茶木‧台式休閒餐廳 (德福廣場1期)

營業中

休息中

對於［茶木］的食物我是愛點不愛點，今次不說不愛的那些，只說愛的＂吐司＂和＂甜品＂…… 下午茶經常吃的😋。［奶油酥吐司］單點 HK$ 40 另收加一。吐司類食物是［茶木］的強項，飽浸咗甜奶油的吐司，烘烤到鬆脆，切成長條狀，可以優雅咁吃，甜、香、脆，好味😍。［熏衣草珍珠奶茶］單點 HK$ 35 另收加一。第一次試熏衣草味的飲品，有點怪味，口感差過原味的珍珠奶茶。［黑糖芋圓水果仙草（SET）］送黑糖珍珠奶茶，HK$ 45 另收加一。［仙草］即是涼粉。［芋圓］是一種台灣的傳統甜點，煙煙韌韌，咬落QQ的有彈性又有糯性，拌合紅豆、米仁、涼粉、爆珠等一起，配上碗底的刨冰一齊食，不僅僅是色彩亮麗，而且口感也是甜蜜到沁入心脾😍。至於［黑糖珍珠奶茶］，還是那句話——原味的珍珠奶茶更加好味點😜。奉上下午茶餐牌供參閱。

茶木一定好多人都食過，聽過，因為價格又吾系話太貴，d野又好食，環境仲裝修得好休閒風，好令Tim,而我最中意食就系磚塊啦，無論系芒果，士多啤梨，定系石板街味，都一樣咁好食，仲要食到勁飽！

放工後，與朋友相約在九龍灣看電影，朋友又想買電話所以去左電話店睇睇，睇下一陣時間尚早無咩人，所以決定去食野先經過茶木唔洗排隊就入左去坐下來，見睇下餐牌就叫了以下幾樣食物：照燒醬大雞排一來到外觀好吸引😍😍好大塊雞排但味道遜色一點，唔夠鬆脆可口😕有點兒失望香煎沙朗肉燥飯看起來比較細碟，味道都很好味，沙朗肉質都好嫩滑，挺好的！整體而言，價錢和食品質素都很好，會再次回來的餐廳；甜品好起來都好吸引😍可惜已經餓，唯有有機會再試試甜品。

本來約左朋友 但臨改左食飽左但又想揾個地方坐下就去左附近既茶木飲下野雖然茶木最得我心係佢既麵包磚但食飽左只好點飲品...咁多種熱茶入面 揀左水果茶 因為又有得飲又有得食下生果唔少台式餐廳都有水果茶 但飲過幾次都好淡... 仲要收五六十蚊今次呢杯有驚喜喎 四十蚊都唔洗首先水果片有西瓜 橙 青檸 火龍果等等深黃色既水果茶唔單止得個顏色味道更係幾年飲過最濃同夠果味既水果茶其實飲落佢似果汁多D  因為入面充滿住水果蓉 一啲都唔水酸酸甜甜咁 好開胃! 比起飲其他熱茶呢個幾抵飲 

8月17日，同老婆🐷開開心心食茶木😍雖然係火車站，老婆🐷亂發脾氣，不過係logon 門口都可以好返，第二條規矩，食飯前解決，實在太好了。之後去左九龍灣食茶木，其實到左九龍灣之後搵左一陣搵唔到間店係邊，老婆🐷想放棄，不過好彩我肯堅持，咁先食到一餐咁美好既茶木😍所以，有時候，只要堅持，忍耐過去既話，美好既野就係眼前。既然有墨汁面，緊係要試下啦，其實老婆🐷鐘意食墨汁意粉，不過呢到得墨汁手作面，點知一試就覺得超好味，d 面既口感岩岩好，唔太軟又唔太硬😍d 墨汁味又唔會奇怪，總之就好好味啦❤️❤️墨汁專家，我老婆🐷都好認同☺️不過老婆🐷覺得更加正既係呢個牛肉米粉，老婆🐷大讚佢個湯底好好入味，d 牛肉又唔會un,煮到軟林林，超正。我食落都覺得d 羅白，無論係紅羅白又好，白羅蔔都好，都好甜好好味。係唯一美中不足既就係d 米粉唔夠吸收到湯底既味，米粉有d 淡，不過整體黎講都好抵讚。兩杯野飲都唔錯，一杯係唔知咩水果汁，勁多果核=.=珍珠奶茶就正喇，唔太甜，有茶味，d 珍珠甜甜地😍呢個太甜，唔識欣賞...我同老婆🐷都覺得又唔抵食又唔鐘意食😣走果時發生左一段小插曲，我去左埋單果時，老婆🐷唔小心打爛左隻玻璃杯。我一

和朋友去九展聽聲演會，8時開塲，6時半雞尾酒會，朋友擔心酒會沒有東西吃，要餓著肚子聽聲演會，於是建議去吃下午茶！朋友看了德福廣場的水牌後，選擇了茶木。環境不錯，只是餐廳內冷氣較弱！我點了紅燒牛肉麵，湯底沒有牛肉味，只是很濃的醬油味，但牛肉不錯，夠大塊夠厚且軟；麵條爽滑彈牙！朋友點了香菇水餃麵，湯底很油膩，水餃一般，麵條跟牛肉麵一樣，爽滑彈牙！我和朋友分別點了玫瑰花洋甘菊花茶（茶味不錯）及熱帶水果茶（果味香濃！啖啖熱情果味）2人下午茶要$242，貴唔貴？在我心中，好食就唔貴，我自己覺得不值得，但這間餐廳的食物用來填飽肚子還是可以的！

這是我第二次光顧茶木上次光顧另一家分店，嚐過紅燒牛肉麵，但不太對我的口味這次來吃午餐，從lunch set中點了醬燒豬軟骨麵加$9，飲品升級優惠，可選原價$32或以下的飲品紅豆抹茶拿鐵($34)，因而要補差價醬燒豬軟骨麵，湯底就跟紅燒牛肉麵的味道差不多湯底雖夠濃味，但總是覺得不夠香配料沒那麼多，就只有香菜&豬軟骨豬軟骨份量算多，亦煮得夠稔夠入味！紅豆抹茶拿鐵，雖然面層好多忌廉，而且又有紅豆但抹茶的微甘，令整杯飲品不會過甜！很好喝！整體來說，還是上次另外吃的墨汁奶油花枝手作麵比較好吃湯麵的吸引力對我來說還是稍弱呢！

茶木·台式休閒餐一開始令我知道都係因為蜜糖磚塊最初兩次都係為蜜糖磚塊,約朋友一齊食佢太大份,兩個人食會超飽,食佢就唔洗食其他之後就開心叫SET,抵食好多鳳梨鮮果甜酸肉, 個味似咕嚕肉客易入口推介今日無叫到套餐,因為佢地CAKE無晒加30蚊都係得沙律真係麻麻地加上我地去幾時間都唔算好晏,7點左右就已經無晒有D失望第一次試溏心蛋~有煙燻味,幾好食不過係有D貴另外叫個古早烤香腸肉燥飯我平時都好中意食分量好夠總括,茶木‧台式休閒餐廳個味道唔差,只係安排等侯既時間比較長每枱限時90分鐘但無人等位,到左90分鐘都叫人走有點...

今日12點去到無乜人，即刻可以入座，平時12點3已經要等位。入座時間70分鐘。今日叫咗set A ，有一款小食、一款小菜、迷你飯或麵同一杯飲品。小食叫咗麻辣豬耳，夠麻有少少辣，豬耳只有數條，加少少青瓜。小菜百叫咗豬手，只有兩件，煮得唔夠淋，好難咬開，食得好論盡。麵揀咗迷你牛肉麵，幾好味，牛肉只有一片，麵係粗麵，但個碗細，食個陣好易彈到啲湯周身都係。飲品叫咗薏米紅豆水，大大杯，足料唔錯侍應反應快，值得一讚

: 🍝📸#tagnshare連鎖店篇.......................🆙難得唔使排隊既茶木💰三人份量 埋單$400左右🤤我地三個人叫左三個套餐⋯佢既鳳梨鮮果甜酸肉味道好似咕嚕肉咁⋯咬落去唔會一舊粉⋯而且甜酸適中⋯送飯一流好開胃 🌝 台式滷味拼盤⋯都係唔錯⋯份量都唔少 而且滷肉同牛𦟌巧巧味⋯三杯雞就有火熱住 但係好乾阿⋯啲肉好硬⋯我超鐘意佢既蜜桃茶🍑好香⋯同埋加左蜜糖 🍯感覺好健康🙂 仲有跟餐既小茶木劇院蛋糕🍫佢既蛋糕有朱古力都唔會太甜 黑森林都好味⋯十分滿意 😁....……………💁🏻高妹小篇👇🏻地址👇🏻茶木‧台式休閒餐廳 (九龍灣)九龍灣偉業街33號德福廣場一期L1樓G53D舖………………#hkig #hkfood #hkfoodie #foodpics #foodbloggers #香港吃貨 #uhkfood #foodig #相機先食 #相機食先 #茶木 #香港美食

晚上九時多，很多餐廳都last order, 於是去茶木看一看，仍然營業中，10:00才last order。例牌點了辣紅燒牛肉麵，另一半點了香菇餃子麵再加一份雞翼和水果茶。那天的辣紅燒牛肉麵特別辣，一大口就會嗆到，湯頭差了一點，但麵質依然是好，QQ的。香茹麵真的不建議點，太太太普通，只是香菇特別大，但不見特別美味。餃子也是一般，可能灣仔x頭更juicy。滷水雞翼，雖然很入味，但太咸了。水果茶，沒有特意要少冰，但也給了少冰，不夠冰不好喝，所以另外額外要多一杯冰。記得剛開的時候，食物很好吃，但現在好像水準不再，可以這一間長期有太多客人光顧，難免監控品質差了一點。

星期六同友人喺九龍灣食完晚飯，大家再去德福商場揾甜品食，見到茶木唔使等位，就入左去坐底～我order左杯黑糖珍珠奶茶，友人order左黑糖芋圓果粒仙草～～等左10分鐘，珍珠奶茶嚟先，飲一啖，真係有少少失望，杯珍珠奶茶冇茶味，珍珠硬～平日喺街邊買外賣既珍珠奶茶仲好飲過佢，跟住朋友個芋圓仙草到，外觀不錯，但芋圓又係硬～太失望～顧客服務方面，真係麻麻地，個個侍應好似趕時間咁，個個打衝鋒（舖頭唔旺，唔係多客人），要我去第二次，no way

茶木-問10個基本9個半人都有去過但本小姐去過旺角，黃埔，尖沙咀，馬安山分店... 第一次係有surprise😍 我覺得九龍灣呢間茶木最唔同就係個湯麵裡面多左少少配料雖然呢個配料無乜特別，但特已經深深感受到佢地既誠意同唔同既地方！呢個moment大家一定心諗：多左咩配料咁巴閉？其實只係多左一舊紅蘿蔔同白蘿蔔，重點係唔係細舊係大大舊！再係大熱天時飲埋杯「酸梅冰」，嘩！～簡直係爽到爆🤣 以上評論，只係本小姐個人開餐試後感

又到下午茶時光，平日一至五，下午二時半開始就可吃到，價錢比起午餐，真的很吸引。最抵係套餐中的飯品有得免費升级，任選餐牌內的飲品。當然，食物的味道也很重要:肉燥雞扒飯和牛肉湯麵都好味道。而飲品也很大杯和嘗心涼透，下次會再幫襯。

茶木分店越開越多，屋企附近開一間，返工附近又開一間，真係總有一間係你左近。食過茶木已經好多次，什麼蜜糖磚塊，手作麵，鹽酥雞等都試過，始終最愛係蚵嗲肉碎泡飯同紅燒牛肉麵。蚵嗲泡飯真係次次嚟都會點，百吃不厭。蚵仔份量足，唔係求其畀3，4隻交行貨，加埋其他配料，半碗落肚，都飽咗幾成，而且湯底仲鹹香十足，重口味嘅朋友實岩。紅燒牛肉麵都好鬼正，湯底濃郁，牛肉又淋又入味，而且啲麵夠厚身，食落煙煙韌韌，好有咬口。宜家想食茶木真係越來越方便，隨時都可以再食過。