茜廊餐廳 (上水匯)

營業中

休息中

今天後搬至粉嶺居住，因家中要裝修，只好由天水圍搬至粉嶺吧。今日便來到上水，吃個下午餐吧。加拿大特級T骨牛扒$288超級大片的牛扒阿，獨自一個進食，表示很滿足呢。牛扒像一個心形，厚肉大片，賣相不俗。牛扒可配上黑椒汁，燒汁，蒜汁等，任你選擇，肉味濃郁，不沾醬也可以。午餐包括蒜蓉面包和餐湯餐湯可選忌廉湯和羅宋湯。什錦海鮮炒烏冬$60大大碟的炒海鮮烏冬，呈上時熱辣辣，香氣四溢，非常有鑊氣烏冬口感滑溜，海鮮份量也足，肚餓的你也會飽吧。

成日行過，今日終於有機會入去食啦!!!!!餐廳唔算好大，但係座位算係寬闊睇餐牌選擇都幾多，同埋會有優惠套餐以西餐黎講價錢都唔貴，最後揀左個二人餐 + 一個set +$8 餐湯仲可以轉酥皮湯添!!!!小驚喜 : 餐包係蒜蓉包，仲熱熱地、脆卜卜同埋好香蒜蓉味忌廉湯同羅宋湯味道岩岩好，唔會太咸要讚一讚酥皮湯，酥皮唔會太膩二人餐有白酒煮青口同煙三文魚沙律做頭盤白酒配海鮮基本上無得輸，加上青口又夠鮮味，加埋檸檬汁食左一隻就停唔到口沙律菜都好新鮮，最鍾意就係唔會太多沙律醬二人餐可以揀兩款主菜，今次就Order 左波士頓龍蝦配豬仔骨同埋黑松露雞肉意大利飯意大利飯食落唔會太硬，個汁好香黑松露味本身以為係雞絲，但原來係啖啖雞肉!!!!!波士頓龍蝦配豬仔骨個人覺得必食豬仔骨煮得岩岩好，食落仲好 Juicy 配埋醬汁，味道好夾西冷牛扒Order 左7成熟個面煎到有少少脆，入面仲有肉汁濃濃既牛肉味，唔會好多肥膏食完仲有多杯餐茶送食到好飽，有時都幾怕再飲好甜既飲品但呢到既凍檸茶可以自己加糖水，要幾甜自己決定性價比高，以西餐黎講都幾抵食，可以一試!

難得星期天與家人到上水食早餐。一早來到上水茜廊。禁了飛等位。眼見店內有四人座剛離座...接著侍應叫飛竟然叫二人+二人！我不以為然想著再等一會。那過幾分鐘又有四人座，侍應竟然又叫二人+二人過去跟侍應查詢，她竟說那二人先到的，但我好肯定之後那二人+二人是比我們還後來的說真的真不明白他們怎安排，嘈了一嘈他們又開始叫回四人飛，點解咁無原則？到坐低後，叫野食侍應態度極不友善東西又常常上錯！唉！不會再幫襯了！

上水, 總是很少去. 一來太遠, 二來總是被新聞渲染, 似乎變成了水貨之城, 氣質也有點令我卻步. 這天到上水, 其實是為了就一個好朋友. 佢住在如此與世隔絕的地方, 每次出來聚都佢落九龍, 今次就返佢一次, 都唔算太過份啫. 佢帶左我黎依間餐廳. 話就唔多講, 直入主題. 酥皮龍蝦湯. 酥皮仍然好熱同脆, 鑿開之後, 裡面的龍蝦湯非常之濃郁, 窗外探來午時的陽光, 好像連空氣都充斥住美食的香味. 氣氛幾舒服. 配湯的蒜蓉包都幾有水準. 香熱酥脆. 跟住食左個傳統寶雲酥燒羊架鍾意食羊嘅人唔少. 有啲人會鍾意羊的羶味, 覺得那才是羊肉最好吃的地方. 我自己就不太喜歡. 這個羊架無羶味, 燒得好香, 肉質嫩酥, 大啖肉好好味. 最後食左個心太軟. 水準正常. 蛋糕軟, 流心效果亦不俗. 是一間頗為不錯的餐廳. 

今晚自己一個去上水附近食好野一早已經有朋友話茜廊好味😋今晚終於有機會試試入到去氣氛好好，好高級既感覺，睇埋價錢又唔算貴wo~粟米忌廉湯配麵包👍🏼👍🏼味道又香又濃，湯上面有啲蒜蓉包粒，有得飲湯之餘仲有得食d蒜蓉包，令到個湯唔會單調😍西冷扒配芝士焗龍蝦好有牛味，肉質嫩滑，可惜既係好多根，比較難咬芝士龍蝦唔太新鮮😥😥白酒煮藍青口👍🏼最後叫咗個小食😋青口好入味，而且新鮮彈牙總括黎講，價錢抵，食物質素較高餐廳環境一流，服務態度又好係平民價既高級餐廳👍🏼👍🏼

對上水的印象就是很多水貨客拖著行李箱衝來衝去！發現除了上水廣場之外，開了一個新商場叫做上水匯，位置好近上水火車站，有天橋行過去架，間餐廳環境也不錯！上菜速度快，但我跟位女性朋友食東西的速度趕不上，個飯凍左唔好食，可以叫住啲食住先。飲品方面叫左杯熱朱古力，味道偏甜。餐湯忌廉湯普通，味道偏淡，質感太稀。半架有驚喜，無so味，肉質鮮嫩！但調味粉重手左少少。大愛是薯條，醬汁好好食！食到一條都無得淨這個沙律有剛失望薯蓉醬汁調得出色！田螺好吃普普通通個飯，不過不失

上水哩間茜廊好食過九龍灣間茜廊～以前多數都係食lunch ... 不過都有成年冇食過，咁啱有飯局，咁就有機會再試下～餐湯加$8可轉蘇皮湯（覺得好抵）、叫餐加鵝肝都係加$40蚊鬆d~ 半價->抵！黑松露pizza好味😋肉眼扒就"un"左d...ribs就覺得唔係幾好食.口感麻麻，但個汁就ok的。😑心太軟個味怪怪地，可能焗"lone"左。

今日和老婆往上水茜廊食晚餐, 點了卡邦尼意粉, 野菌忌廉湯、白酒煮藍青口、羅宋湯、煙三文魚沙律、芝士煙肉焗帶子、、蕉蕉意大利布朗尼雪糕和凍意大利泡沫咖啡。卡邦尼意粉意粉好滑, 白汁香濃, 煙肉和磨菇好入味；野菌忌廉湯賣相一流, 湯夠熱, 濃度和味道適中, 忌廉味香濃, 嚐到野菌鮮味；白酒煮藍青口, 藍青口好新鮮鮮甜, 配上白酒煮法, 帶出白酒的香味和藍青口鮮味；羅宋湯好足料, 什菜和蘿蔔都好入味, 湯味香濃, 配上香脆蒜蓉多士和提子麥包, 口感豐富, 好好飲；煙三文魚沙律三文魚好香, 味道香濃, 配上車厘茄, 沙律菜和沙律醬, 食落層次豐富好, 車厘茄和沙律菜好新鮮爽口,配上沙律醬一起食, 好開胃的感覺；芝士煙肉焗帶子是晚市惠顧送贈的, 芝士汁夠熱夠香濃, 焗帶子好彈牙, 配上香草和芝士汁, 熱辣辣好好食, 而且配上車厘茄和沙律菜中和油膩感覺；烤百里香春雞, 整隻烤雞雞肉鮮嫩, 皮好脆, 配菜黃椒和青椒, 食落去鮮甜, 薯仔炸得金黃香口, 配上茄汁食落開胃, 好豐富滿足的烤雞；食飽飽後點甜品和餐飲, 我點了蕉蕉意大利布朗尼雪糕和凍意大利泡沫咖啡, 蕉蕉意大利布朗尼雪糕, 香蕉煎得好香,

6點左右去到餐廳可能因為時間尚早，都唔算多人晚餐有唔少DINNER SET選擇叫左2個SET就先黎餐湯，一紅一白兩個湯都幾多料，味道唔會好罐頭，都算唔錯帆立貝意大利飯SET $108意大利飯幾有驚喜個汁夠Creamy， d飯又夠硬身唔會一pat野 雖然帆立貝偏細粒，但都唔會好重雪味呢個價位黎講都已經收貨加拿大特級T骨牛扒 $288牛扒黎既時候真係被佢嚇親因為真係超大塊，連隔壁檯都忍唔住望住我地 我地叫左3成熟，牛扒唔UN，而且幾JUICY但調味方面重手左，個人覺得咸左D脆炸籃 $52叫DINNER SET加$52可以換脆炸籃入面有炸蠔，薯條，炸魚柳同埋炸蝦都幾多野食，不過炸粉比較厚而且用料唔算靚，可以唔駛試地點係上水匯，近火車站得黎又唔會太多人而且服務幾有禮貌整體都算唔錯，下次諗唔到食咩都可以再去

今日放假入左上水朋友新居探訪佢話有一間餐廳食西餐唔錯 原來我幫襯過係樂富既分店 原來上水也有架 餐廳環境簡潔乾淨 幾有情調推介之選焗田螺薯蓉 焗得金黃微燒焦面層 陣陣香味撲鼻 食落田螺軟綿 薯蓉入口即溶 香煎美國鵝肝 煎得香脆內嫩 夾埋多士 太美味 西冷扒配芝士焗龍蝦 西冷扒七成熟煮得啱啱好帶點筋變得有嚼頭配黑椒汁 食入口有肉汁焗龍蝦肉面層滿滿芝士 蝦肉唔算爽脆 但都好夠味 比利時朱古力香雪 無得輸 香濃朱古力味又唔會過甜 飲落又好似奶昔咁有少少冰碎好有口感

如果你有個港女女朋友，佢真係九唔九就話想去食燭光晚餐。好彩，好好彩，真係好好彩，我家嘅A姐絕對唔係、唔係、真係唔係港女嚟架！如果咁不幸，你都有個好鍾意食据扒嘅女朋友，budget又唔多，不如試吓M佬呢個介紹啦！酥皮忌廉湯配蒜蓉包：酥皮焗到金黃色，靚靚!! 不過嗰忌廉湯就比較淡!! 反而嗰包好正，一個有提子，嗰蒜蓉包好香脆，加分。法國焗田螺薯蓉：細細個嗰陣，老豆成日帶我同媽媽去佐敦牛屋食焗田螺! 特別鐘意食田螺下面嘅薯蓉，吸晒啲精華! 牛屋執咗，好耐無食過田螺啦! 呢到嘅田螺焗到表面有少少燶，田螺彈牙有口感! 薯蓉入口滑好香香草同牛油味，正!黑松露脆薯條：同我哋想像嘅有啲出入!! 嗰黑松露醬唔香黑松露味，無咩味!香煎鵝肝配法包：跟餐可以加$24就有鵝肝法包! 嗱，講句公道說話，唔好以高級餐廳嗰把尺嚟度呀! 以$24嚟講，不過不失，食得過!特級牛柳配阿根廷大蝦：牛柳份量一啲都唔小，煎得啱啱好，鎖住晒啲肉汁。入口淋身，好濃牛味!! 大蝦都好正，燒到燶燶地，勁易就可以拆開嗰殼，仲要啖啖肉，正! 跟餐仲有New York Cheesecake，細細舊，啱啱好。芝士焗龍蝦(半隻)配英國皇室豬柳：有

坐落燈光昏暗，拍拖黎食情調環境唔錯茜廊西餐廳源於1981年，一按Openrice 見原來已經有三間分店在天水圍、樂富及九龍灣，相信上水呢一間是最新開的，地點有點難找，但總算找到..既然生日就豪dd叫左佢個晚餐dinner set:1.葡式烤BB豬套餐（$158）套餐價BB豬🐷理想係'皮脆肉嫩'可惜這個事與願違，皮是局部性脆口，肉很少，肥肉很多，如果是熱騰騰皮脆卜卜就話姐，可是實情是用利用都比較難鋸開，可想而知都幾厚實，所以唯一這個令我感到有點失望反而小食方面有驚喜，另加左份''開心小食''包少量沙拉菜伴碟一款餐湯品（野菌忌廉湯）+麵包，要讚一讚個好多料既忌廉湯，食到由好多鮮磨菇打成融，真係好好味好開心啊另(+$39)半打串燒沙嗲雞肉串，呢個跟埋個爐，個爐頭好'的色'，可以自己食果陣再加熱，而最好味係個沙嗲汁，係成串雞串既靈魂。叫左d小食:-芝士煙肉焗帶子$20/隻，好多芝士，帶子亦好大粒$10/1隻追加都算超值招牌烤雞沙律$98（有雞肉、青菜沙律、羅馬生菜、橙肉）菜很，新鮮，雞肉乾身都幾好，可惜個醋汁有點過酸了，破壞了整盤沙律

又到同男朋友撐枱腳嘅時間，今晚揀左上水匯嘅茜廊，其實一直想試好耐😍😍餐廳環境真係唔差，燈光柔和，音樂適中，枱上仲有蠟燭杯點綴，邊食邊談心真係好浪漫👍🏻餐湯&面包:羅宋湯好好味好足料，湯汁微辣幾開胃，好味程度係想叫多一碗😋😋相對香草忌廉湯好普通，只有湯無其他料🙈蒜蓉包焗得好香脆，提子包普普通通。法式焗田螺薯蓉 $38茜廊嘅焗薯蓉好特別，平時食嘅薯蓉偏咸同乾身，依個薯蓉反而好綿好水潤，帶少少咸香味，食完唔會覺得漏👍🏻👍🏻烤雞沙律 $98沙律菜新鮮爽脆配上酸酸嘅沙律醋，幾開胃。值得一讚係烤雞，之前其他地方食過係好乾柴嫁，但茜廊依個烤雞沙律真係俾到驚喜我，估唔到仲嫩滑仲有肉汁😱😱芝士焗龍蝦拼西冷牛扒 $268五成熟西冷牛扒切開肉質粉紅無血水出，少少牛味肉汁偏少。芝士焗龍蝦普普通通，開邊龍蝦芝士味偏淡，相反齋焗嘅龍蝦鉗比較好味，可惜啲肉痴住個殻，要慢慢咁食😂😂德國風味咸豬手配酸椰菜 $108我本身以為係脆皮嘅豬手，點知🙈🙈賣相真係唔吸引，都失望左一陣。但一食，咦~又幾好味喎。豬皮好Q彈，好似食左好多膠原蛋白咁。肉質紅嫩，偏咸，整體唔錯。

原來依家要係上水食餐好既  其實都唔係一件易事要搵一間坐得舒服既 更加難上加難誤打誤撞既情況下 又同朋友搵倒間 又食得 又坐得既餐廳晚餐主要都係叫SET為主  有湯有飲品呢個就緊係基本只不過其實佢做得最出色既反而係佢個羅宋湯   可以用濃郁黎形容唔會好似一般餐廳咁太水太冇味我叫左個板燒美國肉眼牛扒 (Medium Rare)出到黎肉質嫩度岩岩好  有咬口之餘仲可以用Juicy黎形容汁方面我叫左蒜蓉汁  配落去牛扒度 真係我既最愛配菜其實仲配有薯仔  香脆野味  唔係求奇堆砌出黎嫁!朋友叫左 寶雲酥拼深海魚 羊架最基本兩樣野  冇羊酥味  冇魚腥味聽倒呢兩樣野  我當堂都放鬆哂  自己仲食左幾舊同樣朋友都要左蒜蓉汁  不過我覺得唔需要都OK  本身都已經好夠味我地另外再叫左個挪威三文魚沙津好老實   真係俾足料你  唔係就咁簡單幾塊簿簿三文魚就咁睇都見三大塊三文魚  都厚疊疊嫁二人份量岩岩好  其實三個人都應該岩岩好唔多唔少中意食清D既朋友可以考慮呀住咁耐上水 其實都係第一次黎呢度食晚飯不過又OK呀   人流唔算太多  反而可以慢慢靜靜地傾下計正!

貶下眼我已經住了在上水二十年，可算是見證著這個小社區的變遷。隨著大量藥房、金舖侵佔，許多特色小店已無奈被迫遷或倒閉......我相信不少人也像我一樣惦掛著從前那個多元化的上水。現在很多時候我也苦惱著午飯吃什麼，又不想老是光顧連鎖店，最後貪方便到上水匯看一看。這天跟家中的菲傭姐姐乘小巴出外用餐，商場就正正在小巴站對面，走幾步就到了。她少有機會吃西餐，所以我便挑了「茜廊」。午餐選擇多得花多眼亂，全都奉送餐湯、餐包、咖啡或茶，價錢亦相宜。我點了廚師推介的寶雲酥羊扒拼深海鰈魚柳。加$8可以轉酥皮忌廉湯，個人很喜歡喝酥皮湯，蓋著一塊大大的香脆酥皮，令白湯增添層次。套餐升級加$20可轉士多啤梨雪香，飲品比想像中大，但對我來說偏甜。我們還以套餐優惠價($29) 享用原價$38的法式焗田螺薯蓉 (半打)。焗田螺熱辣辣，田螺肉夠肥美，舖滿幼滑薯蓉，且散發著牛油香~吃過小食便到主菜，寶雲酥羊扒拼深海鰈魚柳擺盤用心，賣相更及得上很多高級餐廳呢真的頗有驚喜！羊扒點了七成熟，卻有點過了火喉，肉質乾但幸好不韌，羶味亦過於濃烈。反而鰈魚柳處理得不錯，肉質鮮嫩滑溜，充滿脂香配菜也絕不馬虎，薯粒煎得香口，還有各種各樣的