良記餐廳(老鳳冰室) (已結業)

有個住深水埗的中學同學介紹我來她樓下的老鳳冰室，說環境懷舊又有特色，所以今日專程出來深水埗在門口等了一會終於入得，無論門面及室內環境，裝潢果然充滿懷舊氣息，但懷舊得來有好新潮喎，尤其牆上有很多潮句，玩食字的掛牌和海報之類。我們的座位附近就發現到這個街道牌，笑咗出黎，哈哈!!😂餐廳內每一樣東西都很有趣，就像餐牌放在這個布製的信箱裏面，而餐牌更做成一封信封看看餐牌，價錢實惠，同樣有一般茶餐廳嘅食物款式，但亦有很多特色食物，連飲品都非常特別，我當然不會放過拉!! 一看到餐牌已決定必飲原味波波奶茶!!😁首先點了安格斯牛腩撈一丁，另加$14 原味波波奶茶。本身我們是想點黑松露海皇炒飯架，點知看到對面枱的情侶在吃德國豬手 👀 完全吸引了我們，之後跟着她們點了脆皮德國豬手配薯菜，哈哈!!•原味波波奶茶•員工說波波奶茶的三粒冰是用奶茶做的，十分有創意，茶味濃郁，入口香滑 ，一D都不鞋口而且好似飲極都飲唔完咁，當奶茶冰融時，奶茶有再增加，直到吃完整頓飯都繼續保持原有味道•安格斯牛腩撈一丁•牛腩份量多又軟腍，不會痴牙，醬汁濃味又夠杰身，足夠撈整碟出前一丁，並奉送芝士牛油厚多士半片。•脆皮德國鹹豬手•我們點

公司中午放飯，在公司附近看到這間鋪頭用很多紅衛兵的相片作招牌，吸引了我的興趣，於是膽粗粗一個人進入餐廳。餐廳裝修得古色古香，很有懷舊的氣氛。餐牌亦都充滿特色，在餐牌旁邊亦有一個「信箱」，原來信箱的信，就是餐牌了。而我覺得最特別的是他們用了一個印有毛主席的杯放入方糖。而我今次叫了一個BBQ燒豬肋骨伴薯角+原味波波奶茶BBQ燒豬肋骨賣相好吸引，薯角亦都是剛剛新鮮炸起的，非常香脆及熱辣辣。豬肋骨有兩大件，而且充滿醬汁，廚師型擔心醬汁不夠，另外用碟將BBQ醬裝起隨主菜奉上，豬肋骨肉質軟熟，好容易把他們切開。豬肋骨充滿BBQ醬味，亦都好容易把骨拆除，肉不會癡牙。而波波奶茶利奶茶制冰，再放入奶茶內，因此就算奶茶放了一段時間都不會變淡；而且波波冰也不會雪到太硬，可以放入口吃，可以吃到奶茶味的冰，又真是幾創新！

之前多次到來這間設計獨特，綽頭十足，大玩懷舊，娛樂性豐富，就連菜式名稱也玩食字的冰室，都是吃早餐，這天終於一試這兒的晚餐。 「安格斯牛腩炒河」（$58）沒有想像中那麼好味，醬汁太多，味道也偏濃，犯了過猶不及的毛病。安格斯牛腩中規中矩，不差，但也不算十分好。 「胡椒湯生菜」（$22）比一般的上湯灼生菜多了一朕濃烈的胡椒味，吃來特別刺激惹味，我就頗為喜歡，不愧為冰室中「三大名菜」胡椒湯生菜、蒜泥翠瓜與肉燥扒菜心其中之一。 「原味波波冰鎮奶茶」（$24）以圓鼓鼓的奶茶冰塊保持飲品的冰冷度，奶茶的茶味也不會因為冰塊融解而變淡，喝著大大杯，就連杯子設計也頗有美感的冰鎮奶茶，感覺挺好。 喝著喝著冰鎮奶茶，雖然已經吃得有八成飽，還是想念起這兒美味的「黑松露炒蛋多士」（$38）來，忍不住叫來一份，厚身的多士，面上滿滿都是滑溜溜的蛋漿，再加上香氣撲鼻的黑松露醬如同繪畫般畫在滑蛋上，著實是一道令人無法抗拒的美食。 這次晚餐，雖然「安格斯牛腩炒河」不算出色，但其他菜式都好，價錢也不貴，偶然來這間裝潢特別的冰室吃飯，還是不錯的。

對冰室有一種情感..😳😋————————————————————#黑松露炒蛋多士(HKD38)✔️👅：7/10✏️ 好多黑松露舖係面😍 蛋厚身之餘好滑 仲見到蛋汁添！美中不足係多士唔夠脆啦～#口水雞飯(HKD48)✔️👅：7/10✏️ 估佢唔到又幾辣wor! 雞件份量都夠～#冰鎮波波奶茶(跟餐+HKD14)✔️👅：6.5/10✏️ 茶味都幾甘醇 但偏甜左少少 好大杯🤣#肉夾饃(HKD38)✔️👅：5/10✏️ 太濕潤啦🤣 口感好奇怪

這家茶餐廳走懷舊風格, 室內掛滿懷舊的海報。呢度送餐既速度很快, 店員說只需約16秒, 食物就會送到。雖然我們沒有算到是否能在16秒內送到, 但野食真係黎得好快。即叫即烘的牛油厚多士上放上黑松露炒蛋, 對我黎講, 呢個簡直係高級享受。炒蛋雖然係好普通既一味餸, 但係要炒得夠香夠滑都係一門學問。黑松露味道好香好突出, 最難得係冇搶過蛋味, 兩者冇互相搶對方既味道。呢份炒蛋炒得好嫩滑, 中間仍保留蛋汁。 炒蛋既份量都幾多, 而且上面佈滿黑松露醬。紅豆冰用既紅豆好大粒, 好有咬口 。紅豆冰配炒蛋厚多士係一個唔錯既下午茶之選~肉夾饃帶點辣味很惹味。

今朝去到深水埗老鳳茶餐廳食早餐第一次食，一入去就見到好70年代風格餐牌都擺放在郵箱內。周圍牆上仲掛滿70年代既畫，仲有老毛掛畫叫左個芝士奄列餐，頭幾淡都唔錯，但食多少少就有點膩，那個芝士比較似醬汁！熱奶茶不用加大都比平常既茶餐廳大杯，味道就一般般。食用糖都落過點心思，唔會用平時食肆既沙糖，改成了方糖。都幾特別餐廳都幾乾淨，設計有下過心思！食物飲品方面就不過不失，下次有機會再試下其他野食，其望下次更好！

深水埗俾人嘅印象係有好多平價嘅民間美食，（事實都的而且確係咁）所以其實平時我都成日去深水埗食嘢不過呢一間餐廳我都係第一次嚟，因為睇咗媒體嘅介紹，所以有興趣過嚟試一試。入到餐廳果然係一如大家所形容，裝修的而且確係帶有懷舊風。（特別想講下嘅係佢除咗餐廳門面裝修係懷舊之外，連d餐具呢一環細節佢都做得到貫徹始終，真係好耐都冇見過呢一種綠色筷子）相信老闆應該係一個好念舊嘅人。而食物方面佢會比一般嘅茶餐廳多d創新，我會用高級版嘅茶記嚟形容老鳳冰室睇過大家嘅介紹都話佢嘅黑松露炒蛋多士唔錯，不過我今日就無試到呢個小食。而我今日嘅選擇係芝士牛肉濃茄湯通粉。呢一個通粉佢係有配一份牛乳炒蛋+肉醬薯泥嘅，一個女仔食一碗通粉再加個炒蛋薯泥，份量可以話係相當充足，夠飽肚。廚師喺通粉嘅上面加一塊黃色嘅芝士，撞落去橙色嘅蕃茄濃湯上面，的確係可以滿足到食客嘅視覺，加強左我食呢碗通粉嘅意欲另外，湯內有少量茄肉，可以提高蕃茄湯嘅鮮甜味，令人開胃而我覺得最讚嘅係除左牛肉份量比一般茶餐廳嘅多之餘，仲要係鮮牛，厚薄程度適中，幾好另外炒滑蛋配薯蓉亦都相當唔錯。蛋炒得夠滑，就算我放咗係枱面5分鐘先至食，佢都冇話變到乾身而肉醬配薯蓉呢

係深水埗行完，諗住時間尚早行落太子覓食，行到近南昌街見到裝飾特別，標語有趣幽默 (而且行到有點累了😅) 所以就來吃個快晚餐。波波奶茶 (只飲了兩啖未能評分)友人點了波波奶茶冰眼看好特別，我只借來飲了兩啖，感覺茶味夠。老鳳雞翼 (7/10)瑞士汁好入味，又不會煮得過老，岩岩好。雪糕紅豆冰 (10/10)賣相一流，張啤牌係威化薄脆，睇得又食得，而且有3粒雪糕糯米滋不是普通雪糕球，紅豆夠淋又不太甜(個人大愛) 跟主菜只需加$16, 夏天必吃！蝦多士 (7/10)細個時常係酒樓茶餐廳吃到的蝦多士，可能由於成本貴而且功夫多，已很少見餐廳有得食蝦多士，所以每次遇到都會點。老鳳的蝦多士誠意十足，配上千島醬和沙律，亦不油膩。安格斯牛腩保齡球 (9/10)來到主菜，"保齡球" 其實是農夫包，初時還擔心只有包不夠飽，但原來有炒飯底，而且牛腩好入味又夠淋，包又夠脆，不用點旁邊的芝士汁都好好味。雖然已吃到飽飽地，但都吃哂成隻包。看到有一小吃叫"老鳳公子"，詢問店員得知係黑色的公司三文治 (註:店員十分殷勤有禮) ，而眼看隔離枱的黑松露炒蛋份量十足，其後發現有很多食家推介，下次一定要再來試這兩樣小食！

人稱鴨記於深水埗的鴨寮街包羅萬有, 在二手檔攤隨時讓人有意外收穫, 特別是不屬於這個世代的物件, 陳年的牛龜電視機, 撥輪電話, 玻璃膽熱水壺 • • 可能我不是生於爺爺爸爸的年代, 所以對老香港特別好奇最近行又走過深水埗, 打算隨便找家餐廳吃個晚餐就打道回家經過一家叫老鳳冰室, 名叫冰室已是舊有只提供冷凍飲品, 雪糕等飲食場所的叫法推門進去, 眼前看到店內裝潢充斥著七十年代的味道店內掛有「內有雅座」令人聯想到真的有特別位置在內我先在牆上的信箱內取餐牌📮還未完全決定時看到店員為鄰枱食客奉上瑞士雞翼炒蛋飯, 賣相非常吸引, 好吧~就來一份！配波波奶茶朋友點了一份黑松露炒蛋多士及芝士炒公仔麵雖然環境懷舊但食物卻跟上潮流食物很快遞上, 熱烘烘的瑞士雞翼炒蛋飯, 隻隻雞翼漲卜卜, 甜度適中, 配滑溜的炒蛋食, 食得津津樂道原來波波奶茶的波波是由奶茶雪成的冰球, 這樣溶冰時也不會讓奶茶味道變淡, 質素有保證！而這家炒蛋上的黑松露份量絕不吝嗇, 我們分四分, 每啖厚厚的滑蛋配味濃的黑松露, 帶出香味之餘還有無需加其他調味, 最後亦沒蓋過蛋香最後邪惡的芝士豬頸肉撈一丁也來了分量剛好, 不會太腬. 不

深水埗真係乜都有。 成日聽阿爸話70 年代點點， 我今次就要重溫一下， 咪再話我唔識野。 富貴人就做唔到， 到一個70 年代平民， 所以去冰室。 懷舊既格局包括海佈， 燈光， 裝飾。 餐牌同菜名應該唔算係70 年代， 但菜名好有諗頭。 飲品名都好正。 做飛女梗係要飲飛女可力， 勁爆多cream， 同餐牌上張相唔同， 仲加左卜卜脆朱古力，好驚喜。 香港特色瑞士雞翼， 入味肉質彈牙不淋。最後就係推介既肉夾饃， 內有辣椒所以有少少辣， 更覺惹味。 包要趁熱食先軟熟。咁就一餐

今日經開深水埗，諗住試下老鳳冰室，見佢咁出名，雖唔明點解好多空枱都要我搭枱...可能見我一個人？坐低叫左好多推介嘅黑松露炒蛋多士同波波奶茶，奶茶先上，等埋多士不過5分鐘，可能因為少人食左多士先，好新鮮熱辣辣，但個人覺得松露唔係好夠香，個醬同我食開嘅松露唔係好一樣，蛋唔係話超滑，未到神級好食，但都唔錯，多士比預期酥脆.飲一淡波波奶茶，不得了，好好飲，超滑超濃，奶滑茶香，仲要凍冰冰，雖然第一下覺得有少少過甜，但之後ok,飲到停唔到，完全物超所值大大杯，超高質，必叫.

好耐以前已經有聽過老鳳冰室波波奶茶個朵，但一直都懶行茫深水埗搵佢係邊，琴晚終於的起心肝收左工去搵佢出黎試！ 老鳳冰室位於基隆街，係西九龍中心附近，距離地鐵站大約十分鐘，都算方便。一去到門口就有大大個招牌，門口有幾個人等緊。等左大約15分鐘就有位，餐廳内有好多燈箱同懷舊既掛畫，就係呢d小小既心思令一間普通茶記升級變左街知巷聞既懷舊餐廳。地下仲有鐳射logo燈，會自轉嫁🤣老鳳冰室有提供既食物同普通茶記差唔多既佬飯，例如焗茄茸豬扒飯，亦有提供較特色既小食/主食另吸引港男港女，例如海鮮保齡球&老鳳公子。呢d係老鳳十大經典好食物，大家可以參考下。茄牛意係有跟多士同炒蛋既，我加左$5 upgrade左做牛乳黑松露炒蛋。多士外脆內軟，配上好滑既炒蛋加好香既黑松露，正 注意，佢仲要落左唔少黑松露醬比我地，唔係得一滴少少香個隻 茄牛意湯底夠濃，唔止有蕃茄茸，仲有洋蔥，應該係有預先炒過既👍🏻 牛肉應該係用左滑牛，所以食落完全唔韌！保齡球其實係刮空左個麵包，釀左海鮮飯落去再焗而成。個保齡球蓋焗得好脆，沾芝士醬食一流！入面既飯唔係白飯而係炒飯底，海鮮都幾多幾足料！ 略嚴個飯濕左d，本身面既海鮮已經配上白汁一齊

Came here because of the decor!The photo thing was amusing.Anyway, tried this drink for the first time which was cream soda literally mixed with milk.It tasted like bland watery icecream.I was surprised to see roujiama on the menu so ordered it but unfortunately, it was stuffed with Taiwanese mince and not the filling I was expecting.The Sichuan chicken was interesting because the rice was topped with condiments which made the rice sweet and it complimented the spicy chicken nicely.The charcoal

本身自己都幾鍾意去茶餐廳或者冰室食嘢  置身當中成日會有種好街坊既感覺 ～今次同爸爸就嚟到呢一間深水埗嘅老鳳冰室佢周圍嘅裝修都好70年代貼左好多李小龍既海報 舊時信箱既menu兜 仲有呢個擺糖既兜 全部都好old skool 好有感覺! 去到嘅時候已經係兩點鐘所以我自己呢就叫咗一個黑松露芝士火腿奄列餐$42 再加$14轉左飛女可力特飲至至於爸爸呢佢就叫左芝士海鮮保齡球餐$68 再加$16轉一杯雪糕紅豆冰特飲 好快我個黑松露芝士火腿奄列炒蛋就嚟左了 好大一份! 個份量係平時嘅兩倍! 黑松露味好香 好味又飽肚！至於爸爸嘅芝士海鮮保齡球都黎左啦用料好豐富有魷魚啦魚柳等好多款海鮮 而且個包蓋都烤得好香脆再加埋濃濃嘅芝士 係出色之作 最後就梗係要講下呢兩杯特飲! 兩杯特登不得了啦! 先講爸爸嘅懷舊雪糕紅豆冰  紅豆冰加左好多cream另外又加左三粒雪糕糯米糍超滿足份量超多!!! 至於我嘅飛女可力佢上面佈滿星星米朱古力波波仲有一塊阿華田餅再加埋啲杯芽 超滿足同好香濃呀～～

一直都好想帶媽咪去深水埗嘅老鳳冰室食嘢！點解？因為冰室入面總會播住經典鄧麗君歌曲，啱哂媽咪口味！一入到冰室，明顯就係打住懷舊嘅旗號。店內嘅裝修風格同擺設，全部都係充懷舊風味！七點半去到，餐廳差唔多已經坐滿人，好彩都搵到張二人枱，唔使等！餐廳有個大燈箱，將所有重點推介都列晒出嚟，啱晒諗唔到食咩嘅客人！坐低見到有兩封信放喺枱面，原來一打開係餐廳Menu！喺嘢食方面，我揀咗蜜焦雞翼、鮮茄茸豬扒保齡球；嘢飲就叫咗忌廉哥溝牛奶妹、薑檸樂！先嚟兩杯嘢飲。前者忌廉哥溝牛奶妹$20，入口味道十足淡淡嘅雲呢拿加梳打水，好似溶左嘅雪糕咁，後者薑檸樂$18，熱飲嚟，薑夠辣，配合鮮檸檬，！再嚟蜜焦雞翼$38。雞翼炸到脆卜卜，雞翼面灑滿芝麻，咬落肉質嫩滑，帶黑椒香味同蜜糖，惹味！再嚟鮮茄茸豬扒保齡球 $68。保齡球一上，我以為自己嗌錯左個漢堡包！一打開，茄味即刻湧出來！先搬開豬扒，即時發現隱藏喺包入面嘅炒飯底。除咗番茄之外，仲發現有新鮮菠蘿添! 米粒炒至粒粒金黃，豬扒鬆化唔韌！食晒豬扒飯，當然要食埋個保齡球啦！保齡球脆卜卜，並塗上牛油，點住附送嘅芝士醬汁一齊食，超正！超滿足呀！