茶木‧台式休閒餐廳 (德福廣場1期)

營業中

休息中

約好友到九龍灣逛街，近中午時間，趁人潮未到，先去呢間人氣店攞飛排隊，5分鐘就可以入座（之後唔使15分鐘，門已經谷龍）坐靠牆二人枱！草綠梳化椅加淺木傢私！好家庭feel!店員提醒有時間限制！午市套餐都唔錯！一人一個！店員有禮，食物好快到！午市B餐（$83）酥炸雞排麵：雞扒竹籃盛載，炸得鬆脆，雞肉嫩滑，鹹香好味！扁身麵彈牙！湯底好濃，牛味濃，加上芫茜香菜吊味，好味！熱帶水果茶：熱飲，玻璃壺內橙色果茶搶眼！壺內好多水果，不過味道偏酸！午市A餐（$66）前菜：九層塔炸小蝦，朋友食，試咗連殻小蝦，炸得太乾，殻雖然脆但肉太乾！蝦肉又無味道！九層塔太少，一啲都唔香！差！主菜：話梅蒸豬手，朋友食古早肉燥飯：朋友食飲品：胚芽奶茶，朋友飲！食物不錯，店員有禮，招手好快回應，講嘢都斯文！談天說地嘅好地方！

難得與好姊妹行德福廣場,一場下午茶是女生們指定動作啦!休閒式的茶木館是一個不錯的選擇啦,食物種類多元化~半開放式的的餐廳好吸精呀,即使是4-5點人流依然近滿座狀態!但我們也很快就座~1.酥炸雞排麵($68)主打鮮濃牛肉湯底的手作麵,一上枱就是一陣牛肉清香,而麵是較一般麵條粗,食下去較有咬口,配上牛肉湯上的芫茜、酸菜、蔥(前提系您要食得這些配料,),令我大口又大口地食炸雞排是鬆脆無比,就是炸粉多了少許,配食牛肉麵的口感甚為一致~2.綜合水果茶($38)色彩鮮艷的水果汁(似是檸檬、橙+西柚的汁底),加上多元化的水果肉粒(青檸、干梅、藍梅、士多啤梨、火龍果等),令整杯的水果味不但有檸檬的酸,更加入了一股清流,還有水果肉食!如果怕食油炸物的美女們就一定要叫杯啦~保證你身心清涼無比!

平時黎茶木每一次都係食蜜糖吐司！呢到嘅蜜糖吐司簡直就係我嘅最愛不過今次就係見到午餐幾吸引所以入嚟嘅。呢個午餐大概加埋一都係七十零蚊到，就有三樣嘢 揀咗係茶木最愛嘅牛肉手工麵！佢嘅面真係好好食！係好堅實嘅質地而且好彈。就算細細碗都好咁飽肚！上面有一片已經浸到好林嘅牛展。有好香既牛肉湯味添！話梅豬手有三大嚿！豬手肉質唔會太林，好有咬口！而且d話梅汁酸酸甜甜咁樣，好開胃！個人覺得呢個餸配牛肉麵真係一流！最後一個番茄魚湯浸時蔬。蕃茄湯底都係開胃嘅選擇。未試過咁樣用番茄魚湯浸時蔬。其實唔係好想像到！但結果出來都真係幾好食！唔會話蕃茄同菜味好唔夾！而且仲好似幾健康咁添！

襯假期同男友周圍行下街，見到呢間冇嘜人，又唔等位，就入去試下，叫左三樣野，1.墨汁奶油花枝手作麵，花枝有點難食，墨汁尚可，幾彈牙，2.炸雞排肉燥飯，雞块好香口，肉燥過咸，3.台式滷味拼盤，肉好咸，又冇汁，唔好食的，因餐廳限時，匆匆忙忙食完又要走了

上星期同同事去德福搵食, 估唔到12時15分來到茶木都需要等10分鐘左右. 其實眼見入面有好多位, 應該係職員太忙未能安排入座.這間地方都幾大, 今次安排坐到卡位幾舒服. 此終午飯時段枱與枱都係好近距離架啦.午市都有幾款午餐選擇; 一般都由$6X-$8X不等(另收加一)當中有一款午餐都幾吸引就係由飯/麵選; 再選一款主菜同配菜跟一杯飲品都係$66, 岩晒想食多幾款口味既人士.同事選左: 花枝丸; 肉躁飯+魚; 我就選左鹽酥雞; 牛肉麵+魚.唔知點解我同同事都係叫魚, 但2個賣相都差咁多.講番我份午餐; 份量十足, 特別係個主菜魚塊真係有2大片厚厚, 無腥帶少少甜幾好味, 最正係個鹽酥雞炸得香脆唔油, 最後個牛肉麵都唔錯. 雖然得一片薄薄既牛肉, 但我幾喜歡個麵條, 反而個牛肉湯底偏甜無咩牛肉味..不過整體上來講味道都唔錯.地址:九龍灣偉業街33號德福廣場一期L1樓G53D舖

週末同老公兩個人德福行街，行到差唔多六點，本來冇諗住咁早食晚飯，但諗到一過六點後就會開始大排長龍，於是就向一直好想試但無耐次次都要排長龍放棄冇食嘅茶木行去，好彩時間尚早唔使等位叫佐個台風美食三杯雞+沙律+綜合水果茶、台式三味小食、草莓蜜糖土司三杯雞味道就不過不失，綜合水果茶好好飲味道好清新流心蛋味道唔錯，細蝦偏油小小，不過幾香口，菠蘿骨都好味最好味都係個甜品，上層雪糕➕cream好滑，下層吐司炸得好脆，蜜糖味啱啱好，唔會過甜好滿足開心的一餐飯，會再幫襯

The decor of the restaurant is really nice and friendly so there's a good atmosphere overall. The food is pretty good also. I usually get the minced pork rice. I got the noodles once. Yes they were tasty but when you consider serving size, it's really expensive. The crispy chicken is like 60+hkd, are you kidding??? The noodles I had were very poorly cooked, I assume it's because it was at the end of the day. The taste and flavor a were great but the undercooked noodles kind of ruined it. I guess

茶木我都係好耐之前食過一次, 而家愈開愈多, 不過都係咁多人排隊, 九龍灣呢一間唔算多人, 等2張檯就一於等下佢啦古早香腸肉燥飯, 台灣腸煎得幾香, 不過切厚小小會有口感d, 唔通古早味係咁?肉燥份量幾好, 飯就唔夠熱, 不過整體都唔錯花枝麻醬麵, 花枝份量好多, 同餐牌睇到既一樣, 仲有好香既花生, 麻醬同我出面食既唔同, 更右濃味, 撈埋茶木自己既手工麵, 好正古早味三杯雞, 上既時候下面有個爐坐暖佢, 賣相唔錯但係味道真係好普通, 雖然份量好多, 味道好淡, 唔係好夠味道! 

第二次來試這間茶木，今次不試甜品，主要試試它們的主菜。蚵仔泡飯，新鮮滾熱辣，肉碎、香菇粒、蝦米、魷魚絲，香甜味足。內子兩次來也點這道菜，可見吸引程度不低，筆者雖然不喜歡蠔仔，但亦忍不住吃了一小碗走蚵仔版的泡飯，好味！滷水拼盤，和潮州的版本相比色澤較深，但整體上亦不算太鹹。肥豬肉肥瘦軟硬適中，入口香而不咸；牛𦟌厚身，香嫩不韌，好味；豆腐皮沾有滷水汁，變得很香口，豆腐入口算是香滑，不錯；雞翼略硬身，味濃；雞腎味濃好𡁻口。整體上比潮式的更有滷水香。沙茶牛小排其實味道就類似是小菜的薑蔥炒牛仔骨，分別在這裡用洋蔥。但沙茶夾雜洋蔥來炒，竟有少少酸(？)，筆者和內子又不喜歡吃洋蔥，因此味道不算吸引。牛仔骨的骨其實略為多，幸好鑊氣加上沙茶汁味道搭夠，整體上中規中矩。辣子雞丁純粹是筆者好奇想試的菜式，雖然與沙茶牛小排一樣有一隻辣椒，但實際上這個雞丁的辣是麻辣，辣度不弱，內子試一口已經不吃了。雞丁本身是四分一隻雞翼斬件然後加上香料和紅辣椒一齊炒，入口味香、略乾，重點是越吃越麻辣。表面看賣相似乎十分辣和多，實際上辣是的確比沙茶牛小排辣，雞丁的份量大約有十三、四件，即約3至4隻雞翼的份量，不算多，喜歡麻辣的朋

一向都知食呢間要好早拎飛，否則有排等！難得今天天時地利人和嘅配合，等了2張枱就可以入座！yeah!!天氣咁熱，首先叫返杯綜合水果茶飲下先，呷一啖酸酸甜甜果茶，食一粒果肉，暑氣全消！小食點了呢款蒜味麻辣豬耳朵，咬落爽脆豬耳絲，卜卜聲好過癮，味道都算幾辣但絕對接受得到！另一款必食之選當然係紅燒牛肉麵，濃香湯底配以3舊腍滑牛肉，而麵就似刀削麵，滑滑地幾易入口，而配菜嘅蘿白亦入晒湯味，淸甜冇渣，正！唔叫咁多食物，留肚食呢款芒果吐司，賣相相當吸引，面頭配以芒果雪糕，吐司夠香脆，一齊撈埋食相當滿足！

想食台灣野，但又想食得平啲，咁樣可以去試下「茶木」！今次點選了「酥炸雞排麵$54」，「台式滷水拼盤$58」，「綜合水果茶$34」。「酥炸雞排麵」既雞排同手工寬麵會分開上，咁就唔怕會比湯浸到軟身，雞排味道剛好，不太覺得油膩。手工寬麵就比較靭身，好似煮麵時間不足。「台式滷水拼盤」係較抵食既小菜，當中包括：半隻糖心蛋，兩隻雞亦，黑油鴨腎，台式醬牛肉，滷肉，滷豆腐。味道剛剛好，好有滷水的咸道，但糖心蛋只得半隻，略為失望。食左咁多野，飲返個「綜合水果茶」就好不過，混合了鳳梨汁及多種水果，令到整杯既味道都甜甜酸酸，好有消膩開胃既感覺！

台灣食品一向是港人最愛之一，呢間吸引我的反而是西式甜品門面設計有特色、近門口有幾張露台式的梳化枱，感覺非常舒適，內裏非常整潔，係有少少窄未食甜品，先黎正餐，肉燥飯正路必須點的項目，肉燥飯最重要講求唔好太油，往往食到一口是油或剩低係個碗底，不過呢個當然難唔到佢喇，再來一個自家推介的辣牛肉麵，第一口我已經咳，嗜辣的一定知道，越口水鼻涕就越刺激，湯的確是濃味、肉的確是鬆軟，pass!重點反而是甜品，西式甜品，烤多士再加雪糕，回味無窮，一定要留肚，否則食唔晒這個咁heavy的甜品，特飲就一般般喇，或許點錯了檸檬，我就嫌太酸了

難得今晚屋企齊人, 真係唔想媽咪煮飯, 於是大膽提議叫媽咪今晚唔好煮, 同全家人去食台式晚餐, 特別早一陣子屋企人去左台北旅行, 話好掛住台灣美食。我就揀左茶木。茶木係香港都好多分店, 我就揀左德福商場,當晚六點半時去到, 我地一行4人不用等位可以直接入去，待應都好爽快奉上4杯溫水。我地就點了以下4個晚餐 :酥炸蚵嗲台式滷味拼盆地瓜燉嫩牛腩櫻花蝦泡高山菜(無晒高山菜, 變左菜芯)套餐亦可以選擇甜品或沙律, 我們都選擇了沙律。講下食物先 :沙律 : 菜夠新鮮, 而且份量, 食晒成個沙律已開始有飽肚感酥炸蚵嗲 (大大份, 而炸得好鬆口, 沾上醬汁, 配搭一流)真心推介台式滷味拼盆　 (份量ok, 滷水味夠濃)地瓜燉嫩牛腩 (地瓜唔算好多, 但勝在夠入味, 牛腩唔係最嫩的地方, 反而欣賞牛根, 有驚喜)櫻花蝦泡高山菜(無晒高山菜, 變左菜芯)首先6點半去到竟然無晒高山菜已經覺得出奇, 無法子下唯有轉菜芯, 雖然菜芯都新鮮, 但配上高山菜先係最佳拍檔呢 ! 櫻花蝦夠大隻, 連我平時唔食蝦都食到有蝦味 !

聽朋友講德福開左茶木 自己又未食過好啦就約埋一行3個人出發喇好喇...一黎到等左大約20分鐘就有位喇第一道菜 我地點左 沙拉骨 同埋 抄四季豆沙拉骨 好味道 小小咸 加埋沙拉 好味道而抄四季豆 加埋辣椒去抄 唔好太辣 好野味之後都點左好多野 唔記得太清楚了但係 台式蠔餅 烤得有點多油 有成口油既感覺。 可以再改善一下次後更係要試下佢地既招牌甜品啦就係 芒果味既蜜糖磚喇三個人岩岩好呢次體驗唔錯 下次會再黎幫襯

 雖則係話食台灣嘢，個意粉都做得幾精緻，一來個賣相已經幾好，忌廉汁好香滑，有D 蝦仔做送，少少脆，又好惹味，再埋上幾片煙肉再調一調味，令到滑溜的忌廉汁十分豐富。其中好足料的菇仔和洋蔥，令到口感煙韌的意粉之中有多少少爽口。呢杯係ROSE LATTE，賣相真係冇得彈，個杯杯又靚，用個小木碟盛着，放個小曲奇，唔係只用來裝飾的，係好乾脆的曲奇，唔油膩，又有幾粒NUTS，好好食。個LATTE飲落甜甜地(太會太甜，這點我覺得很好)，個奶泡打得好細密，好滑，有淡淡的玫瑰香，但係冇我想像中飲到玫瑰味，而且都幾細杯，可能要叫兩杯先夠喉。層炸粉太厚了，好似係三分之二係粉，三分之一係肉，而且又冇雞味喎，勉強先食到兩舊。但平心而論，個汁個味係幾好。