茶木‧台式休閒餐廳 (已結業)

今日好想去食茶木，咁就去朗豪坊個間啦。本身以為要排好耐，點知10鐘內就有位。非常好兩個人叫左4樣嘢，先炸雞肉燥飯同炸排骨面。個飯幾好，雖然成80算貴，但都叫好食。個炸雞略嫌有少少油。至於炸排骨面，湯底幾唔錯，有幾濃牛肉湯味，可能同紅燒牛肉面同一個湯底。至於排骨就麻麻地，食落去唔夠多肉，反而皮多。另外再叫多個牛肚，對於食得辣嘅人嚟講應該唔算辣嘅。最重點當然就係個雪糕吐司，叫左曲奇嗰個，本身唔知可唔可以加雪糕，但食食下覺得唔夠雪糕所以想問下可唔可以額外加。點知佢話唔可以，有d失望。覺得無雪糕唔夠食!

昨日約了好友到朗豪坊茶木相聚， 因為我太飽的關係，所以只叫了熱帶水果茶 （ 跟餐價$11）， 朋友點要一碗紅燒牛肉麵$83， 冰鮮果凍紅茶$45。 本身我很喜歡食這裏的紅燒牛肉麵， 牛肉炆得好入味又淋， 紅蘿蔔和蘿蔔非常鮮甜， 無論到哪一間茶木都可以保持水準，估唔到原來朋友也很喜歡吃第一道菜。 水果茶也是我們的最愛， 甜甜酸酸味道很好， 裏面還有幾款不同的水果，感覺特別健康有益。近幾年茶木都是在香港幾受歡迎的台灣輕食店， 除了主菜之外，飲品和甜品賣相也相當吸引， 也是同朋友食飯傾計的好地方。

失望！肉躁是熱的，飯面是凍的，飯心是勁熱。未食過啲飯可以煑得咁熱。我寧願食凍飯，也不願吃叮飯。問過侍應，他們話係煮。另外一個叫佢入廚房問，他入去問完，都係話用飯煲。但諗深一層，一定係用微波爐。當時都差不多十點，啲飯唔係全熱都係正常，凍熱這些野過左就冇得跟進，應該當時即刻叫佢換，下次一定會立即投訴，叫佢即刻換過。如果你直認，最多叫你換過，食完再諗下，唔用微波爐冇可能會內勁熱，外凍的。第一個待應係耍你，第二個係比廚房呃！算啦，下次咪唔幫親！

今日又去到我地嘅Lunch食堂TEAWOOD食Lunch，竟然...發現有新Item。可能最近櫻花當紅，連TEAWOOD 也創了一個蚵嗲鮮米湯櫻花麵！看餐牌好吸引，櫻花色的麵條，而且此菜式註明只供朗豪，東薈，世貿店專用，立即點返個試一下先！上菜時嘅賣相，咦？點解同餐牌差咁多嘅? 賣相完全唔同咗，一D都唔櫻花嘅？同埋點解D蚵仔沉晒底嘅？不過湯底好香河蝦味，而且好多。加上有好多配料，冬菇香味，黃牙白甜，還有有炸五花腩粒，成個Story好豐富，蚵仔好大粒，好有口感，整體來説還可以。麵底是粉紅色的粗麵條，尚算彈牙，比平時的濶面好吃。不過吃完碗麵後有點口渴，應該是味精比較多，還有此麵沒有套餐，飲品要另外點。如果未試過可以試一試！

難得看到早前大排長龍的台式餐廳不用排隊，當然進去試試啦！一如門外的描述，店內的裝修走休閒、輕鬆路線。打開menu，原來「茶木」還拍了微電影呢！好厲害！我同我老公叫左個酥炸豬扒肉燥飯吃得出不是新鮮炸好，豬扒上面的脆漿有點兒硬啊…但餐具上花了些心思，匙羹是鏟。兩杯飲品都淡而無味，沒有突出水果或者花香的味道。最後叫了一件藍莓芝士蛋糕來點綴一下。總括來說，我覺得和其他的台式餐廳差不多，不明為何那麼多人排隊。

這家店是我和同事們的午餐常客，例牌午餐可以跟大家分享一下。溏心蛋肉燥飯。就是為了那只溏心蛋而點的，果然沒有貨不對版，很流心。肉燥很香，肥肉和瘦肉各佔一半，適中，肉燥絆飯吃還可以，單吃有點咸。豬軟骨麵。這個是我經常點的餐，因為我喜歡他們的麵底，濶麵條。可惜今天有點失準，總找到幾條麵黏在一起，硬得很。平日每條麵都能清清楚楚的看得見，而且口感彈牙。但今天失準嘞，麵條黏在一起。平日也會去別區的分店，不過一直比較喜歡朗豪坊店，雖然都是同品牌連鎖店，感覺這裡的食物是不一樣，在煮食時間控制方面比較好，很到位，不會久煮。（因為我總覺得這類型的連鎖餐廳都會overcook沒有質感）至於環境，我每次吃完便馬上走人，我重來不會在這家店逗留超過一小時，可能我要趕上班的關係，而且午飯時段繁忙，地方窄，旺角人又多，這個環境下不適合談天說地。

同朋友帶住兩個分別四歲同六歲嘅小朋友去食下午茶，叫咗一個爆谷冰淇淋芋圓新地，加一個士多啤梨雪糕吐司，四個人分剛剛好，未試過將爆谷加入其他食物到一齊食，但估唔到效果又出奇地好，少少咸少少甜有脆脆地，因為有雪糕所以芋圓比平時食嘅硬左啲，但都可以接受，加上個雪糕係曲奇妙趣，但好多曲奇係雪糕入面，另外仲有士多啤梨，小朋友就最鍾意。另一款係士多啤梨雪糕吐司，每次都要有幾個人一齊去，先可以點呢一款，因為份量都真係幾多，裏面有一粒粒嘅蜜糖脆脆吐司，向來唔係鍾意食好甜嘅我都覺得好好味，吐司皮相對比較硬，加埋個巧克力火山，今餐好滿足！

經過朗豪坊『茶木』入去坐下食個Tea輕鬆下～兩點幾鐘人流唔算多，一入去即刻有位坐👍🏼枱與枱之間都算闊落，坐得舒服可以輕鬆傾下計「紅燒牛肉麵」好高質，湯底好香濃，牛肉雖然大舊，但食落好淋，超入味👍🏼三舊蘿白令到碗麵「菜肉平衡」麵質彈牙，成碗麵好完美！另外叫左個「香酥豬扒肉躁飯」豬扒炸得好透徹，好香口肉躁甜甜地，好足料旁邊有啲酸菜同青瓜可以自己配食如果覺得炸豬扒太膩，可以食兩粒青瓜清新下～飲品就叫左「紅豆薏米水」清甜得黎有陣薑味，感覺好健康、好解渴！

先講飲品，呢杯奶蓋烏龍茶真係同出面街沖嗰啲好唔一樣，奶蓋好滑好濃，烏龍茶夠茶香。牛肉麵保持水準，湯底甜。新嘗試呢個小牛排肉燥飯，有啲失望。冇吃也罷，牛肉不夠冧，飯有啲爛。

週四晚又再一次去到朗豪坊，支持一眾歌迷為悼念梅姐而炮製嘅「拾芳」，真係冇諗到居然會遇上四位明星撐場，個個仲要睇到眼濕濕，明顯真心感動。電影晚上八點半先開場，收咗工即約埋三位「拾芳友」喺商場覓食醫肚。當晚由契妹請客，並話事幫襯四樓嘅「茶木‧台式休閒餐廳」。餐廳半露天嘅設計開揚通爽，格調同店名一樣休閒。四周除咗見到不少小丸子之外，厚本餐牌都好卡通化，外表就好似本童話故事書咁。用上嘅燈飾都十分別緻。餐桌上有自用餐具及紙巾，感覺衛生。點好菜，哥哥仔即送上溫水及電子單。中途加水時見契妹隻杯污漕咗，仲客氣到即時換杯新嘅俾佢，其誠懇之態度直令四口子都大感意外，因為大家都估唔到小茶屋服務會咁體貼。紅燒半根半腩牛肚麵（$72）：大大碗湯麵豐盛有睇頭。一大碗可分成四小碗，三款配料各有兩件，粗粗嘅麵條煙韌彈牙，豬肚夠爽，牛根粗厚油潤，蘿蔔亦入哂味，湯底甜濃而不俗，美味可口。鳳梨鮮果甜酸肉（$86）：甜酸肉以菠蘿殼承載，外觀橙美吸睛。甜酸豬肉鬆爽清新，伴碟嘅菠蘿同士多啤梨亦相當爽甜。金黃鹽酥雞（$71）：餸如其名，鹽酥雞粒果真炸得金黃，皮脆肉鬆嫩，香脆惹味，份量又足，必吃推介也！紅油炒手（$69）：紅油炒手皮

人人都在年三十提早放工，我倆都不例外。因有時間再加上少少肚餓，就隨意走入朗豪坊的《茶木》，享受二人的突發下午茶。年三十的三四點時段，餐廳不多人，即可入座本想吃過沙律，相對較「輕食」，唯店員指年三十欠沙律供應只好另尋選擇。年三十天氣都頗熱，只好叫杯凍飲：巧克力火山希望溶掉平日的心頭火。先來一客花枝麻醬麵麵條夠厚身有口感，脆卜卜的青瓜絲和花生粒與彈牙的花枝條，互相輝映下午茶而言，二人share剛剛好。但麻醬太多，建議倒半碗就夠了。黃金鹽酥雞夠脆，肉質都算滑重點是真的剛炸好，小心咀巴啊再來一客紅油炒手，其青瓜粒十分爽脆，加添少許辣油，風味更佳紅油炒手中的皮夠薄，內涵的豬肉入口即充滿著，感覺豐富。小弟怕辣，所以先撥走辣椒粒和辣油，減輕痛楚因應紅油炒手的出現，所以又點了一杯朱古力火山外觀與餐牌所示一模一樣，朱古力顆粒充滿着頂頭的忌廉，層次分明

呢間台式餐廳食物質素唔差，價錢中等，勝在望落夠衛生呢個溏心蛋肉燥飯算係煮得幾出色，溏心滷水蛋蛋漿黏黏的，蛋白又入味，好食。肉燥比之前食既港式台灣野好食，都算幾地道。呢款四色冷麵係季節限定，麵條口感唔錯，撈埋醬一齊食係幾好食，上面既櫻花蝦香脆，不過唔係好夠份量。呢個蚵仔湯飯就麻麻地啦，湯太多，料太少最後黎個甜品下面既多士有切到一粒粒，仲用左蜂蜜，脆脆地，幾好食。不夠記得約埋三五知己先好食呢知甜品，因為一個人食唔晒

炸雞排肉燥飯($73)雞排炸得香脆，稍燙，咬落去仲有肉汁，正！肉燥真係非常非常惹味，份量又夠多，足夠撈混哂d白飯，啖啖飯都有肉燥，好味。飯既份量都好多，大概2-3碗飯? 因為太惹味，我都差唔多食哂。惹味既肉燥飯配上香脆嫩口既雞排真係完全符合我既口味，大滿足！雖然肉燥油膩，炸雞排又好邪惡，但間唔中食下都ok既，最緊要好味：Ｐ(個人口味: 4.5/5)香煎沙朗肉燥飯($77)"友人"叫左沙朗肉燥飯。同樣覺得肉燥飯惹味，但牛排無牛味，麻麻，下次一定唔會再叫沙朗。滷水蛋就普通。(個人口味: 3.2/5)巧克力火山($43)正常既凍朱古力。(個人口味: 3.1/5)整體而言，茶木既食物質素都係有保證，係咁岩今次叫左個麻麻既沙朗(之前食過意粉都好味)。但茶木既主食普遍都要$7X，仲要唔包飲品，飲品又要另收正價，埋單又要加一服務費，價錢真係算貴。非常偶爾可食。

見好耐冇食過茶木，又因為好肚餓，咁啱又喺朗豪坊見到唔洗等位，咁就入咗去食。茶木呢排就搞緊同小丸子crossover主題嘅promotion,好似有個app玩VR,會有優惠，不過因為懶就無研究。餐廳入面都有小丸子嘅裝飾佈置，又有小丸子特別menu,雖然入面嘅小丸子菜式同飲品賣相唔係特別吸引，但小丸子fans可以打下卡，都幾開心。而我同男朋友都因為肚餓到癲咗，所以九秒九就決定咗食all time favorite雞扒肉燥飯嘅lunch set, 男朋友飲珍珠奶茶，我就懶健康試咗佢menu可以揀嘅凍薏米紅豆水。個薏米紅豆水都有落糖，所以覺得可以嗌少甜或走甜，就會無咁肥。入面都畀好多薏米同紅豆可以不嚟食。而茶木係食親都等好耐，起碼等咗半粒鐘，所以當隔離枱遲過我哋嚟同嗌都有嘢食，我哋都忍唔住催咗一次，個waitress就話炸嘢係耐啲架喇，人哋啲麵係快啲。催完之後就即刻嚟咗，都唔知係咪催下真係快啲。雞扒熱辣辣炸得鬆脆，但略嫌太多batter,好多位都要咬走啲粉，咬咬下舊雞都得返好細。不過味道依然好食，半隻鹵蛋亦都係鐘意食佢嘅原因之一。食晒成碟都好飽，本身想食芋圓都食唔落。除咗等得耐，茶木都係想食台

係朗豪坊行完街，就係到4樓睇下有咩好食。本身都係茶木fans, 鍾意佢坐得舒服，野食又幾好食又多款揀，所以最後揀左食佢依間分店。晚市比較多人食，所以要係餐廳出面排隊。不過排隊有啲混亂，仲要有人打尖，好無奈.....本身餐廳都比較細，坐得有啲逼。嘢食方面，比我平均食嘅貴，亦都無晚市套餐。但令我覺得最唔滿意嘅，就係侍應上菜嘅時候，就咁求求其其放低就空手走左。本身張二人檯已經好細，啲碟偏大，食完嘅空碟又唔幫手，要我地要call 另一個職員幫手拎走啲空碟。所以今次食飯嘅經歷真係麻麻地。整個晚餐，最可取之處都係依個士多啤梨吐司。麵包整到好脆，好好味。