船長意法日餐廳 (已結業)

元朗真係想點食都大把選擇有貴嘅有平嘅已經黎過幾次呢間餐廳，貪佢咩國家都有日啦韓啦西餐都有好啱我同老公有選擇困難。。。入到黎解決哂晚餐好多選擇👍🏻對C餐好有興趣98蚊有埋湯同飲品都ok啦除此之外仲點左其他小食呀咁餐跟嘅餐湯，有紅有白味道不錯個沙津係有芝麻汁嘅，菜都夠新鮮好開胃主菜未黎之前黎左d小食先我中意呢到d小食唔會好貴，平平地可以試多幾樣丫ma呢個柚子雞翼係我每次都會點炸好左嘅雞翼再加上柚子蜜甜甜酸酸不過記得要趁熱食。。。如果唔係會有少少苦澀味白酒汁煮珍珠蜆平時d西餐廳會賣得好貴呢個38蚊都算係咁啦，又多汁份量都夠多最重要係d蜆無沙都鮮味呢個蒜香牛柳粒好香呀啖啖肉又夠淋好喜歡d洋蔥細細碟但牛柳粒都有10幾粒主菜我就點左個意粉係韓風嘅牛肉意粉。。。見佢有一隻辣椒應該ok啦原來都幾辣所以最後交左比老公食哂佢不過個忌廉汁其實係幾好味不過就越食越辣囉一人餐嘅牛仔骨配薯角係我覺得最好味嘅首先個牛仔骨有兩大塊加上好夠淋煮得剛剛好，中間少少血個汁又唔太咸，好味薯角炸得剛好好香脆唯一不足係飲品杯紅豆冰似紅豆水紅豆唔夠淋杯巨蜂梳打就甜左d食物就好，飲品要再加油

每逢周末就係同太太去撐枱腳嘅時間，知道元朗多野食，揸車又去兜下。經過見到間大餐廳，持續有人在門口等食，結果就決定試下。飲品選擇算多，各式各樣都有 見到有鐵板就諗都唔諗就叫左個牛扒!一黎到個賣相幾靚，有薯角，粟米同蔬菜。份量算多，配左個魔鬼汁（即係黑椒汁）辣辣地，好惹味。牛扒有肉味，有質感唔"梅"。太太叫左個西西里焗豬扒飯，個飯有用蛋炒過，不過太太鍾意食乾身少少嘅炒飯，豬扒算厚，多茄汁更好。由於唔駛加一，而且可以用半價價錢享用於餐湯同飲品。一紅一白配蒜蓉包是常識吧！特飲夠大杯，鮮檸巨峰梳打好飲唔太甜，可一試!芝士焗西蘭花，西蘭花份量好多又新鮮，如果再多些芝士更好總結係一間平價平民食堂，價錢唔貴 抵食大件

星期日去元朗睇樓, 中午時段先來吃個午餐.  路經西菁街, 看見 "船長意法日餐廳"  門口有人等位, 相信靠得住啊 !  附近有停車場, 朋友去泊車, 我去搵位, 分工合作. 餐廳應是兩個鋪位,  面積大, 座位不少, 分別有梳化位和卡位, 結果等了五分鐘便有位, 好幸運, 算不錯,!   客人十分多呀, 下次先訂位 好了.餐廳設計和佈置富有海洋氣息,  牆壁上可見到船錨, 救生圈, 鈦盤及魚型裝飾, 好別緻.店員送來餐牌, Logo 也吸引.  厚厚的有多頁........真的依其店名意法日餐廳, 食物包羅萬有, 意式 Pizza, 意粉; 法式煙鴨胸;  日式拉麵, 和風炸物及各國食物都有, 真豐富 !並有焗飯, 烏冬, 餐湯, 沙律,  重量級鐵板燒, 漁村珍珠燴飯, 價錢屬經濟位, 大可放心任點.飲品也不少.我們分別點了一杯 凍峰蜜花梨蜜  $14, 和一杯熱葡萄柚子蜜 $12, (餐飲價)甜度適中, 凍的峰蜜花梨蜜清涼, 熱的葡萄柚子蜜夠潤喉.  第一個點的食品五分鐘便送來~~ 麥脆沙律 $24 :用木器盛載, 擺設美 !!  沙律依常規有什菜, 車厘茄, 薯仔, 蘋果粒,

紐西蘭極級牛扒 $75配魔鬼汁其實係黑椒汁，牛扒五成熟，比連鎖快餐店牛扒靚，中間粉紅色，肉質鬆化幾稔。煎蛋另上，薯角夠脆，炒野菜唔係白烚幾有味，仲有一小舊粟米好清甜。船長龍蝦汁海鮮意式燴珍珠飯 $78賣相同Menu 上張相一樣，好吸引！龍蝦汁真係好濃味！珍珠飯口感剛好，比用risotto 米更煙韌！海鮮冇雪藏味，長腳蟹清甜鮮味！比得上意大利餐廳，必食！韓風芝士焗青口 $29青口有少少渣，不過個汁令人好開胃。類似係酸辣味嘅千島醬汁，仲有拉絲芝士。千島海鮮薄餅 $35餅底少少脆，有蟹柳同磨菇。小朋友應該會好鍾意食。白汁芝士焗西蘭花 $29西蘭花唔會太硬，芝士白汁同西蘭花係絕配，必食！脆香南瓜薯餅 $35炸得鬆脆，唔會油淋淋，南瓜肉係天然嘅甜味，每次都會食。忌廉紅豆冰冰 $11紅豆比較少，略甜，店長話下次可以叫少甜喎。不過價錢好平，平過茶餐廳。熱蜂蜜花梨蜜 $11甜度適中，幾潤喉。食物係茶餐廳價錢，但種類繁多，一次可以叫幾款小食好滿足！

那天有事約了朋友入元朗，去到千色店後面，看見這間餐廳近乎座無虛席，就入去試一試。餐廳裝修特別，牆上掛上許多水手佈置。我們沒有吃早餐，又特別肚餓，怕套餐份量不夠，因此點了三個小吃和兩個主食。椒鹽魷魚鬚 炸得十分香脆並且非常少油，食起來少一份罪惡感蜜燒葡萄柚子雞翼 酸酸甜甜 味道不錯 白汁芝士焗西蘭花 份量比預期多 ，差不多有一整個西蘭花。芝士味不算濃，是清新選擇米蘭烤一級豬扒（配上魔鬼汁） 豬扒不會韌，幸好（似乎）沒有我最怕的鬆肉粉。魔鬼汁即是黑椒汁，比較惹味。我的朋友點了韓國艦隊泡菜麵 配料跟部隊拉麵近乎一樣，辛辣麵配上腸蛋午餐肉，多了塊漢堡扒。他說好彩用上辛辣麵而不是公仔麵，感覺良好多了。整體來說，這裏的性價比算高，茶餐廳價錢配上有趣裝修，加上菜式選擇多，根本不只意日法，怪不得人頭湧湧。

落大雨馬上就近搵間餐廳落腳，見到依間都幾大坐得幾舒服就坐低左。其實好多野揀，但屋企人想食排，兩個人又食唔多野，就決定嗌小食。嗌左飲品先，檸檬巨峰提子梳打，加左檸檬更加清爽。仲有葡萄柚子蜜，比得幾足料，好味。上左個蜆先，白酒汁煮蜆，都幾多下，偏清淡口味，幾香，唔滯。胡麻豆腐沙律，新鮮清新😋如果多啲汁就好。主菜係個排，七成熟，夠稔，老人家都食到。粟米好甜，蛋好味有蛋香，仲要係太陽蛋💕鮮炸魷魚鬚，熱辣辣，份量都夠多，香口野就邊個都中意食😋芝士西蘭花，有埋菇係上面。

今朝做嘢一肚氣我唔能夠再食set lunch刻薄自己！ 散叫！ 叫好啲！ 特級牛扒 + 和風蝦餅 再加個焦糖咖啡。 牛扒要7成，切開裏面仲係一片粉嫩。我估鐵板上嘅原故， 應該係牛扒五成嘅時候已經放上鐵板，上枱之後食左一陣配菜，牛扒就變成七成 。 好多時你去茶餐廳食牛扒根本食唔到牛味， 呢度嘅牛扒又唔錯喎，牛扒依然食到牛味！牛扒跟咗一個玄米油煎蛋， 其實我唔知玄米油係咩味，不過平時用花生油粟米油同埋橄欖油煎蛋會有一浸油味，今日呢個玄米油煎蛋就係好清嘅蛋味 小食今次試咗蝦餅蝦，唔错！仲想試下佢個柚子雞翼， 今日一條友食唔到。 下次！

今日又同朋友去元朗搵好野食！係openrice搵咗間好似幾ok嘅餐廳，意法日咩都有～我地兩個人一人叫咗一樣野食同飲品，再加多一個青瓜手撕雞～青瓜手撕雞個份量幾多，雖然青瓜比雞絲多，但整體都ok👍🏻加咗麻醬之後真係好好食，手撕雞好嫩，唔"鞋"口。青瓜好fresh，而且好爽口😋朋友叫咗個鐵板牛扒，好耐無食過啦😝件扒叫咗7成熟，但食落一點都唔會韌，亦唔係好大陣醃料味～仲有好多蔬菜同薯角做伴碟，再加多隻煎蛋，份量真係好足👍🏻薯角炸得好脆，好香口熱辣辣！我就叫咗呢個芒果焗烏冬，覺得幾搞笑，試下會唔會中伏😂雖然一開始食落去會覺得有啲怪，因為未試過食甜嘅烏冬，感覺好搞笑。芒果汁甜得嚟有少少酸，好似食緊甜品咁。但食耐咗又覺得接受到，芒果愛好者可以一試😂我同朋友一人一杯野飲，覺得好甜，不過幾大杯都抵飲～整體嚟講食物選擇都幾多，同埋有啲都幾特別😂都可以試下，價錢中等～

見到開左1段時間。難得有機會終於可以試下。因為要睇車關係。突登等窗口位。後來等到窗口既隔離位。都睇到車就ok啦坐左1陣之後侍應姐姐問我係咪要窗口位需唔需要轉。幫我留住。姐姐服務好好之後點野食啦。哇。都幾多選擇喎最後叫左焗海鮮飯。雞翼。牛扒。魷魚鬚。d野食好快就到。。除左牛扒其他都係微暖的。全部都1早整定牛扒要5成熟。變左7成熟。。之後諗住拎隻碟仔。叫侍應同舉手舉左好耐。都無人見到聽到。總結:食物味道1般。全部整定再拎出泥既。服務1般般。有好有唔好。個場得3.4個侍應可能顧唔到咁多野掛。。價錢ok既。唔會貴。

成日經過， 見到佢餐牌咁多款色，都望兩眼， 今日終於有機會坐底食。餐廳非常闊落，但仍坐無虛席， 好在我地快人一步， 後面來的都要攞飛等位。 牆上掛左唔少海盜既裝飾， 非常貼題。 先黎一個芝士香芒烤雞焗手打烏冬＄50大大塊雞扒配埋香甜既芒果醬汁，食落去有淡淡甜味，難得家姐食到咁開胃。紐倫堡香草蛇形腸$46賣相的確唔錯，香草味濃，有埋酸洋蔥伴碟，拍得住高級西餐廳小食方面，揀左我至愛，熱辣辣新鮮炸出來既爆脆雞翼$28，名副其實爆脆； 肉質幾林既蒜香牛柳粒＄38同埋最出名既椒鹽魷魚鬚$38，連老公都激讚話好鬆脆。食到飽飽，但係見到隔離叫咗杯忌廉紅豆冰$22，貪心的爸爸同家姐都忍唔住都要試吓。至於咁健康嘅我,就梗係試一試呢柸龍舌蘭檸檬生薑蜜$24，佢話用咗果糖代替白砂糖水,飲落的確冇咁甜，而且薑味唔會太辣，開胃醒神。

細佬0岩0岩加入左單身行列 lol 晚晚都想搵人陪佢食飯，今晚就同細佬就去試下呢間～入面好大間呢～～有點意想不到～肚仔好餓，嗌左小食先～點左南瓜薯餅同魷魚鬚WO，兩款都熱辣辣好脆口丫～南瓜餅好足料，南瓜味好夠！睇睇個MENU～價錢算好平呢～～～～再有點意想不到～哈哈～Menu 選擇好多，基本上中西日韓台既食物都有，相信成為左附近住宅既飯堂～飲品都好多特色飲品。大家都係忌廉紅豆冰，細佬果個加埋奶茶細佬嗌左紐約芝士漢堡好大件啊，個牛柳好厚身，好JUICY配埋個焗得剛剛好的芝士，好香啊～我就點左個船長龍蝦汁海鮮意式燴珍珠飯WO！有點意想不到，一人份都有咁大件長腳蟹～～正～飯煮得剛剛好，有D似意大利飯粒粒飯都沾滿龍蝦汁，加埋滿滿的香草，好味道～下次要再泥試試其他野～

前幾日響Facebook「今天只想食玩瞓JoeKi」睇到有條短片介紹呢間餐廳既西式早餐，當堂即時隔住個螢幕都已經流晒口水，因為兩位主持人食得太過癮了，所以忍唔住要試下入到餐廳，佈置都幾特別，與餐廳名非常貼題，位與位之間算係寬敞（起碼對於懷孕八個月既我黎講算係舒適）火腿通粉：雖然跟餐加$6，並無因此而馬虎，湯底非常香濃美味，配料亦足料，唔錯牛扒煎蛋配大牛角飽：牛扒以早餐黎講尚算厚身，煎香後落左醬油汁味道異常匹配，連隻蛋都沾了醬油香味，而大牛角飽非常鬆脆可口，值得推介蒜香多士：味道都ok沙嗲牛肉煎蛋配韓國芝士麵：沙嗲牛肉非常香濃，不過明明見FB短片主持人介紹碗麵時都話有塊芝士，但我個碗就無，唔確定是否漏左定點我個碗麵：FB主持人碗麵：

又來到西菁街一帶覓食這晚與朋友來到一間多國菜餐廳。看門面以為食物會有點貴，誰不知實際是超抵食！室內也裝飾得很有船長的感覺，挺有趣呢。看到餐牌有超抵食的四人餐而且免加一。不過這晚與朋友兩人晚餐，未有嘗試這個超抵四人餐呢。我本身就愛喝餐湯。這個白湯令人很驚喜，雖則是普通一個白湯，但忌廉味真的很香，而且雞蓉一顆顆的很有咬口。白酒汁十分creamy！也浸滿了碟子，蜆的份量挺足呢。選了黑椒汁牛扒不韌呢，入口綿綿的感覺配上太陽蛋也是很creamy的卡邦尼份量也十分足夠！外皮炸得挺香脆呢。我喜歡甜甜的咖啡，而這個咖啡真的挺合我心意呢。份量足夠、價格便宜，而且食物質素很不錯的多國菜餐廳

經過好多次, 今日幾個FD食飯終於決定要試下, 點知一試真係不得了!!最正既係有多種選擇價錢又唔貴二人餐$188有蝦沙律, 黑醋份量好夠紅白湯黑松露蜆珍珠飯淡淡既松露香, 超多蜆重點係珍珠飯一D都唔膩佢唔算係意大利飯, 因意大利飯質感比較重, 食到最後好易會覺得太FULL哩個都係用忌廉汁煮, 但質感係比較清爽, 但米粒又好彈牙成個食晒都KO芝士肉醬意大利麵選用既唔係普通餐廳用果D平價粗意粉係扁意粉, 軟身得黎又有咬口而芝士份量都好夠夏威夷薄餅用既材料唔算好特別, 最特別係個餅底夠脆, 口感好好以上咁多都係個二人餐入面的, 原本以為主菜3揀2, 原來有晒, 份量仲唔少, 仲有2杯特飲, 勁抵食!!另外仲嗌左 紐西蘭極級牛排$75一百蚊唔洗就有哩個質素, 物超所值雖然有少少根, 但肉質非常軟滑又夠嫩, 7成熟都唔覺得韌最滿意係個黑椒汁, 出面好多都係帶甜既哩個係有辣度的真黑椒, 熱辣辣食好過隱脆雞翼$28炸脆既雞翼上面淋左滿滿既蜜糖, 都幾甜, 適合擺教後食4人食3百蚊有找, 卡位又坐得舒服聚會平食好選擇

有時候都會有糧尾既時候，又想食好西，但又想平食又大件，聽朋友講起元朗有間抵食又大件既餐廳，結果跟朋友去食左個晚飯。餐廳裝潢以船務為主，有船艦駄盤、船錨、救生圈、船的圖案等，更用上一束束吊燈，形造置身船身之中。餐廳空間感好大，座位好鬆動，大多都是以卡位形式，舒適自在。🍽🍹餐牌的食物選擇好多款，不同種類都有，價錢相當經濟，仿似下午茶價錢，晚餐份量，仲要免加一服務費。最後點選了：「晚市日式定食:香川鹽燒鯖魚$78」、「船長龍蝦汁海鮮意式燴珍珠飯$78」、「米蘭炸一級豬扒$65」、「蜜燒葡萄柚子雞翼$28/4隻」、「維也納煙燻蛇形腸$48」、「椒鹽魷魚鬚$38」、「白汁芝士焗西蘭花$29」、「忌廉紅豆奶茶冰冰(跟餐飲)」、「蜂蜜花梨蜜$22(熱)」。🐟🍚🦑🦐🐙🐚🐷🍳🍖🌳🍹「晚市日式定食:香川鹽燒鯖魚$78」日式定食包含有: 雙目珍味併盤(青瓜、螺肉)、海蜆麵豉湯、珍珠白飯、香川鹽燒鯖魚、特飲1杯。珍珠白飯拌上飯素，香口惹味又開胃。食鯖魚時，榨上檸檬汁，酸酸地幾開胃，而整條魚去除骨，方便進食。🐟🍵🍚🍹「船長龍蝦汁海鮮意式燴珍珠飯$78」材料包括: 龍蝦、青口、魷魚、蝦粒、蟹柳等材料。飯質適中煙韌