茶木‧台式休閒餐廳 (德福廣場1期)

營業中

休息中

第二次食茶木，今次是下午茶依然叫了我最愛的士多啤梨蜜糖吐司反而今次比第一次好味，因為今次落單時加多了三個字〈少蜜糖〉，所以能省的還是省下，效果會更啱你口味，配上一杯玫瑰茶完美的配搭

相約係九龍灣返工既朋友食lunch睇lunch menu 呢間都幾多選擇，決定呢間。68蚊lunch set 包指定前菜三樣，主菜同餐飲。叫左“三杯雞“做主菜同肉“噪“飯。 上菜都幾靚仔，但份量偏細，男士會唔夠飽。 主菜味道則ok，但唔夠熱，d雞件又少冇乜肉(可能個廚師唔鍾意我,我見隔離枱ol叫炸魚係好大份)肉噪飯麻麻，好像快餐店貨色。如果有下次一定唔會食雞!p.s.:落單之問過待d雞係咪炸，佢話唔係，點知都係炸

當天約了妹妹食 lunch, 兩兄妹食 lunch 吹吹水 , 就是這麼簡單 ~聚餐地點就在 九龍灣 - 德福廣場一期 的 茶木-台式休閒餐廳 ~ 炸豬扒肉燥飯 : 肉燥的絞肉肥瘦均勻 , 燉煮好的肉燥入口軟綿 , 味道香濃 , 肉燥香口而不肥膩 , 稀杰度是能夠恰巧地鋪在飯面 , 吃起來也很對味 , ( 我所說的 "對味" 就是根據我在 台灣 當地所吃過的肉燥來作比較 ) , 肉燥配上軟硬適中的白飯來吃就是一大享受 ~半隻鹵水蛋 , 呈淺啡色 , 蛋黃呈橙黃色 , 雞蛋滷得入味可口 ~豬扒炸得金黃色 , 炸粉不算厚 , 外層酥脆 , 內裏肉質鮮香嫩滑 , 調味得宜 , 不錯吃的 ~本篇完 ~

今日上完朋友九龍灣OFFICE 傾野，5點幾鐘就話食飯，會唔會早佐小小，如果朋友捉佐我去德褔食茶木，兩個麻甩佬食茶木係有小小古怪，不過無所謂啦，反正呢D 時間應該唔多人，應該唔會有太多奇異目光瓜去到不出所料，唔使等直入，所以呢D 鐘數食飯確係有D 好處，仲要個場無乜人，個感覺都幾休閒，唔會好似平時咁嘈。我點佐個醬燒豬軟骨面，朋友就點佐個櫻花蝦培根芥奶油手作面大概唔會超過十分鐘就上菜了先黎個豬軟骨面，份量唔自好大，適中啦，2大舊豬軟骨，位置幾靚，無硬野，成舊都好軟滑，面應該係刀捎面差唔多野，口感都幾好幾彈牙有咬口。湯底又夠濃朋友個櫻花蝦培根芥奶油手作面。一黎到我以為係意粉，望清楚先見到有點不規則，朋友話係手作面，試佐小小，幾得意，口感都幾豐富，不過我不太好冬菇D 味，但朋友就話味道同櫻花蝦幾夾，幾好食啦。呢個鐘數黎食飯，又可以慢慢食，環境又夠靜，可能真係要考盧下轉下自己生活習慣

茶木味道仍然keep到但我最鍾意食嘅甜品變到好少份有少少令人失望首先我哋叫咗個1. 台式雞扒肉操飯 -雞扒炸得 唔係太脆2. 士多啤梨麵包雪糕窩夫-味道一樣 但細份咗四分之一 3. 飲品-棉花糖紫薯拿鐵 幾好 比較甜

兩個人去食咗一個套餐同一個火鍋。初初以為火鍋會包嘢飲同麵，可惜最後只係有一啲啲薯粉，但配料較多而且特別。另一個叫咗咕嚕肉，入邊有好多水果而且酸酸甜甜幾開胃，加左＄30有埋嘢飲同甜品，但甜品味道麻麻。

假日來吃lunch，因為貪有杯台式飲品，同埋唔洗等位，在九龍灣中午好味食肆都要排隊的。三個小前菜，水準正常啦肉燥飯竟然無，勉強轉做都，麵好厚物同粗幾有嚼勁，湯是牛肉麵那湯就好死鹹。肉燥就得肥肉令我好失望個三杯豬肉，好鬼死鞋口，完全唔得，食落似鎮江骨個汁，都唔係台灣三杯，即醬油，油同酒。紅豆意米水，薑米唔夠重同偏甜，但係我愛食豆，同埋紅豆同意米幫助去水腫，我一向食的鹹同濃味，飲返杯幾好。真係越做越差啦！下次唔好貪唔洗排隊啦，人龍同味道是直接掛鉤

台式食物很適合香港人口味。茶木食物好味，適合年輕人。食物選擇多，炸雞翼最好味。服務員有禮貌，態度積極唯周末太多人，等位時間過長，等候時間約一小時。座位較逼，傾計太方便。

叫左個炸雞排麵同鮮草芋圓，之前都有食過呢兩隻餐，前者水準keep得好好，但一食到芋圓就失望了……炸雞大大份，麵都好好食，但冇影到相。至於服務上，唔知係唔係下午去食，啲餐出得慢左。所以除左芋圓外，其他正餐都係好食嘅

約左個朋友係德福廣場度食飯，佢話想食台灣野，所以就去左茶木食。茶木原來午餐勁抵食，我同朋友叫左兩個午餐自選套餐(HKD67)。前茶就所有餐都一樣，有黑麻油炸菜雞腎，麻油醬大豆芽，古早滷水蛋，我覺得咁樣既配搭係幾開胃，有台式風味。至於主食，我地就分別要左四式拼盤(有牛，豬，鴨同豆腐)同埋沙茶烤夫燜牛腹腩。拼盤樣樣都有d，同埋味道唔錯。個牛腹腩就啖啖肉，d烤夫都大大件。另外個餐都包埋飯麵，我地就要左紅燒牛肉手作麵和古早肉燥飯。紅燒牛肉麵係茶木signature，好味同有水準呢個係一定既。而個肉燥飯都不過不失，而且份量都唔少。個餐玫瑰花味，就叫左玫瑰紅茶同紅豆薏米水。個紅茶有玫瑰花香味，個薏米水就有好多紅豆。整體黎講，抵食，好味同埋超值

是日同幾位好朋友聚一聚，有男又有女，食乜先適合大家口味？餓啫啫諗到R一R啫...就黎到呢間唔算好多人等位嘅茶木大大粒鮮菇，可惜口感太硬，有d難咬，而水餃就唔錯，不過同一般水餃冇乜分別，而麵嘅質地幾彈牙，可惜分量比較少朋友A嘅雞排麵，同上面一樣首先麵嘅份量唔夠，但酥炸雞排唔錯係新鮮炸起，皮脆而唔會油淋淋，呢碗算好食小弟認為咖啡係應該配薯仔先好食惹味，而用左地瓜就會有d甜，咖啡冇港式咖哩咁香，不過牛腩肉質算淋身，而有蠟祝點住keep住個溫度，不過都係整色整水之作。用上鮮菠蘿而唔係罐頭，可惜又係份量好少，但味道酸酸甜甜都ok，同咕嚕肉屬同一派系是也。追加一個炒A菜，有圖有真相，油淋淋是也！扣分扣分總結味道尚叫合格，但cp值太低，未必會返桌！

下午同朋友去德福廣場行街，行行下見有啲攰，就想搵間餐廳坐下食個下午茶。見到茶木就諗起佢個招牌厚多士，就決定食佢啦。我地叫左個士多啤梨厚多士，好大份，真係兩個女仔都未必食得晒。味道都係不過不失，個人覺得有點太甜，但呢份多士賣$80，我覺得真係貴左啲。另外我叫左杯熱珍珠奶茶，啲珍珠太淋，沒有口感，有點失望。朋友叫左杯特色飲料，已經唔記得佢叫咩名，但朋友說很難飲，飲左兩啖就冇飲了茶木食物的水準不算高，而下午茶每人都要$100來說實在有點不值。

閒日放假，約左friend 係德褔食lunch 勁多人等位，見呢問人龍算長，便試一試，價錢係德褔堂食來講算中價，一個lunch有齊小食，飲品，主食，份量足，未道Ok,不過飯菜不太夠熱(個人喜好)。

台灣菜近年在香港發展速度固然是快，開了很多不同風格的台灣菜餐廳，不過大多都有個共通點，就是定位較平民化，貼近台灣最為人熟悉的「夜市文化」。餐廳內裝飾大多是具台灣懷舊色彩的海報、廣告或圖畫。但是坊間有一間台灣菜餐廳，設計剛剛跟那些台灣菜餐廳剛剛反其道而行，內裡樓面設計比較大方的休閒餐廳風格，還曾經找來明星做代言人，為餐廳拍廣告做宣傳，這餐廳的名稱叫做「茶木」。只要稍為用心在網上搜尋器作出搜尋，就會不難發現，「茶木」其實是某著名中式燒臘餐廳集團名下的餐廳。跟「茶木」同一旗下的餐廳風格五花八門，例如粥麵餐廳「靠X住」，還有我曾經遇過粗暴不禮貌對待，我已列入黑名單的「東京築X拉麵」。「茶木」屬於台灣菜休息餐廳，本來有一道很有名氣的甜品小菜，叫做「蜜糖磚塊」。可惜當我去到「茶木」位於九龍灣「德福廣場」的分店，正值下午茶時段，所以我在下午茶餐牌內，看不到「蜜糖磚塊」的蹤影。不愧是大型飲食集團旗下的台灣休閒餐廳，「茶木」連區區一個下午茶的餐牌，賣的食品也被計算得那麼徹底那麼盡。以「蜜糖磚塊」那麼華麗的造型，想以便宜地道的下午茶價錢享受，根本就很難做得到。就算「茶木」真的能夠把「蜜糖磚塊」以比較便宜的

作為茶木fans的我間中找會去食~ 好多間分店我也食過了~諗諗下先發現原來單單在九龍灣已經開了3間分店!!Megabox~德福~淘大~雖然有3間咁多, 但lunch time都係會爆滿今日約了3個同事去德褔的茶木, 已經一早搵人偷走出去搵位先, 所以先唔使等位!個個都叫午餐A有迷你版2個餸+1個肉燥肉/麵+飲品= $67+10%首先我點了燉肉排+鹽酥雞+肉燥飯排骨煮得幾淋, 鹽酥雞脆口仲有杯飲品, 食完飽晒同事A點了燻海鱸魚+鹽酥雞+香芋新竹米粉同事B點了豆乳雞+四季豆+肉燥飯同事C點了豆乳雞+炸花枝+肉燥麵有好多種唔同的配搭, 啱晒成日想試新口味的我如果有選擇困難就有排選了