茶木‧台式休閒餐廳 (德福廣場1期)

營業中

休息中

一直時常聽說茶木不錯，今天lunch則行過九龍灣茶木，決定一試。餐廳裝修具式風味，舒適休閒。食物方面可選set lunch。第一次吃總想試台灣牛肉麵，於是點了它及黑糖薑茶。不稍5分鐘先來了黑糖薑茶，不錯，微甜帶辣，薑味濃，冬天喝剛好。麵呢，湯底有濃濃牛味，牛肉麵帶筋牛肉香口彈牙，肉燉得很軟，麵條亦彈牙有嚼勁。總括而言，湯、肉、麵三者是無縫的搭配。

約了朋友在九龍灣食晏，她提議去茶木。原來新出了套餐，都唔錯！環境唔錯，幾光猛，坐位都舒舒服服，最適合同朋友傾計！午市套餐有幾個選擇，我揀了三杯雞既餐，可以合併另外一款小食，又可以揀肉燥飯，味道唔錯！雞既肉質比較乾身！他們用了台灣三杯雞的醬油煮，令我唾延三尺！配上小食墨魚丸同魚仔，墨魚丸彈牙，魚干仔味道郁，加上一碗肉燥飯，恰到好處！我把整碗飯都食光了！可惜姜母茶太甜！如果可以較淡些會比較健康。

After my boyfriend finished work, he took me to teawood for dinner before going to the flower market. We quickly ordered our food so we can go as soon as possible. Our drinks arrived first, my wheat milk tea tasted like Taiwanese milk tea; it was very tasty. The orange and passion fruit soda was very sweet and fruity. My boyfriend couldn't take the sweetness. My favourite stewed beef noodle was very yummy. I love the flavour very much but it was a bit oily. The beef was meaty and soft. There

尾尾喺九龍灣同媽媽行完街搵食，正煩惱食咩好，媽媽就話想試下台式嘅吐司甜品。即刻諗到茶木，可以食晚飯加埋甜品！因為怕要等好耐，所以我地6點幾就去攞位，好彩仲有幾張二人枱，等左5分鐘就可以入座，不過有90分鐘時限。因為要留肚食甜品，所以我地只係叫左香煎沙朗肉燥飯。媽媽一向好怕食到肥肉，當初仲驚肉燥唔啱食，好彩呢度啲肉燥惹味又唔肥！尾尾好鐘意食溏心蛋，但今次唔係好夠入味，普普通通啦。至於沙朗就令我地喜出望外，睇落以為好韌，點知原來好入味同腍！甜品即叫即做，所以我地食到咁上下先叫草莓香草蜜糖磚塊。等左10分鐘到一個賣相好靚嘅蜜糖磚塊就黎啦。蜜糖磚塊夠脆，混合雪糕同cream真係好好味！連媽媽唔太好甜品都話好食  有3層吐司，頭兩層已經砌成一粒粒蜜糖磚塊，好容易食。第三層冇砌，只好平均分左佢。難得嘅係連吐司邊都好脆！不過份量都幾大，兩個人食其實都幾多...如果4個女仔食可能會好啲，而且冇咁多罪惡感

星期五在德福找地方晚飯應該會幾辛苦，筆者卻剛好在附近OT，內子就一邊逛商場，一邊等位，慶幸不用等太久就可以入坐。由於久聞這裡的甜品不錯，所以筆者選了較輕量的主菜香辣牛肉麵，內子就選了蚵嗲肉碎泡飯，我們另外選了地瓜炸花枝餅作為小食。  麵來先喝一口湯，沒想像中辣，有紅蘿蔔及點點酸菜，又甜又有牛肉香；麵條是筆者不太愛好的扁闊麵，雖煙韌但會有點黐牙；牛肉筋位略多，不易咬及會攝牙罅。整體來說，味道配合得不錯，但需有牙力趙。 蚵仔不是筆者喜愛的食物，內子就吃得津津有味。蚵嗲肉碎泡飯料很足，除了蚵仔，還有肉碎、蝦米，海鮮味濃，內子十分喜歡。  地瓜炸花枝餅這味小食相對較熱氣油膩，不過夠新鮮熱辣，點上伴隨的XO醬，格外惹味。 輕食的主菜，就是為了留力吃這個聞名的甜品 ─ 石板街朱古力蜜糖磚塊，多士上的雪糕、忌廉固然是一望而知其甜，最令人驚喜的是每層多士除了有預先切件外，每塊多士甚至連包邊都搽上點點蜜糖，單吃多士邊也不會覺得寡，朱古力醬、棉花糖及士多啤梨就更加錦上添花！ 原以為蜜糖磚塊會較乾，所以點了這杯黑糖薑母拿鐵送甜品。這杯拿鐵其實無甚咖啡味，感覺更像是加了奶的黑糖薑母茶，在吃了甜品後，感受

以前成日都好想食茶木的,但一見到咁多人等位都怕男朋友塞車未到，見唔係好多人等，便滿懷希望試一試 果茶,甜道剛剛好,果味可以再濃一些,水不夠熱炸排骨,腌得入味,肉質夠滑,賣相差了點,可以一試面條煙韌+彈牙,炒意粉式的手作面,全晚最推介這碟了鹵水拼盤,普通鹵味,不過不失，可以不試。豆腐 腩肉太邪惡蜜糖麵包磚, 賣相美麗第一口食確實覺得好好味,有香香的蜜糖味,外脆內軟 但個人不喜歡上面果球雪糕，令面包不冷不熱的,又易變淋只有中間的粒粒才食到，面包框焗得太乾太硬了,感覺有點浪費呢環境十分嘈吵,嘈過酒樓,服務態度差,食物普通埋單$4xx 兩個人

星期日比細佬拉去食茶木，其實本身同呀媽飲茶，一路飲一路等本身都唔係話好想食邊樣野，不過聽到有麻醬麵就試下徐太宇的麻醬麵 $68好大碗麻醬，而麵就係扁身嘅，有啲魚肉、花生同青瓜，整體係幾豐富食果陣麻醬帶有好濃嘅花生味，初初都係夾一啖麵落麻醬到食，最後索性倒麻醬落麵到食始終分開上係呼應番徐太宇嘅習慣，個人都係覺得不如溝番埋一齊食仲直接XD事實上麵嘅份量叫做啱啱好，只係溝埋麻醬所以會有飽肚感而細佬叫左個香辣牛肉麵，特別之處係用同麻醬麵一樣嘅麵條，同埋有大舊蘿蔔加薯仔，不過個人覺得黎茶木都係試下特色野好啲

茶木d甜品一向好出名，今次就試左草莓義式冰淇淋奶酪，4x蚊，價錢有點貴，不過值得一試。賣相非常正，用朱古力條做點綴食得又睇得，奶酪上的裝飾葉俾人種清新既感覺。味道方面，士多啤梨甜味突出，奶酪味道濃郁，同雪糕一齊食重正。另外，因為有我的少女時代戲票，麻醬麵有半價，超抵食。刀削麵口感有別於坊間既麵，配上魚片、青瓜、花生等味道一絕。將麵同麻醬撈埋一齊食重正，麻醬的花生味十分濃郁，令人回味無窮。

中午要到德福買野，見這間很多人排隊，所以便試下。和老公一人叫了一客午餐。我的芒果爐魚柳加肉燥麵，有芒果味但不夠咸味，但魚炸得很 香脆，好味。肉燥面面質好爽，湯底好濃，但面太少。另一客是牛坑腩併肉燥飯，牛腩很軟很入味，但肉燥太少，不夠撈飯。最後叫了杯黑糖 薑茶，好味不太甜。

陪媽咪係德福買野 行到累 佢話去茶木坐下先再搏殺過。芒果蜜糖磚 其實呢個甜品 我完全諗唔通點解阿媽咁歡喜 佢的蜜糖磚係焗得唔錯 好香脆 唔會太硬 但是 配料中的芒果雪糕 係香精味雪糕 忌廉唔滑 芒果肉浸透了糖漿 整個甜品 我只是食了兩口面包。香脆炸花枝 賣相唔錯 一入口 硬到根本咬唔開 炸粉洋溢 我肯定勉強食左冇幸福。熱帶水果茶 其實冇咩特別 只是正常的紅茶包配上果汁 但已經係最令人滿意的一樣。埋單後 我同媽咪講 下次可唔可以揀第二間。

行街行到攰攰地, 就響商場搵地方坐下食野, 茶木好多地區都有分店, 可以一試.主打台灣美食, 所以茶類唔少得, 所以要左杯"洛神鳳梨綠茶"($34), 綠茶味淡淡地, 反而鳳梨味重D香D, 幾解渴."紅燒牛肉麵"($58), 湯好濃香, 牛肉炆得腍但不失牛肉味, 麵質幾彈牙煙韌, 配菜入晒湯既精華."芝麻奶酥吐司"($32), 賣相夠特別, 芝麻味夠濃, 吐司夠香脆."奶油酥吐司"($32), 呢款傳統D, 不過吐司表面都好香脆, 不過包里面夠軟熟, 奶油味香.

食茶木, 除了講心情, 仲要睇埋時間! 咁岩今日放假又搞掂晒D私務, 拎飛後只需等2張枱, 就一於棄壽司而食台灣料理每次食茶木, 頭呢2樣係必叫 :1) 紅燒牛肉麵湯底較朗豪坊分店無咁咸, 牛肉始於都係咁軟滑, 一入口就化開, 蘿蔔就食唔到鮮甜味, 但好彩無渣2) 綜合水果茶味道酸甜, 有少少似益力多味, 有多款水果粒咬下, 每杯有2粒甜話梅, 今次呢2粒浸到無晒味, 有D失望3) 糖心旦肉燥飯隻糖心旦口感幾好, 而個肉燥味道唔會過濃, 用黎送飯唔錯4) 芒果香草磚塊蜜糖吐司食完主食, 見仍然有空間可以比甜品, 於是就..........................哈!回想起第一次食時, 上枱時見到佢都不期然發出......................."哇"一聲, 份量足夠3-4人食, 邪惡程度................中上級!!入座前, 侍應提醒用餐時間為90分鐘, 送餐速度都算快, 兩個人都可以好優閒咁用餐^^

太太好友帶著女兒相約我們一日遊。重頭節目乃是到太空館看天幕電影，接下來一行人就乘車到九龍灣內的大商場四處跑跑。跑到咁上下，是時候去祭一下五臟廟了....到了德福那邊，就算是平日亦四圍都是人。來到"茶木"門口，依舊仍然要等。這樣一等便是半個多小時....最後卒之能就座。不及細想，馬上便叫至滿檯皆是食物....柚子南瓜茸沙拉有小朋友在自然就要叫道沙律讓他們吃多一點菜蔬。沙律菜算是夠鮮爽，菜葉皆帶微濕潤色水亦翠綠。個人很少有機會吃到冷的南瓜茸，好像有點不太習慣的，而其甜度也沒想像中高及濃，算是失色了；柚子的酸和其他材料配合起來口感算是相當搭調的，這應是本菜的唯一亮點....牛肉麵記起第一次來此光顧時也有點了這個。基本上味道和上趟嚐到的相差無幾，湯底雖不甚濃郁但勝在手打的麵條夠晒煙韌而牛展肉是炆得既鬆化而軟淰，只要輕輕用筷子一分就斷開....至於缺失方面則是伴麵的白蘿蔔是偏硬兼有點渣及筋....阿嫲手作蔥油麵所用的麵條跟前述的牛肉麵是同一種的故此其咬口自然亦不會差；舖面經炸透過後的乾蔥樣子尤如一扎稻草一般，縱使質地是又乾又柴口但卻能滲出一點油香來，吃起來有些似在吃豬油渣一樣。配合著黏著蔥油的粗

牛肉麵份量極少，舊牛肉好似香口膠，趙極都趙唔爛，麵大概只有2口份量，價錢居然要70多元！朋友叫了酥炸豬排，入面竟然未熟和見紅，其餘小菜味道亦非常普通，令人失望～

從茶木第一天來香港，全城熱烘，Facebook上不停見到朋友洗版式的甜品照片，看像很漂亮，但一直也沒有興趣光顧，因為太不喜歡排隊（要知道開張之初，經常閒閒地都十幾廿人排緊隊），更不喜歡被限時限刻，不能好好享受食物，感覺食店尤如只供「到此一遊」。這天午餐，朋友說來這裡。由於剛好過了午餐時間，午市人龍散去，雖然店內仍幾乎坐滿人，但不用久候便能安排入座。座位算是舒適，但音樂配上周遭人聲，其實很嘈吵，對我來說比快餐店更趕客。若然想與朋友坐得舒適一點傾下偈，可選擇的地方實在太多。時間所限（入座起計限時90分鐘），還是趕快點菜。餐牌像一本雜誌，食物照片看來也是專業食品攝影師的作品，讓人涶延三尺，還有選擇困難症，因為照片裡的食品、飲品都很吸引。看圖識字，太多東西想吃，但又吃一點有熱湯的，來到台式食肆，就每人點一個「蚵嗲肉碎泡飯」，餐牌上的圖片也很吸引呀。誰知實物來到，賣相也相差太遠吧！湯太多，芫茜像求其灑上去。好，賣相不行，就試試味道。噢！太鹹了！蚵仔粒粒飽滿有咬口，可惜有沙；飯算可以，沒有浸得過份腍；湯就真的太鹹了，味精太重。由於剛過了午餐時間，沒有午市套餐了，但另外點了飲品。我選了水果茶，朋友選