芝樂坊餐廳

很幸運地大概六點半左右只需排隊一陣子就能入座。人齊入座後限時二小時。跟美國差不多，每一桌都有專人服務。 點餐後，服務員就馬上送上水及黑糖麵包。超級好吃，我會因為這黑糖麵包而再次到訪！釀蘑菇 雖然賣相沒那麽討好，但它是賣實力的，味道很好水牛城香辣雞翼 又酸又辣，挺開胃的墨西哥烤餅（配雞） 有牛油果莎莎醬及酸忌廉看著這一大櫃的芝士蛋糕，讓人選擇困難症發作；可惜，我跟友人胃口不好，完全吃不下，寄望下一次再來，一定要試試。看到隔壁桌一大群人，可以分吃更多種類的食物，這裡的餐點份量很大，是美國人分量。

今日同同事farewell, 黎咗佢推介的美國出名的餐廳，地點方便，就在港威中心尾！下午唔多人，我都預早訂定座位。原來下午有tea set and happy hour, 可以慢慢飲杯野，休息輕鬆下環境好好，好靚又大的設計！是以美國的多間分店同樣的藍本；燈光是燈燈的，浪漫又舒適我們叫了一個pizza, pasta, appetisers x3 and 4 pieces of cake slices.Godiva chocolate cheesecake：香濃朱古力味，不會太甜，是朱古力迷必點的Fresh strawberries ：原味cheesecake 配上士多啤梨，是最大賣的；士多啤梨有3粒，好香甜又靚；蛋糕好香芝士味，口感滑又帶點硬，好味道Key Lime cheesecake：我最愛這個，好清新唔會膩，青檸味濃，好香滑軟軟的芝士！Caramel Pecan Turtle Cheesecake: 口感好豐富，有核桃的脆口、朱古力香濃及焦糖的甜，但4個中最甜的Free bread: black sugar bread and white bread: 香噴噴又好脆口，好香黑糖味，

都唔係第一次食呢間餐廳 之前係食lunch，唔使排隊今晚諗住有人生日一早六點鐘嚟拎飛排隊 11個人都預左要等一段時間 reception 姐姐同我講90分鐘 咁我就喺出邊等啦.. 等左80分鐘左右就去reception問下嗰個人仲要等幾耐..佢話因為我哋有11人要收三張枱拍埋一齊 已經好咗兩張枱仲有一張未埋單 要等多30分鐘 咁ok 我再等...再等左20分鐘之後我再去問佢仲有幾耐因為同行有小朋友已經好肚餓又差唔多已經八點個reception 姐姐竟然同我 佢頭先睇錯booking 要再等多60 分鐘!!! 真係火到嚟🔥🔥🔥🔥🔥Reception 嗰四位阿姐完全唔專業! 無客問嘢嗰陣就掛住自己嘻嘻哈哈!!! 問佢問題完全答唔到Point !!唔明點解呢間餐廳點解一定要人嚟拎飛等位唔可以booking !! Marketing ?? 真係浪費時間!!!最後 真係完全唔建議大家要排隊情況下嚟食！就算只等30分鐘都唔值！嘢食唔係特別好食！特別在cheese cake 好多款 但都唔係特別好食! 只係叫做咁嘅價錢啲嘢食大大份 比較好食! 不過經歷過今次 一定唔會再嚟!

早排the cheesecake factory大熱 肥雞當然要試下呢個過江龍有幾利害 當日十二點去到唔需要排隊 入到去發現個場都好大 差唔多所有事情都識講英文 本身肥雞以為淨係有芝士蛋糕食 原來仲有唔同嘅炸嘢意粉飯可以揀 肥雞減咗個三重芝士雞肉蝴蝶粉 炸魷魚圈fish and chips 仲有個墨西哥卷 分量好大味道都唔錯但係肥仔覺得唔係非常之適合中國人食 終於去到重頭戲 就係揀芝士蛋糕 肥雞覺得除咗個招牌係最好味之外其他都太甜

Cheesecake factory ~~ 就算未食過都一定有聽過的餐廳 🤣所以今次就同朋友去朝下聖如果食飯時間去cheesecake factory應該都要等位我地是晚上700到 等左45分鐘左右 都預左係會等架啦🤣 一入餐廳就見到有cheesecske櫃 好多款cake 真係想款款都試下 我地坐底就叫野食啦~~ 叫左一個沙律 一個意大利粉~~ 重重點 cheesecake !!因為佢主菜沙律分量都真係幾大 所以我地4個人叫兩款cheesecake share黎食就差唔多了 沙律真係好大份!!! 味道方便個人覺得冇咩特別 就是普通沙律 😂 意大利粉真係好香 好好食 但食得多可能會覺得膩Cheesecake !! 都真係幾香幾滑~~~ 但我覺得一個人食一舊有d多 最好三四個一齊share兩件 咁就剛剛好啦!!

約咗大學同學傾近況，甘啱朝早去買鹹蛋黃薯片，有時間所以去Cheesecake Factory攞籌, 呢間出名多人等位。佢直頭多人到比震動機，拎住震動機，我就去旁邊的小店喝一杯綠茶。慢慢等。啱啱好等到位，朋友就到啦，快快入座醫肚。同傳統嘅美國餐廳一樣，都會有一位服務侍應生負責你嘅枱，所有嘅訂單或者需要，都可以找該負責的侍應生。好快，食物就上枱啦，佢嘅份量比較大，兩個人食其實有一點食不完，所以我哋都唔敢叫太多。呢個我每次都必定會叫嘅，水牛城雞翼，美味微辣加上入味的雞翼，啖啖肉，附上西芹加沙律醬，係我最喜歡吃的菜式之一。芝士薯餅，第一次叫呢個菜，初初食落去嘅時候好飽肚，但因為佢嘅芝士同薯配搭得太好味，令人一啖接一啖咁食。有餐前麵包當然不可以錯過他們的著名蛋糕在12分飽的情況下，我們還是叫了芝士蛋糕，都說女人有第四個胃吃甜品。————————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️

喜歡吃芝士的朋友，一定認識在海港城的The Cheesecake Factory，單是芝士蛋糕，這裡就有廿多款，為慶祝全國芝士日，在7月30及31日，更會推出芝士蛋糕半價優惠 (只限堂食)，那麼除蛋糕以外，還有甚麼好吃呢？我們今天只吃素，選擇已經好多啦！ The Cheesecake Factory是美式餐廳，餐廳很大，每碟食物的分量亦一樣驚人，適合多約幾位朋友一同開心share。 熱菠菜芝士沾醬 ($118) 韓式炸椰菜花 ($78) 牛油果多士 ($118) 先看前菜吧，很大的portion，說是「前菜」，真的沒有說服力呢！我最喜歡的是牛油果多士，上面鋪了一層厚厚的牛油果醬，下面是酥脆的麵包，用刀切開，即發出「咔嗦」的聲音，麵包很有牛油香，每一口都是幸福。 炸椰菜花的造型有點像咕嚕肉，因為外層包了薄漿粉去炸，味道很濃，帶微辣，脆卜卜的很香口，送啤酒一流。 鷹嘴豆球沙律 ($138) 碟邊一粒一粒的不是肉丸，而是鷹嘴豆球。鷹嘴豆是印度和巴基斯坦的重要蔬菜之一，這個鷹嘴豆球加入了少許蔬菜，整體感覺就像加了香料的薯仔波，粉粉的，既香且脆，好吃。旁邊的沙律有羅馬生菜和

一直都好想去Cheesecake Factory但真係好多人排隊🤷🏻‍♀️不過原來中午係可以訂位架，所以今次老公就訂咗我生日正日，帶埋仔仔同我一齊去食午餐慶祝！😇🤤烤蒜雞肉蝴蝶粉$186呢個蒜香味非常濃郁，而且醬汁夠creamy，蝴蝶粉軟硬度啱啱好非常彈牙，雞肉唔會好「鞋」，配上酸酸甜甜嘅蕃茄乾好開胃，再加埋炸脆咗嘅煙肉粒簡直係完美絕配😍我同仔仔都非常之鍾意食！❤️烤牛肉眼扒$398身為牛魔王既我又點可以錯過牛扒呢😏必試五成熟， 外表靚燒到靚靚格仔紋，內裡仲保留到肉質鮮嫩多汁，讚！就連配菜嘅豆角同薯蓉都非常好食！尤其個蒜蓉，應該加咗洋蔥mix埋一齊，好香口！Godiva朱古力芝士蛋糕$79嚟到cheesecake factory當然要試佢哋嘅甜品蛋糕啦!仔仔鍾意朱古力，所以我哋揀咗Godiva朱古力芝士蛋糕，朱古力味好香濃幼滑！個Cream既唧花都好靚🌸不過無論如何我都係唔會食個cream既蛋糕上台前一刻幾位店員嚟到我面前唱生日歌俾我聽真係好驚喜呀，原來係老公既安排🤣佢話以前喺美國去過cheesecake factory食生日飯都係有呢個環節💕總結：餐廳環境氣氛都唔錯，如果唔想排隊嘅話，中

等候時間 140分鐘 = 2個鐘頭20分鐘 on a Friday evening. For some very average dishes. Ordered spicy chicken Chipotle pasta, pasta under cooked and tasted bad. The BBQ ranch chicken salad tasted nice but with a price of $216 it's totally over priced. Disappointed to the max and would not recommend anyone to come close to this place. Sincerely honest customer.

今日上午11點幾黎到海港城港威商場既The Cheesecake Factory，唔使排隊就可以入座。呢間餐廳最特別係每一碟既份量都好多，好抵食，餐牌入面都有好多選擇，而Lunch既時間，可以選Lunch Specials，每個餐會比平時平幾十蚊左右。我地一共3個人，一共點左3個菜式+1個CheeseCake Share一齊食，分別係卡邦尼意大利幼麵、炸魚薯條、羅馬諾芝士脆皮雞扒、原創芝士蛋糕，兩杯皇家焦糖咖啡及芝士劫熱朱古力。首先上台係卡邦尼意大利幼麵，呢個意大利幼麵個汁非常之濃味，味道好好食，而且麵既口感恰當好處，唔會太硬，亦唔太軟。之後再上既係羅馬諾芝士脆皮雞扒，呢個雞雞扒太鞋身同Dry，而味道比較前者清少少，個人不推薦。再上既係炸魚薯條，份量好充足，最岩係可以一齊Share，炸魚薯條夠熱，味道唔錯，而且再配有沙律。最後不得不食既係呢度最出名既原創芝士蛋糕，其實叫一件已經夠3個人一齊食，d Cream好多，餅底好好食。皇家焦糖咖啡又係好好飲，值得一試，Cream好好食，而咖啡味道唔太濃，易入口。最後食唔哂，朋友仲打包走

今日4個女仔難得撞假，終於約到嚟Tne Cheesecake Factory食芝士蛋糕。呢度只有11:00至17:00可以訂座，入座起計2小時還枱，因為我地18:00到餐廳，完全唔洗排隊等位，因為有一個朋友仔未到，我地3個食住蛋糕等真係好吸引，芝士蛋糕口味好多，每款都令人好心動好想食，喺選擇困難下，我地3個人叫左4款芝士蛋糕朱古力碎曲奇麵團芝士蛋糕$76，蛋糕內有朱古力碎曲奇及合桃，整個甜度爆錶，但好好味，超級邪惡。無敵紅絲絨芝士蛋糕$79，紅絲絨蛋糕同芝士蛋糕層層相間，面層係忌廉芝士同白朱力，呢個係我至愛檸檬紅桑子忌廉芝士蛋糕 $79紅桑子雲呢拿蛋糕及檸檬芝士蛋糕，配上檸檬慕斯，酸酸甜甜好開胃30週年紀念朱古力芝士蛋糕$79特濃朱古力蛋糕同松露朱古力忌廉，上面既螺旋巧克力係完全實心的，愛好朱古力既人必試。炸芝士通心粉球$128，外層香脆，內層有濃濃既芝士通心粉，配上既意式番茄忌廉醬，十分惹味。水牛城香辣雞翼$148，特製既水牛城辣醬味道偏酸，帶輕微辣味，連同藍芝士醬點嚟食，不得了！意式忌廉闊條麵$166闊條麵配上巴馬臣芝士忌廉汁⋯醬汁好『水』，闊條麵完全掛唔到醬汁⋯

約六點半到，門口已有約5-6位排隊登記，登記後職員會給你無線接收器屆時通知你有位，等了約50分就有位了。首先是餐包，有黑糖味和原味的。黑糖餐包未放進口已聞到黑糖味，塗了牛油後有甜甜的黑糖加牛油油香，比連鎖西餐廳的黑糖餐包更好吃。叫了一杯cocktail Mai ThaiRum酒味較濃，Tropical fruit味道唔夠突出。下一道是加州牛油果沙律，沙律菜和牛油果夠新鮮，不過沙律內加入了調味粉，有點微辣。再來是炸芝士通心粉球，很香的芝士味，不過對於2個人來說分量有點大，建議多人吃會較好。最後是甜品青檸芝士蛋糕，味道比想像中酸，不過能減低芝士的膩，配搭得不錯。

The Cheesecake Factory 開左咁耐，一直因為唔想排咁耐而冇食過，今日平日晏就難得冇人排，終於可以試喇！！我都幾中意入面既裝修，好似美劇會見到果啲餐廳既感覺我就叫左杯熱朱古力$46，上面有大大pat cream🤤味道好好味，唔會太甜，但絕對飲到有落奶，整杯係香滑濃郁🍫《ice mocha》$42呢杯係朋友叫既，佢話都幾好飲既～餐前送既麵包🥖朋友覺得皮太硬，但我就覺得好好食喇，入面又軟又香🤤《Pasta da Vinci》$146大大份，食完呢個都飽長通粉煮得岩岩好，質感有咬口，醬汁酸酸甜甜十分開胃，一食再食！有啲雞塊，肉滑，同醬汁配合得好好！係我今次最喜愛既一道菜🤤Grilled chicken and avocado club 🥑 $178呢份上菜既時候我真係完全嚇親😂本來食完個意粉已經飽飽地，點知呢個大份到成塊臉咁🤭仲要好厚身加埋唔少份量既薯條🍟完全食唔晒不過以味道黎講，佢就稍有遜色，avocado未夠熟，有點硬，而且唔夠香，雞排就有點乾～不過麵包煎香好好食，醬汁亦配合得好好👍本來就諗住食一件cake既，但飽得濟完全食唔落，決定下次再黎！

Happy Friday，約了友人到The Cheesecake Factory食飯，美國菜，以Cheesecake出名，其他食物都不俗，即想試下了，因冇book位，要早點去等，友人在尖沙咀返工，放工6點幾去到，都已經好多人等位了~果然好受歡迎(加上星期五)，預計等候時間約90-100分鐘，因唔太肚餓，一齊照等了。 等位時會派呢部機比你，著燈即係有位，因怕驚行太遠接收唔到，大多數都係門口到等。 等待中順便睇定食咩好，十分多選擇，已揀好食咩了。 等了大約小時再看一下menu。 年輕人，究竟有乜野動力驅使你要等咁耐都仲肯等落去呀?係愛定責任呀?係太想食呀!真係考驗我真愛(竟然冇放棄)，真係等左90分鐘先入到去，破左個人等候紀錄，同時覺得預計既時間都好準。 餐廳環境頗大，設計是懷舊歐陸式的風格，燈光昏暗，感覺有氣氛。 有吧枱及電視。 甜品櫃，好多款式呀。 等你等到我堅餓，坐抵唔洗點睇即叫野食。 餐包，個包幾好味。 獨家檸檬凍飲，$52，清香的檸檬味，好解喝又爽朗。 炸芝士通粉球，$128。 似乎是人氣之選，炸芝士通粉球，咬落香脆，內裡是芝士通粉，口感豐富， 芝士

星期三晚同兩個朋友去吃飯，我們七點半到達餐廳，但等到八點半才入座。而且等位其間又不能離餐廳過遠，此為唯一不足之處。我們點了炸魷魚，蕃茄羅勒長通粉，雞肉蒜香檸檬忌廉意大利幼麵，及白朱古力紅桑子雲石芝士蛋糕。雖然價錢有點貴，但抵食夾大件。每碟份量十足，三人分都吃不光。先來的炸魷魚因份量較其他餐廳的多而令人眼前一亮，但味道偏淡，更是在嚐過主菜後更顯無味。兩款主菜都含有雞肉(整個餐牌除了雞，印象中沒有其他肉類), 我朋友覺得雞被烤得有點乾，但我認為剛剛好，想多吃幾件添。不過雞肉蒜香檸檬忌廉意大利幼麵味道有點苦澀，可能因為太多蒜頭(是蒜頭！).整體來說，食物質素良好，服務態度良好，唯取位安排有待改善。