影片
更多
2017-04-11
339 瀏覽
呢個星期日日都出街食, 又唔想晚晚或者隔晚食相同既野, 唯有試下芽莊。此芽莊唔知同平時太古城食既芽莊有冇分別呢...都係向門口望真啲有咩啱心水先入去, 老公話試下招牌野, 應該冇死錯人既, 咁我唔算好餓, 叫個橯檬都OK。9pm仲有2枱客, 商場未關都應該冇咁快閂門既。望多次個餐牌, 其實種類唔算多, 加上免加一, 咁一個飯, 一個檬再加多份雞翼試下啦。招牌會安雞飯 - 我以為都係海南雞既油飯, 點知原來只係得個色; 雞既份量少過上面啲葉, 幸好都算juicy。但用嚟做招牌既話, 我諗佢要檢討一下先得燒牛肉橯檬 - 唔知係咪臨近收工定還是本身份量係得咁多呢, 好似同價錢唔成正比, 賣相都...差。個兩條燒牛肉黑到我將影相個燈光較光啲都係咁, 食落仲要好乾好乾牛油雞翼 - 4隻$48都唔算貴, 但當你咬落去你就會知道 - 你伏了, 因為外層超超超厚, 你個4隻雞翼其實只係好細細細隻。不過, 佢好熱, 熱到係咁出煙, 都好多汁。只係食完你個口會渴到爆
都係向門口望真啲有咩啱心水先入去, 老公話試下招牌野, 應該冇死錯人既, 咁我唔算好餓, 叫個橯檬都OK。
9pm仲有2枱客, 商場未關都應該冇咁快閂門既。望多次個餐牌, 其實種類唔算多, 加上免加一, 咁一個飯, 一個檬再加多份雞翼試下啦。
招牌會安雞飯 - 我以為都係海南雞既油飯, 點知原來只係得個色; 雞既份量少過上面啲葉, 幸好都算juicy。但用嚟做招牌既話, 我諗佢要檢討一下先得
燒牛肉橯檬 - 唔知係咪臨近收工定還是本身份量係得咁多呢, 好似同價錢唔成正比, 賣相都...差。個兩條燒牛肉黑到我將影相個燈光較光啲都係咁, 食落仲要好乾好乾
牛油雞翼 - 4隻$48都唔算貴, 但當你咬落去你就會知道 - 你伏了, 因為外層超超超厚, 你個4隻雞翼其實只係好細細細隻。不過, 佢好熱, 熱到係咁出煙, 都好多汁。只係食完你個口會渴到爆
題外話/補充資料：
食食下餐廳火警鐘响, 我問老公係咪要走, 但聽到啲職員之間講冇事發生唔使理。過多一陣, 商場有職員同埋消防員嚟左, 應該係廚房整濕左啲系統而响。點解餐廳職員唔同食客講有冇事發生定應該要做咩既?
(以上食評乃用戶個人意見 , 並不代表OpenRice之觀點。)
張貼
