茶木‧台式休閒餐廳 (已結業)

再一次食茶木食完朱古力及士多啤梨味士多啤梨味的口感都是偏甜酸酸的感覺沒有太大但裏面的吐司保持很好吃因為得脆及有牛油味朱古力味都是偏甜的沒有苦味但是比士多啤梨口感淡一點比較容易接受可能都很大一個就可以食飽

朋友話好耐冇出黎行街食好野，咁我地今日就去左食好美味既芒果蜜糖吐司。平時黎茶木都會叫士多啤梨味今次就叫左個芒果味。一層層烤得夠脆既吐司，外脆內軟，已經切好左既吐司9格整齊排好加上雪糕，芒果肉及棉花糖。芒果肉好甜，如果有多D就好啦~雪糕配合埋吐司一齊食口感特別。呢款甜品每次食都冇令到我失望。

午餐約左朋友黎呢到，餐廳感覺幾舒適，餐牌好似本雜誌咁，幾特別。午餐叫左個豬軟骨麵，豬軟骨好淋，麵都算滑既，不過我就嫌湯底無乜味。飲品方面，叫左杯香蕉朱古力，飲落去感覺似香蕉同朱古力放入搞拌機搞完出黎咁，因為香蕉味好濃烈，有少少蓋過左d朱古力味，但都算唔錯既。

很喜歡這裏的環境和菜式，賣相吸引，味道好，價錢抵，這晚和友人叫了菠蘿雜果咕嚕肉，蝦米高山菜，四季豆炒蝦，還加了土鳳梨酥，水果茶，每一道菜我都喜歡，猶其是圖中的菠蘿咕嚕肉賣相很吸引，加入很多熱帶水果，味道酸酸甜甜的十分開胃，最欣賞咕嚕肉全是肉沒有肥豬肉！四季豆炒蝦也很惹味，蝦好像炸過比較脆，可以全隻食不用剝皮很方便，高山菜味道清淡，正好中和了另外兩道菜的濃味。美中不足的是想叫的很多菜式、甜品和飲品都說暫時缺貨，以及吃完後不停被催埋單。

凱撒沙律：頭盤點了來清清腸胃。西生菜爽脆，沙律醬汁味道正常，份量適中，清爽開胃。松露野菌奶油培根手作麵：本菇、冬菇、洋蔥、目宿芽及脆脆煙肉一齊炒，奶油香十分突出，手作麵過於"煙韌"，好像煮得時間不夠，黑松露味道好似唔多覺。小茶木劇院：朱古力味一般，唔知食落好似有咖啡味，以果仁一層層相隔，口感好，賣相靚。茶木係我差不多每個月都會去既食店，上次去銅鑼灣水準好好，食同一樣的手作麵醬汁足夠，麵又不會那麼硬！加上今次等候食物時間超過半小時，店內人手不足，不會在去此分店。

每隔一段時間都想食餐茶木,只因佢地最出名嘅「冰淇淋吐司」,只要食一次就已上癮.所以每一次食茶木,吐司已成為我最期待嘅食物今次叫左個”士多啤梨雪糕吐司磚塊”,其實其他味道都好食,不過我唯獨鐘意士多啤梨味. 一端上黎,個造型就已經勁吸引,三層吐司錯列有致堆疊在一齊,每層都有一粒士多啤梨做裝飾,最頂就喺士多啤梨雪糕球,上面淋住士多啤梨醬同cream,然後仲有好多粒棉花糖做點綴~見到都胃口大開! 將吐司切成一塊塊,點雪糕食喺最好味嘅! 脆卜卜嘅吐司塊加上軟綿雪糕,一冷一熱, 一硬一軟,口感超正~滿滿嘅士多啤梨味,讓味蕾得到很大嘅滿足! 建議如果兩個女仔食,正餐只需要叫一份,最後再叫一份吐司,啱啱好

呢間都算幾多位 唔洗排隊已經有位坐 之前成日都要排隊 可能開多左分店時間都等小左 黎到一定要食既甜品 呢隻係就咁士多啤梨味 佢本身好多新鮮既士多啤梨 酸酸甜甜咁 再配上士多啤梨汁 味道更鮮更出 佢既多士全部都落左好多蜜糖 好香好甜 多士仲要好脆 好厚身 好好味 本身個多士好夠熱 加上佢上面既雪糕 溶溶地 一凍一熱 要個蜜糖多士沾上個溶左既凍冰冰雪糕一齊食 真係一流 佢本身仲有棉花糖 口感更豐富 本身都好大個 其實食飽飯兩個人都未必食得晒 所以最好一係多d人食 一係食飽飽行陣再食就最好啦店員方面都冇特別 不過係唔夠人 做野比較慢 叫人都需時 尚可接受

成日聽呢間，第一次黎，但估唔到食物款式算多同好味，有驚喜！酥炸豬排肉燥飯$62: 一次過滿足晒我胃食貪心，豬排肉燥兩個願望一碟又哂，又有埋滷水蛋，大滿足！香辣牛肉麵$68: 牛肉好味，麵都滑，但無諗過真係咁辣，所以食唔到太多，下次應該叫唔辣的～蒜香麻辣豬朵$54: 香口爽脆，加埋有青瓜粒，好正啱哂我，又係好辣，但食到忍唔住口～綜合水果茶$34: 凍嘅係一大柸，唔同咖啡弄嘅一壼，但都好味～玫瑰花洋甘菊花茶$37: 好香，可以返沖好柸～今次太飽無叫甜品，下次唔會錯過～

放假同朋友行街, 行到咁上下食D野, 附近就係瓊華中心, 樓上好多餐廳選擇, 睇左一輪都係揀茶木, 貪佢唔會太貴又坐得舒服. 可能係唔拖唔水時間, 上到去唔洗排隊就入得, 不過都有7-8成人食緊.睇左餐牌想食濕濕地既湯麵類, 所以要左個"豬軟骨麵"$62, 款式類似牛肉麵, 試飲個湯, 好香紅燒牛肉湯底味, 夠濃郁不太咸. 湯麵粗身咬落煙韌彈牙, 唔會太腍. 另外豬軟骨亦都夠腍夠入味, 肉質嫩滑, 夠膠質夠黏口, 呢碗麵夠晒台式風味.

茶木岩岩到香港個時係好多好多人排兩粒鐘都要食GE,不過衣加,同一般餐廳GE等候時間差不多就可以入座了.香港人應該已經食厭左...講下飲品先:玫瑰洛神花茶(後面紅色個瓶)係酸的,如果係吾鍾意酸味就吾好啦.熱帶水果茶(前面橙色有水果)好好味!!!沖淡左都好好味!!!下次都會飲衣個.入面D籽都好好味,有D野咬下咁幾得意.個火HEAT住個茶都幾得意,吾會熱到手.TEAWOOD許願樹菲芒沙冰炸雞排肉燥飯:個肉燥好味,炸雞排個炸皮有點太粉,吾知係咪特色黎,不過我吾太喜歡皮肉分離個D.個雞肉一般,口感同其他餐廳食到GE差吾多,吾會太差,不過就有點太咸.香辣牛肉面:對我黎講會太辣,不過又辣又想繼續食,係好味GE,不過同炸雞一樣,都係太咸.由於我地係4人分食,所以都OK,但如果自己食曬的話就難囉.或者係食完之後要係咁飲水飲水...(其實當晚番到屋企就已經要係咁飲水...巧克力面包磚:衣種入面係已切好一粒粒的,覺得衣種比較方便食,其實以前都已經食得好多,同埋其實台灣有N咁多間CAFE有衣種面包磚,吾知邊間發起,不過其實都差吾多味.衣舊野係好飽的,如果自己一個食,都未必食得曬...同FD SHARE會好D.

今日又百無聊賴宅在家食完午餐後睇下電視又差唔多下午茶時間想食點東東或飲杯野於是順便出街行下又到了附近茶木小休點了杯紅豆抹茶拿鐵HKD32(冰)賣相整得不錯,唔馬虎雖然我只點了一杯飲品近看面層忌廉配上少許紅豆下層抹茶沙冰抹茶香氣撲鼻,尚算口感幼滑而且沙冰唔會太甜夠creamy好適合一些朋友愛清新口味的朋友

女生就是愛吃甜品!!!巧克力香草蜜糖磚是我和朋友的最愛...士多啤梨酸酸甜甜，再配上甜甜的蜜糖，令人一試難忘記!!熱辣辣既蜜糖磚加上雪糕，令溶化既雪糕溶入麵包，麵包質感更豐富。雪糕上七彩既綿花糖不但增添了視覺享受，食落雪糕時更帶有綿花糖，很有口感!!!

旺角瓊華中心茶木分店係茶木總店，位於瓊華中心全層，所以佔地很大，等位時間亦相對較短。每次去茶木，我都會order我最愛既蠔仔肉碎湯飯，湯底用上蝦乾熬製，好惹味。加埋少少胡椒粉，辣辣地好過癮!! 雖然蠔仔唔算多，但每隻都好肥美，漲卜卜咁~ 次次都食到飲埋啲湯，一滴不漏!食完主食，就要滿足下女士既願望，叫返樣相機食先既甜品士多啤梨夠甜又新鮮，Cream同埋雪糕香滑，加埋有少少硬既棉花糖一齊食就會知道乜野叫做有層次既食物。厚多士其實都幾飽肚，兩個人都幾難食得晒

一個人時最好做什麼?我最愛到餐廳咖啡室嘆茶嘆咖啡最近愛上一壺壺的暖暖焗茶係凍凍的秋冬天,飲壺焗茶不但戀入心,只要用對材料還可當一壺健體的益飲好似呢壺好適合女士飲用的桂圓紅棗蜜茶HKD32有朋友會認為太燥其實毋須擔心此店還加添了枇杷花,予以中和不過個人感覺唔夠足料可能我平常都愛到處飲類似焗茶某店份量好足可翻飲數次但此處味道還真不錯甜而帶點微酸可能是因枇杷花的關係吧靜靜的一個人,飲後喉嚨好舒服再配上一個台式蚵仔湯泡飯HKD72可為整晚畫上一個完美句號蚵仔十分鮮味,配上一些配料如鮮魷,莞茜令湯底更鮮更好飯飯夠軟而不爛配湯同吃,更是入味至極易入口又夠香一個不錯的泡飯

朋友推薦我來的。我們選了這裡的招牌美食:蜜糖磚塊。我們吃的是草莓味的。草莓醬料很多，甜而不膩，吐司很脆，最重要的是份量很足，需三個人才可吃完。還有，巧克力香蕉奶茶也很好，奶茶口感很絲滑。建議早到，可能會等位。