋飯，飯既質底一般🍚叉燒只屬一般，滑蛋唔香唔夠滑，有代改善，（4）沙嗲牛肉出前一丁，唯一可以接受，牛肉夠淋，湯底份量剛好，但係好奇怪，點解唔比包麻油我既🤔🤔🤔（提提大家，可以Order 金牌奶茶，仲有兩塊Mini Cookies 🍪🍪送）

上次行街經過已經想試，但見到好似要等好耐就走左。今次見到終於唔洗等，即刻入去試下。第一次見到茶餐廳人用霓虹燈做裝飾，地方幾舒服～都忍唔住影左幾張相～Menu選擇都幾多，見到隔離叫左杯茶王之王同西柚茶好似幾吸引，一於就叫番杯試下～另外，我地仲叫左沙嗲牛肉蛋包包同叉燒滑蛋飯。｢茶王之王｣一黎到見到一杯大一杯細，咁就問下侍應有咩分別，原來細杯係普通奶茶，大杯係茶王，原來用左斯里蘭卡茶葉泡製而成。值得一提係當中附有牛油曲奇配茶，很細心～茶王果然名不虛傳，有茶香同回甘，又唔會有澀味。奶味同茶味之間個平衡做得好好，第一次試到咁好味嘅奶茶！西柚茶，用左新鮮西柚，酸酸地幾fresh～蜜汁叉燒滑蛋飯，叉燒肥瘦均勻，蛋好滑，好味！沙嗲牛肉蛋包包，一開始以為係蛋包飯，點知一切開先發現原來係用麵包同蛋中間夾住沙嗲牛肉，好新奇嘅配搭～總括而言，見之前評價唔太好有D怯，點知食物質素有驚喜～侍應服務友善~值得一試啊~