茜廊餐廳 (上水匯)

營業中

休息中

爸爸早兩日同我講話佢以前番工午餐時常食到的餐廳係上水開左分店， 見咁近，所以佢話好想去食， 話想重拾番以前番工食晏既味道（因為爸爸已經退左休啦）先黎個沙律前菜「煙三文魚沙律」 $69沙律菜都好多，而且又唔會蘸得太多醬適合愛好清淡既我地三文魚又捲成花狀，味道唔錯之前爸爸揀個晚餐套餐先飲佢既香芋忌廉湯味道唔算好膩， 所以唔會飲湯飲到好飽而食唔落個主菜而配湯既蒜蓉包係好香，又夠鬆軟，讚上面配有黑芝麻， 食落更加香「加拿大特級T骨牛扒」 $288雖然我地愛好清淡， 但爸爸亦都好鍾意食牛本身係打算點42安士果個但怕又食唔晒，所以我地點左21安士雖然比42少一半， 但份量都好勁六成熟岩岩好，切開又唔算多筋食落都稔，配蒜蓉汁食，好味

9x有2份茶餐 真係平到笑叫左個牛扒同pizza 包2個西湯加錢要左2杯特色熱飲 一紅一白 重送蒜蓉包包好脆 點埋落包一齊食白湯正常 無咩特別紅湯就好濃味 少少辣辣地 好惹味個pizza好薄好脆又足料 煙三文魚加新鮮蕃茄酸酸地好醒胃面頭又有夠咸香既芝士牛柳叫左7成要左蒜容汁食過既人都知呢道個牛排好厚其實無要求太多 因為4x 有甘厚既牛排食過下鋸排癮都好嘛羅漢果龍利葉茶本身以為係乾既羅漢果 無諗過係新鮮杯熱飲無過甜 應該係羅漢果既天然甜味呀媽叫左杯人蔘熱飲真係有d蔘鬚佢呢到熱飲真係幾有驚喜

假 日 的 下 午， 到 了 上 水 匯 逛 逛 ，上 水 匯 ，是 上 水 新 的 商 場， 這 裡 也 是 食 肆 較 多 的 商 場 ， 多 是 連 所 餐 廳 ， 商 場 的 昂 貴 租 金 ， 或 許 只 有 連 所 店 能 承 受 得 了 ，去 到 一 間 少 數 的 連 所 餐 廳 ，第 一 件 事 ，必 先 看 餐 牌 ， 只 要 價 格 合 理 ， 食 物 岩 心 水 ，便 會 入 去 。 餐 廳 面 積 標 準， 啡 木 色 的 店 子 ，有 新 年 的 佈 置 。 忌 廉 什 菌 三 文 魚 意 粉，奉 送 餐 包、餐 湯 及 餐 飲 ，$58。 蒜 茸 包，西 湯 的 伴 食 。 要 了 白 湯 ，是 紫 色 的，一 問 之 下 原 來 是 紫 薯 忌 廉 湯 ， 雖 然 有 點 驚 喜 但 同 時 想了 一 想 ， 不 主 動 接 觸 紫 薯 也 要 在 面 前 出 現 ， 是 不 是 太 過 泛 濫 了 ? ! 味 道 上， 沒 紫 薯 味 的 ， 是 普 通 忌 廉 湯 。 忌 廉 什 菌 三 文 魚 意 粉 ， 好 大 碟 份 量 多 ，材 料 都 是

早餐11:30停止, 地方乾淨及坐得舒服, 餐桌闊大, 服務員有禮貌, 食貴幾蚊好過去快餐店及茶餐廳 , 多士烘得外脆內軟, 煙火腿及吉列豬扒都好味, 可惜 是抄蛋老左D, 早餐免加一, $40埋單整體來說不錯。

去到上水開完 啱啱好夜晚六點。當然係去呢度食個下午茶啦 知道呢度嘅下午茶買一送一 仲做到六點半 太抵了😭我自己點左豬手 非常大隻 而且亦都夠林 食完個口癡粒粒 好多膠原蛋白嘅感覺😌仲有湯 同埋嘢飲 仲有包 咁嘅價錢係邊度搵？ 睇到呢度嘅食評 好似都有唔少係喊包 我唔知午餐晚餐係點 但係我覺得下午茶真係唔錯 😎

今晚約左幾位中學時期既朋友食餐晚餐，以前系呢一區所以都揀返呢一區食野。呢間茜廊餐廳我去過佢天水圍果邊既分店，唔知系咪新開，所以質素都唔錯，所以系上水冇咩野食都揀返同一間。雖然有唔少人同我講呢間野唔好食，但由於去過其他分店，諗住質素應該唔會差太遠，點知……真系中左伏。。。。。。晚市價錢一般，由$89-$178都有，今次我都系叫返上次系天水圍分店食果個餐: 香煎牛柳伴薯菜配黑椒汁($148)。羅宋湯較湯郁，但難以遮掩其味精同埋茄膏既味道，整體相對油膩，少喝點為妙。餐包極鹹，都系唔好食太多喇。牛柳單從賣相黎講似乎味道不錯，但甘諗就大錯特錯。首先，牛柳非常乾而無毫肉汁，乾到龜裂一樣，口感奇差。再者，肉無甚麼肉味，好有冰鮮既感覺，只系勉強食得出系一塊牛肉之類既食物，並不推介。

勸大家唔好去食！根本比普通茶餐廳仲普通！只不過搞西餐既茶餐廳咁解！西湯根本比罐頭差！係D醬汁方面無論係焗飯或者意粉都非常垃圾！都唔知用D咩芝士，一D香味都無，平平無奇！正價偏貴！以前買一送一期間D野份量都好大，之後越黎越細份難食！味道方面真係一個字「差」。唔會再去！

羅宋湯太咸、葡萄牙海鮮焗飯點解係湯飯，都談不上係飯，跟本就係一個海鮮粥，仲要係用羅宋湯咁嘅湯嚟煲粥，仲有入面有沙，青口洗唔乾淨，寫到明甜品有雪榚或蛋糕，等極都唔嚟，埋單轉身張單就到咗係眼前

今日下午我們去咗上水匯嘅「茜廊餐廳」食下午茶！我們叫咗個他們嘅買一送一下午茶套餐：吉列海老·忌廉汁帶子燴煙斗粉嘅吉列海老炸得非常金黃香脆，肉質都幾爽口彈牙，帶子嘅份量都幾多，但味道有啲腥，煙斗粉好煙韌彈牙！煙三文魚薄餅焗得好香脆，而且極之薄身，材料有煙三文魚、蕃茄、沙律菜同芝士，芝士嘅份量都幾多，但食落唔會有好膩嘅感覺！另外單點咗個咖哩吉列豬扒伴烤麵包配茄蓉湯煙斗粉嘅吉列豬扒炸得相當香脆，肉質好鬆軟，沾埋香辣濃郁嘅咖哩汁一齊食，真係幾好味！跟餐嘅餐湯羅宋湯嘅味道非常濃郁！忌廉湯亦都幾香滑！蒜蓉餐包好酥脆惹味！

下午茶時間總會搵到平靚正美食哩間餐廳係商場五樓，要轉五層電梯先上到。下午茶有$98兩個餐，仲有6個選擇😄羅宋湯味道濃郁的。睇到D菜就知道足料，而且好容易食到肉味蒜蓉包非常脆口牛扒稍為熟少少，叫七成都冇晒粉紅色其實我平均兩個星期都食到一次，間中都好似今日咁上菜上得較慢。今日就淨係叫餐飲叫咗三次先嚟到，而且一句唔好意思都冇，雖然係食平嘢，但都應有合理服務，所以每次嚟食都抱住"貪平唔好計較"嘅心態。

做完義工去食飯, 發覺大商場裡面有間餐廳門口大大隻字宣傳買一送一下午茶, 睇落好似都幾抵食, 就同班FD 試試入到去, 餐廳環境幾優雅, 好多人就有D嘈等位唔需要太耐, 侍應服務不錯叫左三色芝士焗龍利飯同埋鐵板美國西冷牛扒時菜(燒汁)三色芝士焗龍利飯D汁太多, 搞到D飯有D濕, 焗飯係炒飯底, 但白飯同蛋就炒得唔好, 分開哂, 飯粒冇蛋既色魚柳味道OK既, d汁味濃, 食到魚柳既質感, 但味道淨係食到白汁既味鐵板美國西冷牛扒時菜見到好多人都點, 我揀左燒汁, 西冷牛扒算係好食, 大塊, 厚身, 筋位唔太多. 叫左8成熟, 見到可以係鐵板或者碟上, 我揀左碟上, 唔洗咁大陣油煙味, 但要係落order時, 要同侍應特別講明燒汁味唔算太濃, 時菜沾汁食都ok, 薯條大條, 脆口, 但略厭有d少, 另有瓜菜, 係白烚, 感覺健康, 同埋可以平衡返肉類同薯條既膩感, 以買一送一既價錢黎講, 尚算合理

超好食！雖然價錢比較貴，每種扒餐接近200.但物有所值！T骨肉質鮮嫩多汁，完全不需要其他醬料配合，肉放入口中就已然可以一嘗肉排的精華，唯一可惜是排的根比較多，需要用力才可以分開

九龍灣我食得多，今次食上水分店，首先，佢空間的確唔夠，有點逼，但總算夠坐，重點係佢下午茶真係抵食，西冷扒上碟已經唔係細塊個種，牛味都濃，我會加tabasco同茄汁做sauce,首先入口夠牛味，咬落唔會好老，剛剛好，夠腍軟，我下午茶都會繼續揀呢度食。

夏日炎炎，放假總係想懶d，唔煮飯，食個下午茶就當午餐去到上水探朋友，朋友介紹左黎呢間餐廳，話下午茶都有鐵板餐，多人幫襯又多款，就咁，黎左呢間餐廳叫左炸雞脾薯條同一個鐵板餐—黑椒豬膝配時菜佢嘅炸雞脾係生炸，外皮炸到脆卜卜，又無炸粉，內裏肉質岩岩好，外脆肉嫩，肉汁也很多 薯條無雞脾咁突出，但都脆口，略厭份量有點少黑椒豬膝配時菜，豬膝有點失色，佢係無炸到表面脆口，食落表皮好冧，沾汁先有d味餐湯好濃，但味道不太咸，還可以的服務態度不錯的 下次可試試其他菜式

踩完單車，走入商場覓食，選擇這間西餐廳作下午茶點了黑椒豬膝配時菜和芒果味嘅特色班戟班戟等左好耐先黎到，賣相還可以，切開未食就知忌廉打得唔夠企身，好水…完全不行芒果好酸，餡料尚算多，但配合左甜度唔夠，都唔企身既忌廉就完全不行，難食⋯面上既焦糖起左點綴作用，但對味道就無咩分別，唔覺層次豬膝厚身，上面淋左黑椒汁，表層既肉因為淋汁而有味，但切開，內裏肉質無咩味，似白烚… 骨膠原多，汁卻欠缺，令主菜欠缺令人回味嘅地方表皮亦無煎封，令到外層無脆口之感，軟林林跟餐嘅忌廉湯卻令人驚喜，香芋忌廉湯首次試，芋頭香又粉，令忌廉湯未飲已經先有色，香，味道比較有特色，芋頭粒足，有口感之餘，又食到芋香，且不奪本身忌廉湯之味美，成個下午茶比較滿意嘅地方價錢尚可，但食物質素有待改善