茶木‧台式休閒餐廳 (已結業)

食開朗豪坊，肚餓得黎時間又有d尷尬。介乎下午茶同晩飯之間，決定食小小醫下肚。去到茶木，依d鐘數唔洗點等。見到有個季節限定既四色冷面，岩晒熱辣辣既天氣消消暑，而且張餐牌都好吸引！黑麻醬好特別，同平時食開果隻麻醬好唔同，好有自家制既味道，黑芝麻特別香，夠杰身，亦好有麻醬既味道。不錯！手撕雞既份量就一般，可以多返小小，撈左黑麻醬都幾好食。面有4種顏色，自家工場制，天然唔係色素，有胡蘿蔔，菠菜，紅麴，原味，雖然食落分別唔大，但係夠吸睛之餘又加幾分健康。讚👍🏻天口熱食依個冷面真係透心涼！另外叫多左份台式蠔餅，份量有d誇張，差d嚇親，心諗兩個人點食得晒。但食落真係唔係好得，太多油，又多炸漿，個炸漿發到勁大，真心無乜蠔，食落都幾熱氣。下面果d又燶燶地，唔推介!

平時黎開朗豪坊都無試過呢間茶木，今日就黎個快閃的Lunch 講得快閃就只係簡簡單單叫左碗麵同飲品就算！紅燒牛肉麵呢碗係少不免的台灣菜式，質素算是不錯的，牛肉都好大塊，而且約有三至四大件，都舊式，麵質都不錯。水果冰紅茶飲品方面只係叫咗杯水果紅茶，清清地咁，入面有好多唔同嘅生果，不過不失整體來講，食物方面算是不過不失，但係聽見服務員的態度似乎麻麻地，隔離枱的食客只不過問左個重覆的問題，服務員的語氣已是很不耐煩，令我有點兒驚訝！

台灣美食黎講呢間餐廳都算做得唔錯，之前係香港食過幾間台式餐廳，結果我都係比較喜歡呢間。溏心蛋肉燥飯 73$肉燥味道濃郁，唔油膩，又冇果種豬肉既醒味，配上鹵水溏心蛋入口幼滑，不知不覺就食完了，真係好懷念去襯台灣都會食既平民小食！黑麻醬手撕雞四色冷麵 78$今次試呢款季節限定既四色冷麵，果然圖片只供參考，上碟既一刻，我差點以為上錯菜，份量係細左少少，但將所有食材撈一撈之後，又估唔到味道幾夾，不過呢個麵上菜時係暖的...說好的冷麵呢？冷麵不冷..可惜雖然如此但呢間既台式小食都算係幾地道的了，懷念台灣的話，不妨一試。曲奇巧克力蜜糖磚塊 90$ 必食甜品最後叫服務員上埋呢個甜品，個賣相望落就已經夠晒邪惡，中間果層切左個洞，將方包切成一塊塊正方形，點埋個雪糕食，方包既蜜糖加上冰涼既雪糕係炎熱既夏天食呢個甜品真係一流，不過一個人食既話未必食得晒，最好就同埋朋友一齊分享啦～

約朋友食晚飯成日經過都好多人，唔想排隊，今次終於「的」起心肝，一行三人去嘗嘗七點半到達，等候人數不多，可能是因為星期四吧，等了約15分鐘便可入坐，入坐時說明限時1.5小時，但因沒有人等位，所以可以坐到天荒地老因要留肚食那個有名的甜品，所以我們點了三個主食，沒有點小吃，主食味道不錯，但分量偏少，男生可能要點兩份，冷麵是和暖的，但都不錯，甜品製作需30分鐘，店員亦有溫馨提示，甜品味道很好，麵包香脆有滿滿的蜜糖，值得推介

今日行經朗豪坊，即刻諗起 my favourite（茶木)………因有正餐食之餘又有甜品，多款選擇·但今日只係得我一個人，所以只係點咗牛肉麵同飲品先黎必食既牛肉麵牛肉煮得好入味，湯底又濃郁……必食再黎飲物， ●雲石系列 ● (唔記得杯嘢飲叫咩名呀 喇)， 但因為見到相片好靚， 所以決定試下原來係沙冰嚟嘅，夏日炎炎飲，非常解渴，仲有少少麻薯好煙韌，强烈推介

星期日原本好好天，夜晚係旺角食左飯就落大雨，倒水咁落，唯有係朗豪坊避雨，揀左茶木食糖水，因為可以坐得舒服d~睇餐牌見到香草蘋果茶係三少之選，幾健康咁就揀左，點知就伏左喇，大伏！因為佢聞落好似迪士尼4D劇場噴既香氣，成件事好難入口，飲完一啖，陣味揮之不去，之後食咩都無味而且個杯茶積嚴重，總之呢款茶不可一不可再！呢款芒果味既黑糖芋圓仙草都仲可以，正正常常。黎到草莓味既就出事喇，草莓好酸，都算，因為生果係無得預料到酸甜，食到一半發現個冰幾大舊，無法將冰山劈開不過佢地員工都慘，做到無停手，佢地有人差不多十點都仲未食野（張相等位時影），真係唔要求得咁多。

茶木 去到依家佢嘅甜品都好吸引呀🤑就係佢個士多啤梨磚頭😝 一個人完全可以食得晒 😋 因為真係太好食最鍾意佢有好多蜜糖🐝 整得超級脆口再加上雪糕一齊食 真係超級邪惡 但又會令到你不停咁試🐶通常我會叫多一杯水果茶 飲落去有好多種水果嘅味道 不過唔會好奇怪

今日早左收工，可以喺做gym之前食個晚餐。咁啱就係喺旺角附近做gym就去咗朗豪坊間茶木。可能撞正食飯時間，都有幾多人等位架，等左差唔多三四個字先有位坐。茶木除咗出名食牛肉麵之外其實佢啲餸菜都幾好食架，之前食過古早味雞都好好味㗎。今日就先食反佢出名嘅炸雞扒肉燥飯，而女朋友因為節食中淨係叫左個肉燥蓋上翡翠苗。肉燥最緊要就係肥瘦適中，甜味同鼓油的味道互相配合咁先至稱得上為係好味。所以每次去親茶木都會叫肉燥食。個炸雞扒香脆得黎又充斥着鹽酥既味道，令人有一種置身於台灣嘅小確行感覺。而翡翠苗亦好新鮮，配合肉燥再加上用蒜頭薑炒香真係份外惹味。因為今日比較趕時間，所以冇嗌到佢啲台式嘢飲，下次有時間慢慢坐低嘅話都一定會飲花茶同珍珠奶茶。

因為見朗豪坊有蛋黃哥，話買滿1000蚊再食夠100蚊蛋黃哥既甜品就可以換個蛋黃哥木盤。一心諗住坐底食個蛋黃哥Tea，再去Shopping換木盤。點知去到...原來全部都係小攤檔，冇位坐。係滿記有得坐，但係蛋黃哥既甜品好似得一款，唔多吸引。結果係4樓左行右行，每間舖都望下。最後仔仔決定食茶木，因為佢可以食得飽，我同婆婆又可以只叫飲品坐下。唉～但係真係失望，冇得食蛋黃哥呢。入到茶木，一問之下先知原來冇Tea食架，得Lunch Set。但見Lunch可以加18叫個蛋糕，咁都好D。仔仔叫個Lunch Set加個蛋糕比我，我再同婆婆一人一杯飲品。不過冇Tea Set真係有D失望，整少少炸野，多士或蛋糕加杯飲品唔得咩？加18蚊的蛋糕，唔...同個圖真係差好遠囉；味道就OK既，只係...佢上枱果刻，真心失望。仔仔叫既鹽酥雞麵Lunch Set，個麵我冇食唔知，但個雞幾好味。而杯熱冬瓜茶呢，甜到嘔囉；仔仔本身都鍾意食甜的，佢都自己加左2次水先飲到。綜合水果茶同鮮果冰茶，唔知有乜分別，2個茶入面既生果係完全一樣的。係一黎時2杯茶色好似有少少唔同，但攪一攪之後，係連色都一樣。埋單199.1，雖然唔係貴，不

今日黎到朗豪坊,依舊多人,尤其是4樓果層,食肆林立,但都有好多新面孔,點知朋友黎到都係想食茶木,😂😂好似未排過隊咁,sosad,唯有捨命陪君子,等左半個鐘,終於有得坐,我自己本身唔太鍾意坐係open area到食野,好似比人望住咁,今日都係輕食為主,所以叫左個三拼小食同埋鴨腎,三拼小食有麻辣豬耳,魚豆腐同糖心蛋,鴨腎係新出既,見佢同麻辣豬耳幾match所以一齊叫,不過又估唔到咁大碟喎👍🏻2個人食極都食唔晒,一路以為茶木都係甜品比較出色,但咸食又唔差喎👍🏻

茶木好多分店都食過，但最唔鐘意系朗豪坊分店，菜式味道雖冇太大分別，但環境同服務就差過其他分店。可能旺角太繁忙，而且價錢比其他分店略貴。排隊等位時見到有侍應帶住膠手套執完地上的污濁紙巾之後直接又拎碗碟同上菜，污濁的膠手套貼住食物同碗碟，心中好驚。佢手糸晤污濁了，但膠手套好多菌架！一如往常，食個台灣香腸肉燥飯，擺盤吸引，肉燥份量足，兩片腸夾一片蒜片，香口惹味，半隻糖心滷蛋，幾好味。滷水拼盤：有豆腐，鴨腎，五花腩，牛肉，滷蛋，雞翼，夠入味，好冧好好味。

同朋友食完晚飯，竟然有人話唔夠喉🤣🤣，話要食埋甜品先捨得返屋企😆😆咁好啦～呢條茶木怪話要去茶木試新推出的甜品同飲品。唉～又嚟囉…天啊～茶木不是我杯茶。好啦😏😏唯有捨命陪君子，我應該都有一段時間冇嚟，佢哋轉了新menu感覺好夏日，圖案都好fancy😉😉睇落都好吸引😂😂我哋叫了麻薯洛神慕昔，冰鮮果紅茶及黑糖草莓芋圓仙草。ummm…睇到嗎？我個樣係咁囉😒😒，其實賣相很好，但係請問應有的味道去咗邊呢? 麻薯洛神慕昔是食得出有麻薯，洛神及飲到奶昔，可惜3樣野不能共存同和合，覺得有一種各行各路的感覺。冰鮮果紅茶 🍹穩打穩紮，沒有太大意見，是沒可投訴的飲品一杯。黑糖草莓芋圓仙草🍧只食到甜，已經沒有食到其他什麼味道出來😖😖對不起!!希望請下次不要再帶我去茶木了，謝謝各位好友🖐🏻🖐🏻

2人等候15分鐘,每次去都覺得人多,又趕.系其他店鋪午餐會有套餐價位.但朗豪坊價位會貴好多.最重要飲料全是外賣杯.個人不喜歡.環境更不用說,朗豪坊本身多人,所以很吵.如果想好好聊天,還是另選其他地方.至於食物和其他分店差不多,飲料就和其他分店差很多,比較甜.

呢間餐廳一直俾我既印象就係價錢貴兼唔飽，今晚遲收工唔知食咩好，朗豪坊就夠曬就腳，而且發現茶木唔洗排隊，咁就一於試試啦。結果打破左我對茶木既負面印象，食物質素大有進步，都幾好食喎！海鮮飯即叫即整，熱辣辣，香氣逼人。有多種海鮮作配料，其中蜆同蝦最好食，非常鮮甜。而吉烈魚柳就比較失色，乾身而且味道較淡。而飯底係有香濃既蕃茄味，偏甜帶點微酸，好開胃，非常推薦😍肉燥飯都唔錯，但肉燥份量再多啲就好。牛肉唔會太熟，岩岩好。味道冇乜大驚喜，但好食既。芋圓，有芋頭味同蕃薯味，味道一般。我覺得茶木今期既主食都幾吸引，味道大有進步，值得一試😋😋

忙裏偷閒的一種感覺，就是喝著茶，歎一個午餐吧？茶木從前真的常來，現在為人母了反而少了那份閑靜，但今天獨自在旺角辦完事，就一心一意想到這裡吃個飯，感受由裝潢到美食的悠閒。溏心蛋真的很甜美，茶木的肉燥與街外肥膩味道的真的很不同，配搭來吃互相補足了。黑糖薑母茶在餐牌上可不能單點，只能跟餐點，辣味與甜味恰到好處，易入口，又不會過甜，很合筆者的要求。夏天雖致，但終日游走在冷氣下，適當地驅寒還是不俗的，特別是姊妹們呢。