芝樂坊餐廳

雖然開業已不段時間，但仍大排長龍。我們大概6點到餐廳，門口已出現長長人龍。我們前後大概都需要等待大概一小時。餐廳職員很友善，同行有一個bb，職員樂意協助我們安排座位及為我們安排合適的high chair。用膳時間為兩小時，但感覺上不會很趕。上菜速度頗快。食物質素也不錯，份量頗多。Fried shrimp platterShepherd’s pie好香，好濃芝士味Lemon raspberry cream cheesecake & chocolate mousse cheesecake都幾膩，不過好好食

We pax of four has came to this restaurant on a Sunday afternoon @ 11:30 am and there was already a long lineup. We waited for approx. 30 minutes and the friendly waitress offered us a table.Nice decoration and feel like we are in the states. We ordered 2 pasta, 1 fish and chips and 1 chicken wrap and 1 glass of soft drink (refillable) and the bill came to HKD 688, very reasonable priced!

為芝士控妹妹慶祝生日，特意前來位於港威商場的Cheesecake Factory, 避開左午餐的繁忙時間依舊要等位，大約等了30分鐘左右~店鋪很大，選用了黃光，一進店就聞到勁濃郁的芝士味，看看餐牌，我們好像沒有考慮到芝士是會 “漏” 會飽肚的，叫了勁多野食。首先係炸芝士通心粉球，係幾特別有新意, 配搭D肉醬，食落又唔會太乾，內有好多芝士通心粉，其實食左一粒都已經好飽。之後有芝士四重奏長通粉，通粉有D硬，但D汁係好好食，係真係好重芝士味的，不過份量唔算好多，3個人都好快食哂一碟。仲有個乜都有pizza, 聽個名都知有豐富材料，又大個，個薄餅厚度OK，但唔算太脆，可能因為已經食飽，所以唔太記得個味道，不過一定唔係難食。重頭戲係芝士蛋糕，揀左朱古力同原味，連件蛋糕都好大件，但真係好好味，好滑又唔甜，連伴碟果D忌廉都好香好滑~食完真係飽到死，下次再食就唔好再叫咁多~

估唔到芝士蛋糕熱潮仍未減退，我7:00pm到已經排緊隊，此隊只是排攞籌，太約等了20分攞到籌，之後店員話要等90分鐘左右，所以話香港食咩都要等。但有朋友生日，此處可以一條龍服務，先享受晚餐，再食蛋糕。等就等啦。食物：早前有朋友已經食過，比提示我話呢到啲食物好大碟，份量好多，order食物不要貪心。所以我哋3個女仔，order了:Buffalo wings : 10隻雞亦加雞鎚，味道十分刺激，十分辣，但配上水牛芝士可以中和辣味。烤蒜雞內蝴蝶粉：每粒蝴蝶粉也被白汁濃濃的包著，雞肉一口一粒易入口，份量亦十分大。 甜品：朱古力脆脆芝士蛋糕。十分失望，無驚喜。完成只用份量取勝，好似磚頭般硬，而且好滯。

上一次國際芝士日，邊個排隊你機會都冇嘅時候，今日我決心一定要出去仲要係一早出去12點前排隊，目的就係要食呢間店舖嘅芝士蛋糕，我想試吓呢間芝士蛋糕點解可以瘋魔美國亦可以瘋魔香港，連我免排隊食嘅機會都冇，一食之後我終於明白為什麼：因為真係覺得好食，我比起一些連鎖店的蛋糕，果然係一分錢一分貨！我叫咗個$89嘅Linda超級朱古力蛋糕，果然好友美國的風格，朱古力同芝士嘅味道非常濃厚，而且朱古力很濃，好似食緊朱古力一樣，但係又唔會偏乾，加上有芝士嘅味道，互相配合，不過我真係比較漏，而且味道偏甜！你好你有好滿足嘅感覺！如果可以的話我會建議大家去一杯齋啡，作為下午茶咁就非常好啦！另外我叫咗一個檸檬芝士蛋糕，我以為會好酸，但係出奇地這個蛋糕檸檬味好淡，這個蛋糕好鬆軟，食得出他們加了一些糖水，令到蛋糕沒有這麼乾，配合士多啤梨一起吃，感覺沒有這麼油膩，這款蛋糕也是$89 ，如果給我介紹我會介紹朱古力蛋糕，因為檸檬芝士蛋糕比較普通，不過大家有一個心理準備，最好就係幾個人分享一件可能會比較合適，我見到現場好多人係咁做，他們有Happy hour，可以用平啲嘅價錢叫野飲，蛋糕對女士來講真係比較肥，間中食下就算吧

星期五， 去咗The Cheesecake Factory 晚餐。仲諗住熱潮已過，應該不用排好耐。可是我太低估佢！當日收工後6:00已到門口排隊，排隊只係做個登記，登記完告知我要等多100分鐘才有得用餐😱！幸好預計齊人的時間也是差不多，便登記電話等佢打俾我。餐廳環境其實好大，環境比較暗的。近門口有個蛋糕櫃，可以外賣cheesecake 的，蛋糕勁吸引！未叫野食前一行六人本來想order 3款蛋糕，但最後正餐太飽所以只淺嘗一件🤣。美國菜的特色便是每道菜的份量都超大的，絕對對得住價錢！黑糖麵包 Free 🥖入到去坐低，便上了黑糖麵包和普通麵包各一條，個黑糖包超級好食，係內軟外脆，好香黑糖味，又唔會太甜！我地忍唔住再來多一條黑糖包！好神奇地落完order 冇耐，d 野食就一次過陸續送達，上菜速度勁快! 一眨眼成枱都係野食！炸芝士通心粉球 Fried Macaroni and Cheese $128 餐廳既Signature Dish 之一, 強烈建議4人以上先好order! 首先，佢芝士味好濃郁，但呢隻芝士味喜愛與否真係因人而異。另外其實佢好滯，食完一整個真係唔駛試其他野食。意式肉腸及蝦粗

第二次幫襯啦!!上次要等個幾鐘, 搞到我忍唔住去左食米線再返黎食CAKE!!今次我醒目, 佢開11點, 我12點已經黎到, 諗住LUNCH+TEA一齊食!!等左15分鐘就可以入去啦!!正!!我地3個人叫左2個LUNCH SET, 食完之後再叫左2件CAKE!! 入座時WAITRESS講明限時2小時, 但係最後可能未有人等, 我地一共坐左3小時佢先叫我地埋單!!!蒜香雞檸檬意大利麪LUNCH SET既意粉都係碟, 一定要SHARE食, 都冇咩特別係求其點既一個意粉, 估唔到佢個檸檬咁重手, 勁酸, 成個意粉都整到好酸, 完全蓋過左個蒜味, 雞球亦都唔多出眾, 不嫩, 可能係雞胸?不知道!! 反正呢個意粉就麻麻地。香橙雞球飯跟住仲有叫左呢個雞飯, 真心講香橙雞球正到不得了, 又多個汁又好味, 而且雞肉好嫩, 熱熱騰騰!!美中不足係個白飯, 好奇怪, 其實配白飯都有點奇怪, 好中式, 但個飯係勁硬, 又凍, 真係唔得!! 係咪冇人會咁叫??係咪我叫錯左D咩!! 最後淨係食雞球!! = =KEY LIME CHEESECAKE重頭戲就係CHEESECAKE LA!!呢個青檸係我揀既!!!好好味

黃氏力場今日去尖沙咀搵嘢食，星期六一早出咗嚟排隊就為咗食呢一間通常要排長龍的美國餐廳，我們11點半已經到達，雖然裏面有好多空位，但係都要等半個鐘頭先至可以入到，可能人手不足掛！服務員親切有禮，我們要左嘢食之後，就送上麵包，是免費的，我較為喜歡黑色的麵包，附上的牛油一大片，麵包有少少暖，食落香脆鬆軟，👍👍👍！另外我哋叫咗四色芝士通粉午餐， $146 ，上邊一大片sour cream，充滿了芝士味，通粉的質地軟硬適中，有少少番茄味，值得一試！另外我哋叫咗牛油果蛋卷，裏面嘅餡好豐富，牛油果超級多，再配上他們的醬汁，酸酸甜甜，加上外皮炸得很鬆脆，很有墨西哥風味！食完依兩個餸已經很飽了！大家如果有需要食的話記得早啲去排隊了！🤗🤗🤗

終於等到星期五，今日特突同朋友去試下呢間長期長龍店 - The cheese factory 呢間餐廳聽人講都要預2個鐘先有位架喇，尤其星期五。當日7點半朋友先去登記，但係都要等到8點45分先可以返黎拎牌，拎完牌都要預9:15先有位，店員話到我地個牌會震同響提示。但係等到9:30都未有提示，我地就諗住返到餐廳門口等喇。去到問店員，店員話其實之前已經到左，話我地行得遠所以收唔到，話部機只限15m內先會提示。但係拎牌果陣店員係冇提過所以我地行左去商場行左陣，呢樣大家如果有意去試就留意下喇。最後等多３張枱９：４５就終於入到座喇。因為太餓嘅關係, 我地先叫左一個FRIED MACARONI AND CHEESE食左先 -- 呢個係用通心粉+芝士做左個球狀然後拎去炸。雖然冇拉芝效果, 但芝士味道非常濃郁, 食1個都幾＂漏＂下。 另一道菜我地叫左KALE AND QUINOA SALAD --  呢個沙律集合羽衣甘藍同黎麥呢2樣SUPERFOOD, 平時D SUPERFOOD感呢個沙津佢用左類似黑醋 , 檸檬, 油同大量芝士去做調味, 感覺清新之類冇左平時朋友好怕嘅草青味, 雖然唔似沙津話有其他配

好耐之前朋友推介話哩間啲芝士蛋糕好多款式，好好味，好出名，不過好多人排隊，為咗食唔理幾多人都專程去一趟排隊，試一試，不過我個人覺得唔太好食，所以無諗過會特登再去食。適逢今次一連兩日做半價優惠，咪再俾次機會自己試吓其他味道嘅芝士蛋糕，今次我試咗9件（原味，Godiva，朱古力榛子脆脆，30週年紀念朱古力，牛奶焦糖，鹹焦糖，ADAM'S花生醬特濃朱古力，白朱古力焦糖夏威夷果仁，焦糖山合桃），雖然我擇嗰啲都應該偏甜，但佢嘅甜度係超乎想像……“甜到漏”，尤其係ADAM'S花生醬特濃朱古力嗰款甜到渴喉，只有原味係最正常。今次同屋企人一齊分享完，佢地都話唔好再試

同幾個朋友黎左呢間期待已久嘅餐廳等位時會有部機仔話你知幾時有位，搖擯範圍好似去到15米遠，方便你遊走一下。叫左幾個菜式，我地一致認為炸薯寶係最最最出色最好食！Pasta都好濃味好食，另外就係牛油果卷，因為我地都好鐘意食牛油果，所以覺得份外好味！反而比較多人叫嘅Buffalo Wings我就覺得麻麻地，有點太酸了。 而黎得呢度，當然要叫番個芝士蛋糕試試，叫左個青檸芝士蛋糕，都幾好食嘅，少少普通。留意份量都幾大，同埋嘢食都幾易膩

呢間餐廳開左咁耐,D人排隊排足咁耐,之前有次夜晚排唔到.特登搵個星期六成班Frd再挑戰!menu無論cheescake定正餐選擇都超級多,單單點菜已經搞左好耐.我地有8個人以為要叫多D,但後來發現我地諗多左因為佢份量大到根本食唔曬~沙律就算唔加雞肉都已經好夠味,上面少少nuts令口感更脆,醬汁亦唔會太多,食到蔬菜嘅原味(牛油果都好好味呢~~)跟住我地叫左個卡邦尼義大利幼麵,超推介!!!佢D面真係入口依然彈牙度十足,就算係白汁都唔膩,D豆仲好林~pizza外皮好脆,番茄味超濃郁,仲好足料,D芝士用上顏色味到偏重嘅芝士,所以聞都聞到濃濃香氣本身好鐘意食nachos,食開連鎖炸雞店版本,以為係自己點醬,點知道呢度嘅係超~~~大盤至餘.上面係有幾款芝士覆蓋!!芝士控朋友們食得超滋味,不過我就普通啦,同埋佢偏油,所以我食左幾塊就無食,佢地話呢D係正宗美式烹調法,ok~係我唔習慣另一推薦就係Fish and chips,雖然D薯條係老麥薯條,但炸魚真係用真魚,所以脆脆外層下食到超嫩滑魚肉,點埋特製酸酸地嘅sauce~~減低左油油感覺~~正餐食完,終於到重頭戲:芝!士!蛋!糕!其實佢每一件都超大件,

有幸能嚐一嚐這兒的芝左蛋糕，友人買了兩件最受歡迎的蛋糕給我，不過路程比較遠，所以有少少變型。拎上手，嘩，好大件喎，沒想到一分錢一分貨，價錢雖貴，但這個大小，值得的。這次試的是士多啤梨芝左蛋糕及紅絲絨芝士蛋糕。其實兩款的芝士底應該一樣吧，都偏重芝士味，吃落比較香，不過吃得多會太漏呢。所以一定要開心分享。一個人都幾難食得曬。配以三粒士多啤梨，都頗新鮮的，還加了不少的士多啤梨醬，但略嫌士多啤梨醬太甜了，可以的話只吃新鮮的士多啤梨已足夠，至於餅底都幾脆口，不錯的。另外，便是這個，芝士味感覺比士多啤梨那個重，但紅絲絨蛋糕吃不出味道，就算我先飲啖清水，再特意嚐紅絲絨，始終試不出，更何況是配合芝士蛋糕一齊食？所以這個感覺就是海綿芝士蛋糕呢，有點點失望吧。至於側邊的忌廉，非常淡口，不甜的。

✨Half Price for All Cheesecakes🧀🍰💗✨(30/7-31/7)👉🏻Chocolate Hazelnut Crunch Cheesecake🍰 💲39.5好好食🤩💗因為我真係太中意食甜嘢又勁中意nutella😽呢個cheesecake一次過滿足晒我兩個願望😋好似食緊啖nutella醬咁🤤佢朱古力味甜得嚟都食到芝士味🧀texture好soft好滑🤓個cream都好好食👍🏻但個餅底好厚又好怪 好似冧咗嘅餅乾加好乾嘅蛋糕咁嘅texture🤡〰️〰️〰️〰️〰️〰️〰️〰️〰️〰️👉🏻White Chocolate Caramel Macadamia Nut🍰 💲39.5勁普通🤡純粹係一舊幾soft幾滑嘅cheesecake🧀完全食唔到白朱古力味☹️佢個餅底係caramel+夏威夷果仁 成舊cheesecake入面都有好多果仁 但食落啲果仁好冧好似擺咗好耐咁😩有時多料未必係好事🤦🏻‍♀️但個cheesecake本係係幾好嘅〰️〰️〰️〰️〰️〰️〰️〰️〰️〰️👉🏻Four Cheese Pasta🍝 💲166Penne Pasta, Mozzarella, Ricotta, Romano and Parme

🍝蕃茄肉丸意大利麵（ $194）意粉份量都大多，好大碟。不過味道太普通，似撈左蕃茄醬既意粉咁，肉丸咬落似粉狀，食唔慣呢種口感，覺得呢個價錢可以有更好既選擇。🍰 Cheese cake （ $79/pc）有名你叫，呢度最具名氣既當然係cheesecake 啦！叫左2件cheesecake 一件係士多啤梨味，另一件係red velvet。兩件都無敵大件😂 真係睇到都飽。前者芝士味濃郁，質感好幼滑，士多啤梨好甜，好好食👍🏻 後者係一層red velvet 夾住一層cheesecake ，共4層。red velvet 口感濕潤，同cheesecake 出奇地夾，呢個都唔錯，不過蛋糕價錢都幾貴，一定要扣分。呢度既食物整體都非常大件份量多，好適合成班人去一齊share。食物質素算過得去不過價錢偏貴，值唔值得排隊就真係見人見智喇。