茶木‧台式休閒餐廳 (德福廣場1期)

營業中

休息中

今日星期六，不過可能其他人覺得等位等得耐，我地原先要等十幾張枱，點知最後等左唔洗廿分鐘就有位啦限時入座九十分鐘，夠哂啦呢間茶木既裝修好靚，我地仲要咁岩有卡位，坐得好舒服第一次叫鹽酥雞，比想像中好食，唔會太多粉不過份量就真係好少啦個飯唔錯，肉燥唔會太鹹份量都ok黑油雞翅麵真係有d油，食完之後成嘴都係油不過雞翼就大大隻，好味最後當然唔少得茶木最出名既招牌甜品-蜜糖磚塊啦。份量好似比之前少左d不過好夠蜜糖味，但係又唔會過份甜

喺九龍灣睇完戲之後，周圍都好多人排隊等食嘢，咁啱茶木有位，於是就入咗去食啦。我哋兩個人總共叫咗三樣嘢，分別係紅燒牛肉麵、香炸雞扒麵及台式滷水拼盤。食物等左15至20分鐘左右。紅燒牛肉麵味道香濃，蘿蔔同牛肉都好入味。牛肉總共有三舊，肉同埋筋嘅比例好好，配合埋粗面，口感非常好。香炸雞扒面嘅湯麵同紅燒牛肉麵嘅係相同，湯底都非常濃郁入味。而雞扒嘅份量都幾多，一個人應該都食唔晒，但略嫌雞扒嘅皮太厚，成塊雞扒只有薄薄嘅一層係肉。滷水拼盤嘅份量都幾多，底下有花生做配菜，用來餸拼盤都幾開胃，滷肉都非常入味不錯。

卡邦尼手作麵（4.5 /5 ），首先我好鍾意佢地嘅麵質，好有口感唔會好淋，份量較其他係香港開嘅台灣店多，另外個汁調較得岩岩好，唔會好溜～ 值得再返食～台式牛肉麵（4 / 5分）， 個牛入口即融👍🏻，個湯就無台灣食咁濃 ，但都好香同唔錯嘅，而個麵依然喺好有質感嘅手作麵（my飛佛），值得一試～芝心雞翼（4.5 /5） 好味！之前未食過呢個配塔，原來都幾夾～ 芒果麵包磚（5/5） 個麵包食到最後都keep到好脆～ 四個人食岩岩好！坐位都好舒服，店員服務態度都好好，如果價錢便宜點就更好啦

god mother celebrate 🎉 birthday Every where is over crowded I have tried many different restaurantsFinally only TeawoodWait for only 13 tables Luckily my god mother has not been here before I look through the whole menu A ginger fed Taiwan duck 🦆 She said that if this is really fresh Taiwan ginger duck Should be ok the duck is tasty No smelly at all God mother is happy 😊 I love ❤️ the meat too Around 6-7🦆pieces All with bones Not too soft Still in good condition not over boiled The soup is sweet

My sister is fan of this Taiwan style elegant cafe Or stew beef noodles shopat TelfordTea wood is always busy Tonight I wish something lightly since she My sister is very smart in choosing restaurant I am confident and I will order the 65$Taiwan 3 small dish And I am astonished that the portion is so much Smoked egg was a shanghaied special way to cook egg This was my favourite I swallow the red orange half boiled Sweet eggthey named her Sugar ❤️ heart eggs I called her smoke sweet shanghaied egg

曾幾何時都係茶木常客，試過一星期食三四次😅嗰陣最近係旺角分店，成日心思思想去，宜家越開越多，反而又冇咁吸引，人都係咁犯賤...食過兆萬/瓊華/中環/尖沙咀/荃灣/淘大分店，今日第一次嚟到德福，其實咸野冇咩特別想食...有時我都有懷疑過自己，70蚊一碗麵係咪唔應該咁多要求🤔嗌左個豬軟骨麵，都幾大陣陳皮味，燘得好腍，味道濃，個麵係ok嘅，始終手造唔係即食麵餅。但好老實講，平時翠華五十幾蚊嗰個豬軟骨好味好多(雖然翠華質素都好唔穩定)可能係因為本身燘豬軟骨已經咸，個湯又咁濃味，令人有種好膩嘅感覺。呢個先係每次嚟茶木嘅重點，雖然宜家好多地方有得食，但唔係間間分店都整得好架😩有時塊包會烘得唔夠脆，有時啲多士粒又唔夠甜。今日蜜糖落得勁均勻！！啖啖都有味非常滿意！茶木近年擴張得太快，menu成日轉，加價又厲害，個多士由$6X食到宜家$80，兼且間間menu都有出入，做得連鎖嘅點解可以咁樣呢... 同埋最主要係味道keep唔到，品質控制仍要下一番功夫。

幾個月無來食，甜酸肉味同以前唔同左，又細份左，個汁唔夠酸味，可能心情唔同，食物都唔同味道。沙律仍然保持佢的新鮮，差不多每次都會叫👍🏻👍🏻👍🏻。蠔餅就真係太多粉，大就好大碟，個樣仲炸得好靚，唔似千年油，食落亦好脆，蠔仔亦幾大粒，但實在少得可憐，數埋都唔知有無十粒蠔仔，較為失望👎🏻👎🏻杯紫薯飲落好像係有好多紫薯打的，算唔錯，飲完覺得好飽，以前差不多當茶木係飯堂，隨著天變地變人變，已經好少來

餐廳嘅麵似乎麵係獨家製作嘅手工麵（闊身麵），無論係台灣牛肉麵，抑或西式意麵都用上彈牙滑身嘅手工闊麵。我尤其欣賞佢嘅意麵，汁料香濃，每條麵條麵沾滿汁料，每一口都有豐富嘅味道。

Eat in season are the best both for flavor and health. It is time to eat Beef Brisket in autumn and winter and so I ordered a bowl of Beef Brisket noodle(Little Spicy). The noodle was very hot but there already had quite a thick layer of oil on top. There were three large pieces of beef brisket which was braised to very tender or I should say very soft and so gelatinous that I ever ate before. It was deeply flavoured and salty but this was not my flavour I like very much. If someone like t

已經很久沒來了，因為要大排長龍，所以每次想吃都卻步。今天Lunch hour經過，見人不多，便坐下。點了壺熱的水果茶（$38），微暖，入口溫度剛好。友人要了冰的黑糖珍珠奶茶，偏甜及重奶味，比起平時喝的珍珠較煙韌。今天我特別想吃鹽酥雞（$64），這是其中一樣招牌菜，誰不知令人失望。炸得過時了，有點硬，不夠鬆。相反，地瓜炸花枝餅（$64），啖啖墨魚肉，大大粒很有口感👍🏻友人點了紅燒牛肉麵（$74），總算在這回合拿回一分。牛肉已經淋透了，麵同湯底才是重點，濃濃的牛肉香味，台灣麵的味道湧上心頭。

每次經過九龍灣德福廣場既茶木都超多人排隊，今晚專登同屋企人早d黎到，等左兩張檯就到喇，而且有卡位坐紫芋沙冰 / 草莓慕斯卡邦尼奶油培根手作麵味道唔錯 都幾重奶油味蠔餅好大份，一碟足夠4、5個人食，炸得好脆口，鍾意食香口野就啱晒酥炸花枝味道啱啱好，份量適中滷水拼盤台式料理點少得滷水拼盤，醃得都幾入味，尤其牛展，入味得黎仲好淋最後點少得甜品大大份可以一齊share食物望落比較精緻，味道衣唔錯，當然最最最吸引就係甜品啦，每次都係必點

同朋友叫咗鳳梨甜酸肉套餐跟白飯，麻醬水耕菜沙拉，同埋一個香煎沙朗肉燥飯。鳳梨好甜，入面仲有士多啤梨同埋藍莓，成個汁都幾好食，酸酸甜甜個肉燥飯真心好食，塊牛好嫰，啲肉燥汁好下飯，而且分量好足，推薦大家試試

平時好少會有機會同媽媽出街食飯，因為佢始終都覺得出面食野又貴，又多味精，唔健康。今晚呀哥話要出街食餐聖誕飯，所以媽媽就揀左食台式野，茶木啦。今晚我地算早出門口，6點左右就去到茶木，唔駛點等就已經可以入坐啦。媽媽因為少出街食野，見到咁多頁嘅餐牌都唔知叫咩好，所以呀哥就揸主意叫菜啦。最後決定叫兩個主菜，三個小菜同一個甜品。個泡飯我覺得湯多左啲，整體黎講清清地咁，都ok嘅～卡邦尼個汁好“杰”身，食得多會覺得好膩。蚵仔煎好大塊，蚵仔量唔算多，有兩個醬沾，不過好油膩下，食左兩啖已經唔係好想再食啦。因為我本身唔係好食得辣，所以個紅油炒手對我黎講好辣下。菜苗味道都唔錯，係略嫌油多左少少。最後就係甜品，其實原本食完啲菜已經好飽嫁啦，不過人地不嬲都話食甜品係用另一個胃嫁嘛，所以我又真係食得落喎個吐司唔算好甜，份量亦唔算好大，不過不失啦。

今日同同事去飲下午茶嚟咗茶木點左兩杯野飲我點左杯芒果蘆薈蜂蜜味非常香仲有沙冰同芒果肉喺面份量亦都非常足夠咁嘅價錢算係唔錯同事點左杯凍嘅mocha賣相同味道都不俗休閑下午茶之選

茶木水準一向唔錯呢間分店亦都唔例外黑麻油雞翼非常入味亦都唔會太濃杯檸檬愛玉非常開胃值得推介滷水牛展亦都非常獨到 厚度啱啱好配埋伴上嘅青瓜食 簡直一流今次都有試到佢嘅甜酸排骨 水準比大排檔更加有鑊氣下次會在返嚟食