茶木‧台式休閒餐廳 (已結業)

今日同老公去左旺角瓊華中心的茶木，餐廳位於10樓全層，面積好大紅燒牛肉麵呢道雖然係茶木的招牌菜，但我係第一次食，成碗麵香噴噴，除了牛肉，仲有蘿蔔、紅蘿蔔、芫茜等配料，質感硬硬的手工麵配上非常香濃的牛肉味湯底，好好味！紅燒牛肉應該採用左腩位，肉質好淋，仲入口即溶添酥炸雞扒配肉躁飯雞扒外皮炸得香脆乾身，顏色金黃，食落口完全唔覺得油膩，酥炸後的雞扒好香，入面仍保持到肉汁，肉躁味道正宗，唔會太鹹，撈埋白飯食好開胃！玫瑰星際特飲老公試新出的特飲，真係有玫瑰乾花，佢話係果肉加上有氣的梳打水，感覺似雜果賓治，甜甜酸酸幾好味榛果咖啡香濃的甜忌廉配上榛果咖啡，甜度適中，忌廉上的餅乾好好味，好飲呀食完呢餐勁飽呀！

行完街見餓，就搵了好耐冇食既茶木再食過~於是叫了地瓜燉嫩牛腩，鳳梨鮮果甜酸肉。飲品就叫黑糖薑母茶同台式酸梅冰。本來仲想叫蛋糕食，點知賣晒轉左食沙律牛腩黎了，起初食時未夠淋但燉到後期再食就淋得多。鳳梨鮮果甜酸肉，生果很多，味到不太酸，肉也比較甜

今日帶媽媽同妹妹去茶木下午茶。下午茶時段唔使等位，打開menu睇睇發現有d唔同左喎，好似多左d新野。我地叫左紅燒牛肉麵、肉燥雞扒飯、石板街蜜糖磚塊、黑糖胚芽奶茶。紅燒牛肉麵 - 依然keep到水準，好食!肉燥雞扒飯 - 雞扒好似薄左，不過味道都冇大轉變，ok好食。石板街蜜糖磚塊 - 第一次食佢既甜品，好食喎!!麵包焗到好脆，加埋朱古力雪糕黎食，正!黑糖胚芽奶茶 - 我係叫熱既，但店員落左凍既，黎到我先知道，唔緊要喇，自己"不"起d冰算，飲品黎講我就覺得冇以前咁好飲。

約左朋友仔食下 TEA 傾下偈, 來到茶木梗係要食佢最出名既甜品 - 草莓蜜糖磚塊啦, 另外仲叫個煙三文魚沙律同水果花茶。食物黎到簡直係賞心悅目呀，全部既食物都色彩繽紛心情即刻開心晒 , 食物要好食之餘顏色賣相都好緊要 , 先飲啖水果花茶 . 飲落去好舒服好清新既感覺 , 煙三文魚沙律既疏菜好 FRESH 個沙律汁仲好開胃添 , 最後當然係賣飛佛既草莓蜜糖磚塊 , 呢個真係無得輸 , 每次食都咁好味 , 麵包依然係外脆內軟配埋士多啤梨雪糕簡直係 PERFECT MATCH 呀 , 食到停唔到口, 兩個女仔一路食一路吹水真係好開心。

黃金鹽酥雞:炸粉唔算多，外皮夠脆，食落啖啖肉又香口而且唔會太咸，幾滋味。藍莓香草磚塊蜜糖吐司:一黎到賣相就好吸引，蜜糖多士烘得好香脆，配上香滑既忌廉同香草雪糕，唔會太甜膩，好好味。香蕉巧克力冰淇淋:幾大杯，有香濃香蕉味，但可惜朱古力味唔夠，唔知係咪溶左Ｄ冰影響左，我諗熱飲可能會香濃Ｄ。綜合水果茶:好大杯，望落有好多水果，味道飲落酸酸甜甜咁，好開胃，好好飲，難怪每枱都叫黎飲，下次應該會試下熱飲。

附近聽完talk, 就同朋友黎食醫肚因為我地都太餓， 就放棄食平時一定叫既吐司，食正餐好d我叫左奶蓋抹茶。 我第一次飲唔知原來上面d 奶蓋係咸既. 都係撈埋d 抹茶飲會好d. 朋友果杯係薄河珍珠奶茶， 聽佢講唔錯，唔太甜地瓜花枝餅 - 睇得出新鮮炸起，有d 油，個sauce 我食唔出係乜， 而且無乜味， 花枝餅有點淡，我想點泰式辣醬,而且58蚊得4小塊，覺得有d 貴朋友叫左豬扒面。 豬扒份量好多，多到我朋友叫我幫手先食得晒。 我地等左個面好耐先到，但d 豬扒竟然只係暖暖地。味道亦麻麻，炸到甘以為係鹽蘇雞果d 味，完全唔係果點事，反而覺得有d 酒味。 所以我地寧願浸係湯度食我就叫左豬軟骨。 我覺得豬軟骨煮得夠冧，而且唔會因為係豬軟骨就真係得舊骨，啖啖肉！湯底嫌唔夠濃，當然同台灣差好遠。 鬼叫自己無得去台灣食咩，咪係度食住先lor其實都幾貴！

來茶木除了食正餐外，不會少得食甜品，而必食既當然係蜜糖磚塊！今次點了草莓蜜糖磚塊，真得非常美味份量大不在說，甜甜的雪糕配上爽脆的厚多士，味道超夾！除左磚塊外，牛肉麵都值得推介，因為湯汁很香濃，而麵都好彈牙不過最麻煩的是等位，每次晚飯時間都要等好耐才有位。

個日520，驚好多人，諗住走去茶木博一博，點知等2張枱就有👏平時就叫開佢啲多士同意粉食下，今次就諗住試下新野啦😶鳳梨鮮果甜酸肉 $74超級驚喜！本身諗住係普通生炒骨咁，但啲肉沾咗啲果味，個感覺好新鮮咁😂，跟住佢啲生果好多，除咗鳳梨，又有士多啤梨又藍莓，仲有我最鐘意既荔枝👍👍，同埋佢好足料好多肉。

今日放工後同同事短聚，揀左坐得舒服d既茶木，不過等左成個鐘先入到去上次食過一次呢個慢煮味淋豬腳，覺得好好味，今次又叫，豬腳炆得夠入味，夠冧身，唔怕肥既我，自己一個食哂，底層啲白籮白好甜，係個汁好多肥油，不過我一於少理，好食就得地瓜墨魚餅，好彈牙內有粒粒地瓜肉最後來個蜜糖芒果磚塊，芒果夠甜，雪糕都香滑，配合脆脆地既多士，完美

行到攰攰地就搵地方食野, 瓊華最多食肆, 所以是但去左茶木.可能茶木分店多左好多, 所以唔洗等位.要左個"香煎沙朗肉燥飯"$64沙朗原來係牛腰既肉, 食落爽爽地唔韌, 煎到表面焦焦地, 幾香口, 但片數較少而且細塊.肉燥保持台式肉燥味道, 個汁唔會太咸, 濃郁肉汁味, 撈飯食一流.而個糖心蛋唔算太流心, 不過幾有蛋味.另要左杯"凍珍珠奶茶", 呢度D珍珠煲得幾腍身, 咬落軟軟腍腍, 煙煙韌韌, 奶茶茶味幾香, 唔算太甜.

今日同朋友去完snap之後因為都三點想食甜品就近近地去左茶木食啦已經唔係第一次之前睇完我的少女時代都專登去左食麻醬麵佢呢間既嘢價格都偏中上首先我地嗌左個石板街磚塊$72好好味既雪糕同麵包配一流不過今次就太脆，我中意食冧啲，冇咁熱氣然後唔夠飽就再嗌多下午茶餐紅燒牛肉麵✨+一杯茶飲$40都幾好味湯幾濃雞翼都入味遺憾是麵太少如果再多一點會更好🍜🍜🍜😊😊😊

今日同朋友小聚就揀左呢度,第一次黎,所以都幾期待。因為係下午茶,所以選擇士多啤梨磚塊，和熱帶水果茶，我很喜歡士多啤梨磚塊，忌廉加士多啤啤加脆口多士，一啖過，好正，價錢唔貴，70蚊，熱帶水果茶不是太甜，很好味。PS 兩個人完全都係食唔晒,3個人食我諗會好好多。

茶木如此多人食，當然有其致勝之道，我看到Menu的dinner set已覺吸引，就選了辣子雞丁+奶昔雪糕特飲和朱古力Chesse Cake杯飲品清涼又有果香，好軟滑。雞丁肉質香軟，微辣又不太重口味，底有火烘住保持溫暖的最佳進食溫度朱古力Chesse Cake合格而一，甜度恰到好處，夠軟滑。

9月6日, 今日同B豬返完playgroup, 時值tea time, 就諗起呢間茶木~ 上到去見到長長人龍, 都暗呼洗唔洗咁誇張呀? 好彩B豬熟睡中, 我地兩個大人排下隊都無乜所謂~::: 芒果香草蜜糖磚塊 ::: $68排咗咁耐隊, 難得有個位坐就梗係要試下呢度d名物大大件吐司啦~ 我地叫呢個係已經切開一片片再疊番埋一齊嘅芒果雲呢拿蜜糖吐司! 三層吐司塗上蜜糖, 唧上大量忌廉, 再放上一球芒果雪糕, 伴以士多啤梨同芒果粒... 仲體貼地比咗個小鐵拑比你夾多士添! 成個甜品外表係幾靚嘅... 但係食落口就得個甜字, 多士熱到d雪糕話咁快就溶, 加上我地本身又唔係好好忌廉, 芒果雪糕亦係平時牛奶公司貨色... 除咗個多士係幾脆之外都真係無乜可取...::: 愛爾蘭咖啡 ::: $32呢一杯咖啡其實都係啅頭多, 甜度比啡味更濃, 一大堆cream喺面頭, 配朱古力可以接受, 因為都係甜碰甜, 但係配咖啡就個人麻麻地... 加上士多啤利同朱古力卷, 就變得好少女... 講番味道, 咖啡味唔重, 甜味居多, 話佢似mocha就差唔多.唔知係d食物唔胃口, 定係呢度真係一般般... 其實無乜

今日平日 唔洗等位直入。食完個tea再行街同朋友叫左個牛肉麵、草莓香草蜜糖磚塊。牛肉麵食過幾次所以無影相，麵質偏厚，湯頭肉味尚算濃郁，牛肉軟嫩入味。至於呢個草莓磚塊係第一次叫，以往食過巧克力、芒果味，就係未叫過草莓不過其實都係水果不同而已 哈哈，磚塊本來無味，但配上蜜糖 雪糕 水果 巧克力醬等的甜味，每粒磚塊抹上甜甜的配料，非常匹配。剛焗好的磚塊配雪糕，令雪糕呈半溶狀態，溶入磚塊裡面，令磚塊軟化，非常不錯