茶木‧台式休閒餐廳 (黃埔天地)

營業中

休息中

3/4/18同fd嚟食下午茶佢食左個三杯雞多士 （$36）個賣相幾靚但係我覺得應該唔夠飽😂😂😂我就嗌左個雞排麵（$56）麵無咩味但係雞排分量都夠又香又脆跟餐有珍珠奶茶正正常常咁啦不過坐得幾舒服其實我都旨在同fd傾下計依到都係個唔錯既選擇

茶木唔洗多介紹，好多人都識。最出名就係果個成左山咁既生果多士甜品，少女們晌IG上打卡都唔少。不過我都係食正餐，甜品無食過。其實除左甜品，飲品都好值得推介。午市飲左杯凍紅豆薏米水，真係有驚喜，味道出色。起初以為咪又係甜甜地既紅豆冰水加多堆薏米，點知原來加左薑蜜，甜度適中帶薑既微辛，同紅豆薏米味道好夾。杯野成件事唔同晒，真係好好好飲。個餐係正常茶木既水準，但我就嫌麵份量太少，而且唔軟熟。醬汁烤sirloin (唔記得個中文）同基本配菜都好食，無失望。相機食先，睇下左邊個碗野，唔講唔知係紅燒牛肉麵，以為係咩鬼台式辣湯 😂😂😂 麵呢？牛肉呢？

黑麻油雞翼刀削麵加 “黑糖”珍珠奶茶，52大元! 雞翼大大隻，湯底香到不得了，聞同食都咁香口、可口,分量可以做lady's lunch! 佢杯黑糖珍珠奶茶，好好味，唔會甜到澀，黑糖當然健康過白沙糖好多啦！而且我是慣性叫少甜的，因一般珍珠奶茶都太甜。要叫少甜先唔洗飲完再飲水! 另外， 台式牛肉溫泉蛋起司吐司連黑糖珍珠奶茶，都係38大元，睇佢個樣都已經好開心，好滿足，因為實在太靚同埋好多材料放哂係吐司上面，豐豐滿滿咁，吐司又好厚，呢個真係抵到暈。係喎，要提埋，黑糖珍珠奶茶的珍珠細細粒，好煙韌，正中台式珍珠，咬落微微哋甜知道茶木有好多分店，我好相信我會再去tea!

太耐冇食過茶木有點想念今日專登相约朋友黎食野，必點士多啤梨多士盒，實在太鐘意食了。因為多士盒份量大,必定要同朋友開心Shane先食得晒。haha我地隨左叫了士舟啤梨多士盒外，還點多了兩款食品一齊食。埋單連加1二百幾 抵食。第一道菜係芝心雞翼 芝味濃郁 咬落去仲有拉絲效果紅油炒手 辣辣地幾過引 味道一流忍唔住食完一件又一件 停唔到口重點推介 士多啤梨蜜糖多士盒芒果沙冰 士多啤梨沙冰

黃埔雖然有地鐵， 但是要從地鐵站行去主要熱點，其實都有一定距離。難得在附近見完客，便吃個晚餐再回家吧!!  見人多排隊，也就等一陣吧， 好快巳叫我入座了，可能是一個人吧，會快一點吧。餐廳的餐設計得很精美，有如一本雜誌，內容色彩， 不曉得中文的食客也可以看圖點餐點了以下:肉燥飯細細的一個長方形飯盒，放滿了白飯，肉燥及糖心蛋， 匙羹造型很特別，如一個鏟。 肉燥味濃，很適合撈著飯來吃，糖心蛋軟軟的，蛋黃凝固度剛剛好唯一不足之處是，份量不太夠哈哈，只好叫多一碟小食去滿足吧。地瓜花枝餅4件，份量夠我食有餘， 上枱時仍是熱騰騰的， 放一陣子才吃會沒有那麼熱氣台灣的花枝永遠都是這麼的好吃，有少許細細粒的花枝，食時有些質感，而且也很彈牙。食后感 : 坐得舒適，食得舒適，我沒有叫飲品，但侍應也肯給我水，服務都算ok啦。

今日同bb,工人姐姐去茶木食晚餐，本身以為茶木連鎖店，野食都唔會差得去邊，點知今次o左咀.因為工人姐姐唔食豬肉，所以叫左個黑麻油雞翼肉燥飯，肉燥另上，我自己叫左炸排骨面，排骨好dry,冇味，面底好少。另叫鹽穌雞，又係冇味，好彩唔油。甜品叫朱古力蜜糖磚塊，最貴係個甜品，但味道ok,但3個人連bb係唔夠食。因為工人唔食豬，我又淨左好多排骨，咁就打包d排骨同肉燥，諗住等2日煮麵食。但個員工俾左2大個方形盒俾我， instead of 1個方形盒加一個細細個放醬料的圓形盒，個男員工堅稱自己冇呢隻小圓盒但我明明頭先見到，唔打算爭拗，由得佢，但條友之後又拎黎，我問可唔可以俾多一個，因為太細，肉燥裝唔晒，但佢話冇，因為呢d盒好緊拙，其實真係o o 地，點解佢唔就咁同我講冇呢？我唔太想知你公司點預d盒。另外上甜品時係咁問係咪即上，我答左2次係，可以，佢又再講要等15分鐘，咁點解要好似咁緊張？而且黎食最好唔好坐到最入，冇服務員會見到你，因為佢地冇分 serve邊枱，如果冇咩事佢地係會企晒前面而唔會理后面食客

假日來到黃埔看電影，看電影之前當然要醫一醫肚子。因為假日情緒濃厚，吃個下午茶正好不過！到了茶木過一個休閒下午也不錯。時間有點早，所以人潮不多，還有空位。香辣牛肉麵 $73一碗麵大概有四件半筋半肉牛肉，牛肉燉得夠軟焾入味。裡面也有白蘿蔔和紅蘿蔔等配菜，煮得非常入味。 而麵質尚算普通，有點黏牙。不過配著濃湯吃下去也不錯。醬燒豬軟骨肉燥飯 $65中規中矩的一道便當，豬軟骨和肉燥是意料之內的味道。酥炸雞扒面 $67麵和湯頭基本上和牛肉麵的差不多，分別只是在於配料。不過雞扒也算炸得香酥，可是雞扒肉有點薄。炸過後肉香皮有點分離了。草莓香草蜜蜂磚塊$74視覺上已經非常滿足，每塊吐司都沾滿了蜂蜜。加上草莓果醬和冰淇淋，吃起來十分滋味。

茶木整體上都十分有水凖。。去過咁多間都唔會失望- 除左依間。 。。第一依間冇咗菠蘿咕嚕肉，一道十分之好食嘅菜式所以打咗折扣。 牛肉麵就不過不失，但小食同小菜方面有十分之失望。除咗份量少之外，仲落咗好多味精。。。真心希望佢可以改善下。

係黃埔雖然有好多野食，但之前食過茶木都唔錯，而且對面就有育嬰室，所以今次同屋企人嚟試...黑糖味好香，茶味唔會苦，唔太甜，不錯味道好似香芋，最值得讚係奶蓋裡有芝士，又唔太甜，超香好好味搞到我有啲後悔唔簡奶蓋既飲品👉🏻👈🏻望落已經好足料，味道有啲水果酸，感覺係酸酸地既紅茶少少拉絲既芝士，雞翼煎得好香，如果你鐘意食芝士同雞翼，咁一定要order依個牛肉比較un，蘿白好入味，湯底有牛肉味，辣辣地，幾開胃無加辣既牛肉湯底，更加突出牛肉味，雞排炸得夠脆但油膩，雞肉都嫩口唔乾石板街雪糕，麵包烘過，加埋蜜糖，一流，不愧係招牌甜品對有👶🏻既媽媽嚟講，依到服務係一流，我地問拎熱水沖奶，侍應無怨言之外，水又夠熱，之後我地要坐返凍時，侍應係主動行埋嚟問係咪要坐凍返？之後佢就拎左盆冰水出嚟比我地，超抵讚

今日下午放假，但落大雨，於是約朋友去黃埔睇戲，順便在美食坊食TEA WOOD。我地叫了2個set lunch，第一個前菜叫皮蛋凍豆腐，D汁少少辣，豆腐好有豆味，配埋皮蛋食，唔錯。主菜叫了牛坑腩，味道好濃，而且好有牛味，仲有牛筋，牛筋同牛腩好淋，而且份量幾多。lunch set跟古早肉躁手作麵，手作麵煮得軟硬適中，而且麵質幾好，配埋肉躁食，充滿台風味道。餐飲叫了玫瑰花茶，陣陣玫瑰花香味，好香好好飲。朋友叫了前菜魚湯浸時菜，魚湯有濃濃魚味，配時菜食，好夠味。主菜叫了甜酸魚柳，醬汁好似咕嚕醬味，酸酸甜甜，好開胃，但炸魚柳麻麻地，唔夠熱，而且無魚味。另外，朋友叫了新竹米線，米線都煮得唔錯。除了魚柳，其他都幾好食。

與朋友午後聚餐，想吃得均衡一點，看到此店在不同地方也有分店，菜式選擇多樣，進去點了豬軟骨上海麵、鹵水拼盤、三文魚沙律和水果茶。豬軟骨上海麵味道香濃、肉質鮮嫩、麵條柔軟有彈性，屬高質素之作。鹵水拼盤有雞翼、豆腐、雞腎、雞蛋、配搭令人滿意，亦好味道。三文魚沙律的三文魚鮮嫰，所配的蔬菜種類不少亦爽口，有清新之感。水果茶用多種水果製作，微酸但讓人舒暢醒神。是令人感到豐富又滿足的一頓膳食，值得讚賞。

放假約閨蜜睇戲，買好飛見仲有時間，就去戲院樓下嘅餐廳層食，呢間要等位，好在等5分鐘就有位，餐廳唔大，淺淺加啲假草，好有田園風，二人枱比較細，大家都唔太肚餓，而且只有散叫，無套餐，叫一個麵分享，飲品好快到，但碗麵要成20幾分鐘先到（催咗一次）落好單店員會比個夾咗單嘅便條夾我哋結賬用！鮮檸天葵梳打特調（$36）賣相好靚仔，撈勻紫色幾靚，天葵幾清爽，唔太甜，不過硬檸檬皮太多，又飲唔到！冰又太多！一般！熱帶水果茶（$39）好友飲酥炸炸雞排麵（$67）炸雞扒同麵分開，雞扒太薄，炸得脆，但炸衣好油，唔係平時乾身嘅炸脆，無乜味，只係食到油膩味，叫店員攞去廚房加咗啲淮鹽，味道就夠鹹香但依舊好油（明顯油溫唔夠夾硬炸）差！紅燒湯香濃，闊麵彈牙，不規則掛湯唔錯！加埋香菜增加香味！微辣正！食物比雞扒扣咗好多分！台灣菜嘅鹽酥雞係基本嘅都做唔好！店員好忙，但地方唔大，佢哋好似盲頭烏蠅咁無乜方向，服務態度係幾好嘅！好似追單、雞扒唔夠味攞去廚房加味！都好快處理，只係做嘢唔夠定！食物要改善，如果唔係其他食物幾好！

一到晚市，間間茶木都好多人，黃埔呢間算係最少人，等左十分鐘已經有位。入到去叫左兩份肉燥飯。先黎溏心蛋飯，蛋夠溏心，調味亦不錯！酥炸排骨飯試左舊，略油膩，不過都幾香口60幾連加一，野飲都冇杯，晚市略貴！

黃埔終於有MTR了，今天就乘坐MTR到這裡，順道約居於黃埔的朋友飲茶。朋友帶我到這個以飲食為主的樓層，又剛好發現這家餐廳可馬上就座，這就是自己首次光顧茶木了。大家都點了喜歡的飲品，開始吹吹水了。　很快地，飲品呈上了。 水果冰紅茶　有水果，有茶包  玫瑰花洋甘菊茶 　　餐牌圖片，這個是一整壼的花茶，有燭台保溫，應該可以慢慢嘆。  揭開壼蓋，看看置中的玫瑰花與洋甘菊.。份量真夠多，洋甘菊估計有三至四個洋甘菊茶包的份量。  濃濃的洋甘菊香味，早已蓋過了玫瑰花的花香了。　加上以燭台細火慢煮，這個花茶保証香濃。　  第一泡喝光了，再加水來第二泡，然後到第三泡，依然花香濃郁，就全賴置底的小燭台。　 為嚐花茶原味，期間沒有添加糖漿呢！　　　 一壼茶可以沖泡多次，夠化算。還可以盡飲玫瑰花與洋甘菊的精華～就是讓人放鬆的神奇功效，保証這晚睡得香。 可是看到餐廳職員（人手不足）忙得不可開交，就連為其他客人下單也没有時間。真的不好意思要求職員為第四泡加水了！

黃埔站新開去湊熱鬧，就順便係度食埋飯先走，仲要難得呢度冇人排隊就入去食。其實1800食飯係早左少少，不過唔駛等位又係幾好喎😉我嗌左個排骨麵同個honey toast，係多架，不過黎到冇理由唔食個toast架ma。落單冇耐就上個麵，賣相唔錯，分量又夠，個排骨仲炸到arm arm好，外脆內軟，而我就最鍾意食佢既闊身麵條，湯底夠濃不過有少少辣。食完個main，之後就黎個甜品啦，記住要預番大概15分鐘比佢即整。嘩嘩嘩，一黎到就流口水啦，好鍾意佢自己用whipping cream做d cream而唔係直接用現成吱吱cream，因為食落會有煉奶味，而d麵包好夠honey，正呀，食落去仲趣卜卜又唔會太硬，好鬆脆👍🏻👍🏻👍🏻👍🏻