茜廊餐廳 (上水匯)

營業中

休息中

呢間餐廳，有點像一般茶餐廳，入到去，侍應生都超忙工作，不像平時的中至高級西餐會有一兩個專人照顧幾位桌，好多時都要揮手好幾次，才有人招呼，但卻不是茶餐廳介錢，但要說明，服務是好的，員工是有禮，吃完出門仍有禮說再見，只是太忙，落留餐，要set都會忘比餐湯，上餐次序更是沒有 ，也太忙，朋友想要紅湯都沒有聽入耳，比白湯……先說說食物，都ok!忌廉湯，都ok有忌廉湯味，但朋友話太希法式田螺，去左殼，薯溶好滑，加了芝士面好好味燒朱bb腿，皮好脆香口 ，但燒汁有點甜酸，怪怪地 龍蝦拼雞扒，超大碟，但龍蝦冇肉，也沒味，反而雞扒香口，嫩滑 餐轉了特飲，黑牛ok，即朱古力加梳打，似原裝味道，另一杯比利時朱古力就唔知，因為朋友冇比意見

有日經過上水匯，剛好肚餓，想搵一間餐廳食野，想食好D，於是周圍搵，最終俾我搵到一間餐廳，環境氣氛不錯。入到去，感覺很開揚，有柔和燈光、有輕鬆音樂、窗口都是落地玻璃的，可遠眺街外景色，感覺自然、舒適。坐低望吓餐牌，發現很多款式都好啱心水，但當時有點餓，揀左『板燒西冷牛扒配薯菜』，點了忌廉湯。等了一會，來了忌廉湯，原來個湯配有軟包硬包各一個，我喜歡把部份麭包放入湯內，讓湯汁滲入麭包之後才開始食，個湯本身味道適中，不太濃，亦不太淡，配合兩款不同口味的麵包，感覺三重享受。接著重頭戲來了，就是我最喜愛的西冷牛扒，伴碟有爽脆的薯菜，用燙熱的鐵板盛上，倒入燒汁後發出沙沙聲響。當鮮味多汁的厚切牛扒，加上濃味的燒汁，再加上我最喜愛的芥辣醬，感覺配搭一流，很入味，諗唔到味道可以咁夾，真係冇揀錯。最後點了一杯凍奶茶，埋單接近$110，整體感覺良好，會再來。

呢個迷你商場開左都有幾個月時間，一心諗住終於為上水添啲食肆新血，造福街坊。係呢間鋪隔離都係連鎖餐店，嗰日下午茶時間見門口個職員咁落力sell就即管入去試試。職員安排坐窗口卡位，環境都算唔錯，幾有high tea feel.望過餐牌下午茶餐, 印象選擇唔多個五款. 記得2個人去食, 本身諗住一人叫一樣,share食,最後都揀左同一款就知幾少選擇. 我揀既係瑞士汁牛肉河. 個名幾好聽, 不過簡單d, 啫係干炒牛河. 碟野食一上枱, 好疑惑自己明明冇叫waiter碎上, d河粉唔知點解炒到一粒粒. 好似阿媽蒸肉餅前剁碎左咁散晒. 牛肉ok既, 一塊塊完整既(但數量唔多), 味道就一般了, 好多茶餐廳做得好過佢. 始終口感好差.埋單都要$50-$60整體黎講, 食物質量好差, 餐廳環境ok, 唔會搵錢黎嘥的話就唔會再去食囉.

上水匯行開張，入到去試左呢間茜廊D扒的確系唔錯，我地叫左個羊扒，跟餐有埋前菜同湯。前菜系沙律，清清地幾開胃，加少少沙律醬味道已經唔錯了 湯除左紅湯同白湯仲有酥皮湯揀，可是酥皮湯只系個酥皮好食，湯料就麻麻地 羊扒要左六成熟，熱辣辣ge鐵板燒，上到來口感剛剛好。但羊味略淡，不是那麼好吧

一入到去環境都好既，點左野食好快就到，個湯都幾好，但主菜一到就啞口無言，一黎到係唔夠半秒個侍應即刻倒汁落去，我連餐巾都未找到係手喎，啲汁彈到人咁點呢？？仲有我叫左西冷6成熟，但係鋸開一定唔止，大概9成熟，仲要有一大舊根係到，我同朋友叫左兩杯野飲，但等一小杯糖漿，夠佢定夠我呢，搞到野飲咩味都冇，最後叫埋單，叫左好多次都冇人黎 。放但張單就走左去，我放低錢叫人黎收，又冇人理，成10分鐘之後先有人黎拎，服務好差

今天下午要去上水工作，在火車站附近收到了宣傳單，板燒美國西冷牛扒竟然買一送一，$79份仲包飲品或餐湯，但只限下午茶時段供應。上到餐廳，下午茶時段客人也不少，看了菜單及附近客人，我最後選了美國牛腩清湯河粉。估不到隻碗咁大，好在份量也不少，我是大胃口的也可以吃飽。這裡的牛腩跟平時在中式粉麫店有點不同，牛肉味香濃，肉質肥瘦適中，囗感夠冧，牛腩大大塊的，我喜歡這不肥膩，也不似其他店的牛腩切得太細件或太瘦，也有些白蘿蔔作配菜，幼河粉幼滑可口，配上清湯很好吃，趕快吃飽後便要往工作。這裡待應生也算勤快，只是座位有點窄，坐得不太舒適，可能坐在窗旁的卡位會好些。希望下次再來試其他菜式。

行經上水依個新既豆腐潤既商場，睇下有乜嘢好食，見到依間餐廳咁啱有個窗口既卡位，加上價錢又唔算貴咁就入左去食自拿紅酒一支，收30蚊開瓶費都算合理叫左兩個晚餐，每個餐都有一個餐湯，一紅一白。再加埋有蒜蓉包附送，餐湯味道不錯，好足料，唔似得一啲餐廳"稀了了"咁，個羅宋湯重有好多牛肉起湯入面。至於啲蒜蓉包就一般，唔脆又唔熱，不吃也吧。主菜就叫左一個西班牙乳豬伴沙律同一個法式羊架。首先個西班牙乳豬係幾好食，啲皮好脆，啲肉唔會太咸，只係啲伴菜沙律好唔新鮮另一個主菜法式羊架，明顯煮得太熟，用刀都好難切，又無嚟味道，啲伴菜西蘭花好似啲枯黃既菜，好難食

同fd行過見到咁啱有coupon派 就諗住入去試下新野 下午茶時段4點幾唔算好多人 好快就有得坐 野食都好快上到 d侍應好好笑容 好快帶咗我地去卡位坐 值得一讚 店內氣氛環境都唔錯 幾舒服~叫咗清湯美國牛腩河 份量比想像中大份 對於細食既我有少少over 但牛腩夠淋 而個河粉好好食 值得推介! 今次既精選蛋糕係tiramisu 係coupon送既 羅宋湯不過不失 但蒜蓉包就幾香同脆同朋友係到逗留咗接近2個鐘 見到差唔多轉晚市嗰陣每枱都會有蠟燭 幾有氣氛咁 下次有機會都會試下晚餐xd

經過餐廳見到餐牌食物幾吸引，而且價錢唔算貴，於是就決定試下～最重要係唔洗等位餐廳裝修簡簡單單，配埋BGM，感覺好舒服，最o岩同朋友聊天～仲有，侍應好醒目，一坐低就即刻拎咗水過來講返食物，兩個人ordered 焗咖喱牛腩飯同格仔餅伴雪糕（朱古力）：焗咖喱牛腩飯一送到來時香味撲鼻而來，雖然賣相唔吸引，但試落又好好味。咖喱味道濃郁，牛腩好入味and tender，平時唔中意食牛腩都忍唔住比個LIKE，且份量十足。仲有，炒飯底都好好味，不過如果可以再多d汁就好喇～ 至於格仔餅伴雪糕......賣相吸引，不過好可惜唔記得影相。。。朱古力雪糕入面有d脆脆，一共有4件格仔餅，香鬆的格仔餅配埋cream, taste good! 兩個人share就o岩o岩好，唔會食到膩~As i mentioned before, 餐廳環境好舒服，雖然係食下午茶，但坐到人地開始轉晚市（擺蠟燭）先捨得走~ 期待下次再試其他下午茶餐

今日同朋友去咗呢間餐廳食tea, 一入到去就有waitress帶位，下午茶嘅選擇都幾多，有意粉,串燒,甜品等等、開頭都唔知揀咩好，最後揀咗雲呢拿雪糕班㦸配凍檸茶，仲有coupon送嘅tiramisu。野食好快就送到，份班㦸都幾大份，夾着係裏面嘅除咗雪糕仲有cream, 食起黎唔會太溜，係個唔錯嘅選擇！另外送嘅tiramisu就有少少苦味，可能唔太適合鍾意食甜野嘅我。值得一讚嘅仲有呢到嘅環境同waitress, 坐得舒服又有音樂，坐好耐都唔會俾人趕，有咩需要都即刻有人過黎，係個消磨時間嘅好食處，下次黎再試吓其他野食先！

晚飯時段, 反正時間充足, 決定到西餐廳悠閒一下羅宋湯, 夠熱, 味道濃郁, 於上水鮮有;但法包有點強差人意, 不夠脆, 有待改進主食是咖哩牛腩, 咖哩汁夠味, 牛腩也夠焾,薯仔也很好吃, 沒有溶溶爛爛很粉的感覺雖美中有不足, 整體上比不少餐廳優勝, 希望下次再來時會有驚喜

是日休假，跟媽媽到上水新開的"上水匯"會一會先。原本打算去潮江春一盅兩件嘆茶，但被門外的人山人海嚇怕。發現了這新開張的西式快餐店又不用等位，於是進去一試。下午茶尚算多選擇，價錢以西餐廳來說也可以接受。我們都點了焗餐，奉送咖啡／奶茶。另加錢有餐湯跟田園沙律。餐湯一般茶餐廳水準，而沙律則較有驚喜，清新的蔬菜令人開胃非常。焗白汁芝士龍脷飯　＄43以下午茶份量來說是頗多的，而且龍脷亦一整條上。白汁不過不失，只是不夠芝士味跟焗得不夠火喉。焗肉醬意粉　＄ 36肉醬鋪滿芝士，味道很不錯，但能吃出只是後加焗一焗，同樣是焗得不夠但味道是可取的。這頓下午茶埋單接近＄１００，但份量跟味道都是可以接受的眼看其他客人點的串燒很是吸引，有個獨立迷你炭爐一起上，下次一定要再試試！

聽聞上水滙有間老牌西餐-茜廊餐廳進駐，想試好耐了，終於等到個仔得閒一同前往，聽到茜廊餐廳呢個名 ，就令我想起以前在九龍灣工作時，成班同事成日都要去餐廳食的開心日子，果d蒜茸包+蒜茸油👍👍👍我地早到，見未有什麼客等可以直入。厚切安格斯肉眼扒，正 ！厚切肉汁多，有肉味口感好，唔似出邊d餐廳淹到完全無肉味無咬口，個仔話下次來都食呢個。我的選擇，西班牙燒B B豬$118，皮脆肉汁多，熱辣辣，食到豬仔本身的肉味，個皮色淺些就仲正，超值 ，在中環餐廳無食無$300都食唔到 千層麵我太太話好味 多料，又有些磨菇，但我就唔鍾意食淋的食物 pat pat 的食物 不俗的一餐，是d 檯就逼d 臨尾個仔重要整多杯日本紅豆冰 超正

今天去完教會，跟家人去上水吃下午茶。去了新開上水匯，最後選了茜廊餐廳。茄茸蜆意粉 $48今早沒吃早餐，這是我的早餐暨午餐暨下午茶。 味道不俗，有點像羅宋湯，有好多蜆(食極都有)，意粉彈牙。公司三文治 $49公司三文治一般，和美心的公司三文治差不多，內容為火腿、蕃茄、煙肉、雞蛋、芝士和生菜。價錢略貴。還點了炸雞脾配薯條 $3x (忘記價錢)。飲品 - 凍奶茶 凍檸茶飲品 - 即磨咖啡門口派coupon 送甜品 - tiramisu

比起九龍港島既分店，呢間差太多，西餐完全唔理上菜次序，另外仲要落單叫勁耐都無人，埋單又係咁，好難唔燥，不過有一個應該係大粒D既女經理黎，佢態度真係好好，又有效率。 講味道其實還好既，可接受度都有4粒星，不過個羅宋湯唔夠辣 如果辣D就更好!! 啲餐汁都好夠味，不過就真係無咩特別。。。