影片
同囡囡二人一到門口即獲安排入座，侍應好快奉水同menu，下單時，亦會提及order有辣既，提議走辣，此外經理亦細心提醒同事熱湯要小心放另一邊，避免小朋友觸及，而且聽到隔離位有位唔知係咪伊斯蘭教既女士落單，經理亦細心一提湯底有牛成份，就算背住坐，都聽到好多溫馨提示！感覺良好！點既會安雞飯，雞好滑，仲有手撕雞河都好好味！
繼續閱讀
叫咗兩碗上等手切牛柳湯粉。湯底冇味冇道。牛肉落咗超多薑，除咗薑味之外，冇牛肉味，連鹹味都冇。牛肉係生嘅，個湯唔夠熱，浸左幾分鐘都唔熟。牛肉碎濕濕，同碎牛粥入面啲牛肉冇分別求其食咗就算，冇打算會再嚟。
繼續閱讀
今日約左朋友係屯門食飯, 屯門對我黎係一個好遠好遠既, 幾年都唔會去一次既地方😂今次志在會一會老朋友, 黎到第一次黎既vcity搵野食~ 朋友係附近住, 就帶左我黎食哩間越南野。 餐廳裝修唔係走高級路線, 無華麗既裝潢但簡單得黎有設計感, 枱枱櫈櫈都配合番canteen主題。我認為生牛肉湯河係一間越南餐廳既基本, 雖然平凡普通但係一碗生牛肉湯河就食得出間餐廳有無實力唔洗10分鐘, 熱辣辣既生牛肉湯河就到左, 賣相都好靚, 送到面前時牛肉仍呈淡淡粉紅色, 上面加左一堆蔥絲, 而且聞到湯底既香氣, 淨睇個樣口水都流埋呀有賣相之餘味道亦有水準! 湯底係靈魂, 夠熱, 好濃味但唔會好咸又有d甜甜地, 加埋牛肉既油脂味, 忍唔住飲完一啖又一啖牛肉亦出色, 塊塊都半隻手掌咁大塊, 好有牛味至於佢既金邊粉略嫌淋左d, 但係索埋d湯一樣好好味, 而且份量係出奇地多, 比平時食開個d pho多左一半咁滯。跟pho上既配料都要一讚, 香葉係成碟成棵咁上, 一定夠你用, 而且全部係新鮮綠色, 因為好多時候會出面鋪頭比既香葉係乾得黎又開始發黑。青檸大大楷亦係好fresh朋友叫既熟牛(牛)湯粉朋友話牛有咬口唔韌, 而且一樣好濃香既牛味, 我試左一舊都認同但係我都係鍾情生牛肉湯河簡單又滿足既一餐, 食完之後上網睇下佢有無其他分店, 原來都有好幾間, 不過就唔係叫芽莊canteen而係芽莊越式料理, 唔知食物質素係咪一樣呢, 等我唔洗入屯門先食到
繼續閱讀
小弟幾年前已經有幫襯芽莊, 估唔到依家分店越開越多, 越嚟越多人認識到呢一間又越南人開嘅正宗越南餐廳 (有朋友喺入面做所以知道入面廚房絕大部分都係越南人). 今次就介紹下屯門呢間芽莊canteen. 入邊座位唔算多一眼望曬, 但勝在坐得舒服陽光充足, 單邊位有窗台畀你放物品, 中間嗰啲枱亦都側身有掛鉤. 咩住背囊嗰啲就唔使擔心冇位擺. 侍應人數充足, 一舉手就人在回應你. 佢哋餐牌會有一張專係放咗食物相片, 睇落賣相唔錯.今次叫咗炒芥蘭, 生牛肉河, 春捲同埋豬扒 檬粉炒芥蘭麻麻地, 可以skip生牛河湯底濃郁再配合指天椒, 辣得好食, 辣椒唔使落咁多因為佢啲辣椒真係好辣, 牛肉唔鞋, 正豬扒檬粉又係推介, 豬扒超香, 炸得出鬆脆春捲都好好食伴著好多蔬菜, 但係得三條, 好似唔夠喉
繼續閱讀
星期日行完街係芽莊食lunch! 點幾都頗多人，等咗兩個字度有位坐！呢間芽莊感覺上同其他分店有d唔同，裝修都原始d！生牛河：每次食芽莊必叫，食得辣加多d辣椒，超清香，今次都一樣keep到個水準，係好食嘅！豬肉撈檬: 正正常常咁，豬肉餅煎得好香口，豬肉都炸得啱好！但太多紫蘇葉，薄荷葉，搶晒d味，最尾要揀咁d岀黎，先至啱好！春卷： 正正常常咁！海蜇扎肉沙津：碟沙津係今次嘢食入面最貴嘅！黎到，大完拎起舊蝦片之後，發覺沙律份量較細！總括黎講，呢間芽壯d嘢食有d普通，下次都係去番另外果d！
繼續閱讀