良記餐廳(老鳳冰室) (已結業)

之前食過老鳯冰室的炸雞脾和焗保齡球，真的好好食，老公也喜歡食這類食品，但因佢d牙有問題，我說等佢整完牙先帶他去，近日已整好曬，今天專程前往位於基隆街的老鳳冰室品嚐一下！客似雲來就知冰室有實力，座位有限，好多時都要等位，但為左美食就要有耐性！吾想等甘耐就要避免繁忙時段去！芝士焗大蝦球飯：大蝦球真的很大隻，在飯面加上芝士汁，焗至金黃色，芝士汁足夠撈勻整碟飯，味道十分惹味，大蝦很爽囗，值得一試！芝士焗生炸雞脾飯：本來想食芝士焗保齡球，可惜已賣曬保齡球。沒有保齡球，好在有生炸雞脾，外皮酥脆，肉質嫩滑又入味，味道超正！配合芝士焗飯更惹味！餐飲加16蚊就有雪糕紅豆冰一杯，重量級的雪糕紅豆冰有忌廉、雪糕、雪糕糯米磁、花奶、又甜又林的紅豆。非常豐富，味道甜美，大大杯很底食！

同朋友經過深水埗見到依間冰室幾特別，入到去d環境充滿懷舊既特式，好似裝餐牌個架咁係舊時既信封箱。我地3個人食，嗌左幾樣野食👇🏻芝士豬排撈麵，d芝士淡淡地幾好味，豬排都幾多，依道菜係好味既。老鳳雞翼即係瑞士汁雞翼，味道都唔錯不過就唔會好突出黑松露炒蛋多士，其實係普通既炒蛋多士，不過上面加左好多黑松露芝士海鮮保鮮球，依個就味道麻麻野飲方面，嗌左兩杯d人尼必嗌既波波奶茶同飛仔華田，睇得出d飲品花過心思既特別既整體尼講依間冰室都值得尼試下既，野食都唔錯，價錢係唔算特別貴

陪老公去鴨寮街買電子零件，見時間尚早，決定先吃頓午餐，再作打算。由於不常來深水埗，加上事前沒做準備功夫，所以一時間亦沒甚麼心水餐廳，一於先到附近逛逛，再慢慢揀。在基隆街找到這間「老鳳冰室」，見門面很別緻，招牌用上舊式電影海報做設計，配上圍邊的燈泡和電影剪影，望落去非常吸睛，反正沒幫襯過，一試無妨。按門內進，地方細小狹窄，而且座位擺設與一般茶記分別不大，但由布置以至裝潢都玩味十足，可供拍照的「景點」多下勝數。安坐後，再逐一細看，牆身上掛滿標語、另外亦有李小龍 Poster、用相架鑲起的舊鈔票、古董大鐘、以布造的仿製信箱和 70、80 年代的電影宣傳海報等，讓人有種彷如走進電影世界、時光倒流的感覺。拿起信封造型餐牌，午市選擇有「老鳳土炮小食」、「焗／你／食」、「撈一丁」、「湯麵」、「三大名菜」、「亂炒一通」及「老鳳十大推介」。至於飲品方面，有好幾款淨係齋睇個名都覺得吸引，甚麼「波波冰鎮奶茶」、「飛仔華田」、「飛女可力」、「忌廉哥溝牛奶姐」、「奶茶仔溝咖啡妹」等，名字俏皮有趣。由於這天天氣很熱，大家都不約而同地揀咗波波冰鎮紅豆奶茶 ($28)，原來奶茶入面有三大粒奶茶波波，馬上啜一口，滑溜之

作為香港人既我地，茶記就食得多，大多都冇咩特色。今次呢間茶室反而帶比我一d 懷舊既味道。 一入到去就已經見到各種懷舊物品，即時勾起各種香港回憶，例如霓紅光管同古老大鐘咁都係香港既特色。 呢個成個波咁既就係焗芝士安格斯牛腩保齡球。保齡球表面脆口，內裡軟熟。安格斯牛腩同好有鑊氣既炒飯份外合適。小弟好快就清哂成個飯底。 仲有成個包點食好？知你口味既店員早就比左一碗芝士汁你慢慢點黎食喇，好好享受喇～ 呢個老鳳多士本來以為係Pizza 黎，原來係加左茄醬，芝士仲有黑松露，所以食落去會有好大陣松露味。多士幾脆口，但上面既醬料太多，味道有d 重。如果每種材料少番d，平衡一下會好d。 最後飲番杯懷舊雪糕紅荳冰。有三種雪糕糯米糍，又軟又香滑。仲有好多cream 同紅豆，正。 餐牌 門面

懷舊既裝潢，遍佈特色，餐牌造型係信封，夠特別，一間中西式夾雜既冰室，播住懷舊金曲，耐人尋味。已經過左lunch時間，下午茶一樣夠多人。安格斯牛腩湯米粉 $46牛味濃郁，肉夠淋，米粉口感亦煮得剛剛好。另外配埋多士，但因為太飽了，即時想比返店員唔好浪費，店員話幫我打包，服務貼心。厚切餐蛋麵 $30朋友鐘意食牛餐肉，覺得麵底亦好食，滿分。蜜焦雞翼 $38雞翼香口，外皮熱辣辣，仲食到脆既口感，表面上淋有蜜糖漿，惹味，肉既調味剛好，整體唔錯😋。黑松露炒蛋多士 $38邪惡之選，見到前面對情侶兩個都食緊，急不期待想試，炒蛋上滿佈黑松露😲，蛋夠滑，連埋黑松露食真係邪惡到爆，鐘意食松露既必叫。懷舊雪糕紅豆冰 上面有三粒唔同口味既雪米滋，朋友話好飲，正。飛女可力 見波波奶茶最受歡迎，但唔想飲奶茶，叫左可力，賣相吸引，出奇地好飲，滿足飲哂。整體味道唔錯，而且內裡裝修食物都夠哂特色，深水埗不錯之選。

是日繼續喺深水埗的大街小巷到搵食行過見到呢間老鳳冰室裝修得幾靚嘅又懷舊風所以就入嚟試吓～嗌左個原味波波奶茶，幾香茶味，個冰都係奶茶整的。我覺得就是Gimmick野哈哈另外點了豬排芝士撈丁幾好食，不過食到一半就好濟哈哈

今日專程出黎買蛋卷 想起附近食埋午飯先豆腐花？豬潤？食太多次了 相公提議嚐新好 就黎試試老鳯冰室啦店子少少 坐無虛席 我地好彩等左5分鐘就有位啦 店子各樣裝飾/ 標語都帶有惡趣味 愛！黑松露炒蛋多士 多士夠香夠熱 炒蛋夠滑 黑松露夠多 是好味的芝士牛肉濃茄湯通粉 OK番茄湯沒想像中「濃」 比較愛星座冰室的跟餐的多士 味道也不馬虎芝士豬頸肉撈丁 豬頸肉厚度恰到好處 有𡁻口 芝士汁混得好惹味不膩 極速KO原味波波奶茶 飛女可力 配埋啲脆脆 口感帶來衝擊 賣相可愛 比較愛這杯！這間份量絕不欺場 跟餐的炒蛋多士也正上菜快 店員服務也尚好 衛生OK店子是日午餐 好像也很吸引 會再來的！

芝士豬頸肉撈一丁Pork Neck Meat Stirred Noodles with Cheese $48一般撈丁好易整到好乾身 同埋芝士會凝結起到一舊舊 但呢個完全唔會 個麵完全同d芝士溶合左 食起上黎唔乾 芝士濕濕地 岩岩好 同埋個豬頸肉唔會太un 都幾入味黑松露炒蛋多士 Scrambled Eggs Toast with Black Truffle $38黑松露一直比我感覺係gas味 呢個多士都唔例外 聞上黎都幾大陣gas味😂.不過個蛋係幾滑溜 加埋黑松露都幾香口 食落口反而又唔太gas既感覺原味波波冰鎮奶茶 Iced Milk Tea $24出色既👍🏻 奶茶裡面唔係普通冰而係有奶茶味既三粒圓形大冰球 更成杯奶茶唔會變淡 飲幾耐都係咁有好重既奶茶味.整體呢間係高質素既冰室 會再返轉頭

話說睇完D咩‘一個人去深水埗食咩好’既post發現呢間好似幾吸引， 放工2個人特登黎試下；是日夜晚焗到hihi，好彩地鐵站出黎趁身上既寒氣未散已經搵到；7點多到無人排隊，但都要搭枱先有位坐。懷舊的裝飾同郵件般的餐牌都幾得意（但店內冷氣太太凍！係極凍！雖然外面好熱但咁凍法真係會病...）﹣波波奶茶／雪糕紅豆冰：波波奶茶既賣點係D冰呈波形，同埋係用奶茶雪出黎；但！ 太甜啦，我地叫左少甜都好甜...除左個冰係奶茶外真係麻麻地；雪糕紅豆冰一睇就wow一聲，都幾大杯，上面D cream多到滿溢，有3粒唔同味既雪糕糯米糍，好處係即使飲品黎左先，你都可以邊食邊飲，唔怕雪糕溶晒落水因為糯米糍包住左！紅豆粒粒好大粒，好甜，但overall都係偏甜左D。﹣黑松露蛋多士：黑松露幾香，蛋係多汁既炒蛋，下面既多士幾厚下所以都好飽架啦；但多士唔夠香，乾身左D，可能想索D蛋汁？但又因為店內冷氣十級凍，D香氣好快就‘cooldown'左，聞唔到，蛋汁亦都好快凝結左，搞到好想淨食蛋唔要塊多士。﹣芝士撈豬頸肉公仔麵：如果你偏好淋身D既公仔麵，好似我咁，咁應該會鐘意食呢個；芝士醬好傑（again,因為冷氣太凍）豬頸肉唔脆，

今日經過深水埗，見到一間餐廳名特別，名叫老鳯，我就入去試下，內裏裝飾以懷舊為主。我看到午餐價錢大眾化，40多元就有套餐，我就叫左吞拿魚炸蝦厚多士配沙律菜，飲波波奶茶。厚多士配上厚厚一層吞拿魚，多士連吞拿魚吃，只感覺吞拿魚味道，沙律菜配上黑醋，味覺有小小酸。但都好食，因沙律菜新鮮。波波奶茶就有特色，用奶茶先制成圓冰，看似一個波波，初時以為不吃得，慢慢發現原來是冰塊，初飲時比較淡，但等了一會，就覺得越來越濃味。可以慢慢享用午餐時又不怕凍飲會便淡，呢杯就剛剛相反。

麵包可以有多種食法，只要你用心思就可以製造出破格新穎食品。 好似呢間餐廳懷舊味濃厚，以70年代為主題。坐落欣賞一下牆壁海報，懷舊一下，回味無窮。但食物就新穎有創意。我就選擇中午時間食麵包餐，叫左焗安格斯牛腩保齡球加飛仔華田。保齡球其實是一個外脆內軟嘅法式包，其中一邊放入飯加上有秘製牛腩，另一邊是焗烤包，我先將一邊包點上芝士汁吃，另一邊整個包連飯加牛腩一起吃，就帶出兩種食法，口感相當豐富，夠創意。飛仔華田夠特別有心思，用來吸引小朋友最適合，因上面灑上蜜糖星星和格格脆，都是健康早餐食品，配上白色軟綿綿cream ，令華田更滑香甜。另外我朋友叫左吞拿魚炸蝦多士配沙律菜配波波奶茶。厚多士上配上勁多吞拿魚，炸蝦脆，沙律菜新鮮味美。波波奶茶是加了3粒奶茶冰，使奶茶味更濃更好味，我朋友即時當冰吃，佢話炎熱夏日，吃粒冰最涼快。

"埋嚟睇埋嚟揀"平時喺深水埗， 聽得最多嘅說話可能就係呢句。 今日落到深水埗， 朋友帶我食茶餐廳，去到諗住好似埋嚟睇埋嚟揀咁自由入座，估唔到人頭湧湧，重要拎飛仔排隊，好彩餐廳流量快，等咗短短嘅十分鐘，馬上入座。餐廳廟細燈籠大，五藏俱全， 環境好似返咗60年代咁，好有趣。坐低一陣當然先睇menu啦， menu喺個信箱入面已經好得意，但估唔到最吸引我嘅竟然係一個牌。 見到行細字已經知道老闆為人甚為風趣，相信鋪頭直都係以實力取勝。咁串嘅老闆，我鍾意。兩個人我哋就叫咗，一份黑松露炒蛋西多士， 一個焗安格斯牛腩飯再加一份是日晚餐 xo醬炒鮮菠蘿海皇飯， 飲品方面當然係叫啲特色飲品一個飛仔華田一個波波奶茶。飲品先上第一杯嚟到就係飛仔華田， 第一眼見到杯華田，估唔到咁靚以為自己去咗cafe飲嘢， 最令人喜愛係佢上面仲有一塊華田味餅乾。波波奶茶外表平平無奇飲落同普通奶茶差唔多唔算太甜好香茶味， 入口又滑，完全冇苦味。 但睇咗一陣發現有啲唔對路， 點解杯凍飲入面冇冰嘅 ，原來所謂嘅波波就係奶茶冰，好有心思，最重要可以成杯飲曬一滴也飲晒。主菜上呀，先來黑松露炒蛋多士，個多士係厚多，重要外脆內軟，個蛋又香又

今日同朋友仔去行鴨記，去到基隆街附近見到呢間餐廳門口好吸引，加上大家又熱又餓，就決定入去坐下，飲杯野，醫下肚先😊舖內裝修好別緻，本餐牌都好有心思，睇得出老闆花咗好多心機👍🏻👍🏻🦐多士😋好多🦐膠，烤到多層鬆脆，入面既🦐膠好彈牙和牛腩撈公仔麵牛腩夠淋之餘，公仔麵又唔會太淋豬扒飽🐷麵包有焗過所以好脆口，加埋洋蔥喺豬扒面所以有些汁，唔會令個飽太乾身重點推薦--波波奶茶用咗奶茶整咗奶茶波波冰，令杯茶有賣相之餘，冰一路溶茶味依然濃郁，茶身仲要好滑👏🏻👏🏻👏🏻

今日下午約左同事去深水埗食lunch，佢帶左我去基隆街附近一間懷舊冰室，未入門口前冰室外觀都幾懷舊～入到去既裝修好有五、六十年代feel~感覺不錯坐低order左個午餐，個同事推介我飲波波奶茶～試下無妨，另外order左老鳳雞翼同黑松露炒蛋多士和同事share食～波波奶茶到⋯⋯杯奶茶入面有3粒用奶茶做既奶茶冰～好得意～試一啖，茶味好香濃、冇澀味～好飲黑松露炒旦多士～蛋好滑，炒得唔老，加埋黑松露啲味好夾～老鳳雞翼，一份有6隻雞翼，啲汁係秘製汁，雞翼好入味～我最欣賞杯波波奶茶～下次要再去飲

今日上網搵懷舊冰室..見到呢間老鳳環境同食物都好唔錯..就過黎試下..黎到門口都幾多人坐左係度..但等左一陣就入得..坐低左..環境幾舒服..我地4個人...order左一份蝦多士..芝士豬頸肉撈丁...黑松露炒蛋多士...波波奶茶..同雪糕紅豆冰..蝦多士脆但唔夠蝦味..芝士豬頸肉撈丁都ok..炒蛋多士個蛋都幾滑..但野飲比野食出色..個波波奶茶好濃茶味..加上甘既天氣飲落好正..個雪糕紅豆冰個面仲有三粒雪米滋..紅豆就唔算好淋..但都好飲既..總括黎講..係假日休閒既不錯選擇👍