船長意法日餐廳 (已結業)

夜晚同屋企人係元朗食飯，朋友介紹話『船長』仼食火鍋好正，我地一行四人又去試下。入到去地方好大，全部坐位都係卡位設計，坐得舒服，枱面又夠闊👍🏼兩小時火鍋放題，成人每位二百蚊都唔洗😍我地揀左b餐，食肥牛！肥牛望落好新鮮，食落肉質嫩又好有牛味😍每碟份量唔多，因為食完可以可叫侍應加嘅，咁就可以避免浪費食物👍🏼👍🏼除左揀肉類主食，出面仲有超級多野食！😱炸物、熱葷、海鮮、沙律、甜品、糖水⋯⋯乜都有🤤🤤🤤熱葷嘅菜式都幾吸引，有炒蜆、蒸魚⋯⋯等唔切火鍋嘅餓底可以食住先😂火鍋用嘅海鮮都落重本，蠔、蝦、水魷魚無限量供應！個人覺得最正係沙律吧😆可以狂食中華沙律同勁大粒螺肉！飲品選擇應有盡有，旁邊仲可以沖花茶！好貼心！甜品同雪糕區都好正！種類超多！整體來講，從每個食物區域都可以見到餐廳嘅用心，照顧到唔同人嘅需要❤️而且食物質素一啲都唔差，值得推介呀！

熱愛打邊爐嘅我，今次嚟到一間元朗嘅餐廳食火鍋放題。門口望落格局都舒服，所有位都係卡位，可以坐得舒服同朋友安靜火鍋放題都有唔同嘅項目選擇，我哋今次揀咗美國牛頸脊。打邊爐之前外面都有一啲熟食或者沙律可以比大家選用。今次揀咗鴛鴦湯底，一邊係豆乳湯一邊係芫西皮蛋，湯底好濃郁，唔係一啲味精湯，係真正用材料去煲出嚟嘅。食之前佢會比一次你個套餐可以叫既肉俾你，食完之後可以再叫。美國牛頸脊肉嘅厚薄都切得啱啱好，放入湯底10秒基本上就食得啦，有牛肉嘅鮮甜味仲送埋鮑魚，鮑魚都夠新鮮同大隻，食落去係爽甜嘅當然唔少得有自助飲品同埋甜品啦，竟然有我最愛嘅椰汁芋頭西米露，芋頭煮得好夠林，入口即溶，加上個糖水又唔會太甜。仲有唔同嘅啫喱同布甸類嘅甜品比大家選擇。

今日ot完同同事去咗元朗食宵夜 經過呢間船長日式火鍋放題 宵夜竟然仲可以宵夜折扣性價比極高 夜晚去到人唔太多 但係食物食完都仲會refill 熟食區仲有炒蜆 豉油雞翼等等 最驚喜就係竟然有原條蒸嘅多寶魚同倉魚 夾咗少少嚟食 肉質彈牙 味道唔錯叫咗壽喜燒湯底湯底味道偏甜 但係配上牛肉非常好食 牛肉片油花分佈平均 牛肉味濃 不過切得非常薄 口感欠缺除此之外仲可以去沙律吧 螺肉 沙律菜等等仲有海鮮可以任食 包括咗大蝦 沙蜆 生蠔 最驚喜竟然脆肉鯇都係任拎 全部新鮮 完全對得住個價錢

船長餐廳係元朗都做左好多年，最近行過見到竟然有火鍋食，價錢仲好抵！我地要左個上級美國肥牛set，埋單一1位200蚊都唔洗，野食仲好豐富！肉類係任叫，牛同豬都好食到原味，唔會話食完唔知自己食緊咩肉仲送左個海鮮拼盆，d海鮮睇落都好新鮮，竟然仲有青口同鮑魚，佢塊魚我唔識分係咩魚，好食落好嫩滑！雖然係任叫，但真係食唔到幾多轉，因為提供既配料真係好多！一般既丸都會提供，平時最鐘意食既芝心丸都有，忍唔住拎左幾粒好難搵到一間有齊炸魚皮，山根同響玲，岩哂我呢d鐘意食炸野既人麵類都好多款可以揀，連拉麵都有！菜同菇類款式都好多唔想剩係打邊爐咁㝰，佢仲提供左d熟食，有炸物之外仲有小菜，抵讚！最抵讚既係呢到有埋自家制既老火湯同糖水，今日既糖水係雪耳糖水，正呀！平時出面都要賣十幾蚊一碗，呢到可以任飲唔鐘意中式甜品既朋友唔洗驚，仲有一個大大既甜品櫃，另外仲有好多款雪糕可以食！我就揀左款冇見過既朱古力雪糕，好香朱古力味呀！

收工要同朋友食餐好d 放下疲憊既心情，餐廳係元朗環境優美，裝修精緻，座位也比較寬敞。韓國艦隊芝士麵配料豐富分量也夠，有豬柳扒、煎蛋、餐肉和粟米粒。除了本身芝士粉湯底仲有一片真的芝士！蔥頭醬油雞，賣相唔錯，肉質鮮美，食落去口感好香好嫩滑，值得一試！芝士香芒烤雞焗手打烏冬清新既芒果加上烏冬令原本既咸食變得充滿新鮮感。少量既芒果因為份量唔多，唔會影響整體味道，但又能增添新鮮感同清新健康既感覺。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

元朗對我來說是一個沒有太多東西食的地方，只知道好有名的甜品店，但是因為我今天要來這裡做事，所以要找住在元朗的一個朋友介紹。我朋友一直問我想食什麼類型，但是我真的沒有想食什麼，只想我朋友介紹給我，最後我朋友介紹了這家，可以食中式晚餐，又可以西式，又可以火鍋。進去看到這麼多火鍋材料，價錢又便宜，還是任食，立刻二話不說要了$178火鍋套餐，牛肉是叫的，其他自己出去拿，又丸，菜，海鮮，水果，甜品，飲料等等，多到爆，我還看到丸有一個特別的，叫做薑心皮蛋貢丸，好好笑，我男朋友不知道，一咬下去噴到遠處都是，蝦非常非常新鮮，煮一下就可以食，肉質非常爽脆。我們叫了沙爹湯底，沒有想到它裡面會放這麼多材料，有好多碎肉，芽菜等等，整個湯變得特別甜，好好喝。另外每一個人都會送一隻鮑魚，外面還有不同的湯，有青紅蘿蔔湯，忌廉湯，綠豆沙等等，好多選擇，還有雪糕，雪條，豆腐花，蛋糕，基本一定有一款你喜歡。以後來元朗不怕沒有東西食了，因為這裡有幾款可以選擇。

午飯時間到了，行經千色店附近就試一試這間餐廳。 我們叫了兩個套餐和兩個小食，有芝士龍蝦汁焗魚柳意粉和吉列豬扒烏冬。 小食方面有馬來沙爹雞肉串和脆炸雞中翼。餐湯有甘筍忌廉湯。餐廳是即叫即焗的，出爐熱辣辣，而且魚柳和意粉的份量很多，意粉不會焗得很淋， 軟硬適中， 賣相亦很吸引。 而吉列豬扒烏冬， 他們是分開兩碟上的，豬扒炸得很脆口，很大件， 烏冬食落口也很滑。而小食方面， 雞肉串燒得很香口， 醬料很 惹味。 而雞翼也炸得很香脆，還附有沙律，中和油膩的感覺。餐湯煮得很濃郁，很好味道。

2人餐單參考（飽足程度：★★★★★）：120分鐘任飲任食晚市放題 x2-上級美國肥牛（凡顧惠此套餐可點選美國肥牛、豚肉、雞肉）10% Service ChargeTOTAL HK$392*晚上7點前入座可以享有7折優惠*晚上8點前入座可以享有8折優惠👆自取區環境晚市放題包括了大量熟食，例如鹵水雞翼、炒時蔬等等。👆自取區環境海鮮類選擇不多，但都非常新鮮。👆自取區環境👆自取區環境👆自取區環境👆自取區環境👆自取區食物（推薦指數：★★★★☆）👆牛肉（推薦指數：★★★★☆）👆湯底（推薦指數：★★★★☆）👆湯底（推薦指數：★★★★☆）

元朗出名多野食，今次黎到近住元朗千色店嘅呢間船長火鍋餐廳打邊爐～佢同平時嘅火鍋放題一樣都係根據你選擇嘅牛肉品質黎定價，我地就簡左第二平嘅牛肉～每人埋單$250左右。如果選舉最平嘅牛肉，再點花膠雞湯底就要另加$38，但選擇第二平或再貴啲嘅牛肉就可以免費要呢係湯底，所以我地都簡左花膠雞湯底。呢度嘅花膠雖然細條少少，但質感真係好有骨膠原嘅感覺。牛肉就要搵職員落單，而其他食物飲品就放哂出黎，任君選擇。呢度食物嘅選擇比一般火鍋放題多，除左火鍋配料外，即食嘅仲有沙律前菜，中西湯，小食，熱食，甜品，生果，飲品。而火鍋配料一啲都簡單，除左普通嘅丸類，菜類，粉麵類，竟然仲有「海鮮」呀！唔需要另外加錢就可以食海鮮喇，而且海鮮嘅種類都好多，有蝦，蜆，魚，最驚喜嘅係「生蠔」！！係生蠔呀！當然要整熟先食啦！職員唔知係咪見我地主攻海鮮，仲送多兩隻鮑魚比我地試下添！另外，呢度嘅裝修都好有特色，枱面下面嘅枱腳係用左Gas罐嘅造型架！

燒爐控又出動，係呢個星期第三次嘅邊爐，又係大魚大肉嘅時候！呢間係朋友介紹，有好多坐梳化嘅位置！被安排好位置就揀定湯底(有10款湯底揀，有啲要加錢，最後叫個清啲嘅皮蛋芫茜)同揀埋肉(豚肉+雞肉、上級美國肥牛、美國牛頸脊肉同澳洲牛小排，揀左實惠啲嘅美國肥牛，$178加一都係$200內！），就去自助區兜個白鴿轉揀配料！蔬菜+魚蝦蜆嘅專區丸類蔬菜類響鈴+炸魚皮熱盤除左汽水外，仲有茶沖除左雪糕雪條，仲有豆腐花同熱嘅綠豆沙沙律同生果兜完個圈湯底到，即刻落啲配料淆一淆先！隨即肉類到，肉類係任食，食完就問服務員攞！整體係ok，地方舒適，又有好多選擇，多都好似自助餐咁，由前菜去到飲品都好多選擇，而食物味道都唔錯，湯底濃郁！不過食第三次真係唔敢食咁多，食肉真係適可而止，哈哈！一個男店員好好，見我地停晒手都會問要唔要加啲肉！佢唯一唔同嘅係佢無中式嘅醬料區，如果真係需要，佢都會提供美極同辣椒油等嘅醬料供應！

今日同屋企人黎到元朗行街夜晚肚仔餓，見到依間船長餐廳做緊火煱放題，睇落都幾精神，價錢又唔係貴，於是就決定入去一試啦！入到餐廳發覺依度嘅冷氣系統都唔錯，唔會有一陣陣混沌嘅火鍋味道。而餐廳入面都幾寬敞，全部都係梳化位，坐落可以舒舒服服咁食。望見一條長長擺放食物嘅bar檯，食物種類繁多，應有盡有，真係令人未食都已經流晒口水！另外仲有林林種種嘅飲品同雪糕，感覺係大滿足！火鍋方面，依度嘅肥牛片同豬肉片比想像中出色，兩種肉片食落口感鬆軟、肉味甚濃，而且脂肪比例亦都岩岩好，即點即上，肉片薄薄一片，滾一滾即刻就食得！依度啲蝦同蠔都可以任食任拎，而且全部都好新鮮！除非火鍋之外，啲熟食都好出色！除左一般炸物之外，竟然仲有炒蝦、炒蜆同果皮蒸鮑魚等等，真係不惜工本！依間船長放題嘅性價比好高，食物種類繁多，環境又舒適，有機會一定會再黎食多次！

打邊爐梗係要飲食先過癮有元朗友介紹西菁街呢間茶記晚市轉左型做火鍋，人頭連加一唔使$200食到飽，當然要黎捧下場～～～一入去已經見到環境好闊絡，抽氣系統夠通風，唔會好大味電磁爐設計陷於枱中，烚吓烚吓就手好多，設計好人性化。事關湯底未上，就出去睇吓自助吧有咩食，居然有西式沙律，襯返店名個‘意法’仲有多款火鍋配料，淨係丸類都有10幾種熟食吧有唔少香口惹味小炒，好似食梗buffet咁西蘭花清清地，加左蒜片炒香，炒得幾稔身，岩哂生酮梗既我補下碳水同蛋白質瑞士雞翼大大隻，豉汁蒸倉魚好滑好入味。食完呢轉熟食想出去拎多兩隻雞翼，話咁快已經refill新菜式，冇諗過熟食會轉款牛腩炆得好入味好稔，一夾就散，而且好厚肉、唔會得皮同膏怕熱氣所以揀咗下火嘅皮蛋芫荽湯，湯底落足料，淨係皮蛋都有八九舊，芫荽味十足最普通178嘅美國肥牛，唔差喎！肥瘦比例均勻，有雪花又未至於太肥膩。平時打邊爐一定喪食牛，但呢度嘅豬肉片令我喜出望外每一片都充滿油香，入口滑嫩，有融化嘅感覺，係我食過任食火鍋中最出色嘅豬肉片仲有蟶子、蜆、蝦、鯇魚等海鮮拎鮮蝦同樣值得推介，大大隻夠新鮮，食落爽滑彈牙臨尾整返個甜品，唔單止有常見嘅果凍甜品杯、盒

放工回來元朗時間剛好過9點有8折優惠，於是前一天訂座，選了C美國牛頸脊肉。湯底選壽喜燒，但我點完才發現C有得免費轉花膠雞湯，飲恨沒有早點發現。不過壽喜燒的湯底也非常濃郁，媲美在日本食到的濃度。第一輪店員就會先放底5-6盆牛脊肉，很了解大家一開始通常都會比較餓。肥瘦均衡不錯吃，色澤亦鮮紅帶點粉。訂座會送新鮮鮑魚，超鮮甜彈牙，無得彈！飲品亦選擇，有啤酒，有甜有不甜的飲品，我最愛不甜的碧螺春。丸類繁多，牛筋丸有牛的甜味又爽口彈牙。海鮮有海蝦，蜆，魚片，廣島蠔等等。廣島蠔超美味，我吃了一打。又嫩又滑又甘香，我由頭食到尾。有些熟食賣相不錯。金菇非常嫩滑。蘋果紅茶雪條很少見，紅茶味很清新又有甘香的茶味，解膩首選，吃到中間會有些蘋果粒粒，超有驚喜。總括是火鍋最重要的湯底這裏已做得好，食材和飲品也不錯，這價錢是超值呢。

元朗火鍋放題唔少選擇，今次試咗呢間船長火鍋，地點就腳就喺千色後面入到嚟感覺幾好，座位寬闊舒適，侍應都好有禮貌招呼坐抵睇咗餐牌原來除咗火鍋仲有其他西餐，價錢都實惠而且幾夠份量同其他任食火鍋一樣有幾種牛選擇，今次叫咗美國牛頸脊肉任食，就可以點埋其他較平嘅肉類，而且可以點花膠湯底點完要嘅牛出去睇下仲有咩配料，先睇飲品選擇好多：汽水、茶、啤酒都有，仲有鮮橙汁同即沖茶包甜品同雪條都有好多款式，啱哂我呢啲貪心嘅人火鍋配料都有好多款色，尤其是丸類另外必食拉麵，彈牙有口感，獨立包裝夠衛生湯底香濃而且有雞件潸製牛肉雪花均勻食落牛味極濃，唔錯質同價錢成正比選擇款式又多，值得一試

前晚同老婆齊齊收遲工，所以近近地喺附近搵食，去到西菁街，見到有雞煲加任食任飲火煱158，+1蚊可以無限加雞，＋30蚊可以任食肥牛同黑毛豬，咁平，見咁平，仲要啱啱有位，即刻入咗去。環境方面：個場幾大喎，啲位夠鬆動，而家都幾乾淨，唔錯。服務方面：職員好有禮貌，滿面笑容，而且會不時留意我哋枱面情況，幫我哋執枱。食物質素：呢度質素都係唔錯，雞煲好夠味，係略嫌啲雞切得細左少少，我選擇左加30蚊食肥牛同黑毛豬，好簡單，食得雞煲，一定要加，佢嗰啲肥牛，唔係平時肥牛任食嗰啲可以比，同埋食物柜有台灣腸，用嚟火煱好好食。任飲方面，都係嗰啲啦，最特別係有hoegaarten飲。衛生方面：乾淨，職員喺呢方面做得唔錯。總結：我一向用收費嚟衡量一間餐廳，兩個人埋單400蚊鬆少少，我覺得抵食，特別係＋30蚊食肥牛同黑毛豬。