茶木‧台式休閒餐廳 (德福廣場1期)

營業中

休息中

茶木已經開到差唔多周圍既地方都見到佢既蹤跡, 但從來好小去呢到食飯, 因為成日都見好多人係到等位。 今日與好友相聚, 剛好見到冇咩人係到等位, 於是決意到呢到食啦…..環境都幾舒服, 座位都幾寛敞, 好適合同一班朋友一齊歡聚, 但係只得90分鐘既時間食, 所以我地就好快咁點左幾樣野食:滷水拼盤滷水味道都幾濃, 豆卜好入味而且唔太鹹, 牛展加入滷水更加突出牛既味道, 滷香軟滑, 雞翼同五花腩既味道都唔錯, 而五花腩煮到肥而不膩, 值得一試。酥炸魷魚炸漿好薄, 而且炸得岩岩好, 外表金黃但裡面既魷魚好嫩滑, 一點都唔老, 鮮甜美味, 仲要每一塊都係啖啖肉, 再加埋外邊有小小調味料, 十分惹味!!!!!辛辣豬耳呢個唔算有太大特色係到, 味道一般, 豬耳都比較爽脆, 辣味唔算太勁。蚵仔肉碎泡飯分量都ok, 食落鮮味十足, 蠔肉都算大粒, 圓潤飽滿, 加埋肉碎令到泡飯鮮上加鮮, 但略嫌鹹左小小。水果茶既味道唔錯, 果味濃郁, 配埋紅茶既味道都好夾, 仲要唔係好甜, 而且仲有好多唔同既水果係裡面, 感覺好健康。