茶木‧台式休閒餐廳 (荃新天地)

營業中

休息中

今日走到荃灣食lunch, 無乜 idea, 不如食茶木。佢地 weekday 有午餐供應。$68 有小食，麵或飯同飲品。份量不算大，食完唔係好夠飽，不過味道是 ok 的。芝麻醬鴨，味道有點似鹵水鴨，不過多了點芝麻醬。牛肉麵⋯⋯⋯ 份量有點少。飲品的黑糖薑茶還是可以的！不過$68， 可以接受吧！

同屋企人黎茶木食晚飯，3個人吃左。。。# 蠔仔泡飯 # **********勁鮮甜，有好多料: 大大粒蠔仔、魷魚乾、蝦米、東菇、肉碎，一個字，正! 但略為咸左啲，3人分一碗剛剛好。# 糖心蛋肉澡飯 # *********都係好正。肉澡甜度剛好，而且無乜肥肉。糖心雞賣相勁誘人，不過又係咸左啲。都係3人share比較好。醃菜好味!# 雞扒肉澡飯 # *******雞扒都算滑，最緊要加胡椒粉，再好味啲! 呢個梗加要3人share，炸雞扒一個人好難ko到。# 紅豆Toast配抹茶雪糕磚塊 # ******唔夠脆，紅豆甜度剛剛好，紅豆配抹茶一定無死。餐飯唯一唔滿意既係3個男staff 係咁講佢地係度呻鼻涕，有啲令人作嘔。。。。講到好大聲。。。3個人4樣野食左310蚊，ok啦。

我之前去過九龍灣間茶木食lunch，貴到爆炸但又唔好食，我都唔想再幫襯，點知朋友話想食佢個甜品，所以都係去左!公道D講，呢度裝修真係無野彈，而呢間D態度比九龍灣好好多! 但呢度要排隊，用餐時間有限制，我覺得好趕law!食物方面，個沙朗肉燥飯味道係幾好，不過份量就太少了! 我呢個女人仔都唔夠喉，男仔就一定無可能夠!而呢個炸花枝，炸粉同花枝係分開的，而花枝炸到老曬，好多油!我拎紙巾吸油，但全張紙都有油，再要繼續飆油，結果我地係無食到!重頭戲就係呢個珠寶盒，其實係3塊焊底查左蜜糖的多士，裡面有大量cream，上面就有草莓雪糕同水果，卡路里超標，好食!但就未必話好有賣點，無需要大排長龍，所以都係無下次啦!

前排約了2個豬朋狗友出街, 然後再一齊去食大餐~好在早了少少去茶木搵位, 等了10分鐘就有位~話明食大餐, 當然點了好幾樣野, 仲要飽到食唔晒先得我點的黑糖珍珠好飲~ 珍珠好QQ~豬朋狗友都表示各自飲品OK, 個麵都OK想不到大雞排真的很大! 又熱又脆~台灣風味><我最想推薦是蚵仔泡飯! 因為我是不食蚵仔的豬朋點了叫我試下, 誰不知真的意想不到的鮮~正!其他鎧撤沙律同蝦餅都OK我會下次再去點蚵仔泡飯食.....不過要搵人幫我食咗D蚵仔....泡飯留比我

今天两只病猫来荃湾午餐，午室套餐感觉还是挺不错的，含前菜，主菜，主食，饮品。不过涨价涨的好快!喜欢装盘子那个木架子 很有feel。Honey的话梅猪手味道倒还不错，皮还算Q; 菌菇忌廉鱼柳太heavy 喉咙痛有点下不了口，香芋新竹米粉还不错，底汤倒是有点味道但也不是过于清淡, HONEY夸牛肉面味道很正。不过作为午市套餐 份量少了点。

去楊屋道街市買餸前，我們仨黎茶木食午飯。我最早到，有約十人排隊，入座流轉都算快，等左20分鐘有位。可能因為星期六，入座時，侍應哥哥提醒入座起計限時90分鐘。我同朋友G叫左牛肉麵，朋友M就食黑麻油雞翼麵。茶木本身已經本地化左迎合香港人口味，碗牛肉麵味感少左一份台味。果三大舊牛𦟌真係三大舊，大大舊，幾醂身，但舊紅蘿蔔就唔夠醂。朋友就 comment 雞翼麵非常普通，下次會選返牛肉麵。兩者都係重口味之選，而且湯底其實一樣，只係多左麻油味。

約咗家人在荃灣午餐，諗起媽媽好鍾意食墨魚汁意粉，便決定你荃新天地的茶木。因為之前陪佢食過而家諗起都回味！11點半到達，餐廳剛剛開，人並不多，環境舒適，裝潢1十分雅致。餐牌好似雜誌咁圖文並茂，睇見都吸引。四個人叫咗四set午餐，竟然有媽媽最愛嘅墨汁意粉套餐。其餘嘅餐有小食、主菜、飯面同飲品。平均＄70。抱歉，墨汁麵到咗，大家忍唔住立即分成四碟，影唔到原本個樣！但係真係非常之好味！另外三個套餐，我哋好欣賞個紅燒牛肉麵，好香濃嘅台式牛肉麵味道！雖然細碗，但感覺野味！咕嚕肉係全場超讚既一個主菜，肉質外脆內嫰，酸甜適中！飲品方面我哋叫咗烏梅汁、金橘檸檬汁、同紅豆薏米冰！全部都叫咗少甜！感覺非常消暑健康！再加兩件精緻蛋糕拎走，留返返去俾小朋友食！每件只需加＄18，真係抵到飛起！埋單300多元！能夠在平日享用午餐，真係比晚上抵食好多！

下午茶有小食餐，亦都有麵有飯，最緊要價錢唔貴。我就叫左鹽酥雞扒肉燥飯，雞扒色水靚，炸得鬆脆，肉燥飯都好大份。跟餐仲有黑糖珍珠奶茶，唔使加錢！珍珠奶茶飲到真係有黑糖味，同平時嘅珍珠奶茶有分別。鹽酥雞扒肉燥飯配黑糖珍珠奶茶，下午茶都係50幾蚊，又夠大份，都算抵食！

唔明點解都好多間分店，但都係咁多人😂（間野有限時）食個個多士就食得多，叫其他真係好少。鳳梨鮮果甜酸肉好鐘意呢知，勁多唔同既水果，又strawberry 又kiwi.....，而且啖啖都係肉,好正!蚵嗲肉碎泡飯個味有啲偏咸同好夠薑😂😂入面好多料，要share食！紅油抄手不過不失，但真係都幾油下😂😂好creamy!同個味好濃郁，不過冇墨汁味(雖然唔知墨汁味點講🤣）啲野飲個人推薦果味啲茶多過奶茶類。

小弟有時放工也會約朋友去下午茶的，最常去的就是茶木了！而荃灣茶木中，個人認為又以荃新天地的比綠楊坊的更好，因為環境大一點，也開揚一點，我和朋友都很喜歡，所以經常也會去荃新天地那一間。 這次我們有新發現呀，就是茶木終於有下午茶餐啦！超便宜的！之前去茶木吃東西都頗貴，現在可以放心地叫東西吃啦！今次我們吃了兩個茶餐，一個是紅燒牛肉麵配黑糖薑母茶；另一個是三杯雞加蛋吐司配冰水果紅茶。牛肉麵一貫水準啦，至於那個吐司和我要想像的樣子有點出入，朋友就很像不太喜歡了，但我覺得也不錯，三杯雞的味道很濃，更帶一點點酒味，很有趣。 這裡的服務一向都不錯的，上次來更有借充電器服務！結帳只需100元左右，再說一次，很便宜哦！

記得幾年前試過茶木晚餐是失望, 份量少得可憐而且價錢也不便宜。同事今日說未試過它的午餐, 所以就陪君一試不抱希望。估不到茶木出了午市套餐, 而且價格想對可接受, 有前菜, 主食, 飯或面再跟飲品, 66元相對荃灣其他餐廳已叫抵食。我前菜叫了鹽酥雞,份量比想像多, 唔會炸得好乾, 味道不錯, 不會好油。主食要了地瓜牛肉腩，估不到地瓜可配牛, 地瓜很香很甜不會膩,牛腩肉質炆得好林好入味, 幾香幾好食。之後要了肉燥手作面, 面很彈牙, 口感很好, 可惜配肉燥有點油, 肉燥還是配飯較好。飲品要了黑糖薑母茶, 非常滋補, 和台灣的黑糖薑很像, 很有味。66元算不錯。

荃灣雖然唔係好大，但係亦都有好多好嘢食，包括泰式，放堤，自助餐，越南菜，拉麵等等，今晚就同屋企人去食台灣菜茶木，夜晚八點半去到餐廳門口同行六人，可以唔使等位即刻入座，同初初呢間餐廳嚟到香港嘅時候，每次食都起碼要排隊一個鐘，人龍好長，的確好大對比肉燥飯，貿素沒有變，可好，我點選嘅手作面，有着濃厚嘅蕃茄味，配上一點辣，開胃得來幾好食另外跟點選了兩道小菜滷水味都算足夠，唯獨雞翼只得兩隻，較為少餃子只有六隻，計埋＋1、除開差不多大約要＄10一隻，有點貴，而味道只是一般，配上醬料並不是很特別，未必會有第二次食完正餐，一家大細梗係要食甜品，茶木已雪糕多士磚出名，半年冇食，今晚梗係要叫一個同一家人開心下次次都必食士多啤梨味，因為都會覺得比其他味好食，小朋友食到好滿足，而大人都會覺得好呢間店舖職員服務態度好好，期間我哋為小朋友倒瀉水，佢都唔會黑面，好快就拎毛巾過嚟幫我地清潔枱面，用餐期間，佢哋都滿面笑容，令到食客更為開心

茶木標榜它的蝴蝶粉是手作的。蝴蝶粉的質感非常細膩，誇張點說，滑到可以sir進喉嚨軟硬度適中，醬汁甜中帶酸，十分美味。 加上雞塊很嫩滑，跟醬汁的味道很相襯。Green tea latte 也很好飲，綠茶味很濃，裏面也有少量珍珠，加添口感。

一年都去唔到荃灣一次，去到荃灣綠楊新村，3點3想食個下午茶，原本想同朋友飲茶，結果3點3 last order, 4點要交枱，結果就去咗一向走平靚正路線嘅茶木。平時茶木都幾穩陣，我都試過幾間，不過呢間真係麻麻地。薰蛋都還可以，不過個炸豬扒雖然炸得火候OK，不過食多兩件就開始覺得好鹹，我哋幾個人都覺得調味重手咗，比起中環或者其他分店較遜色。不過值得一讚係佢哋個水吧，飲品集大家意見都覺得唔差，尤其是個茉莉花奶茶，超香。至於服務，唔知點解硬較港島分店差，不過整體可以接受

平時黎茶木都係食麵包磚或者單點野食既，今日經過既時候，發現好似一直都未試過食套餐，一於試試佢啦套餐其實都係單點價錢，不過就可以加$30多個飯，飲品，甜品/沙律我地2個人，一個要左沙律，一個要左甜品沙律第一樣到，麻醬已經加上沙律，只有少少的在上面，可以加多1 d就比較好，另外麵包不夠香脆較淋紅豆薏米水: 紅豆薏米都夠淋，但原來加了薑的味道，因為怕寒涼，我不怕薑味，所以覺得原意很好，但認為menu上應寫明有薑，因為不是每個人也接受加了薑。台式酸梅冰: 我一向都唔飲這類飲品，試一口，應該正常吧，都是我一向不喜歡的味道沙茶味道很香濃，但洋蔥很生，吃起來很"辣"，牛小排較肥，不過伴飯吃還可以這個很不錯，各樣滷得很入味，滷肉吃起來也不會覺得很肥，如果可以多半隻滷蛋就更完美當日我們19:30左右點餐，但幾款蛋糕中，只剩下2~3款，想試的都吃不到，最後揀左比較普通的款式，但原來吃起來味道也不錯喔