茶木‧台式休閒餐廳 (已結業)

雖然叫做台式休閒餐廳，但其實有好多唔同嘅選擇做完facial 時間尚早，行咗一陣街就去搵嘢食，見到茶木岩岩開始晚餐時段仲未有好多人，就快快趣入去坐低先！同朋友share咗個牛油果大蝦沙律牛油果一向係我嘅favourite，呢個沙律嘅avocado軟硬程度啱啱好，唔會硬到好似食梗guava咁，又唔會淋到好似果醬，Perfect池！車厘茄又係另一至愛，兩款水果走埋一齊，another perfect match！加埋啲趣卜卜嘅croutons同個dressing，簡直無得頂屋企開party可以試吓整𠻹！朋友無肉不歡，對呢個沙律嘅蝦都讚不絕口，分量足，啖啖肉之後我就點咗個櫻花蝦培根芥末奶油手作麵呢個pasta 好creamy但唔漏，分量對女仔嚟講啱啱好。蝦花蝦細細隻，好香好脆，旁邊仲有香菇配搭，感覺清新，又唔會搶咗個味不過個人對bacon興趣不大，但加咗會令pasta更香，所以我一直唔會抗拒有佢做陪襯嘅菜式，但亦都唔會食多謝友人幫手食埋！最後叫咗個玫瑰花洋甘菊花茶膚淺嘅我純粹係想點一款個名聽落高貴不俗落套、又有得自己沖下嘅嘢飲啫，哈哈！不過，其實都想飲杯茶，消下滯花茶清香，好適合食完嘢飲，附

媽媽話想食中式嘢，所以帶佢去茶木食下，話我食過都幾好食。呢間服務好好，好有禮貌，等左五分鐘已經入得。其實我次次都食松露什菌手作面，因為真係好好食，不過上次見同事食個肉燥手作拌面都好食，所以今次叫左呢個，媽媽叫左個莎朗肉燥飯同芝士雞翼。肉燥手作面的確好好食，啲肉燥好多，我覺得面係好食過個飯嘅，雖然啲牛肉都幾好食，不過可能因為我本身鍾意食面多啲啦哈哈，個芝士雞翼芝士味都幾濃，至少我媽媽都覺得呢餐幾好食，話要帶人嚟食!本身都想叫個蜜糖吐司食嘅，不過有啲飽覺得食唔哂，結果我地各自叫左個芋圓甜品，我媽果個係有雪糕嘅，我果個就係紅豆果個，不過我覺得同台灣食嘅差好遠，個底勁多冰，啲芋圓又冇咩味，俾相呃左，係有啲失望，早知嗌蜜糖吐司啦。不過佢嘅野食都普遍幾好食，會再幫襯!

琴晚同屋企人食飯，黎到旺角唔知食咩好，就決定食好耐都冇食嘅茶木。我地見到裝修唔同左，我地叫左糖心蛋，豪仔餅，豬軟骨麵同炸雞扒麵，仲有2杯水果茶。首先係我遭殃，食完後，肚痛。本來只係可能自己嘅腸胃唔係太好，但屋企人返到屋企都唔係太舒服想去廁所。

經過旺角突然想茶木於是入去食個lunch set估唔到都幾多選擇成個盤送黎幾靚細細舊既皮蛋肉鬆豆腐辣辣地鹹鹹地都開胃三杯雞都幾惹味細碗肉燥飯略嫌肉燥太少飲品有黑糖薑母茶非常滋補連加一70蚊Lunch set黎講價錢都算合理

今日第一次去茶木食lunch, 原來lunch menu都好多選擇。因為我12點就到，唔洗等位。我叫左個炆牛腩飯，前菜有鹽酥雞，份量都好多。個牛腩同薯仔炆得好林好入味，鹽酥雞唔會炸得好乾,味道不錯，肉燥飯好香好入味餐飲柚子蜜就冇乜特別。埋單加埋一唔洗$70,好飽，抵食

入座後，職員一開始問食乜，語氣已比較重，就當她說話是這樣子，算！！睇menu點選$158的牛扒,職員用她一貫語氣表示無貨，仲即時補充多一句有排都唔會返貨！再問$178嗰款有無，職員就回覆有，但又即補充牛肩好韌喎、有筋的，你食$238嗰款啦！！！想點呀？我要讚你細心體貼嗎？如果$238以下無得食或是咁難入口，你就唔好放入menu啦！即走！！！

已經有兩年多無黎茶木食飯，突然今晚心血來潮，就走左入去食。起身還以為要等位，沒想到一上到去竟然不用等，真係又驚又喜😂櫻花蝦培根芥奶油手作麵滿滿嘅櫻花蝦放在手作麵上面，個汁帶有淡淡嘅wasabii果，再加上櫻花蝦一起食，又香又辣，口感不錯。酥炸炸雞排麵呢個湯麵做得不錯，個湯底好濃牛腩味，雞排炸得好香口，而且一點也不肥，唯一唔好嘅就係呢個麵等得太耐啦。檸檬愛玉食台灣美食，點少得呢杯檸檬愛玉😂呢杯酸酸甜甜，最岩就邊食炸雞，邊飲一啖啦！

昨天約了兩個很久沒見面朋友出來，選了此店，果然還是能保持應有水準七點多到的時候很多人，但幸好不用等位，一坐下就立刻點餐，因為肚子太餓了我們點了鳳梨鮮果酸肉，賣相很好，都留口水了還點了小牛腩肉，三杯雞，全部都是跟餐，有餐飲有沙拉由於沒人等位，我們都舒服坐在那裡聊天，環境不錯的原因吧，所以心情也很好

同好朋友食生日飯，旺角在中心點，很方便大家相約聚會。三個人叫了紅燒牛肉麵、地瓜牛腩、沙茶中卷、鹽酥雞。還有士多啤梨雪糕麵包窩夫！地瓜牛腩過鹹，但牛腩肉質挺合適；沙茶中卷其實是沙茶醬魷魚，比較硬了－點。我－向不愛炸物，但佢的鹽酥鷄真係幾香幾好食，不會好油，朋友話同台灣食的味道好似。最後要評評甜品士多啤梨雪糕麵包窩夫，賣相很好，但我不想多吃，主要都係食雪糕，連麵包－起並不美味。另外，旺角能有這樣坐得舒服的地方，真難得但限制入單後90分鐘要結賬。

今晚和友人一同到茶木吃晚飯，幸好排隊人數不多，等候了大概20分鐘便可入座。平常都是在下午茶時間來吃，每次必點那多士甜品，但今次和友人則想嘗試一下茶木的熱食。友人點了台式肉燥手作麵：手作麵彈牙，配上台式肉燥、花生、青瓜絲口感簡樸卻滋味，更讓我想起在西門町吃的肉燥麵！至於我則點了西式的黑松露手作麵，意想不到地好吃：先說麵身，沿用和肉燥麵的手作麵，以為方在西式煮法中會好奇怪？不，反而更美味。整體黑松露味濃郁，配以其他菌類襯托彈牙的麵身，讓我忍不住一口接一口把它吃清光。加上醬汁很多，不怕吃到最尾時已經沒有汁。我們還點了2杯飲料，一杯洛神花茶，另一杯是綠茶奶，飲品則一般，無什特別。

第一等： 4大1小等入座，分流去左（第三等）,等左足足50分鐘，當中只安排2-4人優先入座，所以我們成為第三等！餓死了我的寶寶！（哭）第二等：入座後，只有兩杯水，是否d 水好貴？要舉手示意先加回三杯水！！第三等：order 左食物，等左三十分鐘先來齊，期間發現食物已涼，飯又硬！相廚房，侍應人手不足！希望店方留意！！免拆招牌！！

今晚正是和另一半一起半年的紀念日, 回想我們還未是情侶都有來茶木品嘗年輕人的台灣料理，一起後當然經常來, 談談情, 說說愛, 回憶永遠是美好的餐廳裝修很特別，樹木伸展出樹枝另平平凡凡的天花充滿生機，在這個環境吃飯就更醒神, 更有胃口十分欣賞你需要用到的如水, 餐具, 紙巾已為妳準備好，令你安心好好享受一頓飯今晚點的跟過往一樣，因為想回憶下以往的味道，我當然例牌點枺茶紅豆latte，味道不過不失, 我不想再説枺茶配紅豆的玄機了，我始終離開不了枺茶的魔掌, 而另一半點的是熱飲香竽奶茶，差不多每次另一半吃台灣料理都會點, 情有獨鍾，不過唯一不同這杯是沒有珍珠的炸蝦卷是我倆在這最喜歡的小吃, 熱騰騰的炸蝦卷，外層有香脆囗感, 配上沙律汁，吃了不能回頭主打的是紅燒牛肉麵和另一半點的香辣牛肉麵, 牛肉麵是我最愛的台灣食物，因為很喜歡每種配搭做出來的一種美食，首先，一試湯底就覺得十分濃郁，個人覺得台灣麵比廣東粗麵更勝一籌，牛肉都算入味, 不過砌小塊一點會更好, 蘿蔔就剛好，入口有溶化感覺和另一半聖誕會去台灣，是我倆第一次旅行，未去現在先warm up下，慰藉下一對小情人喇

一向都鐘意食佢炸雞排一排冇食個麵又硬湯又冇味炸雞排嘅漿完全唔同哂，唉，好傷心男朋友食個晚餐set 三杯雞味道正常但炸雞排變哂質，就已經冇嘢再吸引我嚟喇如果下次仲有心血來潮食第2間茶木希望變返好啦！

未來茶木之前，覺得水果和餸菜是兩回事，不能混在一起。看著menu，發現每道菜裡面都有水果。本來很擔心味道會很怪，因為先前在網上看到有人用橙皮做菜。點了排骨，配搭的水果是菠蘿，算是正路，另一道菜是配芒果。肉類染上了水果的味道，但水果自己的味道仍在，沒有被影響，很清新。

與大學同學在旺角小聚，想搵處舒服、價錢相宜的餐廳，就想起茶木。星期日下午四時，當然不用等位！餐廳亦有少量客人，整體環境頗靜，傾計岩哂！我們叫了兩杯紫芋沙冰（$35），兩杯紅豆抹茶奶鐵（$33）飲品賣相好吸引，紫芋沙冰質感幼滑，帶著芋頭甜香，跟上面的紅豆味道好夾。抹茶奶鐵奶味較抹茶味重，不過都好好飲。兩杯飲品甜度適中。突然想來點台灣的味道，又嘴饞想吃炸物，就一於叫個黃金鹽酥雞。鹽酥雞炸皮比例剛剛好，香脆得來不會過厚。椒鹽味好香，又不會太鹹。雞肉嫩滑，都幾大粒。最後，又怎可以沒有甜品？之前幾次都是吃草莓口味，今次想試試其他的。石板街朱古力蜜糖方塊（$74）賣相依然震撼，四個女仔食，份量剛剛好！蜜糖方塊好香甜，外層脆卜卜。配上濃滑的石板街雪糕，及沾了朱古力醬的忌廉，甜中帶苦，不會過膩。這樣地過了一個悠閒、充滿笑聲的下午，享受了精緻又美味的小吃，真的替自己充了充電呢！