茶室

營業中

休息中

又是吃平價Lunch 的時候，在九龍灣國際交易中心有一間小店，lunch time 時段總有一條長龍。今天lunch只有２人，於是去排隊等吃！幸好只等了５分鐘就有位。由於良久沒吃喇沙，於是我回點了星加玻喇沙（＄５２）。轉眼勁大碗喇沙送到我面前，充著椰香的咖喱湯底超好喝！湯底呈是淡黃色，咖喱和椰香味相當濃烈，而且帶點鮮甜，濃濃的辛辣香氣配以鮮甜的魚片、豆卜及蝦，別有一番滋味。

九龍灣食 lunch 一向多人，想快食唔一定食茶餐廳。呢度有幾款東南亞麵同飯，我今日食大蝦冬蔭功湯麵 （$59）。雖然啲麵望落有啲似公仔麵，但食落又唔係。冬蔭功當然要飲多兩啖啦！湯唔重味精味，係有啲泰國餐館味道，並唔係即食麵假冬蔭功味，都算佢有啲誠意啦，成60蚊一碗！如果佢夠膽煮即食麵出黎，應該唔會有人排隊等食掛！啲湯唔錯，會忍唔住飲咗大半碗。蝦值得一讚，冇雪味，剛剛好熟，彈牙唔鞋口！ 12:30前埋單有9折。 坐得有啲逼，好多人等位，想慢慢傾計慢慢歎就唔好啦。

數個月前轉工到九龍灣，作為九龍灣新鮮人，今日lunch趁Office人少少同事帶我去食好野，終於唔使來來去去都係飯堂同四喜。準時12:30pm離開Office，由企二行去國際交易中心嘅茶室，去到已經有條20多人嘅人龍，不過等左10分鐘左右就有位喇，算幾快。午餐有10款菜式揀，有辣有唔辣，同事揀左食過讚口不絕嘅肉骨茶配白飯油條，而我就重口味D，點了豬手撈麵。同事個肉骨茶一上枱已經聞到好香濃藥材味，有三數舊排骨同冬菇，同事讚排骨煮得夠稔，冬菇在湯中煮得入味，送飯「完食」咁濟。至於本人個豬手撈麵，滷水豬手配薑蔥汁撈麵，豬手份量頗多，不過略嫌有DDDD油（雖然我都知食得豬手學咩人話油膩…），可能個附餐嘅檳城魚蛋湯就係清清地俾你解下膩。總括來講，九龍灣新鮮人表示滿意。食完lunch仲有時間去行下對面間阿信屋tim!

今天中午去到茶室食lunch,由於每次來到出面都已有十多個人在排隊等候，所以平時並不常來，繼上次隔了一段時間後，今天在朋友提議下再來試試  。餐廳座位有限，需要人齊才可入座，上班族要注意，不要在外面白等哦 ！餐廳有10款東南亞菜式選擇，價錢由50至60元左右不等，特色菜來說價錢合理，想了一會，便決定選擇特色去骨海南雞飯試試 。不用5分鐘，海南雞飯就送到，而且餸菜擺放精緻美觀，賣相吸引，成功刺激到我的食慾，值得一讚 。先嚐口飯，飯裡有淡淡的薑味，不錯，可惜飯身偏淋，並不是我喜歡的口感。雞肉嫩滑非常，雞皮厚薄適中，不會過分肥膩，配埋薑蓉、醬油等調味料，滋味十足 。喜歡健康的朋友們可叫多碟時菜，份量十足，而且只需10蚊，真的超值，今時今日在其他餐廳很難遇見 。整體來說，主打東南亞菜式的餐廳在九龍灣選擇不多，而且價錢合理，成功吸引不少上班族成為捧場客，有機會會再來試試 。

一向有食開呢度嘅肉骨茶米線 ,除咗新開嗰陣會食午飯時段外,而家多數都係食下午茶,貪其平正價廿多元但份量依然夠食,堂食(圖150409)外賣(圖150709)都有試過,咪以為外賣冇人見到就整得求奇喎! 相反,佢因為驚啲粉麵會索晒啲湯,所以就湯同粉分咗兩碗裝 ;今日如常咁去買外賣,冇晒食開嘅米線就轉食河粉,落order後行過隔離7x9買啲嘢,返嚟見門口有碗外賣待取,經店員確認後就拎喇!當時第一個反應就係...點解只得一個碗嘅?心諗如果話米線會索湯要分碗,咁河粉唔係仲索咩?但我冇出聲就離開,返到公司打開一睇(圖150917),份量少都唔只, 賣相仲要係奇差,碗粉好亂好似俾人摷過咁,油條同豆卜都欠奉,咁咪即係變相加價囉!  佢個肉骨茶唔差架,係我暫時喺香港食過最ok嘅一間,其實我第一次幫襯佢嘅唔係肉骨茶而係喇沙,因為喇沙一向係我嘅favor,但試過肉骨茶後就被佢俘虜咗喇! 點解忽然差得咁交關架? 早知去食牛什河好過啦!

見星期六冇人，menu也幾吸引就想試下。沒有人招呼我，門口只有兩個員工圍在收銀一角密密傾，裡面有一對情侶似乎剛到坐下，我以為要先俾錢，就行埋去問他們，他們才停止吹水說叫他們就行。要了個喇沙同凍薏米水，杯嘢加咗冰，但完全不凍，飲落仲要淡貿貿…碗麺分量倒是很大，但味道真的算不上好食…期間只有一個男人來外賣，兩位員工繼續閉關吹水唔系幾理客人。如果冇心做，就不要做了，今時今日都已經習慣晒。

這間茶室係第一次嚟, 之前聽同事講一般, 份量又唔多, 所以都冇去食過, 但後尾見有同事的相又好似OK, 所以嚟試下, 一心諗住食肉骨茶的, 12點左右已經好多人, 啱啱有位唔使等. 我們都食肉骨茶, 我跟飯, 同事跟米線, 餐廳地方好細, 沒有十張枱. 我的肉骨茶嚟啦, 都幾大煲喎, 一碟豉油, 一碗白飯, 飯上面有點蒜粒, 肉骨茶有好多生菜係面, 半條油條, 個湯都好濃呀, 好重藥材味道, 好味喎, 還有好多件肉的, 肉都好淋呀, 容易食及吸晒D湯, 好GOOD, 仲有豆腐卜, 同埋冬菇, 個兩隻冬菇大到有點誇張. 全部都吸晒D湯的味道, 好濃呀, 真的係好濃的藥材味, 食食下有點苦味添呀. 不過好過甜味呀.同事的肉骨茶米線都係一樣咁多配料的, 不過佢隻冬菇就細隻點呀. 一路食門口開始出現排隊人龍.

吃得出的只是冰冷多少有點情有可原，百物騰貴，租金貴，人工貴，時間珍貴，要多留根本是奢望。自問是順德人，都盡量配合食肆的要求。惜那麼的過份，如趕鴨子般的，態度強差人意的，卻是有點過份。是心情影響了食慾吧。來的海南雞飯，飯太鹹，雞太冰冷，吃了比生吃冰鮮雞的感覺更難受，硬，僵，冷的，委實吃不到什麼味道，只是填跑肚子便算，急急離座了。

今日中午又嚟茶室食飯，門口例牌排長龍，等左大約15分鐘終於有位，即刻叫返個海南雞飯先。呢度除左肉骨茶好食外，海南雞飯亦都好食。去骨海南雞飯$55，雞嘅份量都唔少，有幾條菜和雞湯。先飲啖湯，好鮮甜又夠味，有少少香芧味，絕無欺場，越飲越想飲。雞皮與肉之間夾住層透明啫喱狀的脂肪，愛食雞皮同脂肪嘅朋友一定話正，不過我只愛吃淨肉，雞肉真係好嫩滑，去骨後啖啖肉，點埋果碟三寶醬料，食啖雞肉再加埋啖油飯，簡直人生一大樂事

自從2年前跟馬拉朋友去馬拉食正宗肉骨茶後，一直好懷念那濃濃嘅藥材味，有時都會用馬拉買返嚟嘅湯包料自己煲一煲慢慢嘆。有次睇雜誌見到原來九龍灣都有間東南亞口味嘅食店，雖然距離公司遠左少少，但我都抱住一試無訪嘅心態嚟試下，試過呢度嘅肉骨茶和海南雞後，都會食過番尋味。中午時間真係周圍都咁多人，而呢間小舖真係幾細下，每次嚟都要等位，好在佢流轉得快，等左15分鐘左右就有位。餐牌都算多選擇，但我之前試過檳城蝦麵，覺得同我喺檳城食嘅相差好遠，所以我嚟襯都係叫海南雞或肉骨茶用瓦煲載住嘅肉骨茶，離遠都聞到香味，索一索舒筋活絡。裡面有三條一字骨、二個大冬菇、二粒豆腐卜、一條生菜、半條油條，每次都好standard食肉骨茶我喜歡馬拉口味，夠重藥材味。而唔似新加坡嘅一味偏重胡椒味。呢煲肉骨茶湯底係接近馬拉口味，雖然無馬拉食到嘅味道咁濃,無咁重藥材味，但都仍然有好香嘅當歸杞子味，香港人可能會比較易接受啲。我亦愛食佢嘅一字骨，夠淋。冬菇夠滑同夠入味，豆卜更加不用講，索晒啲湯底味，一流呀。冬天飲完一身暖晒，夏天飲完出身汗，以熱制熱，總之一年四季都岩飲啦。肉骨茶可配白飯或米線或米粉，個人就喜歡配飯啦。

一行6人黎食午餐，之前都有黎食海南雞飯，不過店舖座位偏少，而今次點幾先岀黎，好等咗陣就有位。依到海南雞係有甜醬油同辣椒薑醋，我認為海南雞飯個黑甜醬油係絕不能缺少，因為依個先係海南雞飯嘅味道。雞一定要又嫩又滑，唔能夠太多fat，而且絕對不能有雪藏味，茶室嘅雞係合格嘅。好多人都會追尋自己嘅一碗油飯，依個飯係看似好油但味道都帶椰香，不過唔係我嗰碗。跟餐嘅湯略嫌過咸，食完個飯都希望飲返啖清甜嘅湯。同行朋友叫咗喇沙，賣相係ok，食落都係偏咸。由於餐飲要加錢，我地都係食完落便利店飲。回頭率 8/10 大家得閒可以黎食

 茶室是我其中一間最經常光顧吃午飯的餐廳。因為地點就腳，而且附近小有星馬的食點可選擇。茶室地方小小，食物的種類不算很多。不過試過幾款都幾好食，當然，在工業區你要求它能做到超正宗的水準是不可能的。今日食的是魚片頭喇唦和海南雞飯。魚片頭當然是普通不過了，而喇唦不算辣，香菜的味道突出，有濃郁的花生醬味，特別倒不是很特別，不過可以過過口癮。海南雞飯是幾好食的，是黃油飯。總覺得吃海南雞飯就必須吃黃油飯，配合雞油和雞湯同煮的飯，美味又令人滿足。雖然比較肥。雞嫩，飯很香。另外，特別推介荷葉芋頭炒飯，超香口，芋頭夠大粒，配合荷葉上碟另有一番風味。

大年初五，開工啦！ 小妹成朝都好期待午餐，又不想吃悶死人的茶餐廳，於是在openrice search 下九龍灣有什麼好吃的，俾小妹見到呢間青綠色的裝修，於是和同事一行三人來試試可否refresh 一下今天失落 的開工日！1. 肉骨茶小妹食過幾次中伏的肉骨茶，呢間的肉骨茶，湯味不太淡又不會太濃，小妹忍唔住飲哂 當中的肉骨夠入味，而且保留肉香，非常好！大讚的是有兩粒大菇，好滑呀，加入左d肉骨茶的湯味，整體才$50大洋，真是好味又抵食，不過d飯就吃不了很多，再點了特飲洛神花+玫瑰花茶，結果要外賣返公司先飲到.2. 喇沙米線試了同事小小湯底，味道剛好，可惜魚片味道普通，湯底搭夠.3.海南雞飯又試了同事的海南雞，感覺不夠文華雞的海南雞好吃，不過不失.總括而然，小妹在九龍灣多了一個吃飯好地方，可以在青bb的環境下吃飯，午休好地方，略嫌地方有點迫

早知睇到openrice呢間食店評價都唔錯, 所以今日難得過黎九龍灣呢面就特登黎試下之前係馬來西亞食過一次肉骨茶之後就念念不忘, 所以黎到見到有肉骨茶, 又係廚師推介就即刻揀左佢喇過左5分鐘就上菜了用砂煲上, 同我係馬來西亞食既一樣喎 即刻對佢加多左，期望先試左啖湯先，味道可以，不過我比較鍾意藥材味濃啲嘅肉骨茶有三數舊排骨同冬菇，排骨煮得夠哂林，冬菇又吸收左湯嘅味道，用黎送飯一齊食真係唔錯飯方面，份量細細碗，啱哂我，又係我最鍾意嘅珍珠米，咬落煙un又有口感。不過我估若果係男士應該會唔夠飽雖然不及吉隆坡嘅肉骨茶，但都算可以相信呢間食店好評如潮，係因為為呢區工作嘅食客帶黎新鮮感係沈悶嘅工作日子中，食下其他國家嘅菜式，為自己打打氣

九龍灣美食多！近期大熱的茶室位於 megabox 附近，於是便相約友人去試試.這店一身以粉綠色簡約的裝潢，感覺清新自然！內裡用上木製特色吊燈, 感覺摩登. 靠牆壁的長檯加一排圓櫈, 有在麵舖食車仔麵的感覺檯上擺放了一個用來插著鮮綠色筷子的高鐵桶, 加上鐵蓋玻璃樽身的醬料瓶, 好有大排檔 feel呢!午市套餐共有8款, 有飯有粉麵, $48-55加一, 加$8可以配一杯東南亞飲品.本來想點星加坡嘞沙, 不過見有一條辣椒的辣度, 所以還是改點這間的招牌菜 - 河內牛腩河吧！河內牛腩河($50): 份量頗大碗的, 材料主要有牛腩和牛丸. 牛腩並沒切好, 還是一整塊, 吃的時候有點困難. 牛腩部位有的帶韌, 有的卻入口非常軟淋. 用上白蘿蔔去熬製的湯底十分清甜, 湯河上還灑上乾蒜粒, 洋蔥等配料去帶出香味.星加坡嘞沙($50): 友人點的. 果然, 一隻辣椒的辣度有點辣, 不過辣度算是可以接受的. 沙爹湯底配上椰奶, 味道挺濃郁. 雖然賣相跟menu沒有很對板, 但是材料份量算是足料的, 有雞蛋, 蝦仁, 魚片, 豆卜等等. 米線麵條有一點點淰, 幸好夾起來還未至於會散.看見隔壁點了海南雞飯