茜廊餐廳 (上水匯)

營業中

休息中

今晚入左上水搵朋友食飯，我地都想搵個地方可以坐得耐Ｄ，又舒服Ｄ既地方。係ＯＲ搵左陣，見到呢間茜廊餐廳都有幾多好評，決定試下。來到環境比想像中好，燈光柔和，陳設優雅，而座位都算闊落，岩晒同朋友傾計飲野食野。講返Ｄ野食先。羅宋湯很足料，味道酸中帶微辣，保持到羅宋湯一貫味道。而忌廉湯味道濃郁，最岩就係配餐包食。而頭盤我地叫左白酒煮藍青口，青口味道清新煙韌，而仲因為加左檸檬，酸味令人十分開胃，同青口亦很夾。而另一款西式焗田螺都唔錯，用料不吝嗇，口感滋味豐富。主菜之一紐西蘭肉眼扒拼大蝦（七成熟），肉眼扒切開仍見微紅，而入口感覺肉汁豐富，嫩而不韌，還可醮上黑椒汁，更加惹味。黑松露牛肝菌意大利飯，米飯完全吸收菌汁味道，味道濃郁，不過食得多會有少少滯。成餐飯最驚喜係估唔到呢到都有香煎鵝肝，作為鵝肝粉絲真係好難忍到口。上碟見到既仲比我想像大塊，鵝肝油膩感較較重，配法包食就最好，可以增加口感同減低油膩感。最後餐飲繼續貫徹餐廳「足料」風格，好似呢杯薏米水咁，足料到無可形容，完全「無得輸」。

呢兩年上水開多咗間商場叫上水匯，入面開咗好多餐廳，吸引咗我既注意，5樓有間茜廊餐廳，我知佢係樂富，天水圍同九龍灣都有分店，呢間餐廳出名價廉物美，今次一於試下上水分店係點。羅宋湯湯好出色! 皆因用足了料去煲，而且d料仲好夠味，羅宋湯本身味道比較複雜，今日既湯出色在每種味道都拿捏得岩岩好，唔會好酸，又有足夠既甜味，甜味係黎自蔬菜同肉，而胡椒粉份量剛好，所以唔會太嗆口。飲到一半仲俾我食到兩三塊牛腩! 食落好唸，而且好有牛味!!! 好有誠意既湯呀!難得!主菜-肉眼扒Size好大塊，唔洗食配菜都好夠食，肉質好嫩滑，牛味幾出，幸運既係，有d位仲痴d牛筋架，幾有咬口，好滿足呀!!小食-芝士焗扇貝扇貝肉都好大舊，唔會話住部都只係醬，食落好鮮甜，證明都算幾新鮮，我唔只淨係食舊肉，仲食曬d醬，入面有煙肉架，唔好走寶呀! 同埋隔離既沙律菜都食得架，食得唔好曬呀! 小食- 辣酒煮斐翠螺份量幾多下，一碗大約有6粒，size都幾大，經辣酒既調味，螺肉顯得特別鮮甜惹口! 好味道! 甜品-藍莓芝士蛋糕擺盤擺得幾靚，影相一流，芝士蛋糕中間夾住野莓醬，兩者味道互相中和， 食落酸酸甜甜。飲品-士多啤梨沙冰酸酸甜甜好開胃，有

其實除了上水廣場之外，上水仲開了一個新商場叫做上水匯，位置好近上水火車站，有天橋行過去架，間餐廳環境也不錯！適合慶祝生日，朋友飯聚的餐廳。餐廳上菜速度快，但食物水準不錯，再次吃也是點了薯條，因為醬汁實在太吸引，大愛但我跟位女性朋友食東西的速度趕不上，因為女生總是一見面就好多話題，下次再來可以叫住啲食住先。反正上菜快飲品方面叫左杯熱朱古力，味道偏甜。餐湯忌廉湯普通，味道偏淡，質感太稀。食物份量大碟抵食！下次去開上水也會再來好大份的沙律

現今的科技發達，靠著這些科技往往會有意想不到的驚喜！最前，BeautySearch 就是因為這些科技，讓我有機會重遇多年沒有相見的好姊妹。 想信，不少朋友，都曾在網絡世界尋回自己兒時的朋友、同學，甚至從未相見的親戚。活在現今科技資訊發達的年代，很多不可能也變成可能。 既然好姊妹多年沒見，當然要相約出來聚聚舊。由她的工作忙碌，雖然居住上水，BeautySearch 也決定往上水走一趟。但由於 BeautySearch 絕少前來上水，對這一區，絕對是陌生的，早來時，友人還未放工，一個人在附近的商場閒逛，隨道試探一下，最後選來一家《茜廊餐廳》，除了因為店子門面不錯外，最重要的，是耳熟能詳的店名喔！ 餐廳不至門面吸引，甫進店內，環境帶點昏暗，充滿浪漫氣氛，細看下，浪漫背後原來注入了工業風味，卡位旁的牆身，竟然化身成貨櫃，如此裝潢，別具特色。 MENU 中的選擇也不少，最抵，當然是點選套裝。 是日餐湯，是傳統的西式忌廉湯，搭配香脆味濃的蒜蓉包，相當有水準。 套餐方面，我點選了一客「BB 菠菜鮮蜆煮鰽魚」 HK$168 作主菜，相當健康的感覺，因為菠菜的份量相當多，以菜取締一般的飯意粉，反而更

今朝朋友系上水有野做😗，於是小妹下午就去搵佢食lunch👅。朋友話想試上水匯既茜廊餐廳，但平時自己1個去好odd👣，所以叫我陪佢🤣。有機蕃茄田園沙律($68)：沙律菜🌱幾新鮮，而且款式算多。蕃茄🍅多汁，酸酸甜甜好開胃😜，上面仲佈滿鮮甜既粟米🌽添！小妹就略嫌車厘茄未夠新鮮👉🏻👈🏻，有幾粒爆開左🙊。燒沙嗲(雞)(6串)($52)：呢個雞串好有特色😝～雖然menu張相有個爐仔🔥，但我完冇expect過上菜個陣都會出現😍。食串燒之前可以再烘1烘♨️，風味十足啊👍🏻！香草燒紐西蘭羊鞍($148)：紐西蘭羊鞍🐑好香香草🌿味啊！我地揀左7成熟，吾算太生又吾會過熟👌🏻，食落皮脆肉嫩😋，都幾juicy💦～另外，伴碟既薯仔🥔味道同質感都吾錯啊！香煎英國皇室豬柳($138)：可能羊鞍既味道比較濃，豬柳🐷既味道就相對比較淡。小妹覺得呢個不過不失，勝在份量夠多😄～棉花糖朱古力($34)：呢幾日咁熱😕，又點少得凍飲呢😎？棉花糖朱古力🍫系用高身既杯🥂裝既，成個feel幾高級✨。飲落味道似朱古力奶昔🥛，好好味啊😇！茜廊餐廳系天水圍、樂富同九龍灣都有分店😀，下次經過都會考慮再食呢🍴！

茜廊係我嘅印像中一直都只係間麵包鋪。今日約咗朋友喺上水食飯，商場行下見到一間茜廊嘅餐廳，原來佢有開餐廳嘅!平時麵包質素好好，見佢有餐廳一於入嚟試下。餐廳坐比較多好寬敞，座位都好舒適每張枱都有一個蠟燭，氣氛營造得十分之好。一打開menu發覺其實食物種類都有好多，飯，意粉，小食，沙律，甚至pizza都有跟餐嘅麵包同埋餐湯就唔使多講，朋友要忌廉湯我要羅宋湯，羅宋湯十分之足料，仲見到大大粒嘅牛肉十分之少見。而我最後係侍應嘅推介之下就試左一個香煎大蝦拼美國牛柳。食牛扒就緊要香濃嘅黑椒汁啦!呢一度嘅大蝦十分大隻，而且煎得啱啱好十分之彈牙，肉質唔會太過鞋。而且牛柳我要7成熟，食起上黎肉質十分之嫩滑同埋林，亦都好重牛肉味。 嫩滑既口感令我十分驚喜，配上香濃嘅黑椒汁令整個牛嘅味道提升飲品我就要左杯特飲chocolates smoothie。呢個朱古力沙冰，朱古力味十分香濃，而且配上少少朱古力醬同埋忌廉，飲落更滑

呢間餐廳裝修都幾有氣氛價錢不會太貴～卻有不錯的環境！安格斯牛,賣相算係整得用心同吸引！望落去肉汁有鎖到　多汁肉質彈牙最值得讚既係～薯仔唔係薯條了食得太多薯條有ｄ厭感覺上薯條仲要熱氣好多～不過就無飯配如果有埋小小意粉／飯會更好～龍蝦配牛柳牛柳其實好厚　要整得好食好考師父功力呢個牛柳岩岩好７成熟～　合乎我口味，唔會整到出面好熟但入面過生而餐廳成日都會將呢道菜整成推廣優惠～有優惠的話一定要試雪糕份量夠大　呢到要小心如果食到好飽就唔好叫甜品～呢到ｄ甜品出名大份ＸＤ

每次同屋企人出街食飯，最開心嗰個一定係媽咪因為媽咪唔洗煮，又唔洗洗，食飽飽就起身走人！所以為咗哄佢地開心，我得閒都會帶阿爸阿媽出去食吓飯，等佢地開心吓今次帶佢地去食西餐，呢間餐廳係屋企附近，裝修幾靚，而且坐得都算舒服！Dinner set 有成10款，款式都叫多！我地一家人最後每日揀一個，再share 食，咁就可以食多啲唔同嘢啦餐湯有羅宋湯同忌廉湯，我地㨂咗羅宋湯！蕃茄味濃郁，牛腩軟腍，而且非常足料。味道微微帶辣，食落好惹味由於媽咪非常注重健康，嫌我地太多肉，所以另外叫咗一個招牌烤雞沙律$98。沙律菜新鮮，而且切到細細份，好易食。食完沙律就到主菜手打和牛漢堡配炸薯條$98。薯條即叫即炸，上枱時仲係熱辣辣，食落好香脆，唔錯和牛漢堡好香牛味，麵飽微微烤過，不過單食好似有啲dry，所以我夾咗側邊嘅生菜同蕃茄一齊食，口感比較豐富！如果有埋芝士，咁就更好啦BBQ烤豬仔骨夢條油醋沙律$168，用的是甜BBQ醬，味道帶甜，係我鍾意嘅味道。薯條同樣係即叫即炸，最怕食腍身薯條，幸好呢到嘅出品無呢個問題最後我地叫咗個紅蝦鮮蟹肉天使麵$118，蝦大大隻，味道鮮甜！不過略嫌天使麵微微煮耐咗，所以無想像中煙韌！

依間餐廳其實都已經食過幾次. 自從上個月發現左之後, 差唔多每個星期日都會過黎食一次, 尤其喜歡佢窗明几淨嘅環境. 食物質素都係幾好. 今次黎食嘅係香煎鵝肝拼美國牛柳. 朋友"貪得意"點左個較罕見嘅帶子釀焗大啡菇意大利飯. 另外加點了一個意大利薄餅. 香煎鵝肝拼美國牛柳個份量都幾大. 自己本身鍾意食鵝肝同鋸扒, 依個餐就滿足左我兩個願望. 鵝肝煎得好香, 入口即融, 牛柳肉好嫩, 兩樣都幾好食. 朋友食個個大啡菇意大利飯賣相好特別, 我都試左幾啖. 個菇味真係好香xddd，啲飯都有啲菇味, 同埋有點拉絲效果, 味道都唔錯意大利薄餅不是厚批底的, 幾脆, 份量唔算好大, 但新鮮出爐都幾好味. 今次喊得太多野食就冇叫甜品, 但下次就可以試下佢啲甜品. 

最近轉左工，係北區工作，多左出現上水，難得早收工，同老公二人世界食下飯。去左火車站附近既西餐廳食飯。餐廳既卡位係落地玻璃，可以睇到外面既境觀。因為好肚餓既關係，所以叫左好多。前菜: 串燒雞肉沙嗲一係有一個爐俾我地玩，都幾有趣，D 醬汁都幾好味。小食: 芝士煙肉焗雙蔬呢個既味道唔錯，但我覺得醬汁可以整結少少。主菜一: 香煎鰽魚柳大蝦配温室菠菜我就好鐘意食呢一個，一方面好喜愛食魚，另一方面又好鍾意食菠菜。菠菜整得好甜，感覺好新鮮。主菜二: 西西里海鮮意大利粉我好欣賞D菜係出煙咁送出黎，代表係即整又夠熱。呢個意大利粉有少少辣，但係就幾野味既。主菜三: 費城BBQ豬仔骨我唔係好食牛，所以見到RIBS通常都會叫，呢個豬仔骨都唔錯，但就無某星期二餐廳咁大件，兩個人食就剛剛好，薯條都整得好好食飲品: 比利時朱古力雪香&雪糕紅豆冰呢個紅豆好似係用日本好豆，好似有少少唔同，都幾特別唔係我飲，但望落唔錯呀

剛剛在大陸工作回來，就在上水食飯最方便，其實上水一點都不熟，好在有個住北區的同事帶路。坐在卡位有燭台幾有情調，不過卡位有點窄，太擠迫。馬介休球 $39剛剛炸起就上檯，熱騰騰，是馬介休加薯蓉，味道不錯。香煎鰽魚柳大蝦配溫室菠菜 $148鰽魚好大件，肉質尚算滑，而醬汁是白汁，不會太膩。BBQ 豬仔骨 $128薯條好脆好香口，忍不住食了好幾條。豬仔骨不是一條長骨，而是似燒排骨，BBQ醬幾惹味，而肉質算入味有嚼勁。鮮果棉花捧捧新地 $39賣相幾高分，以多款生果堆砌而成，有微甜軟滑的忌廉，味道不錯。

辛苦左一日，老公提議搵個坐得舒服啲既地方食個晚飯，於是小朋友就提議去上水匯既「茜廊」喇！環境，氣氛真係幾好，可以望到窗外景色，餐廳內卡位亦不小，特別節日近近地可考慮一下，價錢抵食，又多一個食好西既選擇！最重要唔需要同水貨朋友迫又靜靜地！晚餐有好多不同選擇，有套餐亦有散叫（可惜我地落左單先發覺仲有一本好似雜誌咁既散叫餐牌，唯有下次先食）特級西冷牛排 套餐 $118 ~7成熟（原來呢個餐係有餐包同湯，我而家先發現職員上漏左）估唔到牛排質素超過預期，面積佔鐵板一半有多! 而且肉厚夠鬆化，多汁唔會好乾，熱辣辣，薯菜份量亦相當多，平民價食埋環境同氣氛實屬不錯。二人套餐 $388 ~ $498 頭盤+湯+包+餐前紅,白酒/橙汁+ A,B 款主菜各一+咖啡/茶+甜品 （真係好抵食）頭盤 煙三文魚沙律（2客）+白酒煮藍青口三文魚同沙律菜幾新鮮，連唔鐘意食菜既小朋友都成客ko左！藍青口好鮮甜，啖啖肉，無海水味，一客份量都幾多，鐘意食藍青口既見到都好吸引，不過建議頭盤可以多1，2個選擇。A款主菜 波士頓龍蝦（半隻）拼德國BBQ豬仔骨 $498龍蝦雖然得半隻，但已經佔隻大碟既1/3有多，肉厚同好多汁，龍蝦味

朋友從台灣回港 住在北區 為了方便她 我便從九龍來到北區尋覓美食呢間茜廊餐廳 現有分店天水圍 九龍灣 樂富 九龍灣同樂富分店我都食過 但印象最深刻的是已關的葵芳店 當年我喜歡從紅磡去葵芳品嚐茜廊餐廳 只因有露天茶座 可以慢慢品嚐美食 聊聊天 最緊要的是下午茶有買一送一 A+A/B $108 B+B $98當三個人還未食早午餐 還要2點才到達餐廳 一定要好好的慰藉自己 由前菜到甜品 足足食左3個幾小時 職員都冇趕我地走 法式焗田螺薯蓉半打 優惠價：$29 （正價：$38 ）薯蓉味濃厚 蓋上了田螺的味道 但作為一個薯蓉小食也好串燒沙嗲雞肉半打 優惠價：$39 （正價：$48）特別之處配上一個細小的爐 侍應落枱時也溫馨提示顧客 串燒已經係7-8成熟 再輕輕的燒一燒便食得了 這樣便可以食到熱辣辣的串燒 沙嗲醬另上 可以隨時自己配搭 雞肉也比較嫩 不會因為再燒而乾下午茶 A+A $108 扒配扒也只是108大元 配上湯 包 飲品 這個價錢食高級食物在那找鐵板美國西冷牛扒時菜 配黑椒汁 7成熟 不會太生也不太熟就岩了 鎖定了牛肉的鮮汁在內 好Juicy 配上濃味的黑椒汁德國咸豬手扒配酸椰菜蓉下午

自己一個係上水 又到晚餐時間 經過門口又好似幾好咁喎 入左去先發現係伏帆立貝意大利飯有餐湯 包 飲品餐湯 白湯 無特別包 香蒜法包片 淋左。好un飯 帆立貝 得一粒一擺上枱 呆左 成碟飯白曬曬，食落。得洋蔥味就無啦....唯有落黑椒 但始終都係難食餐飲 凍奶茶 無味淡某某 成餐飯俾錢買難受....真係好難食

今日是家姐生日，我就請她來茜廊食當作慶祝生日，當然不少得爸爸媽媽 ^^來上水是因爲近屋企，而位於茜廊的上水匯也是我第一次踏足。餐廳佔地幾大，座位還算寬敞。一家人高興就點了一支Don Simon 西班牙白酒 $188，入口帶清甜順喉，不錯。焗田螺薯蓉 $29薯蓉外面少少脆，質感軟滑，焗得剛好，而田螺幾彈牙。安格斯西冷扒 10oz $188媽媽好少煮牛，所以出街用餐才有機會食牛，而10oz 四個人分享剛好。有不少新鮮的黃椒、翠玉瓜等配菜，牛肉7成熟，肉腍中帶嚼勁，有肉汁。香煎鰽魚柳大蝦配溫室菠菜 $148大蝦都幾巨型，不過雪藏味有點重，而鰽魚煮得剛熟夠嫩滑，而且甚少魚骨，配搭菠菜忌廉汁原來味道也幾好。蕉焦朱古力布朗尼雪糕 $39不似menu以鐵板上檯，賣相有點令人失望。燒熱的焦糖香蕉暖暖地幾香，而布朗尼質感有點實，估唔到士多啤梨雪糕size比brownie大很多，跟menu相片差很遠。