茶木‧台式休閒餐廳 (已結業)

逛街逛到累，想找個地方好坐又可以嘆下食下小食，上openrice search到茶木，地點夠近地鐵站，於是一落地鐵就來了到達時已見有大約4-5枱人在等位，心想不妙，立即按票等位，幸運地，1行4人的我們只等了約10分鐘就有枱一入去就已經覺得裝修不錯，田園感覺，燈光設計及桌椅顏色都令人感到舒服，而且桌椅不會擺設得太密集，適合三五知己消閒，當時餐廳約8成滿，但由於區間大不會有嘈雜感。侍應安排我們4人坐最裡面的窗口卡位，我們都十分滿意因為早就看中此座位先來蚵仔湯飯，蚵仔新鮮大粒如湯底可減少咸味更佳飲品精美我點的愛爾蘭雪糕咖啡!!!超推薦!!雪糕幼滑，邊溶邊飲咖啡，好好味呢個鹽酥雞都係!!必點!!好有台灣味道煙三文魚沙律墨魚汁意粉草莓雪糕甜品，呢個影相一流，味道OK吧結論: 地點方便，價錢相宜，食物質素及環境都很好，食物份量亦夠大份，4人總消費約$550，會再回來幫襯

學完kick boxing餓餓地，同朋友搵個地方休息下，唔食野點會有力做運動呢？🙊我兩位朋友叫左熱既水果茶，佢地話太甜太濃，溝左一大杯水先飲得落！（$38）而我飲凍既水果冰茶，最初覺得杯野咸咸地怪怪地，發現有杯話梅，飲落又幾好味，又咸又甜！（$36）鹵水拼盤有鹵蛋、豬腩飲、牛展，雞腎，豆卜、雞翼（$66）我地都好滿意，鹵得好入味，最欣賞係牛展，好淋，淋得黎有膠質，雞翼都好食，飽滿，肉質都變色，入哂味！肉燥雞排飯（$64）雞排好脆，不過好薄，唔夠juicy,肉燥夠，撈飯好好食好惹味！排骨麵（$66）食過好多次，一直都唔明點解排骨大份過雞排咁多！有兩大塊，排骨都係好薄，不過好酥脆！麵質好煙韌彈牙，湯底一般，只係單調咸味！最後以朱古力蜜糖吐司盒作結（$74）竟然係全餐飯最貴既食物，但成本好低吧？唔係第一次食，雪糕唔係貴價野，雪糕份量唔夠點吐司食，吐司有蜜糖查下當然好味，但係吐司邊無蜜糖較淡！雖然入座時店員話用餐時間個半鐘，但最後我地坐左兩個半鐘先走，假日都無人等位。食到好飽好飽，百幾蚊食到咁多野坐左咁耐，座位舒服，食物質素ok,我地都覺得滿意，會再黎👌🏻

聚餐去茶木，聽話唔錯，因為多人同埋主食很難分，所以自己叫自己果份，我叫做新菜式果醋鴨手作麵。等左好耐，手作麵終於送黎，麵很有嚼勁，酸酸地，幾夾西式白醬，幾特別，鴨肉四薄片，很嫩，但有一片太油，但價錢72加一差唔多80，好似唔抵，麵幾份量唔夠多，值得試，但唔會再試fd叫左肉燥飯，六十幾蚊好大份，抵食，佢地話好味，下次再去叫尼個啦

一直想再來食, 但好怕人多要排隊, 到而家已經少左人食, 再加上早左去到, 所以只係等左5分鐘就有位環境唔錯, 乾淨, 唯一覺得燈太光, 照到眼好攰我同朋友都想食麵, 就叫左紅燒牛肉麵同酥炸雞排麵, 一杯香芋奶茶SHARE之前食過紅燒牛肉麵, 一直覺得好味, 想再食今次再食, 水準都無乜變, 整體都係好味湯底濃味, 牛肉好香軟, 最中意個麵底, 粗身有咬口,不過唔知點解有一兩條痴埋左, 可能係解凍問題但整體都係我記憶中的味道酥炸雞排麵, 麵底同湯同紅燒牛肉麵一樣 (所以下次都係唔好叫兩個麵)酥炸雞排好香, 炸得唔錯, 份量都算係多香芋奶茶個香芋味OK重, 不過無乜奶茶味甜品叫左芒果香草蜜糖磚塊我中意蜜糖磚塊, 朋友中意芒果雪糕, 好味今餐都幾滿足整體滿意

一年前曾經來過這裡晚市，這一天與家人在午餐時間來！不用等位的感覺很好！！^^有一種休閒下午的感覺，我想我之後都只會這個時間去茶木！不過因為星期六或日，沒有套餐，所有的都要散叫，價錢會偏貴一點。 今次叫了很多美食：炸雞排肉燥飯，酥炸蚵嗲，紅燒牛肉麵，鳳梨鮮果甜酸肉，煙燻鮭沙拉，綜合水果茶，最後甜品是芒果香草磚塊蜜糖吐司。 我也覺得很多，不過我是愛吃的人，4人吃這麼多不過份吧~雖然有兩個小朋友~~嘻~ 首先來的是炸雞排肉燥飯~~ OH~好好味！炸雞排不油，而且雞汁還在內。肉燥醬適中所以不作評論，加了一點酸菜和青瓜，令這個飯變得比較健康及有味！不錯哦~~~推介！ 綜合水果茶偏酸~~是有夏日氣色，不過不愛酸味的朋友不建議叫這個！ 鳳梨鮮果甜酸肉是餐牌上推介的，所以我們也叫了吃！有點驚喜是多果肉，只吃這個再配飯吃其實是不錯的配合~~OH~味道留在舌上很難忘記~>"< 肉加生果不單令食物健康，而且有生果的清新感覺，這個也推介！ 這麼多食物，我最推介是這個紅燒牛肉麵~~~~ 牛肉很入味，而麵質也很好，不油膩之餘，還吃到牛肉的獨特味道。最令我難忘的，就是這個麵的湯~~~正到

點解咁多女仔都鐘意台灣野食?!?女友話去唔到台灣都要食茶木止喝真係止到咩?香辣牛肉麵,牛肉夠林唔痴牙,麵條有咬口彈牙,湯少少辣味啦,整體上要再濃番幾倍就似d台灣風味啦香脆大花枝,炸得好香脆嘅魷魚片,但肉質就有d難咬開,我唔知係咪佢炸得太耐呢...食左幾嚿之後個口都咬到牙軟石板街朱古力蜜糖磚塊,一大嚿烘焗過嘅麵包,有粒狀,有塊狀,上面有cream有雪糕咁...我就點埋雪糕同cream食,食左幾粒熱氣到連血瘡都即刻標出黎!無辦法再繼續食啦..茶目大名聽左好耐,話排隊條人龍要等1定2個鐘....唔係掛?

與友人難得一見今日下午行完教協，有d肚餓。於是就選擇休閒一番。一杯茶 一班朋友 一種享受今次這杯水果茶 比平時飲開的酸味濃了些 所以不自覺地想加入水「溝」淡d但喜歡酸味濃點的你 可以飲☺️鹵肉飯的味道讓我想起系台北老店的味道去台灣吃過的你 一定會喜歡 招牌牛肉麵的湯底好正 而且今次選的系豬扒 外表炸得鬆脆外 而且肉質嫩 不錯最後一個系女生必點的甜品每次都覺得好好吃 但因為一個人食唔曬 如同一班友人黎食 必點除左滋味搭夠 一齊分享真系好正😋😋甜蜜的負荷臨走 都要影翻一下😏

男朋友去左日本半個月，今個星期日難得有時間陪下屋企人，於是去左九龍陪媽咪行街 (順便係巴士捉下小精靈)行到3點幾，媽咪話肚餓，於是我提議去佢未去過既茶木食個tea~~係台灣讀書既細佬一見到份menu就話自己餐餐係台灣都係食呢啲厭，最尾佢不情願地叫左個 松露野菌奶油手作麵食 而我，向來都十分喜歡茶木既手作麵，貪佢似意粉之餘又彈牙，個人覺得好似意粉mix刀削麵既質地，所以每次黎茶木都必叫 今次就叫左墨汁烏賊奶油手作麵 (因為同屋企先夠膽食到個咀黑蚊蚊)點知細佬食完之後讚不絕口，不停話好香奶油味，最尾仲食左我半碟... 媽咪就order左差不多枱枱都叫既草莓香草蜜糖磚塊 一向唔食甜品既媽咪竟然會主動叫甜品，我同細佬都覺得出奇哈哈 天氣咁熱食呢款就啱晒啦!!!

記得幾年前茶木新開張既時候有食過。。。肉燥飯不夠熱😱蜜糖吐司不夠脆😖對於此台式餐廳好失望但近日聽同事講話茶木個牛肉麵好好食於是決心一試，睇下會唔會對茶木改觀因為每次經過都幾多一排隊而且佢地越來越多分店薄荷珍珠奶茶珍珠口感彈牙👍🏻沒有很重的薄荷味道今餐既主角牛肉麵！有紅蘿蔔同白蘿蔔，令湯底更香甜個湯真係幾好飲飲咗大半碗牛肉就好"淋"，口感唔錯！個麵係我最愛既手工麵！手工麵！呢個牛肉麵真係令我刮目相看

今日早放工，未到六點半已經去到茶木，今次唔洗排隊就食得!鹽酥雞 甜甜粒，唔太油，少粉，好味.酥炸豬扒配肉躁飯 豬扒同鹽酥雞一檨, 唔太油, 少粉, 香脆可口.但雪菜同肉躁飯唔係好match.主角出場: 石板街朱古力蜜糖磚塊 三塊厚切吐司加上香甜的蜜糖;  石板街朱古力雪糕加上新鮮的士多啤梨; 彩色細細粒的棉花糖加上香滑的cream. 簡直係絕配!!!蜜糖吐司加上朱古力雪糕, 又熱又凍. 好甜好好味, 好滿足呢!由於蜜糖磚塊要等20-25分鐘, 建議大家可以預先order, 可以慳返等待的時間. ^.^

今日黎到食下午茶,叫左個台式牛肉麵同一杯香芋奶茶,個牛肉麵有兩舊大紅蘿蔔同一舊蘿蔔,仲有啲酸菜同埋兩塊牛肉,三舊蘿蔔都煮得好入味,至於兩舊牛肉就偏瘦,不過唔會硬,配埋酸菜食都幾有台式風味。不過杯香芋奶茶就差左啲,飲落好重奶味,亦唔夠幼滑,唔太好飲有啲似用糖水溝咁。最後埋單都六十幾蚊,以一個下午茶黎講唔算抵食,希望價錢同野飲方面再幫襯既話會再改善啦~

茶木 @ #foodki旺角奶蓋抹茶(6.5/10)($33)茶木雖然係連鎖店，但老老實實食物質素真係比起其他連鎖店好，foodki非常鍾意茶木手作麵!茶木既奶蓋抹茶好多朋友都試左,foodki 今次第一次試，終於可以#奶蓋一下 ...奶蓋同抹茶係三七比，奶蓋既味道係濃郁奶味同埋微微咸，好鍾意上面既質感。茶澀味岩岩好，混合起黎飲真係唔錯！台式肉燥麵以茶木最出名既手作麵做麵底，麵質煙韌得黎帶點彈性，可惜肉燥味道只屬一般。撈埋入口好滑好好味松露野菌奶油培根手作麵松露味好重，配上奶油加上少量bacon，其實係好似似卡邦尼意粉，但用手作麵真係有驚喜，隻麵質真係好鬼正

食完晚飯，通常都會做一樣野！......咪就係食甜品囉！茶木既甜品淨係用黎影相呃like，都已經值回票價啦！XD咁食咩野好呢，就叫左個「芒果香草蜜糖磚塊$68」，不過要記得早少少叫定，因為都要15-20分鐘先有得食嫁。磚塊已經切好三片，夾集左好多芒果，粒粒棉花糖，頂層有一球雪糕及香草。芒果很甜不會酸，麵包烤焗時間剛好，不會太乾太硬身，雪糕就比較普通，但都值得推薦的！

🇭🇰香港 • 旺角 • 茶木-石板街朱古力蜜糖磚塊🍫🍯🍞🍓-久違既茶木☺️ 蜜糖吐司麵包真係好好味😍 賣相十分吸引 香甜清新既士多啤梨一粒粒咁擺喺每一層麵包上面🍓仲有色彩繽紛既綿花糖、雪糕同朱古力醬🍫舊麵包磚外脆內軟 有香甜既蜜糖味🍯再沾一啲石板街雪糕 為炎炎夏日帶來冰凍既感覺😆💓 真係好中意茶木既toast!!另外仲食左鳳梨鮮果甜酸肉 一上枱已經好吸引食慾 用菠蘿既外殼裝住食物 入面有好多水果！有菠蘿、荔枝、士多啤梨、火龍果等等既鮮果 十分開胃😍😍 我本身都好中意食呢幾種水果💕 重頭戲當然係甜酸肉啦 甜同酸既程度都拿捏得好好 我覺得好好味 肉又唔會太硬👍🏼可以食多兩碗飯都得😂😂

平時食開士多啤梨味，但因為朋友好鐘意食芒果，所以今次第一次試芒果味。toast 烤到剛剛好，外脆內軟，芒果肉都幾甜，不過個芒果味雪糕就真係爭d，個味好假，下次都係食番士多啤梨味好d蛋黃剛剛好半熟，甜甜地味道啱啱好不會太濃，好好味！