茶木‧台式休閒餐廳 (荃新天地)

營業中

休息中

今日約左職場上的好夥伴一齊食晚餐想搵一間可以靜靜地傾計既餐廳盡訴辛酸事係openrice搵下有無餐廳係可以訂座有幾間心水餐廳，但都無得係網上訂座最後我地揀左茶木...但係要到現場落位大家收工去到茶木7點，無人等位太好了可能因為無咩人既緣故所以都比較安靜仲可以兩個人坐住四人枱先最後我地見倒個Dinner Set要單點一個菜色再加$30先有白飯，沙律/甜品同飲品一杯（總共都要$90幾，覺得有啲兒貴）所以我地兩個都係叫左個炸豬排肉燥飯@$67最後邊食邊傾，去到八點半左右開始多人了就開始好嘈同埋要搭枱我地都賣單了，加一服務費後，$147

有時睇電視節目介紹台灣夜市, 朋友分享d台灣美食相, 但又唔可以話飛話飛, 真羨慕其他朋友, 可以個頭卜完機票轉頭星期尾就快閃台北, 好似我咁有時會無啦啦心掛掛又口痕想食下台灣野食,茶木就岩哂我要求啦, 當日晏就去到都唔使等位, 依個係正廣場入面, 又自然光入鋪, 感覺舒服!一唻就叫個炸雞先, 我個人鐘意台式炸雞多過韓國個種, 依塊雞冇雪味, 啖啖肉, 好吃喔！之後就叫左個湯面, 湯底夠濃唔算油, 重口味既一定岩再唻多個雞翼, 同樣煎到岩岩好, 有少少燶邊, 推介喔

男友同貝兒去好耐無食茶木啦，居然出左咁多新野飲🤤貝兒勇敢新嘗試，點左杯灰黑色既麻糬竹炭慕昔🤣男友就點左檸檬愛玉🍋其實佢個雲石系列有四款既，有蝶豆花、洛神花、竹炭同埋抹茶四款，洛神花果杯個樣唔睇字會以為係草莓😂因為佢成杯係粉紅色，而且上面真係放左兩粒草莓🍓好啦好啦～講返我杯炭啦😝其實係無味既，因為竹炭本身就無味道，成杯野飲既微微甜味，全部來自啲cream既微微甜🤭所以唔可以讚佢好飲，但係影相靚靚囉！而且佢個麻糬，啫係上面放左幾粒白色細細粒既野，係唔好食架又硬綁綁咁🤭🤭 男友果杯檸檬愛玉，愛玉就正正常常既，但係檸檬就係香精調出來，太酸之餘味道有點假😕仲要成杯沙冰咁😂凍死寶寶咩🙈🙈最後係飲左3分1，跟著溝左清水，味道同凍度先正常返～sad~不過食物就一如既往既水準，紅燒牛肉麵同埋蚵嗲肉碎泡飯☺️👍🏻 紅燒牛肉麵湯底好好飲，係台灣食到既味道，但係$77黎講，佢真係好少🤭得四小舊牛肉😢會唔滿足囉😢😢😢 至於男友每次必點既蚵嗲肉碎泡飯，個湯好鮮甜呀👍🏻但賣相好醜😂因為泡飯一般都無咩美貌，但佢次次都好中意食泡飯，淨係肯請我食兩啖喳😩下次要繼續偷佢啲湯飲🌝🌝

今日去左呢間茶木食lunch, 不過可能去到已經2:00pm, 所以lunch set 入面有兩款經已賣哂.最後我order左呢個粟米魚塊(有點似中式酒樓食嘅粟米班塊) + 牛肉麵 + 熱柚子茶 ($74.8 連加一)先講3小碟, 味道只屬一般, 冇驚喜.去到主粟米魚塊, 味道正常,但外皮有少少韌. 至於個牛肉麵, 雖然只得一片牛肉加3啖麵, 但值得一讚嘅係佢啲麵質都幾滑身, 又有咬口, 幾好食.總括黎講, 呢個套餐都算平, 而且對於男士黎講可能會唔夠飽(建議男士選午市套餐要配飯食)  

同朋友食完養心殿7:30離坐前優惠，還覺得意猶未盡，於是去了茶木食甜品。每次去茶木都會食蜜糖磚塊，今次就食巧克力曲奇蜜糖磚塊，之前都食過很多次，就不特別評價了，水準大致上可以，價錢亦都不算貴。這是要評價的是大概是新出的麻薯飲品。朋友點了麻薯竹炭慕昔，而我就點了麻薯紅豆宇治抹茶。身為一個綠茶愛好者，見到餐廳有綠茶食物飲品都會試一試，但這杯宇治抹茶實在令我太失望。首先賣相是不錯的，但是杯裝得太滿，奶泡很快溶，隨即滿瀉，有點狼狽。味道方面抺茶味欠奉，可以說是綠色的奶精飲品，可能是我的期望過高所以失望太大....至於麻薯竹炭慕昔，朋友就是還好，沒有特別意見下次去茶木我會點返我的最愛熱帶水果茶了

今日同女朋友去咗荃灣SHOPPING咁我就已經決定咗同佢食茶木既咁我同佢係未食過茶木所以今日同佢去食下啦由於知茶木可能要等位所以我地六點幾已經去到等位啦但都等咗三十分鐘啦坐正門口既二人位座位都唔錯既跟住我一地一叫咗一個麵食仲加多杯野飲飲下酥炸雞排麵炸得幾脆 但比較重口味 因為比較咸個麵都唔錯 但份量唔多 湯幾好飲酥炸排骨麵基本上個味係同炸雞排一樣樣只係一個豬一個雞咁解麵都係一樣口味既 不過不失一個係雞排一個係排骨我都分唔出邊個打邊個如果未放入口長相一模一樣高山蜜香紅茶奶蓋呢個好失望 好難飲個奶蓋再溝埋之後變咗啲好怪既味有啲腥腥地味既奶味咁但又無茶味 淡得黎好難飲可能我唔識欣賞啦最後194.70賣單兩人叫咗兩個麵同埋杯野飲入坐好似話有限時唔記限得幾多啦

隔了一段時間冇食過茶木終於見到幾年來嘅新餐牌一打開見到麻糬蝶豆Oreo milkshake, 一眼就決定係叫佢啦！粉藍粉藍的，太靚啦上面有2粒mini oreo襯托及一堆小麻糬（是牛涮鍋雪糕自助任夾個種，大細口感都一樣）小麻糬攪拌左入milkshake 入面，其實冇咩味了蝶豆花，即粉藍色部分其實冇咩味整杯飲品都是奶味很重的，oreo打碎後有咩味冰亦冇打均，不停吸到大冰粒，要吐出黎。試一次就夠，下次都係飲返珍奶系列算。食品餐牌其實冇咩點轉。叫了最保守又必定好食嘅黑麻油雞翅麵照舊湯底濃郁，麵身不淋不硬剛剛好不過湯底好快就會凍，要盡快食。另外嘅食物亦是長期食物，不特別介紹。只是這店店員嘅服務態度有進步空間。因2個門口，但其中一個不是排隊的，不停有人進出，店員亦冇耐性講解，可能是遊客太多了吧，有點無禮話客人呢【雖然不是對我這樣，只是一邊食一邊看到】其實客人邊食邊咁樣是會感到不舒服呢

茶木真係越開越多，總有一間係附近，有時唔想諗食咩都會走咗入去。12點都未到就入咗去，人唔多唔使排隊，今次竟然冇叫到紅燒牛肉麵，叫咗個豬扒肉操飯食，等左差唔多半個鐘先至上，好彩個飯熱辣辣味道都唔錯，總算冇白等，但我記得平時上菜冇咁耐，第一次食荃灣呢間。食物方面，感覺上豬扒比以前大左咁（自我感覺），我有啲食唔晒，肉燥飯唔錯，味道好重，好鍾意食隻糖心蛋，茶木嘅糖心蛋都係我最愛食之一，仲有叫咗杯凍咖啡～唔記得叫咩名啊，但味道好好，唔算好甜，上邊個雪糕好好味。

今天，和朋友一起吃晚飯。到荃灣的茶木去，但今日竟然慶祝不用不嬲要排隊的茶木不用排隊。😂😂味道總算是ok好味道的，但這間舖頭的飯餸份量超少。無論所叫的牛小排（牛仔骨），額外加叫的兩碗白飯，松露菇奶油培根手作麵⋯⋯連白飯也要$12蚊一碗，但只有半小碗，連平碗也沒有的！😖份量真是少得可憐呀呀呀呀呀！我們要求想要多飯也沒有此要求。其實我們一行人$12蚊一個飯也是挺貴的。這個份量連四歲的小孩也不會夠。只好吃完也像吃風般，餓肚子一晚了。

今日係星期日..成日荃新天地都迫滿人..都搵間餐廳唔洗等位或者唔排長龍都難。咁啱見到茶木唔洗排隊就即刻衝左入去喇。其實都唔係第一次食茶木，但荃灣呢間就係第一次去。入到餐廳可能都幾多人，侍應都唔得閑招呼我地，唯有自己搵個位坐低。由於今日真係超級肚餓..雖然只要兩個人都叫左4樣野。肉燥蓋上翡翠苗-味道大致上唔錯，但翡翠苗有少少苦澀味道。芝心雞翼-雞翼裏面讓入左啲芝士，好好味。不過唔可以食太多隻因為啲芝士都幾溜，所以我覺得唔使點醬都夠哂味。酥炸雞排面-好香濃既湯底..好味但好油。雞排其實炸都唔錯..裏面嘅肉質都仲好juicy。香煎沙朗肉燥飯-個飯幾好，但塊牛肉我就覺得麻麻喇。

第一次光顧荃灣呢間『茶木』...食下午茶餐🍽！佢哋下午茶有多款 tea-set，有三文治吐司🥪餐、台式小食(餃子🥟、鹽酥雞、雞翼或蝦卷🍤)、飯麵餐(紅燒牛肉麵🍜、肉燥飯🍚、或豬軟骨麵🍲)、甜品餐(心太軟、拿破崙蛋糕、黑糖芋圓水果仙草、或杏仁脆條)等。套餐飲品五揀一...可選擇嘅有黑糖珍珠奶茶、咖啡☕️、柚子蜜茶、黑糖冬瓜茶、或玫瑰紅茶)。價錢由$34至$56不等！不過這些下午茶餐只限於平日星期一至五14:30-18:00！Weekend、假期同假期前夕冇得食！呢日去到大慨15:00左右...吾洗等位！餐廳空間都幾大...卡位又多...與其他分店相比裝修較為新淨...而且比較清淨...同朋友傾計閑談一流！

收工去荃新天地食晚飯,7點幾呢個時間見茶木唔使等位就入咗去食啦 一坐低侍應就俾咗杯水俾我哋幫我地抹乾淨張枱服務態度都幾好見Menu有set dinner叫,就每人叫咗個dinner set!!+多18蚊仲有埋甜品 我呢個甜品控緊係加埋啦好欣賞呢杯紅豆薏米水好好飲 有好多渣 飲完仲可以食埋啲薏米同紅豆 台式野一定要食嘅梗係牛肉麵啦 d麵唔會煮到淋曬蘿蔔都好爽囗 牛肉又唔會太韌 啱啱好酸甜咕嚕肉 炸得好脆 酸酸甜甜 恰到好處 唯一美中不足就係份量太少呢個甜品簡直係大愛呀

好耐冇嚟Teawood食飯，以前都經常去幫襯，唔知點解最近會少咗，冇所謂啦，今次去食返久違咗嘅蠔仔粥和煎鍋貼。鍋貼依然好啱口味，細細隻，個皮煎完後，濃嘅部位脆脆地，冇濃嘅地方就軟冧冧，一啖有2種口味，2種口感，而且內涵仍然juicy，呢度嘅鍋貼係必選嘅。蠔仔一向都是我的至愛，睇住餐牌，一見到蠔仔粥，唔使再諗，即揀。不過今次就有小小失望喇，就係鹹咗小小咁喇，除此之外，其他都好好。蠔仔飽滿大隻，粒粒都肥嘟嘟，啖啖蠔仔，每啖都覺得好滿足。如果鹹度輕番少少，就perfect喇。

茶木不嬲都大排長龍，除左啲厚式雪糕多士之外，我最中意就係食肉燥飯！香穌雞炸得岩岩好，粉唔厚又脆，食落soksok聲，唔算漏，加埋隻蛋正呀！口痕想食台灣野，茶木真係一個好選擇

晚餐時間喺荃新天地裏面好多餐廳都開始見到人龍，間間餐廳都有人排隊，到底揀邊間嚟排好呢？最後得出嘅結論就係—茶木之所以揀茶木，係因為之前已經嚟食過，覺得環境幾好之餘，而且價錢亦合理。餐廳嘅環境光亮整潔，座位亦都唔逼狹，就算我哋只係得兩個人入座，店員都安排左卡座俾我哋就算係晚餐繁忙時間，上菜嘅速度亦都算快，我哋落單之後大概等5-10分鐘左右，已經可以開始用餐。我自己就揀咗一個酥炸雞排麵，同埋一客小食，地瓜花枝餅。地瓜花枝餅——夠彈牙，但係就食唔到有地瓜嘅味道，而且略嫌油膩。酥炸雞排麵——份量比預期嘅多，唔好睇佢好似薄薄咁，但係每一塊都有返咁上下大，絕對夠飽肚雞扒皮炸得夠酥，肉亦都算滑，但食完呢幾塊雞扒之後係會覺得有啲滯。而麵嘅湯底都幾清甜，加上有d酸菜，既開胃又解油膩。雖然呢兩個菜式味道上並唔係做到一百分，但喺整體餐廳嘅環境，服務，上菜速度，食物質素等等，都絕對係OK之上。