茶木‧台式休閒餐廳 (德福廣場1期)

營業中

休息中

近年這間餐廳的曝光率頗高，經常在不同的商場內見到它的影踪。這天下班後，很想很想走進去，見識一下。這餐廳很吸人，晚上8時多仍要等上45分鐘才能入座，而附近的餐廳已不需等候，想必食物一定是很吸引，很好味的。在等候期間簡直是超期待啊！終於有位喇，侍應很快便把餐牌放下，餐牌設計像雜誌般，內容圖文並茂，好靚。首先選了蘋果梳打，很清新。三文魚生果手打麵，嘩，很多生果放在碟面哩，很靚。手打麵麵質煙韌，很喜歡這種感覺。蚝仔泡飯的蚝仔頗大隻，沒有零碎蚝壳黏着，湯底好甜，好味。豬手很琳，入味，上菜時還有臘觸暖着，防止汁液變硬，很細心唷。

自從屋企附近開左間茶木我家裡長者同母親都指定每星期必到此晚餐最少兩次.......佢地話多款式又好味!尋晚我同左我媽咪黎食可惜我又遲左,黎到已經食曬,只好影張相作紀錄佢揀左呢款再轉套餐佢話份量太少,送唔到飯但味道可以可惜我無緣試返一隻==”......飲品每次我必點的!~香蕉巧克力冰淇淋~是次我跟餐補差價轉特飲原HKD32,補差價HKD12味道不錯,有香蕉朱古力味道,稍略嫌太甜但味道比某連鎖咖啡店來得好飲及清新雪糕正常餐牌上各款都大致食過了於是選了'酒糟甘粟雞(HKD56)’好美味呢意想不到,雖然汁係稍為鹹但十分好飲,而且酒味不會太濃雞是用雞翼弄的,雞翼應該先煎炸過,再同煮所以較香同入味配上彈牙白飯,淡淡的剛好相配合粟子又唔好太碎太稔大致原粒上,令我可成粒食,因我是粟子粉絲^^食完後,當然要點個飯後甜品綠茶提拉米蘇是跟餐配的,可惜蛋糕賣完就無,所以只剩佢不過亦好吃,不會太甜又有綠茶香氣(套餐包一個白飯,一款指定飲品,一件蛋糕/凱撒沙律,只需加HKD30)諗起又想食添!!!

朋友從外國返黎一段短時間,問我有咩野食推介,之前曾經試過茶木銅鑼灣分店,又知道九龍灣開左新分店就去試下,但結果有d失望。禁左飛等左7個字左右,終於等到下一張就係我地，見前一張飛個兩個女人本身被編去最近門口個張枱，佢地同門口接待員講話唔想坐門口,個接待員就笑笑口咁俾佢地換入面既枱。跟住叫到我地, 個接待員又叫我地坐門口, 我地同前一張飛個兩個女人一樣話唔想坐門口(德福店近門口位係完全無玻璃隔住店外, 只得半個人高既圍欄隔一隔,出面就係一大堆人企係你食野個位隔離望住你同好嘈,完全傾唔到計，而且又擔心出面咁大堆人趁亂伸手黎攞左你個袋/電話個d好唔安全),所以就同接待員講話唔想坐最門口,點知佢一手搶左我地張飛同我地講“無得揀位嫁!得呢張枱嫁咋！”於是我朋友就話: 咁我地再等下一張俾其他人先啦佢竟然好唔耐煩咁話: 如果你唔要呢張就要重新拎飛再等過嫁喇!咁等左咁耐我地又唔想轉去其他地方食,唯有硬食張枱啦，但我同我朋友都覺得佢好明顯係蝦我地(我同我朋友都係大學yr1), 前一張飛個兩個女人大約三十幾四十就可以揀位, 我地就話無得揀位仲搶左我地張飛話如果你唔要就重新揀過, 我覺得如果真係無得揀位/太多

之前看到朋友去各區的茶木，感覺悠閒舒適，好想一下，環境令人感覺放鬆，終於最近茶木黎到德福商場，就約埋班同事一齊去試下喇！6點半去到大排人龍，但都唔係等好耐，7點未到就入得，限時1.5小時，5個人被安排在4人卡位，都几逼下。店內嘈喧巴閉，感覺渾亂非常，服務員忙到跑黎跑去，氣氛令人感到焗侷，一點都不像CAFE，茶餐廳都冇咁嘈。凱撒沙律，不過不失，SOURCE和芝士既量有點小，同埋建議菜葉可以切細D，方便入口。紅油抄手，勁辣！我不敢試，同事話都几好食架。酥炸雞排几好味，外層香脆酥香，沒有油膩感，咸味剛剛好，內裡還有少少肉汁，沒有雪味之餘還有雞味。滷肉飯都几好味，有肥肉在裡增加油香，溏心蛋味道濃郁，生熟控制的剛剛好，質地細軟。五香牛肉麵都几大碗，同事話都几好食，牛肉味濃而且夠淋，五香湯汁鮮美，麵底軟硬適中。飲品，完全冇味，好似無落糖咁，係風味定係唔記得落糖呢? 我地要叫侍應全部拎番入去加糖。1.5小時，半個鐘前叫你埋單，本來好想試甜品，因為好似几靚咁，不過已經唔夠時間，而且唔會再有下次架喇，只嘆我地同呢度既甜品無緣啦！

之前食過幾次都覺得幾好味，就帶細佬同媽咪來試下啦！點知遲左少少到，第一輪啱啱入晒去，我地拎左一號飛有排等。等左45分鐘以內，終於入得叫左#牛肉麵#，湯好濃，牛肉又唔un,不過啲麵係粗麵，我唔like,試左一條就無食。細佬一個人食左大半碗又叫左個#熏蛋魯肉飯#幾大碟。媽咪好鍾意嗰啲鹹菜的配菜撈埋落啲飯度，的確幾好食。我都食左兩碗仔。仲叫左個青菜。最後有甜品，新上市的#黑糖金磚#啲黑糖實在太甜，雖然健康。平時好鍾意甜品的我，都食唔落去喇！下次都係諗清楚先好試新野！不過呢間我都會再去的

一直都聽朋友講茶木好好食好正，但每次行過都係排長龍所以未試過。今日見到德福開左新分店，一如以往都係好多人，不過見同朋友兩個都唔係好餓，就拎張飛等下咁啦。預左等好耐，所以拎完飛就去左行街喇。點知行左足足一個鐘都係未到我地有得食既。結果等足個半鐘終於比我入到去，好感動！兩個人一人叫杯野飲一個小食一個久仰既多士甜品。第一樣到既就係呢個薯仔絲炸蝦，超級的脆！薯仔炸到好似薯片咁脆，加埋入面包住少量薯蓉，口感豐富，味道亦係唔錯！之後兩杯特飲就真係失望喇！紫薯特飲冇味！淡到水一樣！好難接受！百香果亦只係沙冰底加百香果漿，有欠誠意喎！到左萬眾期待既多士，一切落去係好脆既，但一食落去好肯定係過左火既，有d太硬太脆。味道好但口感差，可能係個別例子啦。

好姐妹約我晚飯, 收工過到黎德福, 佢話未收工叫我是但搵間野坐低, 見新開茶木唔算太多人等位, 等到佢黎應該差唔多, 就揀佢.一貫既主調, 好田園氣息.<酥炸豬排肉燥飯>$54, 豬扒炸粉唔厚, 炸得好鬆脆, 好香口, 而且豬扒肉質好有咬口. 肉燥鹵得好入味, 好香, 糖心蛋依然夠糖心, 好味.<古旱烤香腸肉燥飯>$56, 香腸烤得個皮脆脆地, 個心就軟, 兩者配搭好好. 肉燥都係鹵得好入味, 好正. <紅豆搽茶拿鐵>$32, 搽茶味唔算太濃, 配埋面頭D cream清清地唔錯, 紅豆少少甜味, 配合好好.整體 試過幾間茶木, 大家既水準依然OK, 所以開咁多間都要排隊.  而且唔算太貴, 地方又坐得舒服.

之前買了團購食吐司，於是搵啱時間過黎食，等了要35分鐘才有位，比其他餐廳來說很久。叫咗以下食物：鱸魚意粉，魚煎得幾香，但意粉略為硬身豬扒肉燥飯，肉燥及飯味道幾好，但豬扒不夠軟，一般藍莓蜜糖吐司（團購），份量可以，味道也不錯。這份吐司我落單之後等了超過20分鐘，之後問2個侍應，都冇人理會。後來再問多一個侍應，他才說漏了單，要重新再入單，即要再等20分鐘。如果不是買了團購我才不會要，於是重新入單，但再多等35分鐘才來到 ，超激氣。當我地食緊吐司時，嗰位漏單侍應竟然走埋黎同我地講用餐時間已過（一般係1.5小時）。唔係我想霸住張枱唔走，係你地漏單搞到咁耐，仲要浪費我啲時間，然後仲趕我地走，超級氣憤 ，下次絕不再來。

I knew I would have to wait for tea wood but I didn’t know that I would need to wait for an hour and a half for a table. There were just so many people. While we were waiting, we looked through the menu and decide what to have so once we’ve been seated, we can order straight away.We knew the mains will take a bit of time to cook so we ordered a Taiwanese style marinated meat combination as starter. The food were very tasty, we could taste the special sauce in every bite.I love the fried chicken

同媽咪買完飛睇戲，仲有啲時間就去搵野食醫下肚先啦，最終揀左茶木。本來見到甘多人，唔係好想等，但又好想食佢地既雪糕厚多士喎，最後都搏一搏！等左半個中多啲，入到去即刻order啦，服務員話雪糕厚多士要等30分中，唔理照等，先黎食個牛肉肉燥飯，就慢慢等個主角啦！最後媽咪指明要食既主角登場啦，當然係手機食先啦~最後嗱嗱聲食完，好滿足甘去睇戲了

星期六我地一行6人11:45分到，攞左6號票。11:57改為8位，攞7號票。我們等了差不多45分鐘，眼見職員完全無打算留枱入我地一行8人。因為佢地不斷入細枱同4人枱。所以我們就主動向負責安排置的職員查詢，問一下會否安排到位置俾我們。而得到的答覆係：「依家無位。人地只係16分先入野食，無咁快有。」全程態度晦氣，亦感覺唔到佢想為我地我排乜野。連呃下我地都唔想。坦白講，佢可以有十幾個更好的答覆方法，剛剛開鋪，係咪已經做到無晒心機呢？等唔係問題，亦唔介意等，但係可唔可以令大家開心一下呢？最後朋友怒撕等位紙，而我地亦去左另一間食了。好唔好食？我無機會嘗試，亦唔打算品嚐。

糖宝宝今天去當E Max 當小模特兒，我這個星姨一定要去打氣，妹妹當然特別緊張，因為小及及太活潑了，這是第一次他去走貓步，想不到糖宝宝有小模特兒的風範，大眼的他，GeI了頭髮果然是一個型宝宝，他出場時對評判說I am No.1, 也真的太可愛吧!雖然落選了，我們一家也要鼓勵糖宝宝，把帶到茶木吃牛肉麵，因這裏最出名的是牛肉麵，大家都叫了香辣牛肉麵和紅燒牛肉麵，七十二元也不便宜，但是牛肉很爽口也很新鮮，湯辣辣的勁有味道，自家製的麵條很有口感，難怪這家Teawood, 客似雲裏，很多人在等候!糖宝宝今天很乖也很累，吃完牛肉麵，他大大的眼睛己垂下來，原來當模特兒也真的不容易!

兩點幾黎到德福，飲茶又多人排隊，日本野屋企人又唔想食，見茶木冇乜人排隊 所以就揀咗食佢啦。可能因為12-2pm係午市，兩點個段時間d人都開始走，所以唔洗點等位。紅棗桂圓茶$38，侍應話一壺只係跟一隻茶杯，另外只可以免費加水一次。味道唔似冲劑，清清地唔會太甜。雞扒肉燥飯$7x，珍珠米加肉燥 比例都幾平均，雞扒好味 唔會好油，如果一個人食應該好夠飽。蔥油拌面$68，上面係炸洋蔥絲 花生 仲有蝦米仔，附上一碟豉油 淋上去撈下就食得。面好有口感 因為好厚好粗身。基本上成個味道重點就係個豉油。不過順帶一提，真係幾多油。。。三杯雞$68，食得出好大陣酒味，雞肉係用雞翼開半，三個人 每人食到三四舊，仲有好多薑蔥蒜舖底。士多啤梨蜜糖吐司$78，製作時間要預20-30分鐘 所以我地都係食到咁上下先嗌，雪糕上面d細細粒棉花糖好好味 好咽韌！如果面包可以用多d蜜糖就好，本人覺得唔多甜，但屋企人都話ok好食。其實茶木我都係第一次食，德福呢間d員工睇得出係比較年輕 比較新，所以服務質素唔係好高 動作慢咗少少。。。

茶木越開越多, 間間都咁多人, 連呢間新開的九龍灣分店都唔例外, 因為今日可以早少少出去食, 諗住唔使點等位, 點知.... D人好似唔使返工咁, 11:45分已經全店爆滿, 即係話要等下一輪番枱先有得食, 無法啦, 我同我個FRIEND都想試, 唯有傾住計等.終於入得去了, 佢D位都坐得舒服, 唔迫挾, 因我唔太肚餓, 叫左個甜品芒果雪糕吐司食, 但個SIZE都幾大, 不過好好味, 成個吐司係塗滿蜜糖烘過, 好脆, 打開裡面仲幫你切埋粒, 岩哂我呢D懶人呀!另外叫左杯芒果椰子珍珠特飲, 重椰奶味, 呢度D珍珠幾好咬口, 味道幾香甜, 唔錯. 如果唔係咁多人排都不失為一個幾好的聚腳點, 午膳用餐時間會限為45分鐘. 

一直很想試試在德福只開業了個多月的茶木，但lunch time都總有不少人等位，今日只等了大約20分鐘，還可接受。Lunch time當然唔會食大熱嘅toast box啦，我地五人都點了不同的lunch set，今次我只評我自己的那份lunch set。在鹵肉飯和新竹米粉中，特地選了較輕宜的米粉，餐點送到時見到碗米粉勁多油，oh my goodness!! 炆雞同上湯菜都有不少油，只好拿一碗水，先浸一次水去點油再食啦。不過下次再有機會還會再試茶木的甜食,鹼食就。。。