茶木‧台式休閒餐廳 (荃新天地)

營業中

休息中

荃新天地 茶木Tea Wood已有一段日子沒去台灣，近期更加不能入境台灣了!真係好排住台灣的味道.... 幸好香港都有唔少值得推介的台灣食店 有日經過荃灣逛街，咁岩又有間茶木，味道KEEP到水準，又唔趕人走! 麻辣拼拼揀左豬耳仔、雞腎，以前菜而言真係幾好食，好開胃(少少辣) 冷盤份量只夠兩個人，以這個價錢可以再多D，否則CP值唔高招牌台灣紅燒牛肉面 近排一直都好掛住台灣牛面的味道! 整碗滲面算足料，牛肉幾多，炆得夠入面又腍，最緊要唔「痴」牙面質夠彈牙，個人偏好硬面，掛湯力不錯湯底先係牛面的靈魂，飲得出係幾濃牛骨、藥材味!當然，食過台灣的就總覺得台灣味道會更濃酥炸雞排面 面跟牛肉面幾乎是一樣，只不過不是配牛肉，而是炸雞排可惜今次雞排炸得太硬，又薄，食唔到雞排的酥脆內嫩草莓多士磚招牌甜品，食幾多次都覺得好食，同埋一定打卡必點鮮草莓冇咩味，都係多士加CREAM+雪糕最冇得輸!凍鮮水果茶 算係KEEP到水準，不過印象中以前係大杯好多!

難得星期六有得放假👨‍👩‍👧，一家無懼疫情外出走走，去到荃灣新天地行下、食午餐🍽。最後都選擇咗嚟茶木（雖然屋企附近都有茶木），因為啲嘢都啱我哋嘅皇帝女食😅點咗：🥢紅燒半根半腩牛肚麵：平時老公通常都係食紅燒牛肉麵，今次我叫佢試這個，因為有多啲唔同嘅餸，有牛腩、牛根、牛肚配埋紅蘿蔔🥕，的確好豐富，一碗麵有咁多唔同嘅嘢，正🤩🥢台式肉燥麵：開頭以為係湯麵，原來係撈麵，另上湯，幾好，最欣賞佢有勁多花生🥜，好味😋重點嚟啦！！！皇帝女最愛嘅係佢杯熱棉花糖朱古力☕️，熱朱古力上面佈滿細粒嘅彩色棉花糖🍭成杯佢飲晒囉😒，我同老公係飲凍黑糖珍珠奶茶（係兩個人飲一杯囉😏）滿足的一餐😋

12:30 pm 了，諗緊到樓上飲咖啡定嚟茶木食飯，諗起肉燥飯，就去茶木！呢排疫情關係，好多食肆都難做，荃灣呢間茶木有七成入坐已經好好。 入坐前店員先幫食客量體溫。點左鴻喜菇肉排 （唔記得個名）配肉燥飯餐，好好味😋 加了杯Mocha 仲有紅燒牛肉麵配紅豆薏米水 ，好鐘意食呢種麵，好味😋鹽酥雞麵，雞扒份量好多，鹽酥雞啱啱炸起，食完呢份真係好飽！仲點了份台式滷水拼盤，忘記左影，感覺上份量比以前多少少，今餐食得好飽。以前成日去旺角嘅茶木，元朗也去過，之前都有去過荃灣呢間，但今次所有野都好好味，希望繼續保持落去係呢個時勢，大家做好衛生措施，希望疫情快快過去，各食肆、店舖也能捱過 🙏🏻

呢個草莓蜜糖吐司🍞真係冇得頂😋😋無懼武漢肺炎 都要出泥食😂不過餐廳都好盡責 進入時會為顧客量體溫🤒️門口都有消毒酒精侍應生都戴上口罩😷雪糕有粒粒既士多啤梨肉入面既蜜糖吐司🍞好好味又「趣」又甜加埋一口 雪糕🍦 冇得頂😇

茶木‧台式休閒餐廳荃灣楊屋道1號荃新天地一期地下G60, G62, G79號舖<茶木>黎左香港都好多年，間唔中都會黎幫襯，好鐘意佢地餐廳既設計風格，簡約得黎好有時代感，而食物方面真係好貼近台灣既做法，口味同係當地食既一樣今日黎左荃灣荃新天地既分店，係商場地下個層好方便，我地tea time既時間唔使等位，非常好精緻吸引嘅餐牌，揭嚟揭去真係好難揀可能因為太耐無去台灣啦，所以樣樣都想試牛肉同牛筋炆得好腍身好入味，入口麻麻辣辣既口感好正，不過講明係微辣所以唔算太勁, 應該好多人都會接受到最後就係伴碟既麻辣鴨血，聽講係由台灣直送，好嫩滑口感一流朋友食既呢個麵，湯底濃郁好足料，而且塊雞扒超級大，咬落去鬆脆可口，同係台灣食嘅一模一樣呢杯飲品就麻麻啦，覺得好淡無咩奶茶既香味

上午在荃灣區開完會，已是中午時間，來了荃新天地的茶木吃飯。時間尚早，入座時仍有位，之後顧客漸多。午市套餐分別有 Set A 自選套餐($69)和Set B 飯麵套餐($72 - $115)。選了 Set A 。前菜: 台式泡菜 、古早味滷蛋、 炸魚豆腐-泡菜雖不多但已夠醒胃，滷蛋的溏心吸引，炸魚豆腐伴以金蒜頗香口。主食: 鳳梨醋鱸魚扒-魚扒啖啖肉外脆內軟，醬汁略偏濃，但酸甜味和鳳梨，相當開胃。飯麵: 紅燒牛肉手作麵-湯底夠火喉，紅燒牛肉夠入味。半肉半筋有嚼勁，手作麵滑溜彈牙，味道很好。飲品: 宇治抹茶奶蓋 ( + 12) -附送幾款指定飲品之一，加 $9 升級再補差價可選 這$36 的特飲。抹茶要求了小甜，香滑有抹茶味!整體很超值，很豐富的午餐 。

茶木係港女們既最愛, 因為有精緻既甜品, 又有高質既台菜.最中意佢既牛肉麵, 牛肉好有咬口, 麵又夠粗同彈牙, 而且湯底亦濃郁.通常都會叫埋佢既蜜糖磚塊, 又有雪糕食, 又食連住蜜糖燒既麵包食.不過就一定要同其他人一齊share先食得哂, 否則就會好膩好飽了.

放假約咗朋友係荃灣行街食飯，途經荃新天地，就去咗台式茶木食晚飯，鹵肉燥飯唔係咁咸、糖心蛋超正👍🏼紅燒牛肉湯麵，牛肉好淋入味，湯底有啲咸都可以接受，麵條煮得啱啱好爽滑👍🏼環境舒適，服務態度好。

落雨天，唯有行下商場，食下tea，去茶木食係貪佢有甜品，又有咸點食。D甜品真係好靚靚，好吸引，仔仔最喜歡草莓香草蜜糖磚塊，影相一流！草莓香草蜜糖磚塊，麵包不是一整片的，入面係一切開一小塊，有蜜糖在外層，焗到脆皮的！鹽酥雞粒，超香脆呢個係流心的，賣相無流莓果個咁吸引，不過好食過草莓果個！草莓櫻姬，賣相超靚，勁適合selfie，我同仔仔share飲呢杯野，愈飲，枝飲管愈短，原來枝飲管係糖做，食得的，我仔偷偷食左一半，勁好笑！

之前經過商場時已見到茶木多左些款式午市選擇都算多，我地第一次用apps登記仲送多個三小碟食，意外地有個秋葵食同埋佢個咕嚕雞好好吃😋不過食呢個小碟時我都已食飽了正餐既燥肉配炖牛飯整體不過不失啦

茶木的分店我都去過幾間，而今天是第一次來到荃灣荃新天地的分店用膳。今次點了微辣手工拌麵，當中有椒麻拌麵、麻辣半根半牛肉和麻辣鴨血加腐皮卷。拌麵味道不錯，辣度剛剛好，最適合我這些怕辣但又喜歡吃辣的人。牛根牛肉份量剛剛好，牛根軟腍。沙嗲玉藕帶骨牛小排蓮藕很爽口，牛小排很入味，味道相當吸引。飲品方面，點了一杯柚子咖啡和一杯草莓櫻姬。大大片的柚子加咖啡，令味道更加有層次感。而粉紅的草莓櫻姬更是我的最愛，除了賣相吸引之外，味道也相當不錯。今次來茶木用膳的目的，就是為了吃這個海鹽珍珠奶蓋岩漿蛋糕。蛋糕鬆軟，內裡的珍珠和流漿都很多，份量十足，值得一試。

台式餐廳喺香港都好多間 我諗茶木分店最多 茶木好有台灣嘅感覺 好鬼休閒 又會好隨意 坐嘅環境好自在 香辣紅燒半筋半腩麵 牛筋腩都好林 送餐速度正常 最後點都要叫返個雪糕芒果士多啤梨吐司 需時10至15分鐘 預時間order 脆口嘅吐司 🍞大大嚿又夠厚 入口鬆脆 啖啖加上有蜜糖 味正呀 😋呢個吐司好似係必叫黎影下相咁 食咗咁多次每次都一定叫的 😆😆😆

因為最近太興上咗市，同一路做緊優惠券推廣，先至知道茶木都係太興集團，所以水準都同太興一樣咁穩定，而茶木嘅台式料理變化多好多。先來一個懶人系列，雖然我唔係好明點解叫做懶人系列，微辣手工拌麵，講得出微辣真係BB辣水平，辣味提升麵嘅口感及味道，麻辣半根半牛肉似五香牛筋，可能真係煮左12個鐘，好淋好入味。雲頂咖啡的咖啡底有層次，再加上奶蓋，苦中帶甘。草莓櫻姬即係草莓沙冰，賣相好有少女風，草莓口味濃厚，亦唔會太甜。鳳梨豆乳醬燒骨，炸鳳梨幾特別，燒排骨十分出色，排骨好淋有咬口，口感一流。抹茶紅豆奶蓋岩漿蛋糕賣相出色吸引，中間倒插朱古力雪糕需要食先，之後立即見到抺茶岩漿，好在抺茶唔算苦，似綠茶多一些，配合蛋糕一起中和最好。荃灣分店需然在地下，但最入的位置係向住商場中間，十分開楊，坐在玻璃窗邊食野零舍寫意。

閨蜜去完台灣旅行，約左送我手信順便分享下旅程，閨蜜還是意猶未盡再想食台灣菜🥴就去左選擇多又有台灣甜品嘅台式餐廳😊微辣手工伴麵($68)點左新推出嘅自家製椒麻伴麵，近來伴麵好受歡迎，天氣熱伴麵食起黎清爽一D，加上微辣更加醒胃，麻辣度只有🌶一辣，一般怕辣嘅人都可以食到，另外伴有熬煮12小時麻辣半牛根半牛肉，台灣直送鴨血伴脆腐皮，重有糖心滷蛋，跟餐重有杯飲品，我覺得價錢同食物質素已經吾錯，另再補差價可以選擇$33以上飲品。沙拉鳳梨蝦球（$79）台灣盛產鳯梨，係店裡新菜式，侍應推薦我們試試，菜上枱已經覺得侍應冇介紹錯，色香味都齊😊蝦球都非常彈牙大隻，酸酸甜甜好味。草莓櫻姬 （$40）草莓櫻姬係新出嘅台式特飲，士多啤梨同莓做特飲，加上香滑牛奶奶泡，非常適合夏天悶熱天氣飲。宇治抹茶奶蓋 （$36）抹茶就係我嘅最愛，奶泡都係🤪呢個一定係我指定奶蓋飲品，冇得輸。海鹽珍珠奶蓋岩漿蛋糕（$58⋯2:30-18:00/20:30後）原價（$78）女生都有甜品胃，閨蜜傾計點可以冇蛋糕，適逢閨蜜生日快到了，點左呢個海鹽珍珠奶蓋岩漿蛋糕，香濃流心嘅珍珠奶蓋，可以食嘅珍珠奶蓋，就好似餐牌介紹一樣，像在施展魔法😍蛋糕

This is a nice little place you can have a small Taiwanese snack and desert and chill out. Everyone here seems to come here to have a light snack and socialize getting away from the busy city life with their friends. They had this really good looking desert ice cream with toast. Kind of a weird combination mixing a breakfast item with ice cream... but you gotta try this the crunchy toast with the sweet ice cream is a match in heaven. Mmmm