茶木‧台式休閒餐廳 (荃新天地)

營業中

休息中

原本是想來試食微辣手工拌麵，松露塔塔醬雞絲，上次沒有，今次來也沒有，乾脆這款取消算了吧。改叫了Lunch set A，原本想吃中卷麵線的, 也沒有, 還真的什麼都沒有哦... 最後叫了肉燥飯加鹽酥梅粉炸排骨，這個排骨的味道有夠奇怪，跟梅粉實在不配，而且排骨好肥，好乾好油，味道真的不怎麼樣，最好別試了，下次一定不會再叫這款。配菜現在是固定的配搭，很一般，蛋還好，其他像放很久似的。飲品是黑糖薑母茶，也是一般。肉燥飯還可以啦… 感覺茶木的質素比以前下降不少，希望可以改善，不然真的不想再來了

諗住喺商場入面食下台灣嘢就黎呢度食。叫咗兩個set lunch。 個set餐好快就到，係野飲就等耐啲。不過一份3格前菜有醬，另一份3格前菜無醬(如圖)而且果個1.鳳梨蝦球唔熱…只可以話係微暖… 白飯就好熱既2.地瓜米粉果2件地瓜好生好硬3. 鱸魚條就好似食緊蛋黃醬咁唔知係咪想遮住陣魚腥味落左超多醬，總之就係唔好食。😅4.飲品方面都差左。。。。整體嚟講 ， 我就覺得啲嘢又唔熱味道又唔好食， 真係完全唔值呢個價錢。好失望

出街遇正落雨，周圍濕笠笠去邊都唔方便，唯有係商場嘆個下午茶。見到茶木店內環境唔錯，又有卡位，乳鴿仲做緊推廣，買一送一，2碟先$68，好抵食！台式撈喜鹽水鴿第一次食台式鹽水菜式，原來係走油再撈蒜蓉。雖然係炸，但鹽水乳鴿外皮唔似脆皮乳鴿咁脆皮香口，感覺冇咁熱氣，呎吋比起酒樓既大小小，肉質緊緻，唔錯。配菜款式.份量都幾多，蔬菜爽口，不過油太多，碟底積左成層油。基本上每人一碟已經夠飽，唔洗再叫其他主菜，但呢個優惠要叫1個套餐先可以用，唯有再叫多個麵。7分微辣手工拌麵 - 台式麻辣半筋半牛肉套餐有3碗，分別係：麻辣牛筋肥牛、鴨血腐皮、手工拌麵。手工拌麵：麻香微微辣，唔食得辣既朋友都食到，麵條煙有口感，推薦！麻辣牛筋肥牛：牛筋炆得唔錯，唔會過硬唔會太冧，肥牛普普通通。鴨血腐皮：鴨血軟滑，冇血腥味，腐皮入味頗辣，口感似熱湯浸軟既響玲。成個套餐味道都係惹味既麻辣香，除左手工拌麵適合唔食辣既朋友外，其他既就要自己斟酌下。8分宇治抹茶奶蓋抹茶味淡，既冇抹茶既甘味亦冇苦味，奶蓋濃稠適中。味道同手搖店/抹茶專門店不能相比，性價比低。5分總體而言：味道：中中挺挺，保持一貫水準性價比：乳鴿好抵食，如果3-4人叫套

紅蔥中卷湯新竹米粉米粉份量足、彈牙。魷魚令湯底有魷魚嘅鹹香味。面頭撒上很多莞茜、蔥同炸蒜，令清湯底好香。除左魷魚，重有好多黃芽白。黃芽白新鮮爽脆。跟餐送飲品。叫左紅豆薏米水。紅豆薏米水有薑，微辣嘅薑中和紅豆嘅甜，飲落好舒服。嗌多個寶島三小碟：秋葵、塘心蛋同埋甜酸咕嚕肉。秋葵上有蝦米，醬汁味道似白醋。甜酸咕嚕肉除左甜酸汁重有沙律汁，未食酸味已經「拱」上鼻！甜酸咕嚕肉係熱食，外皮脆。秋葵同甜酸咕嚕肉食起黎酸酸地好開胃。塘心蛋蛋黃呈半生熟狀態，蛋汁唔會流曬出黎，整得啱啱好。旁邊重有青瓜粒。

喺報紙見到一張coupon話茶木下午茶餐第二份半價。呢段時間又無晚市，正好有藉口去食下午茶😋。我同朋友今日放假，剛好趕得及在deadline前用張coupon！我們共點了兩個茶餐：鹽酥炸雞排刈包拼蚵仔麵線和甜蜜塘心蛋肉燥飯。鹽酥炸雞排刈包拼蚵仔麵線蚵仔麵線蠔仔都幾大粒。似食緊碗仔翅。加上莞茜同炸蒜粒，食落好香。刈包夠軟熟。刈包本身冇味，同鹽酥炸雞一齊食，唔會搶左鹽酥炸雞嘅味。刈包軟，鹽酥炸雞脆，一軟一脆，好有口感。甜蜜塘心蛋肉燥飯整體都好鹹，肉燥本身已經好鹹，加埋旁邊嘅鹹菜更鹹。好彩配菜有青瓜粒，可以中和一下d鹹味。塘心蛋一開二，真係好似菜名咁幾甜。見有張餐牌寫住期間限定買一送一，就試下台式撈起鹽水鴿。鹽水鴿肥美夠肉汁。配菜好多款，份量亦好多。有蓮藕、豆角、莞茜、薯仔、翠玉瓜、芹菜等。蓮藕同薯仔切成薄片，口感爽脆。莞茜同芹菜為整道菜添上香味。惠顧任何下午茶餐送飲品一杯。嗌左兩個餐，送兩杯飲品。嗌左紅豆薏米水同埋黑糖珍珠奶茶。紅豆薏米水唔會太甜，紅豆同薏米煲得夠腍。加上薑。飲落去好舒服。微辣嘅薑給紅豆嘅甜中和，相得益彰。黑糖珍珠奶茶唔會太甜，珍珠煙韌彈牙。

今晚， 我在茶木堂食時， 同時間也叫了外賣回家給家人吃。怎知道呢。。。堂食跟外賣的一同上菜， 還一袋袋放到桌面上面！！這時候，我對面位朋友還未點餐呢！！我心諗。。食飯最快都一個小時。你外賣一直要我放到桌上，什麼服務態度。還一直放到我用膳完，什麼都凍了！！當我向侍應生對這個有批評，有意見時，夠名服務生只用。。哦。。哦哦。。哦。面對客人態度不但沒有正面回應， 也沒有向店張報告， 也沒有對我們立刻作出回應和跟進！！其後，我自己找令一個服務員，問會否幫忙先用雪櫃，雪藏兩杯凍珍珠奶茶，才被動地跟進。

見報紙有張coupon到7月24日到期，今日星期日冇野做就決定同屋企人去荃新天地嘅茶木食tea。但原來tea剩係星期一至五先有得食。星期六日冇tea，得lunch。不過唔緊要，依家只要食夠$100就有芋圓送。叫左紅蔥中卷湯新竹米粉同埋麻辣半根半牛肉微辣手工拌麵。紅蔥中卷湯新竹米粉米粉夠腍。墨魚份量都幾多，好彈牙。紅蔥夠香。有莞茜，令湯底更香。重有黃芽白，黃芽白夠新鮮。麻辣半根半牛肉微辣手工拌麵麵有少少麻辣味，辣度啱啱好。麵質煙韌。溫泉蛋好滑，蛋黃呈半熟狀態。牛筋腩好腍。最鍾意食芋圓。依家惠顧滿$100就送芋圓。有豆花、紅豆、芋圓、仙草同蒟蒻。整體唔會好甜。涼涼嘅豆花、仙草同蒟蒻喺喉嚨滑落，好舒服呀～

去完影相本來lunch想食但太多人，最後想食的意願太強所以dinner就食茶木6：00,p.m去到冇乜人 very good.入到去已知係要食甜品叫了一個竹炭雪糕麵包，呢個上面係曲奇雪糕個底係竹炭吐司。size靚女話細左🤣切開吐司時好脆焗得好好，裏面還有甜忌廉。還有上面的生果，配合得好夾而且keep到水準，讚👍👍👍之後再上台灣腸肉燥飯，台灣腸配蒜片食好夾而且解油膩。還有配糖心蛋，青瓜粒，肉燥也keep到水準。最後上的是炸乳鴿配酸梅粉，靚女話好好味配酸梅粉。雖然不似外表炸得脆口但都又嫩又多汁，而且仲做緊買一送一非常抵食。靚女表示非常滿意。

行完一輪唔知食乜好，見好耐無食過茶木了，以前覺得佢又貴又唔好食，所以食過一次就無再食佢，事隔咁耐，畀多次機會 🤣雞腎 $50 其實都真係貴左啲，而且份量唔係多既，好精美。味道係好食既，惹味又香啦，雞腎本身亦都好爽口，唔錯。三杯雞配個麵線，三杯雞有個蠟燭暖住，感覺幾好，因為可以保持溫度，唔會凍。份量唔多，得幾舊仔，好少肉，但惹味。麵線好滑口，有麻油香，魷魚圈亦好食。套餐追加左份芝士蘑菇雞翼 $20 兩隻呢個性價比就可以，而且味道好好，芝士同埋蘑菇都好夾，岩岩好。好鍾意個牛肉麵，賣相好，個牛展係超級淋，好入味，麵既份量亦好夠，有趙頭。紫薯奶蓋，一開始覺得佢好正，但後來飲左三分之一，就覺得好膩，因為都幾甜下，加埋個奶蓋，整體就好heavy好甜了。豆花仙草細細杯，好甜，但仙草就幾滑，只係太細杯，食完先醒起唔記得影相整體黎講，比以前係進步左既

係楊屋道買完餸，餓餓地去左隔離citywalk嘅茶木裡面暗暗地，幾舒服，tea time時間唔算多人，唔洗等位直入太晏黎，冇下午茶，唔緊要啦~點左份「金盞花螺片濃雞湯拌麵」，dinner portion都食得落menu提到係辣嘅，唔食得太辣嘅我問過店員，知點係bb辣，好啦就試佢黎到微微麻辣香~我唔客氣喇先飲下個湯，個羹好過癮成個鏟咁lol佢真係濃，會畢到有雞肉、螺肉同金盞花..真係睇到你食緊咩，其實都幾緊要，唔係得個名。拌麵微辣好岩我口味，粒溏心蛋其實如果晚餐食會覺得份量細左啲...不過都會好食先至會覺得唔夠食配茶嘅炸腐皮？同鴨血，香料味好勁..腐皮乾同硬左啲，鴨血還可以。食飽返去衝返去煮野啦xD

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗依家做緊外賣自取優惠，好抵呀！🍴炸雞扒肉燥飯 ($52 + $1 外賣）跟黑糖珍珠奶茶炸雞扒大大舊，最好嘅係分開用錫紙袋裝，外賣後都非常香脆，唔會淋，好味！飯量都幾多，肉燥係好味嘅，不過就少咗D，有D hea 俾，如果俾多D肉燥用嚟撈飯就好啦！糖心蛋有半隻，勁好味！黑糖珍珠奶茶都係好味嘅，奶味香濃唔會「鞋」，珍珠煮得剛剛好，好煙韌有咬口！整體上成個外賣好味又抵食，比起堂食抵好多，自己覺得俾多$4 就有多一大舊雞扒真係好抵！一個人食lunch 嘅好選擇！

西式和台式食物份量比較少，少得可憐，卻也不見得是貴精不貴多，我估女仔食剛剛好紅燒牛肉麵，嫩滑紅燒牛肉加上彈牙嘅手工麵條，正啊！之後再嚟就係入口即溶嘅肉燥飯、香脆鹹香鹽酥雞，同埋微辣惹味嘅椒麻拌面！👅💦 #台灣美食    

又叫外賣啦，今日揀左茶木，見到有個麻辣牛肉牛筋拌麵，就同同事一齊叫，外賣分開兩個盒的，幾好，d麵唔會淋晒。個麵仲有鴨血，素鴨同鴨蛋半隻，一碗牛肉牛筋湯，睇個樣好似好辣咁，將d湯倒落麵度，麵也唔會好淋身的，幾好味的呀。鴨血硬身，素鴨好味。鴨蛋少少流血添，正！！另可以平d加錢叫飲品，叫了杯凍水果茶。個杯好得意。賣相吸引，好多水果的，有士多啤梨，芭藥，橙，火龍果，橙，水果茶味道清新，唔係好甜，有d碎冰，好味呀。仲大杯的。

茶木的食物質數飄忽，各分店的落差也很大，但今次荃新天地分店卻不俗。當晚最美味的是古早味烤香腸，香腸甜甜的卻不太油膩，加一篇蒜片入口簡直完美，有點像吃泰式生蝦刺身的感覺。紅燒半筋半腩牛肚麵的湯底很濃郁，牛腩軟軟的且吸收了濃湯精華，美味可口。炸雞扒肉燥飯則較遜色，雞扒太乾身難以送飯，幸好肉燥有少少汁幫助入口。晚餐也很抵吃，黑醋味醂豬軟骨很入味，肉的份量也較多好好送飯。芋圓仙草豆花乃多重享受，芋圓、紅豆、豆花及仙草是絕配，甜度又適中，為是夜晚餐加添色彩。

幾年前係黃埔食過一次茶木的三杯雞套餐，食品份量嚴重的少，所以Black list左佢😠今日再經過，見冇人排隊，突然想比多次機會佢，好彩冇再令我失望，今次份量正常好多了！👍🏻叫左黑醋豬軟骨套餐，追加小食兩份。起司雞翼，起左骨，雞肉滑，芝士味濃，好食😋鹽酥雞，細細舊，一啖一舊，外酥內滑，好食😋黑醋豬軟骨，太咸，冇酸味，好一般。紅豆薏米水，清甜好飲😋豆花仙草，好食😋埋單百五蚊有找，尚算滿意，好評。