芽莊 Canteen (已結業)

Vcity都開咗間芽莊，之前旺角新世紀嗰間都已經好唔錯(雖然依家差咗好多)，但係我同大少都相信新開一定會比較好，所以我地決定喺佢剛剛開就去食咗先，為免佢好快變成旺角分店咁~~呢間分店裝修同旺角完全唔同，嗰邊係行餐廳風，而呢邊，就行東南亞風~順化牛肉湯檬 - 呢個湯好味，都幾多材料，有牛腱、豬頭肉、扎肉蕃茄蟹湯檬 - 呢個終於都食到一開始旺角嗰間嘅味道喇，湯夠濃，蕃茄味夠，但係又唔會好酸，又好多蟹肉蛋，另外都有兩嚿蟹，蝦肉丸、札肉，不過佢啲檬粉好似我地啲米線咁，只係無咁粗，真係好好味，希望佢可以一直keep住呢個味道牛油雞翼 - 其實我就覺得牛油味唔係太大，同埋好似就咁煎炸嘅雞翼，無乜特別，但係佢都算juice嘅，唔會整到好乾身，同埋啲雞翼好大隻

呢個星期日日都出街食, 又唔想晚晚或者隔晚食相同既野, 唯有試下芽莊。此芽莊唔知同平時太古城食既芽莊有冇分別呢...都係向門口望真啲有咩啱心水先入去, 老公話試下招牌野, 應該冇死錯人既, 咁我唔算好餓, 叫個橯檬都OK。9pm仲有2枱客, 商場未關都應該冇咁快閂門既。望多次個餐牌, 其實種類唔算多, 加上免加一, 咁一個飯, 一個檬再加多份雞翼試下啦。招牌會安雞飯 - 我以為都係海南雞既油飯, 點知原來只係得個色; 雞既份量少過上面啲葉, 幸好都算juicy。但用嚟做招牌既話, 我諗佢要檢討一下先得燒牛肉橯檬 - 唔知係咪臨近收工定還是本身份量係得咁多呢, 好似同價錢唔成正比, 賣相都...差。個兩條燒牛肉黑到我將影相個燈光較光啲都係咁, 食落仲要好乾好乾牛油雞翼 - 4隻$48都唔算貴, 但當你咬落去你就會知道 - 你伏了, 因為外層超超超厚, 你個4隻雞翼其實只係好細細細隻。不過, 佢好熱, 熱到係咁出煙, 都好多汁。只係食完你個口會渴到爆

放假有時真係唔想出太遠去找好西。見開左新野就去試下啦，出面睇裝修幾靚～坐就一般好坐。蕃茄蟹麵， 好食呀！完全唔茄膏FEEL。同埋都有D蟹肉， 我想講我係食晒飲晒D湯春卷．欣賞佢好多配料呀，加分呢下。呢個包雖然貴就貴D 50幾蚊，但佢該要有既醬料，配料都有！個包又好鬆軟！總括，估唔到係大集團食到未太商業既味 ，咁當然啦價錢就貴小小啦，但係都好食！

朋友不吃芽莊canteen，我自己一個去吃😂因為她說很貴一碗湯河要六，七十元一碗。其實她說得對🙈今天午餐我一人就花了128元，不過我想比較有何分別便一試。這裡佈置色彩繽紛，所用碗碟五顏六色，筷子與醬汁擺放得有條有理。餐牌選擇不太多，而且變化配料不大，主要都是牛為主，連基本小食魚餅也沒有，沒失望之情是假呢，午市時間還是很多人。天氣太冷了，所以吃湯麵較適合，保溫取暖很重要，最後吃碗順化牛肉湯檬。順化湯以牛骨混入香料熬煮而成，整碗湯檬看起來很清爽簡單。札肉以薄片方式呈現，沒太多口感，因為只有數毫米的厚度。接著牛單從外觀看的話，色澤與筋位分佈平均，吃起來肉質軟硬適中。豬手帶著油花的豬皮軟彈不膩，其肉出乎意料的鮮嫩，有小小驚豔。開始品嘗湯頭，湯頭喝起來甜甜的很夠味，而且湯頭加入隨檬粉給的金不煥，青檸汁及辣椒香料能增加香氣。檬粉幼細，外觀看起來很雪白，入口也很彈牙滑溜，整體上很不錯。不過我依然未吃飽😅越式炸春卷是現點現炸的，所以等待時間需要久一點。我吃到春卷裡面包有豬肉碎與木耳，卻吃不到餐牌所提及的蝦肉。炸春卷旁伴上生菜，青瓜，金不煥與醃漬紅，白蘿蔔絲，然後用生菜等菜蔬把炸春卷包起來，沾少許魚露

耐唔中都會掛住呢間餐廳嘅蕃茄蟹丸湯檬粉😍😋屯門開左之後又有多間可以去食👍一入新店，坐位編排有點兒怪怪的，年青人士坐高櫈高枱應該沒問題，但如果一家大細嚟呢度食飯，大枱只有3、4張，亦沒有佢其他分店坐得咁舒服，有點兒侷促，呢度嘅裝修枱局有點兒失望😅但食物方面，同以往食開的水準一貫，點了越南春卷👍👍海南雞飯，但雞肉以雞胸為主，雞肉不滑有點硬，麻麻地😬😬當然有點我最鍾意食嘅蕃茄蟹丸湯檬粉，蕃茄湯香濃，蟹肉丸有2大粒，還有一大舊蟹腳連身，檬粉配濃香蕃茄湯，至Like😍😍

新年期間，許多食店休息。連曰在大板食得太多日本嘢，今天要食下越南粉。這店子裝修新潮，採摩登causal 路缐。座位設table 同高桌，約有四十多個座位。這兒沒有set, 只有al carte. 湯粉由$65-$78，撈檬則由$68-$78， 飯$78-$88，而小食$48-$68 ， 飲品則由$38-$48。由於囗淡淡的關係，點了燒牛肉撈檬$60燒牛肉有兩串，調味不錯，十分惹味；可是燒得有少少乾身，肉質雖然唔夠juicy 但肉味尚算濃。撈檬混著芫茜、香菜、花生同蒜片，拌以醬汁同酸菜食之，酸酸甜甜的，又幾爽口，清清地的味道同濃味牛肉都幾夾。最讚的是，這兒不設加一，簡簡單單一嚐越式風味，雖然不是頂級美味，但味道尚可，比越棧好少少，這樣過下越南癮都幾唔錯。

雞年大年初一睇La La Land前食晚飯，好多餐廳都冇開，見芽莊裝修幾靚，入去試試！招牌會安雞飯賣相好靚，估唔到有咁多蔬菜伴碟，蘿蔔絲、青瓜、芫茜，加埋好香的蒜香飯，好好味！雞又滑又嫩，夾埋蒜香飯的蒜味，連薑蓉都唔駛加，津津有味！我們還叫了蝦米仔芥蘭苗，新年要健康些，要飲食均衡，多吃蔬菜！芥蘭苗炒得爽口，蝦米仔吊味，好鮮甜！份量以小食黎講算大碟，再叫多碗蒜香飯，夠晒飽肚！裝修好有格調，碗碟好靚，可以再次返黎食！

2017 新開始，爸爸要食越南既味道，所以一家人去了V CITY食越南菜老實說一入到去真係有少少失望既，因為地方淺窄既關係，所以佢既佈置同尖沙咀好唔同係行呢個越南路邊攤既STYLE，所以坐都坐得唔係好舒服。不過好彩佢都有自知知明，無收加一，所以就由佢啦唔洗扣分～同埋因為地方唔大連廚房都細，呢度既menu 只有四張紙⋯⋯好多我鐘意食既野都無（濱海豬肉ROLL）爸爸都好失望無得食扎肉，唯有食其他過下佢既越南癮啦一放低就食，都影唔切相！個湯檬入面有蟹鉗架！好開心！不過係街食蟹真係有少少麻煩好香蕃茄味，入埋又有由蟹肉做既肉丸，個湯都好鮮，真係好好食！又係未影相就起筷撈埋魚露食真係好正！蔗蝦又香又甜！呢個係must order item！有茜既三文治真係好正！又有liver paste，好香濃既味道如果可以多d莞茜就好lu其實食到呢度都飽架啦，但係爸爸想食草，唯有叫多個熟牛河等佢食下d 香草我都係鐘意生牛河多d，因為d 牛會更加滑。爸爸就食曬d 草淨係分返塊薄荷葉俾我⋯⋯仲有唔知點解呢間芽莊無鵝芥平時要黎芽莊先有得食鵝芥，但今次都食唔到，唔開心三個人食咁多野真係好飽，賣單二百六十幾真係幾平。呢晚

嘩，呢下真係忍唔住，唔講唔得，三個人叫庶蝦，拎到埋嚟，68蚊，得兩碌庶蝦囉唔該！！！仲要無蝦味！！其實細心啲嘅侍應，見到三個人叫一碟蔗蝦，一定會提食客其實係得兩件……我地已經好保守，為左安全著想，已經乜都叫晒招牌菜，貴都唔緊要，粉麵飯點知無樣得之餘，飲品乜都話加個「有機」，咁就收我40幾蚊一杯。貴真係唔緊要，最慘係，貴得嚟又唔好食，呢次係第一次食，亦會係最後一次食。總結，評價兩個字，「把！鬼！」

睇過一個電視節目，講食客到去一間餐廳，光顧既係3樣嘢，按次序排 第一食物，第二服務，第三裝修。於v city新開張既芽莊，食物味道屬上佳。服務和裝修就只屬一般了。銅鑼灣既芽莊我光顧過幾次，味道，服務和餐廳環境都算唔錯。所以星期一晚，我推介了男朋友和男朋友爸媽到屯門的芽莊讓他們試試我認為不錯的新餐廳。男朋友的媽媽先到，豈知帶位侍應不讓她先入座等我們(當時餐廳不滿座) 但她工作站了一整天極累，忍不住有小脾氣。我認為如果不是太忙，餐廳應該以客為先，以服務為先。這點扣分。另外想說說餐廳格局。裝修設計新穎，但8成座椅是高台高椅，極不舒適。唯一三張矮台的椅子沒靠墊沒椅背沒坐墊，超級極不舒適!!!坐到我pat pat都痛埋。v city最多的客人就係一家大小，逢星期六日超多bb車出動，8成高台，好難想像這家餐廳如何容納這群顧客。食物方面，整體水平是很不錯的，但選擇算少。可能是刻意營造canteen之感，但價格不親民呀~(屯門區來講) 平均大概70-80一碗面。隔離那家越悅平均四十多一碗河/面。屯門區從來不乏低價菜，新墟$27已有一碗好好味既2餸面。芽莊想鬥平是鬥不過的。若不想鬥平，其他配套應該要做

樓下商場開了新越南菜，收工去試下，我屋企人先到，但服務員有點不太友善，所以一開始就印象不好餐廳以越南快餐為主打，Pho肯定係其中一款，四個人點了三款粉，第一款牛展牛丸河，牛展同牛丸有水準，湯底夠牛味，河粉吸收了湯味，非常惹味第二款，手切安格斯牛柳河，牛柳梅口，口感不好，就算湯底同河粉好，都變得唔好食第三款，順化粉係我最期待，但辣味唔夠，而且用左細粉，感覺不正宗，如果辣少少就剛剛好，同用越南粉，就完美三款粉加配了油炸鬼，點湯食一流三款粉當然唔夠，仲叫了炒芥蘭，雞絲沙律，都有不錯水準，值得一提既係牛肉同雞肉沙爹，两款唔同沙爹汁，牛肉個個沙爹汁，微辣，開胃，雞肉沙爹，汁偏甜，都非常好味餐廳裝潢不錯，但不實用，可能主打快餐關係，櫈坐得唔舒服

星期日同屋企人不嬲都兩三點先食lunch琴日係搭完地鐵返屋企係V City 行左個圈見到佢地又開左新餐廳 所以就suggest屋企人食四個人叫左五樣野 因為我唔食莞茜 所以叫晒走莞茜 xd第一樣係手切上等牛柳 影唔切...已經俾daddy夾走半碗...牛肉係薄切 粉粉地色 好嫩 good!湯都幾好飲 味精味唔太重之後就係炸春卷我就咁食 無包菜 sooooooo crispy !!!!!!!我呢d中意食煎炸野既人真係可以啪幾粒香茅牛肉撈檬牛肉幾鬆軟 一D都唔會un個檬粉就普通 不過不失重頭戲!!河內蕃茄蚧肉湯檬唔好睇佢個賣相咁一般 佢真係好好好好好好好味!! 我地全枱都覺!佢個湯係好香好濃海鮮仲有d類似蝦膏/蟹膏既味 反而蕃茄淡少少但係係超好飲 碗檬仲會有蝦膏/蟹膏 好足料!!!!!!去芽莊必點!最後就係煎餅賣相好特別可能我地放耐左先食 所以有D位淋左但邊邊個d位好脆入面係有d芽菜同肉碎幾特別 係未試過既食物 味道都唔錯

放假繼續留喺屯門食～呢間之前都喺其他分店食過～所以一坐低就即刻點野食～燒牛肉撈檬份量好夠，味道亦很好！比我想像中多牛肉～而且新店環境更舒服！因為屯門都唔多越南選擇！所以都會繼續支持！

「汰弱留強」是市場的自然法則，因此對某些餐廳的離場實在不感詫異，只是更好奇會有哪些新餐廳取而代之。經過一輪的「汰弱留強」後，這一輪V City新進駐的餐廳有四家，已嚐過聰少甜品、Pizza Express的水準，接着下一個目標該是俺流塩拉麵，又或是這壓軸出場的芽莊Canteen吧！這天的目標原是俺流塩拉麵，卻發現芽莊經已開業。反正就是抱嚐新的心態，也無需分先後了吧! 新張的關係，加上價錢的考量，等候的人不多，15分鐘便能入座了。在等候的當兒細看餐廳的門面，發現這家跟芽莊其他分店不同，最大的分別是這家喚作「芽莊Canteen」，以食堂概念作主打，餐廳用色大膽鮮明，感覺是想走親民路線的一家。餐廳內部一副食堂的格局，開放式廚房佔了餐廳三分之一的店面，令原本窄長的店面更顯狹小，因此設計上要盡用空間。兩張公共食桌置於中央，食客面對面就坐不免帶來壓迫感，窗傍雖設有二人食桌，但高身桌椅令舒適度大減，反正就是為開飯而來，食客匆匆吃過便離開，這就是食堂的存在意義。食堂概念的另一特色反映於餐牌之上，有别於其他分店，這店主要供應飯類麵食，雖說有好些本店限定的新品，但整體來說選擇不算多。説穿了就是越棧的運作模

諗住尖沙咀牙莊咁好食，屯門又新開左一間，放工後便試試。點知真的比想像中失望。餐廳格局真的似足快餐店，而且坐椅用巴枱椅，一默都不舒服，想快快吃完便離開。餐牌種類又少，飯只有一兩款和只有粉同檬粉等，跟尖沙咀完全比下去。味道非常一般。為一保持水準就只有配菜和尖沙咀店一樣新鮮。