花居酒屋 (已結業)

花居酒屋喺荃灣海壩街，新開冇耐，店面細細，裝潢幾有日式居酒屋風格，坐得舒服。開放式廚房乾淨衞生，疫情之下都食得有信心。頭盤極力推介【黑松露刺身沙律$88】，擺碟已經夠晒靚。三文魚刺身、油甘魚刺身、三文魚籽、蝦、帶子、黑松露，仲有新鮮沙律菜，CP值超高，必點之選。【火炙帆立貝壽司$26】厚切軟滑，少少甜日本醬油，令原本鮮甜味道更惹味。【甲羅燒$98】鍾意食蟹嘅我，餐廳如果有甲羅燒我就一定會叫。不過甲羅燒上面咁大pat海膽真係第一次食，仲有好多蟹肉、蟹膏，倒埋隻鵪鶉蛋落去撈起，搽上香脆多士度食，濃濃軟滑蟹膏加海膽，好正呀～唯一可惜係個陶瓷爐火力細，㷫得唔夠熱。【海膽松葉蟹黑松露蒜汁炒飯$138】好鬼大碟，兩個人share都食唔晒～將上面嘅海膽、松葉蟹、黑松露撈飯，個飯充滿蒜香、黑松露味。【蒜蓉安格斯西冷扒$108】牛扒又係大大份。肉質軟腍，肥瘦適中，油香肉香並重。【明太子玉子燒$88】上枱仲出緊煙，熱辣辣，蛋味重又香甜，配明太子咸香+微辣，好夾。

屋企人生日lunch ，環境幾靚，坐得唔逼，有私人空間。叫咗刺身丼、壽司set、牛肉麵檔、炸天婦羅set，估唔到荃灣有咁高質既刺身，蝦頭都完全係鮮甜，荃灣友有真心推介👍🏻👍🏻

放假去咗荃灣行下街 行完就去中河道附近覓下食啦無意中見到間新開嘅居酒屋 見價錢尚算合理就試下啦不過佢個門口唔留心睇呢就真係好易錯過嘅🙈舖頭唔算大 不過啲裝修又幾舒服仲有啲好似日本嘅彷榻榻米嘅座位添食物選擇都幾多 餐牌有成十幾頁✨三文魚刺身(4片) $45作為香港人 緊係要嗌個港人最愛嘅三文魚刺身啦😆三文魚都算厚切 紋路都色澤睇落都好靚食落果然鮮味✨鵝肝壽司 & 帆立貝壽司 $38 & $32鵝肝筆者就覺得黑椒有啲太多 而且個油香都唔係好夠帆立貝雖然唔算大件 不過夠晒厚肉都相當鮮味嘅✨明太子玉子燒 $88一上菜睇落平平無奇 心諗係咪中咗伏😂但一切開再食咗啖之後 就發現真係唔可以以貌取人🤣個蛋甜甜地 又滑又嫩軟得嚟又唔會一挾就散筆者最怕食到好實嘅玉子燒 呢個淨係個蛋都已經好高分而入面嘅明太子真係多到滿瀉阿辣辣地配埋啲蛋一齊食真係勁好食🤤✨吞拿魚腩和牛海膽卷 $168呢個係估唔到原來個量係咁大嘅三種食材放埋一齊 估唔到係可以食得晒三隻味嘅一啖放晒落口勁滿足✨雞泡魚干 $68雞泡魚干係筆者喺居酒屋必點嘅野呢個燒得剛剛好 唔會太乾或者硬咗好難咬有香味之餘入面又幾juicy ✨燒牛舌 $48一樣係

新冠肺炎下，好耐都冇出去食日本嘢啦，今日行過荃灣海壩街，見到呢間居酒屋相當吸引，忍唔住入去幫襯下，支持小店，而家新張期間仲有九折添，變相即係唔使加一，非常抵食吉列豬扒有成隻手掌咁大，重要炸到好鬆脆，咬落去出奇地係一啲都唔鞋，淋到有啲似雞肉嘅感覺手打烏冬非常煙un，而湯底就係日本咖喱湯底，所以其實唔會太辣，仲有啲薯仔同紅蘿蔔粒添天婦羅就有炸蝦兩件、茄子、冬菇、蕃薯，食物炸得夠透，所以唔會有油膩嘅感覺另外我哋仲叫咗啲壽司添分別係左上角嘅甜蝦壽司$48，右上角嘅三文魚子壽司$38，左下角嘅灸燒三文魚腩壽司$26中同埋右下角嘅灸燒帆立貝壽司$36壽司整體質素都非常之高，材料新鮮，魚油足夠，全部都非常飽滿赤背就超爽身，好有咬口帆立貝刺身一共有三件，但餐廳好好咁將帆立貝切成六小件，切成菊花嘅花瓣，增添左成道菜嘅美感，真係唔捨得食呀最後呢個燒鰻魚一共有4舊，而每一夠下面都放咗一件玉子，鰻魚都比較厚身，而且多汁一啲都唔乾

最愛食日本菜！🤤🤤🤤🤤🤤🇯🇵🇯🇵🇯🇵🌸🌸🌸荃灣一向多放題，好少有居酒屋😍😍😍 呢間喺海霸街，地點都方便👍🏻食材超新鮮！尤其係刺身～ 好好味😍裝修好舒適 坐得舒服 燈光暗暗地好岩飲住清酒同朋友傾計！！😍😍😍 服務態度非常好👍🏻👍🏻👍🏻又會推介新鮮菜式俾我地👍🏻 上菜既時候又會介紹下d菜式！👍🏻最緊要係價錢非常合理！！👍🏻 絕對會再encore!!!!👍🏻🍣🍱🍶🏮