茶木‧台式休閒餐廳 (荃新天地)

營業中

休息中

今晚我們去咗荃灣荃新天地嘅「茶木·台式休閒餐廳」食晚飯！我們叫咗醬燒豬軟骨麵同Teawood紅燒牛肉麵嘅麵質相當煙韌彈牙，豬軟骨嘅湯底顏色雖然都幾深色，但味道就比較清淡，而牛肉嘅湯底就非常鮮味香濃，豬軟骨嘅肉質好鬆化軟滑，軟骨嘅位置唔會太過韌，牛肉嘅肉質相當嫩滑腍身，牛肉味好濃郁！古早烤香腸肉燥飯嘅腸皮烤得好香脆，食落嘅味道有啲似港式臘腸咁，肉燥唔會好油膩！古早味三杯鷄嘅酒味唔算好濃郁，但味道都幾惹味，肉質都幾嫩滑！甜品：芒果奶油酥皮拿破崙相當酥脆，中間夾著嘅吉士好香甜軟滑！

中電節能全方位拿得免費蜜糖磗券，所以同弟弟嚟試下 (佢話我知荃新天地開咗新店我差點去了綠楊坊茶木)。中午12點半荃新天地分店唔使等位記得係綠楊坊分店要等位等好耐新店環境同裝修都好靚，地方寬闊，坐得舒服。點了香芋奶茶加珍珠，芒果沙冰，花枝麻醬面，同埋免費嘅芒果蜜糖磚。香芋奶茶加珍珠: 好濃香芋味，珍珠彈牙一流芒果沙冰: 較甜花枝麻醬面: 好味，一直係最愛，保持水準但忘記拍照芒果蜜糖磚: 賣相靚，好味，但的確size比以前細

兩對couple黎傾計位置都蠻寬敞 環境不太亮 蠻適合聊天主食小吃甜點飲料 各叫了一份 share蠔仔粥 份量還算夠 可是只有鹹味鹽酥雞 基本每次來都點喇聊天必備 還可以這個甜點 底下還有好幾個麵包 而且都是切好一塊一塊的 挺方便喔也可以抵抵餓喇～之前都吃石板街 對於我來說 這個有點太甜了水果冰茶還不錯 果醬味蠻濃就是..茶包泡的 茶味不太重整體還可以喇 經濟而不算實惠

每次經過茶木都很想念它的多士盒，所以今次係荃灣行街經過就跟朋友仔去茶木Tea下先。我地叫左松露煙肉手工麵，三杯雞仲有重頭戲芒果多士盒松露煙肉手工麵:手工麵幾彈牙 松露幾夠味 份量適中三杯雞:幾香口惹味  不過太少雞塊 唔夠食呀芒果多士盒:唔需要多提啦 招牌甜品 飽肚美味美中不足就係無下午茶Menu 要散點 價錢略貴

工作完一整天，入到茶木有一種休閑舒服嘅感覺今晚同老公order左兩個晚餐，一個鳳梨甜酸肉，沙茶牛小排，跟餐我哋要沙律，同埋飲鮮水果茶鳳梨甜酸肉，佢哋係用新鮮嘅菠蘿，菠蘿好清甜，甜酸汁甜酸適中，豬肉外脆肉爽好好味，入面加埋有荔枝肉，火龍果，整個餸感覺好新鮮，好味至於沙茶牛小排，肉質夠淋，沙茶味香濃，鍾意濃味朋友可以試下整體感覺都好好，茶木好少令我失望

睇完戲搵個地方飲杯野, 成個商場無咩hea既餐廳, 見到茶木啱晒, 呢間分店地方好大, 人流去得好快, 所以等左5分鐘就入得.志在休息下, 所以睇佢D飲品有台式類, 沙冰, 咖啡等等, 是但揀杯黎嘆下先.揀左Cappuccino熱飲$33, 呢度既咖啡都整得幾精緻, 雖則無拉花. 入口好香咖啡味, 夠濃且滑口. 甜度可自己加咖啡糖, 加少少, 甜度出D更加好味. 除左S字同P字咖啡店之外, 呢間都算不錯選擇.

今日中午一個人來到荃灣，心思思想吃個台式午餐，一看到茶木的招牌，二話不說就入左去啦。西班牙特調。味道有啲似水果茶，有氣的，夏天飲非常舒服。冰凍的果茶，茶味突出，果味濃郁，陣陣果香清新不甜膩。黑油雞翅麵。茶木的手作麵我非常喜歡，入口彈牙爽口，彈彈的口感非常出色，入口不太粉，充滿麵粉香。湯底依舊濃郁香濃，陣陣香甜的肉香，入口惹味十足。雞翼嫩滑，滿滿黑油香味，頗是入味。

到荃灣行街後，想搵間舒服的餐廳食晚餐選擇了茶木點了花茶蝴蝶粉，不太濃味，份量剛好蠔仔泡飯大大粒肥美蠔仔鮮美最後點了店內出名的朱古力多士，三片厚多士加士多啤莉，朱古力雪糕睇見都想食吧

之前一直支持茶木點了個三杯雞晚餐等了成半個鐘送到來，一啖咬落去居然是生的以後永遠black list 里間之後換個菜，居然又等半個鐘，實在令人再也不想光顧曾經很喜歡茶木，依家好討厭

想食台灣野又想食甜品所以今次兩個人午飯時間來茶木旁邊見到好多人都有壼茶，一問之下原來係最出名既紅棗牛蒡茶，紅棗可以補血，牛蒡又可以瘦身岩晒我地兩個女仔，所以坐底就叫左。本來想食牛肉面，但想試下新野，最後就叫左醬燒豬軟骨面豬軟骨夠軟，好淋，好夠味，湯底一如既往好，所以好多時唔洗專登去台灣食，想食正宗牛肉面黎茶木都試到。凍飲叫左日月潭紅玉紅茶奶蓋，有玫瑰花和黑糖在面，飲落好好味，值得推介友人叫了肉燥牛肉飯，內燥好夠味，牛肉好軟無根其實今次最主要黎既目的，係為左一試呢度最出名甜品蜜糖磚塊草莓雪糕和蜜糖，配上每層香脆既方包，真係一絕!!!!成個甜品好夾，但份量好多，下次可以下午茶時間，嘆下茶再食甜品，享受一下悠閒既下午。

Teawood 比我既第一印象係...經常門口都會好多人每次同朋友夜晚想試既時候, 就會被門外的人群嚇親... 想唔洗等又有位既方法,就係食下午茶,,,,哈哈哈 今日終於可嘗下TEAWOOD 既魔力入到店內, 感覺舒服, 其中一個原因係出面實在太熱, 舖內冷氣非常充足其次係燈光開明, 地方寬敞日月潭紅玉紅茶黑糖奶蓋 好幼滑既奶香, 奶味比較重, 加上少少既紅茶茶味同少許少許黑糖既甜味..感覺係一杯落多左奶既奶茶, HAHAHA...係好味既黑糖杞子牛蒡茶 牛蒡茶, 值得推介好香好濃既牛蒡味, 絕無偷工減料, 中間部份全是牛蒡, 加入杞子等,女士恩物, 又可瘦身又可養顏,當我食飯中途飲完全壺,諗住加枱上支水落個壺度前,有個待應走過黎問我洗唔洗加返D 熱水  原來係可以同佢地REFIL熱水嫁醬燒豬軟骨面 哇, 真心講, 好味過我上次去台灣食間永X, 個湯底香濃,夠味,  豬軟骨林身, 易咬, 唔UN面條方面係有少許硬身果款香煎沙朗肉燥飯 仔仔食得好開心, 自已食都食左一大半,個肉燥汁好有台灣味道, 唔太咸, 又夠肉味,  佢地既餐具都好特別, 得意,

今日同朋友來茶木短聚，因為排骨肉燥飯已經食過太多次，所以想有新嚐試，但結果卻有點失望噢。。。烏賊奶油手作麵令人喜出望外，手作麵很粗身，口感煙韌彈牙，每條手作麵也掛著鮮濃奶油味，也有墨魚汁的香味，的確是新鮮的配搭！😁花枝片和香茹也是爽口、有嚼勁，整碟手作麵絕對是“舔舔利“的好選擇！梅子豆乳燉排骨卻令人失望而回，燉排骨本身期待著是軟腍、鬆化，但事實吃下去時非常韌，肉質很老，咬下去肉已經缺乏肉汁，而且是一絲絲的！排骨帶酸酸的梅子味，但完全吃不到豆乳的甜味，而且腌製得有點咸，不太建議大家點這款菜色地瓜燉牛腩也有相同情況，牛腩已經燉得很老，而且偏咸！地瓜也未燉到軟溶，所以地瓜的甜味根本無法融入牛腩中，感覺上牛腩和地瓜是分開的兩道菜，令人失望！綠茶tiramisu為這餐飯挽回一點分數，因為綠茶味很香濃，而且重忌廉味，吃著、聊著也很滋味！相反，小茶木劇院只是普通的朱古力蛋糕，本是隱陣之選，但卻令人大跌眼鏡！朱古力味過甜，而且蛋糕食下去很硬身，應該是雪藏了很久，失去了蛋糕本身的空氣感，所以吃了半塊便沒有吃了！總括而言，下次光顧時也只好點選比較穩陣的排骨肉燥飯和牛肉麵了

系荃灣行街,無意中發現,荃新天地開左間茶木,見成日尖沙咀都好多人排隊，所以見唔洗排就去試下，其實都只系想小食,於是三個人就入去叫左一個雪糕面包和台灣老滷。雪糕面包,叫草莓味雪糕,整個面包基本上加左好多糖，面包系整到好脆的外皮，不過食完基本上一日都可以唔洗食糖,三個人系夠，仲意食甜野既人系岩食。台灣老滷系個拼盤，有d 腌得唔多夠味，特別系雞翼,只有外皮有味,肉質冇味。但其他豬耳和腎系爽口易咬，就入味d.價錢都偏上，都系因為環境令既緣故吧。

最近報名參加一個畫畫班，人愈大愈想挑戰新事物，一向無畫畫天分的我決定向朋友請教，參加朋友的畫班。中午時分來到荃灣，時間尚早，一於先吃個午餐，首選是茶木。珍珠奶茶。份量相當大杯，滿滿奶香頗是誘人，炎炎夏日吃杯凍飲，確是涼透心。奶香茶滑，茶味頗是濃厚又不失幼滑，珍珠入口彈牙香口，嚼勁十足。溏心蛋肉燥飯。我最愛吃溏心蛋，一隻也不足以滿足我，蛋味濃香，中間溏心部分更是香濃滋味，入口滑溜，煮得相當出色。白飯熱香軟熟，肉燥濃香，粒粒肉粒和香菇，味道咸香豐富。旁邊的青瓜和酸菜拌上簡飯更是滋味香口。吃到飽滿，看見旁邊有人點上蜜糖吐司，我心思思也點上一份。石板街味道是我首選。朱古力雪糕濃香幼滑，中間有粒粒果仁，味道更是香口豐富。吐司烘得香脆清甜，蜜糖甜絲絲更是出色，每一口都有濃濃忌廉和雪糕，伴上綿花糖，味道香甜可口，一解夏日之苦。

早於兩年前曾經去過尖沙咀的茶木，不知不覺現今在荃灣開設了分店，於是又走來食個午餐。餐廳裝潢具現代氣息，一身啡色的裝潢，加上圓形的燈，在店外還擺設了座位，可謂耳目一新。餐薄以雜誌式的甫排，介紹了各款花茶，特飲及咖啡，甜品，台式麵食和主食，也有小食和類似小菜的介紹。點了一個炸雞排肉燥飯（六十二個大洋）作為今日午餐。米飯上加上肉燥，還有半邊鹵蛋和灱雞排。肉燥味道濃厚，而且較濕潤，送飯一流。雞排則嫌麵包糠過多，雞肉略少而不夠厚身，縱使雞排有著肉汁在內，始於炸粉較多，而且偏硬，令到口感大減，沒吃多雞排的味道，敗筆。紅豆抹茶拿鐵（三十二個大洋）是其中最愛的一款飲品。抹茶味道適中，未至於濃厚，與拿鐵的比例適中，當中的紅豆也較軟腍。茶木小劇院（三十八個大洋）是今餐的甜品。朱古加與薄脆相互相隔，食落口感有層層的朱古加和脆口的感覺，甜度也不算很高。倘若雞排不太多粉及雞排厚一點的話，會是較佳的。