茶木‧台式休閒餐廳 (已結業)

今日同朋友去朗豪坊行街買衫，行到咁上下黎番個3點3下午茶時間先！因為老友話想食台灣菜，所以就黎左茶木啦！！朋友點左一個lunch set,本人就散叫了兩個小食！！1⃣️個係雞腎，見到份量十足，1⃣️開頭仲鬼咁🈵️心歡喜，點知1⃣️食落口咸到爆炸。份量多都冇用，好難食，食左幾件已經唔想再食落去，咸到要係咁飲野另一款係烤腸，淋到爆，完全冇囗感可言其實之前都有黎食過好幾次，但質素都冇e+咁差下次真係唔會再黎食👋🏻👋🏻

行去朗豪坊，心思思想食台灣野，就決定去茶木喇！去到大概下午一點半左右，人唔算多，唔洗等位就可以入～茶木一般消費都要$75左右，我就覺得一般般，唔值呢個價位入坐個陣仲有得叫set lunch, 即係包野飲一杯叫左呢個鹵肉飯。味道就⋯我覺得有d咸，食到一半就濟濟地，始終不及台灣的鹵肉飯咁好味呀諗起台灣的鹵肉飯就流口水，便又好味。呢個真係唔係太值七十幾蚊⋯⋯飲料就揀左熱柚子茶，都係一般柚子茶，正正常常既友人就揀左花枝麻醬面個麻醬幾香！唔錯，不過又係食到一半濟濟地。相就唔記得影俾大家睇🤷🏻‍♀️總括來說，這個價錢可以有其他選擇～一般的台式餐廳

星期一在朗豪睇戲，廢事煩就喺food court揾食，輾轉去了茶木，先在門外看menu，一個主管物體叫我看旁邊的menu，原來我阻住原本用來排隊的counter，但當時根本無人排隊是旦心態下決定食呢間，主管就話限時1.5小時，講真，我都唔會食碟頭飯食1.5小時，但感覺好唔好，接下來朋友叫甜品，想問侍佢叫嗰種甜品有沒有仙草？怎料，侍應叫朋友諗清楚先再落order，我個fd即刻著燈，因為真係唔知嗰樣甜品有沒有仙草但我就覺得個侍應唔係特登或唔耐煩，她根本唔識應對，應該是培訓不足，我明白做飲食好少有培訓，但也應該教教前線工作人員的基本禮貌。其實店裡其他侍應都ok，好像我望一望她(好像是金毛短髮)，她已走來問我需要甚麼？服務態度不錯👍食物方面，ok，但一碟鹵水蛋肉燥飯真的不值$73，其實我都明，香港寸金尺土，所以主管好緊張，要追數啩？但又講真，作為打工仔邊個唔緊張？萬幾銀一個月，租金去了一半，食個碟頭飯要七十幾，還要被限時

好耐都無去過茶木食野 見有朋友係外國黎就帶佢地去食下台灣野 嗌左幾碗紅燒牛肉麵比佢地試 點知竟然一致好評！啲牛唔太硬得黎最緊要個湯底仲keep到台灣既味道丫嘛！第一次試綜合水果茶 以為會伏 點知都幾fresh ~總括黎講係

由於呢個好朋友喺佢生日正日嗰日唔喺香港，所以我們就特意提早幾日同佢去旺角朗豪坊嘅「茶木·台式休閒餐廳」食午餐慶祝生日！我們叫咗蚵嗲肉碎泡飯嘅蚵仔好鮮甜肥美，雖然份量唔算太多，但湯底嘅味道都幾鮮，而且有香濃嘅芫茜香味！Teawood紅燒牛肉麵係我們每次嚟都必叫㗎，因牛肉係𦟌腩嘅位置，所以肉質極之鬆軟腍身，中間嘅筋非常軟滑，仲要係好厚身，所以口感好豐富，而且牛肉味亦相當香濃，所以湯底嘅味道超鮮味濃郁，而麵質亦好煙煙韌韌，真係超正呀！阿嫲元貝金菇蔥油麵係用好多炸得色澤好金黃，而且好乾身嘅金菇舖面，而底層就係用蔥油嚟撈嘅麵，麵質好煙韌彈牙，而且好芳香惹味！由於無另外買蛋糕，所以我們就叫咗草莓香草蜜糖磚塊嚟充當著生日蛋糕，磚塊即係用幾塊厚多士炸到好金黃酥脆，再將中間切成粒粒磚塊，之後再沾埋啲冰凍嘅雪糕同忌廉一齊食，真係好正呀！

又係孕婦teatime要坐得舒服😌多少少選擇，朗豪坊一定係首選經過見到里個新年限定，就俾吸進去了同張相都幾像💯起碼的會黎到自己要諗諗究竟有冇點過😅煙三文魚質素不錯👍🏻成個組合好清爽，加埋個日式芝麻醬，有少少像食緊沙拉🥗登登登登重要環節，撈起撈起🌪風山水起🌬財源廣進🤑撈埋個樣像唔像旺中個啲撈麵呢❓⁉️放心，味道個人認為里到好啲👍🏻大肚婆當然唔食得生冷野啦，台式牛肉麵🐮湯底清甜濃郁，水準keep 到丫👍🏻不枉我平日偶爾都會黎食返餐最鐘情佢的半筋腩💯💯💯又軟又入味同場加影，新年影相位

來到朗豪坊，食店林立。本來想吃壽司，經過茶木又被它的牛肉麵吸引，閒日的12點還沒到lunch hour，門口沒人等候，沒吃早餐的兩人太餓，即刻就入內準備醫肚了。-星期一至五有午市套餐，價錢大概80-90，另外有加一服務費。都有數月沒吃茶木的午餐，套餐與記憶中的有點不同，以前是先選一款台式餸菜，再有小食，和自選迷你滷肉飯或牛肉麵和飲品。現在的餐牌主要是一款飯加一知飲品，可選的少了，有點兒失望。-紅燒牛肉麵 配酸梅冰$82牛肉麵的湯底濃，但食出不是新鮮熬的，連鎖餐廳的質素，不過不失。牛肉炆得很淋，輕輕就能咬開，而且有三大件，份量十足，女仔吃完可能會比較膩；羅白都有三大件，吃完都飽了一半，哈哈！相對麵就比較少，個人好喜歡茶木的手作麵，質地很彈牙，而且還是我愛的粗麵。整體而言是ok的，就是沒什麼特別。-酸梅冰一向很愛茶木的酸梅冰，酸酸甜甜很開胃，味道自然，沒有人工甜的感覺。-青醬大蝦手作麵 配紅豆薏米水 $90手作麵與牛肉麵的一樣，但配起西式的青醬那股羅勒味卻顯得有點不相搭。青醬味不足，沒能融入到麵中，食到七七八八時看見碟底有很多酒。蝦有4隻，也是普通質素，沒能沾上羅勒得香。唯一可讚的還是手作

晚上來食晚飯，服務員太度真係要改善😒，叫又唔係好理，我推張枱過小許，太度唔好叫我們推返正，又話阻住客入，又話阻住服務員做野。感覺無禮儀，食物流就算好食都冇用。

一講台式餐廳,我第一時間一定係茶木,因為佢真係好適合一大班friend一齊食一齊share~~雖然開左咁多分店.依然人山人海=0=每次我一坐低,我都一定會叫番個沙律,平時食開凱撒沙律,但今次我同肉食性朋友同行,特別選擇香橙煙鴨胸沙拉,本來好驚香橙會好酸,食落去又ok wor,可能因為係沙律,酸酸甜甜仲清新開胃,D鴨胸就唔係太有煙過gei感覺,但整體合格鹽酥雞當然無得輸,一上檯已經聞到好香鹽酥味,入口爽脆gei聲音隔離都聽到.外層都算薄,但裡面雞肉唔飽滿,有少少可惜香料雞肉蝴蝶粉好creamy,不過香料味道唔突出,普通意粉咁,但蝴蝶粉好彈牙增加口感,配埋大大舊香菇味道就濃返D,不過份量比想像中細好多,share食應該純粹R痕.身痕的我仲叫左個鳳梨鮮果甜酸肉,其實姐係咕嚕肉,佢真係除左用菠蘿墊底之外同咕嚕肉無分別,而且鮮果都好少,醬汁太"杰",肉太韌好難咬,唯一後悔叫的菜色 甜品方面,我地叫了草莓香草蜜糖磚塊 ,感覺上D麵包好似比以前細,但都係食唔曬XD 多士脆到可以用硬黎形容.加埋雪糕食剛剛好.雖然草莓係主角,但佢一D都唔甜=0= 酸xN 所以最後我地放棄了D水果,純雪糕點多士雖然話宜家

同朋友喺朗豪坊行完街 朋友話想食台灣野 於是我又提議咗茶木🤣🤣 茶木既下午茶就食得多啦 好少夜晚食同埋朗豪入面就有茶木勁方便 我地大概六點幾七點左右到 唔洗等有得直接入因為平時都成日食茶木既下午茶 所以特登嗌咗炸豬排肉燥飯 因為下午茶冇呢個飯🤣 豬排睇落好多好大舊 點知最大舊個舊其實係舊骨黎🤦🏽‍♀️ 不過個人就覺得茶木既豬排好食過雞排肉燥又係我至愛 撈飯食一流 不過今次啲肉燥好似咸咗啲..... 總括黎講 都尚算ok既朋友嗌咗香煎沙朗肉燥飯同埋豬軟骨麵 佢地就覺得同平時差唔多

今晚我們喺旺角做完嘢之後又係去咗朗豪坊睇吓搵邊間食店食晚飯？今次我們揀咗去「茶木·台式休閒餐廳」食晚飯！我們叫咗Teawood紅燒牛肉麵嘅湯底相當鮮味濃郁，牛肉嘅肉質非常軟滑腍身，牛肉味相當香濃，而且好厚身同埋係𦟌腩位置，所以中間會有好軟滑嘅筋，至於麵質亦好煙韌彈牙，真係好正呀！黑麻油鷄翅麵嘅肉質好嫩滑都幾嫩滑，但黑麻油嘅味道唔算好香濃！慢煮梅子豬腳係用個小燭台一直熱著上碟，咁樣又可以保持著熱度，外皮嘅質感煙韌軟滑，而且相當入味同膠質好豐富！黑糖芒果芋圓仙草嘅芋圓同地瓜圓質感極之煙韌彈牙，配埋新鮮嘅生果、珍珠、仙草、紅豆同薏仁等等等等⋯⋯都算幾足料豐富，再配上清甜香濃嘅黑糖糖水，感覺好夾呀！Kitkat爆米花芋圓冰淇淋聖代除咗有煙韌嘅芋圓同雪糕之外，仲有香甜嘅焦糖味爆米花，同Kitkat朱古力碎粒，食落層次感好豐富，真係幾特別！

好耐無去茶木食飯 行開朗豪坊同個fd入去試下有無唔同左味叫左個鹽酥雞扒肉燥飯 都仲係有大大塊雞扒 好脆好好食！！！份量適中 品質依舊咁好 抵食啊！朋友叫左芋圓 都幾足料 個糖水底係用黑糖 唔錯唔錯～依家去朗豪坊食仲可以望住d雪花裝飾好有情調 岩情侶去

是晚同三五知己到朗豪坊食飯, 食完飯直落去茶木食甜品. 我都有一段時間冇黎茶木 (因為次次都要等好耐而放棄), 一睇個餐牌先知, 佢地多左好多唔同類型既食物! 侍應態度仍然係咁差, 叫人落單都等左好耐, 不過我地可以一路傾計, 等佢得閒先寫..我地又唔急既! 黑糖草莓宇圓仙草, 賣相幾靚, 但真係好甜…宇圓好有咬口, 地瓜冇味, 只有果幾粒士多啤梨仔…下面全是冰…收你$52 真係有D被坤既感覺. 招牌磚塊, 保持水準

We ordered the classic dessert that everyone would order there, it’s great and delicious.Even though it’s a Friday night, we didn’t wait that long to go in and order our food.The waitresses are very nice and friendly and the service is quick and smooth.

夜晚8點去拎飛，都唔洗點等位，下一張枱就係。諗住清清地叫個菜，叫左翡翠菜苗，結果d菜浸哂係油入面4個人都食唔哂一碟。紅油抄手幾好味，都唔算好辣。紅燒牛肉麵招牌菜，但略嫌份量較小蠔餅都好好味，唔洗點調味料都好食，反而個調味料極咸。香腸肉燥飯，香腸好好食，但個飯又係油到4個人都食唔落。三杯雞，最好食係呢個！d汁好入味！野飲方面都唔錯，叫左熱帶水果茶、桂圓紅棗茶同奶蓋烏龍茶，可以中和下咁油既菜式。其實overall味道都唔錯，但嫌佢真係太油