茶木‧台式休閒餐廳 (荃新天地)

營業中

休息中

下午經過常見到要大排長龍的茶木，今晚竟然不用等位，唔想煮飯就兩個人撐吓枱腳啦！平時自己煮台式拌麵比較單調，所以叫左個台式手工拌麵+糖心蛋，肥牛+牛筋，肥牛份量幾足和牛筋炆得好淋，入口即溶的質感，我鐘意麵質較幼身，食落彈牙唔錯，加少少蔥和有少辣調味，小食是一件素鵝和麻辣鴨血！麵份量唔算多，食多了都唔會有罪惡感！沙拉鳳梨蝦球 🍍🍤 這個沙拉味濃，配白飯食一流！ 另外都有大蝦球 5-6隻！🍓草莓櫻姬$36 支飲管幾特別，是可以食用的朱古力，但飲到最後會溶掉。🍵宇治抹茶奶蓋 $40 偏淡味，可以少冰一點，茶味濃會好飲！薑B專屬的Menu🥰有機會再嚟試吓茶木嘅甜品先！餐廳環境都幾浪漫，靠窗的卡位可以隔住玻璃望到室外景觀，好啱情侶或者三五知己黎食飯談心❤️

最近同茶木餐廳好有緣份， 今晚老友約食飯又選荃灣荃新天地茶木， 勝在這間坐得舒適，食物質素又掂，就接受他的應約。今日餐廳轉了新menu， 可試新菜式,正。芋頭花枝餅，有四大件，口感好粉的芋頭，味濃， 混上足料的花枝餅，炸得金黃色，香口美味。蚵爹肉碎泡飯，好多蠔仔，size也不細，味鮮。而肉碎配上泡飯，配搭令胃口大增。甜蜜糖心蛋拼芝士雞翼， 溏心蛋配上香炸雞翼，挺特別，味道出色。滷肉燥刈包， 香濃惹味嘅滷肉，汁濃好食， 還有地瓜條，甜甜地又香脆。黑糖冬瓜茶， 很少嘗試飲冬瓜茶，因味道太淡， 但配上黑糖甜甜地又不錯喎 ，非常潤喉。台式酸梅冰， 之前飲得太甜啦， 今次試下酸酸地嘅酸梅冰， 醒神開胃， 解渴怡人，正。

接女朋友收工，當然要喺附近搵下嘢食啦，citywalk係唔錯嘅選擇，多嘢行多嘢食，一於落到地下食teawood，cp值高嘛。Teawood嘅小食小菜一直都好唔錯，今次就嗌左芝心雞翼拼話梅粉地瓜條，沙嗲玉藕帶骨牛小排，嘢飲就落左黑糖冬瓜茶🤤芝心雞翅冇令人失望，好香濃，咸咸香香咁又熱辣辣，一隻接住一隻咁食！地瓜條都唔錯，加左d梅粉酸酸甜甜，多d粉就更好😚而沙嗲其實就係台灣嘅沙茶醬，加埋喺帶骨牛小排入面勁香，牛幾淋，個汁用黎送飯一流！建議可以嗌套餐，不過我今次冇加到套餐🥺我最中意係個黑糖冬瓜茶，雖然只有熱嘅，但係飲落好順口，黑糖真係超好飲！☺️☺️

是日見中學同學，去到荃新天地，就同她一齊去到我們食的茶木，因為同學鐘意佢的水果茶，我就最愛食佢地的牛肉麵，我地點左熱的水果茶，紅燒半筋半腩牛肚麵，紅燒牛肉麵，麻辣牛肚絲水果茶朋友最愛熱飲，因為可以帶到水果的香味，麻辣牛肚絲麻辣牛肚絲真的好好食，加埋蔥段，真的愈食愈開胃紅燒半筋半腩牛肚麵，紅燒牛肉麵紅燒半筋半腩牛肚麵朋友說好好食，半筋半腩同埋牛肚都入味，同埋唔會太硬，牛肉保持入味，麵條好食，甜酸骨用菠蘿的殼的放上蝦仁，甜酸骨同埋菠蘿肉，甜的味道重，真的特別的甜酸骨茶木KEEP到一定的水準，同朋友食了一餐開心的DINNER~

想食好久好久了!! 終於來到!! 這個是海鹽珍珠奶茶味流心蛋糕，上面有個好好好好食的甜筒，周圍有用阿華田粉make的teahood字，超美的，內面的cream超好吃，好幸福的感覺!!

今日行開荃灣見到呢間連鎖嘅茶木就入去食個飯先睇戲。個場都幾大，不過可能唔夠人做，見到有唔少空枱未有人執😅，所以我地都等左十分十五分鐘倒先有位。坐低睇下餐牌，我地揀左凍黑糖珍珠奶茶，熱黑糖冬瓜茶，太陽咸蛋雞翅拼話梅粉地瓜條同芝心雞翅肉燥飯。等左一陣啲飲品就上先。都幾大杯嘅，飲落都無乜特別，算正正常常，黑糖味好重。而個小食都幾新鮮嘅，係份量略少。最後個飯都無乜驚喜，正常分量，正常味道。有興趣可以一試。

當你好掛住台灣，但連快閃都做唔到既時候，就唯有食番餐台式料理黎吊下癮先。好幸運地被安排左坐窗邊，望住出面既環境，係幾舒服既。餐牌選擇好多，主菜，小食，甜品，飲品，要乜有乜。先黎個芝心雞翅肉燥飯，一咬落去隻雞翼，啲芝士湧出黎😍肉燥味道唔會太鹹，撈飯一流。再黎個太陽鹹蛋雞翅拼話梅粉地瓜條，鹹蛋黃雞翼喎，咬落地個皮好鬆脆，但入面既雞肉好嫩滑。話梅粉地瓜條，少少酸味味，但唔會搶左個味道。先黎個我致愛既黑糖珍珠奶茶，珍珠好咬口，奶茶甜。黑糖冬瓜茶，感覺對於我對面個病人黎講，係一個比較健康既選擇😂

因為無食早餐, 肚皮打鼓🥁打到有聲, 都係出一出去食啲野, 去左荃新天地G層茶木, 平時至愛吐司盒今日揀下menu嘅醎點食, 原來Tea要排隊入ga勁多人等😬. >甜蜜糖心蛋拼芝心雞翅 (HKD45)糖心蛋蛋黃係好靚嘅橙紅色, 滷水汁ok上色口感滑滑的, 芝心雞全翼去左骨, 裡面填滿芝士, 仲食到蘑菇粒呢.>滷肉燥刈包 (HKD38)暖暖嘅刈包, 夾好多塊青瓜仲有肉燥, 甜薯條大條新鮮炸起YummY!>黑糖冬瓜茶飲左甜度適中嘅黑糖冬瓜茶.>台式酸梅冰出面30幾度, 來杯酸梅冰最解渴👍🏻.

行完街攰攰地，同35知己想搵個地方食吓嘢，坐吓，所以揀咗呢間，排隊嘅人5算多，員工有禮貌，態度ok...食咗幾款嘢，價錢適中，5太貴，款式雖然不算太多，但已經夠填飽我哋個肚，下次會再噃嚟食…

台式食品店通常都一定會有一樣飲品, 而且,非常多人嗌黎飲, 就係水果茶.入而有各式各樣生果, 橙.莓.火龍果等等加入水果茶當中, 加埋特色茶包後, 係台式嘅水果茶. 飲落去好fresh,加上佢又唔會太甜, 好健康. 而且用茶木既杯仔飲到成4杯左右, 所以40幾蚊都幾抵飲. 另外, 因為自己個日生理期, 但呢款生果茶好好, 有熱又有凍, 所以大家唔怕只可以飲凍, 仲有熱提供.可以話係超級細心同體貼啊. 無論早午晚餐飲都唔會有衝突, 推介推介啊.

當茶木在瓊華中心開設第一間店鋪時已經常常光顧。看著它由只售雪糕多士磚塊等甜品至包含各大台式食品，由樓上cafe演變大至型連鎖餐廳，現今茶木總有一間有附近，漸漸成為我家飯堂之一。路過茶木看到有新甜品面世，便毫不猶豫進內用餐金啡色及綠色為主，以庭院為題之荃灣茶木有讓人在後花園用膳的感覺，既休閒又心曠神怡除了行常餐牌外，餐廳還正在推廣珍珠奶蓋戚風蛋糕系列、滋補湯系列、櫻花蝦麵及晚市套餐，為大行其道之珍珠奶蓋戚風蛋糕以來的我必點此甜品，並在行常餐牌內點了數款從未品嚐過的食品試試泡飯味道比我想像中豐富得多，而食材也不吝嗇，有菜甫、蝦米、冬菇、薑絲、蠔仔、肉碎及魷魚等，湯底有濃厚蝦米香，還有菜甫鹹與蠔仔鮮，是集合了所有食材精華的湯底，看來友人與我都看小了這碗泡飯的威力！一籃內大約有十多條番薯條，話梅粉灑在新鮮炸出熱烘烘的番薯條上，放在口中先嚐到話梅酸，其後番薯甜，酸甜交雜是匹配的組合，也減低了油膩感剛呈上時已覺得外表簡約卻美，而味道亦比其他朱古力飲品勝人一籌相信是層次豐富，最低層為較淡有冰粒的朱古力，上一層是濃味朱古力醬，頂層則是軟滑忌廉，並灑上朱古力粒，撈勻後製造出香滑而朱古力味適中的朱古力凍飲

今日喺附近睇完戲就決定喺茶木食飯 同以前一樣都係咁多人窩夫以前就食得多啦所以今次嘅決定食啲其他食物鍾意食芝士嘅我當然係叫芝士雞翼啦雞翼入面放滿左芝士所以咬一口嘅時候啲芝士就會流出嚟入面嘅芝士係鹹鹹地嘅所以味道都幾特別！個人來講幾鍾意呢個芝士雞翼因為真係食得出有芝士味㗎至於飯方面我哋就叫咗一個希臘式優格英國保濕豬扒燉藜麥飯因為貪佢個名夠特別豬扒食落都幾鬆軟啲飯雖然望落好似唔係好多但係其實都夠兩個人食！至於飲品方面我哋就叫咗藍莓希臘優格特飲同埋西瓜柳丁蘆薈好重藍莓味 正！估唔到兩種生果夾埋係幾好飲架喎超多！最後我哋仲叫咗一個海鹽奶蓋戚風蛋糕蛋糕好鬆化 切開仲有啲奶油同珍珠流出嚟添第一次食有珍珠嘅蛋糕估唔到味道同口感都幾夾喎連個雪糕都好好味有朱古力粒係入面真係一個好新鮮嘅嘗試啊

同女友在荃新天地逛，順便食個下午茶，剛好見到有間茶木，就入去坐底歇一歇此店裝修比一般茶木grand下午茶menu都幾抵麻醬雞絲冷手作麵 - 手作麵好煙韌，雞絲爽滑，青瓜爽脆，蛋絲香，配合在起食，好有層次，口感一流芝心雞翅肉燥飯 - 整體有點像台式便當，有鹵水蛋、小黃瓜、醃菜作為伴菜，而且肉燥味道濃郁，配埋主菜芝心雞翅一齊，又好食又特別芝心雞翅-雞翼肉質鮮嫩，煎到外皮焦脆，內裏釀入芝士，咬落心流出，好好味凍黑糖珍珠奶茶-食台式野，又點會少得飲珍珠奶茶，佢個奶茶底較濃，有d似港式奶茶，但奶味仍然很重，而且珍珠煙韌好吃黑糖冬瓜茶-女友話想飲熱飲，冬瓜茶又台式飲料的代表飲料，所以幫佢揀左黑糖冬瓜茶，黑糖味很香，佢都讚我揀得好✌🏻

有兩個很耐冇見個朋友住荃灣，約咗係荃新天地一期食晚飯，朋友已訂咗位食TeaWood。間餐廳環境幾雅致，食物色香味俱全，影相好靚，最緊要服務周到，都可以一試。先來一杯黑糖冬瓜茶去濕又暖胃，啱香港現在㗎天氣，未到枱邊已經聞到黑糖的香味。跟住就係開胃小食，太陽鹹蛋雞翅拼話梅粉地瓜條，個名夠哂長，地瓜條外脆內軟，略帶淡淡的鹹味，又有話梅的酸甜，令味口大開。主食點咗芝心雞翅肉燥飯，雞翅外表看起來冇咩特別，咬一口是發現內有乾坤，雞翅皮脆肉香，加咗芝士蘑菇特別惹味，熱辣辣，再配上香香的肉燥飯，可是廚師用心之作！當然少不了飯後甜品，抹茶紅豆奶蓋岩漿蛋糕，南瓜子和紅豆的香甜，搭配得宜，切一小塊點著綠茶汁食，真是冇得談，十分滿足。最後，叫兩杯飲品是黑糖珍珠奶茶，仲有紫薯奶蓋，吃咗蛋糕，再飲一杯淡淡茶味和香滑個飲品，真是甜到流。

下午，跟同學約好荃新天地會合，逛了一下，見商場地下有一間雅致的TeaWood，還不到六點卻已坐了大半的顧客，便好奇想去試試。我點了份「紅燒半根半腩牛肚麵」，上桌已聞到牛腩的香味，香菜配料半遮半掩地蓋着雪菜上面，大塊牛肚霸氣地橫躺在碗面上，大塊牛腩卻是安靜地藏在牛肚的下面。清甜的白蘿蔔被牛肉汁浸得變成醬色。紅蘿蔔很甜，寬實的白麵像手擀麵，非常有嚼勁。服務生端上一份TeaWood三小碟，一眼看上去好像沒什麼特別，三隻小方形的碗裝了溫泉蛋、烤夫麵筋、白切雞。我挾起一塊烤夫麵筋，濃郁的麻辣味立即充滿口舌，我立即興奮起來，胃口大開。同學中有一位不吃辣，於是她挾了塊雞肉吃，她惊喜地說，原來這是醉雞。我也趕緊挾一塊往嘴裡塞，嫩滑的雞肉夾帶着淡淡地酒香，這可真是雞不醉人，人自醉啊！同學已將約八成熟的溫泉蛋挾入我的碗裡，看着鮮橙色與黃色相融的蛋黃，想不到吃到嘴裡竟然有種粉滑的感覺，滑而不膩。三小碟味道以淡咸、麻辣、香醉為主題，適合我們不同口味的朋友相聚品嚐。飲品我們點了一杯芒果冰沙，鮮黃色的果汁沙冰上放了一層香滑的奶油泡沫，加上一塊香甜的芒果，芒果味特別濃。還有一杯「草莓希臘優格特飲」，紅豆和草莓於杯底