茶室

營業中

休息中

上星期去左九龍灣見工,見果陣比人問到口啞啞,好無引,依家搵份工真係好難見完之後就係附近搵D野食,食完先返屋企可能過曬食飯時間,附近都好靜,無乜人流就咁求其去左依度一間餐廳食野坐低先知原來係星加玻餐廳,依度係食星加玻野之前去旅行都未去過星加玻,所以未食過果面D野,好似幾得意,今次就特登試下叫左個喇沙,可能餐廳無乜人,好快就有得食個湯底好紅,應該真係好辣,飲左一啖已經有小小噴煙感覺,幾正味道唔會係辣到你喉嚨好辛苦果種,個感覺係清香既辣河粉口感適中,唔會太硬或者太軟,食落感覺唔錯其他配茶由於浸曬湯既味道,所以好夠味,特別係豆腐,浸完都仲脆脆地,幾好食

復活節完左話咁快又要返工,今日相信大部份人個腦都仲未開返呆左成朝,終於到食飯時間,同一個熟D既同事去左樓下食飯今日FOODCOURT唔算太多人,可能好多人仲LEAVE緊,所以搵位易好多最後去左食茶室平時好多人黎,今日都仲係半滿,我地可以慢慢坐低睇下食咩野最後我叫左肉骨茶米線,等左一陣就到黎到見到都幾大碗,幾抵食下米線份量好多,餱既比例岩岩好,唔會太小米線好彈口彈牙,唔會浸到琳曬肉骨茶好濃味,黑椒好惹味,所以個湯底味道好出牛丸入口好厚實,唔會一咬即散羅白好新鮮好滑,味道唔錯最衰佢剩係開下午,如果唔係放工食完返屋企都得

送貨去個客度,個客係九龍灣既OFFICE,都幾遠下,好在可以搭的士CLAIM錢姐送完貨差唔多夠鐘食飯,所以都係食野先去左FOOD COURT,簡簡單單食個LUNCH就走見到有一間專食海南雞既餐廳,好似唔錯,坐低試下正值LUNCH多人時間,所以餐廳都幾多人下,好在我係一個人,方便搵位叫左海南雞飯,好快已經有得食海南雞雞肉好滑,而且唔太油,口感幾好點小小醬會惹味D,而且肉既比例都算多,真係好過街邊D餐廳好多個飯唔太油,幾夠味味道幾正宗個湯都唔錯,係老火湯,唔係味精湯之後再飲左杯凍檸茶先走

早2日公司黎九展攪SHOW,忙左成朝累到死,要到差唔多2點先有得食飯不過好在2點先食飯,如果唔係依頭一定好多人,因為食店小,返工既人超多最後我同同事2點半左右先去食飯,附近唔太多選擇,最後黎左依間食店依度係一間星加玻餐廳,自從2年前去過星加玻都無食過依類既食物食左個喇沙河粉,個喇沙湯味道好夠味,同果時係星加玻食既一模一樣辣得黎好惹味,又唔會好味精,味道都幾清河粉好滑,幾鬆軟,入口唔錯D送整體唔錯,最鍾意食豆腐朴,脆脆地幾好咬口下次如果再出SHOW都會再黎依間

話說之前返工要去九龍灣見客,見完客之後已經2點,所以係附近食完LUNCH先返公司附近選擇雖然多,不過好多地方都貴得唔合理,雖然係LUNCH都想食得好D最後黎左依間茶室,一間星加玻餐廳之前去過星加玻旅行,果度D餐廳感覺同茶室真係好似所以黎到一定要試星加玻名產海南雞飯一上枱已經聞好勁既飯香味,食落口唔太油,好乾身,正宗星加玻做法而且因為唔多油,所以飯粒好煙韌,口感一流雞既份量都算係多,以午餐黎講雞肉好滑,好新鮮,無冰鮮味點埋特制醬汁食味道唔錯

去開九龍灣，夜晚去咗呢間茶室買嘢返去食，朋友嘅檳城福建蝦麵，就咁睇配料有豬腩肉、蝦、烚蛋、通菜、炸乾蔥，下層就係油麵同米粉，湯底就分開碗嚟裝嘅。我就買咗星加坡喇沙，同樣分咗兩個外賣紙碗，呢碗係雞絲、豆卜、蝦肉、烚蛋、九層塔、芽菜同米線。呢碗就係喇沙湯，面層泛起紅色嘅辣油，湯入面仲有幾片魚片。將所有配料放埋一齊，再倒咗三分一喇沙湯入去，份量已經多到就嚟滿咁。喇沙湯飲落有椰汁香，辣度輕微都幾惹味。雖然價錢唔平，不過啲配料都幾豐富嘅。

第一次食，見食評唔錯，叫咗肉骨茶淮山麵麵上了，個湯好香藥材味，飲咗一啖，兩啖，三啖...要飲薏米水止渴...個淮山麵...似足茶餐廳嘅大光麵最正嘅係兩塊冬菇，厚肉又有菇味，薏米水都好飲食完之後我同朋友一人買一支檸檬茶飲感覺上有啲趕客，可能 lunch 嘅緣固肉骨茶應該係無味精，個麵更加無淮山味，應該唔會再有下次

不知吃了多少篇肉骨茶，從地道馬來西亞檳城，怡寶到KL, 再過傍邊星咖波，...然後在香港。一般都是品嘗帶藥材湯和排骨的味道。今天卻有新體驗。首先材料有油炸鬼，豆腐卜，大隻厚肉東菇和排骨。先喝湯，藥材香濃不刺鼻，味帶甘甜。二吃排骨，肉淋但要點帶微辣豉油。三是來點湯㳣飯，開胃。這都是我以前一般吃法。覺得其他都只是配菜。但今天不同，當配菜是經過細選：東菇肉厚又有香味，油炸鬼帶脆口感和豆腐卜既淋又滑。當每種食材跟肉骨茶混出不同味道，就象品嘗紅酒產生不同層次，令你又嘗到一顿難忘美食！怪不得這店每天就大排長龍！

Lunch hour想試下新野，見到“茶室”排隊排到轉哂彎，梗定係好野啦，所以決定要試一試！（其實重點係落雨唔想出去食飯 lol）今次叫左個燒肉蝦面，好大碗！一上枱已經好香，唔知點解我一直以為係蝦子面，點知原來真係有兩隻大蝦係入面 個湯好濃好好味，我一啖面一啖湯咁就食哂成碗！燒肉既厚薄岩岩好，唔會un！另外，碗面係mix左好幼既面線同粗既油面（可能係煮完面無洗鑊lol），但口感就出奇地好，好有層次，哈哈！最後飲埋杯薏米水解毒，大滿足呀

在九龍灣上班，繼續走訪不同食店。今天就去了一家人氣星馬泰麵食專門店。坐下就點人比較少人寫嘅正宗檳城燒肉蝦麵配曼谷香茅薑茶。食湯麵，第一口一定是試湯底。清甜可口帶蝦香味，一定是用蝦頭、豬骨為底。餸包括大大塊燒肉，燒肉皮，爽脆鮮蝦，牙菜，通菜和一隻蛋，份量十足。燒肉用五花腩，一層肥一層瘦，又爽又淋，非常好吃。麵用兩款：银丝米粉和油麵，油麵略為淋了点。最后配上香茅薑茶，薑味濃郁，但蓋過了香茅味，但入口舒服。做得專，菜色不用多，客人仍是滚滚而来。

今日Lunch再次光顧「茶室」，提早15分鐘打電話落單，放飯行去即刻拎得外賣肉骨茶配油條白飯 $55肉骨茶味道正宗，帶有濃郁的藥材味，入面有冬菇、豆卜、生菜和豬骨，兩隻冬菇又大又厚肉，好足料所以材料都吸收肉骨茶的湯汁，好好食！至於油條白飯，油條微暖，略嫌不夠脆身，不過唔太油，肉骨茶配白飯十分惹味，今餐真係好飽

今日Lunch去左公司附近的「茶室」外賣自取星加玻喇沙麵，無飲品埋單$59，都算係貴價午餐，不過附近選擇少，無辦法啦！湯另上，紅色的辣油浮上湯面，入面有魚片，至於麵的份量好多，仲有豆卜、大蝦等等的材料雖然湯底顏色好紅，但原來係唔辣的！喇沙湯鹹鹹地又帶點酸，仲飲得出椰奶味，加上麵條食落好惹味豆卜吸哂湯汁，咬落去好juicy，大蝦爽口，食到少少雪味，都接受到！

759又做七七七折，咁抵就梗系要買返啲零食放公司啦，所以呢，要黎呢個商場度食晏，揀左食茶室，一放lunch即刻沖過黎攞黎，食唔到第一輪有排等㗎。店員都係快人快語，即刻安排入坐同要立即點餐，唔好諗，唔好要求轉，乜都要快。叫左肉骨茶飯($55)，基乎一叫已經上枱，咁又係，lunch time咁忙，乜都整定，有客叫咪拎出黎囉。份量都幾多，一客有三件骨，兩粒冬菇，菜同豆卜，仲有就係油炸鬼。味道唔錯，湯頭鮮甜散濃濃嘅藥材味，攞湯送飯真係幾正。另外其他食材都吸滿湯汁，骨炆得軟腍，好易食。差唔多食完聽到店員叫12點半埋單有九折，仲有三分鐘，真係笑左，立即加速飲埋啖湯即閃。都完後埋單49.5，抵左。出面勁長龍等位，都唔怪得店員口黑面黑，態度其差嘅，一般港式餐廳都係咁，習慣左咪無野囉。

今日和朋友去九龍灣食飯，聽朋友介紹有間馬来西亞餐廳好好食便跟隨朋友去試下！Ｌｕｎｃｈ時間来到見到門口有很長的人龍，幸好等了十幾分鐘便有了坐位，因本人有身孕Ｄ待應姐姐好細心特別安排了寬敞Ｄ既坐位比我！我和朋友叫左一份海南雞飯同一份燒肉蝦面，海南雞好入味，Ｄ黃薑飯相當野味，燒肉蝦面個湯底有濃郁既蝦味證明係精心熬煮！雖然係繁忙時間但Ｄ待應既服務態度亦都吾错，所以下次有時間一定會再来！？

今日去食野，比人鬧到一肚氣，話說要個餐無冬陰公湯問我轉咩湯，我答轉喇沙，跟住佢態度惡劣地大聲講「喇沙咩呀，喇沙湯定喇沙面，講清楚d呀」，於是我答你問我轉咩湯答你喇沙有幾唔清楚呀？大佬無啦啦比人鬧，於是話「會唔會你理解能力有問題智障jar」，跟住呢個唔知係老闆定侍應既人開始發左癲咁大大聲係咁鬧，下刪一百字，仲話話佢智障是人身攻擊，有咁既人係度你都唔夠膽食佢既野啦，點知會唔會加料，於是我唔食，佢居然唔比我走，我話你認為有權唔比我走既話報警lor, 個無知婦孺又真係報警，叫佢死唔去死，仲要我企係度等警察黎浪費我時間，我照走佢追到警樓下要我等警察，我真係唔想浪費時間，於是35蚊比夠50佢唔使找唔好浪費我時間，個無知婦孺居然唔收！死要等警察黎，有無法律常識力！派成7個警察黎為左35蚊既麵，仲要係個老闆定侍應既人拒絕收錢，最後要警察和解，佢先肯收，浪費我時間浪費警力。七個警察處理35蚊既麵，仲要食客比夠50佢都唔收，要七個警察和解先收！